Lajmet

“Kini frikë dhe prisni më të keqen” – Sulme masive kibernetike në faqet e qeverisë ukrainase

Disa faqe janë pezulluar për të parandaluar përhapjen e sulmit.

Publikuar

2 ditë më parë

më

Një sulm masiv kibernetik që paralajmëroi ukrainasit të “kishin frikë dhe të presin më të keqen” goditi faqet e internetit të qeverisë vonë të enjten, duke lënë disa faqe të paarritshme të premten në mëngjes dhe duke nxitur Kievin të hapë një hetim.

Zëdhënësi i Ministrisë së Jashtme të Ukrainës i tha Reuters se ishte shumë herët për të thënë se kush mund të qëndronte pas sulmit, por tha se Rusia kishte qenë pas sulmeve të ngjashme në të kaluarën.

Sulmi kibernetik, i cili goditi ministrinë e jashtme, kabinetin e ministrave dhe këshillin e sigurisë dhe mbrojtjes, ndër të tjera, vjen pasi Kievi dhe aleatët e tij kanë ngritur alarmin për një ofensivë të re të mundshme ushtarake ruse kundër Ukrainës.

“Është shumë herët për të nxjerrë përfundime, por ka një histori të gjatë të sulmeve ruse (kibernetike) kundër Ukrainës në të kaluarën”, tha zëdhënësi i ministrisë së jashtme për Reuters, transmeton UBT News.

“Ukrainasë! Të gjitha të dhënat tuaja personale u ngarkuan në rrjetin publik. Të gjitha të dhënat në kompjuter janë shkatërruar, është e pamundur t’i riktheheni”, shkruhej në një mesazh në faqet e hakuara të qeverisë, i shkruar në ukrainisht, rusisht dhe polonisht.

“Të gjitha informacionet për ju janë bërë publike, kini frikë dhe prisni më të keqen. Kjo është për të kaluarën, të tashmen dhe të ardhmen tuaj”.

Qeveria më vonë tha se kishte restauruar shumicën e faqeve të prekura dhe se asnjë e dhënë personale nuk ishte vjedhur. Një numër i faqeve të tjera të internetit të qeverisë janë pezulluar për të parandaluar përhapjen e sulmit, u tha nga qeveria.

Marrëdhëniet midis Ukrainës dhe Rusisë u shembën pas aneksimit të Krimesë nga Moska më 2014 dhe shpërthimit të luftës midis forcave të Kievit dhe separatistëve të mbështetur nga Rusia në Ukrainën lindore po atë vit.

Ukraina ka pësuar një seri sulmesh kibernetike që nga viti 2014, të cilat kanë lënë jashtë furnizimit me energji elektrike, kanë ngrirë bazat e supermarketeve dhe kanë detyruar autoritetet të mbështesin monedhën hryvnia pasi sistemet e IT të bankave kishin rënë.

Ukraina beson se sulmet janë pjesë e asaj që ajo e quan “luftë hibride” e Rusisë kundër Ukrainës dhe aleatëve të saj./UBTNews/

Lajme të ndërlidhura
Vazhdo të lexosh

Lajmet

​Masa të reja për hyrje në Slloveni

Vendimi hyn në fuqi të hënën, më 17 janar.

Publikuar

57 minuta më parë

më

16 Janar, 2022

nga

Vlefshmëria e certifikatës për vaksinimin dhe shërim nga COVID-19 për ata më të vjetër se 18-vjeç po zgjatet nga gjashtë në nëntë muaj dhe vendimi do të zbatohet nga 1 shkurti, njoftoi Qeveria e Sllovenisë në faqen e saj zyrtare në internet.

Autoritetet sllovene kanë marrë gjithashtu një vendim që një person i dërguar nga policia në karantinë shtatëditore kur hyn në Slloveni nuk mund ta ndërpresë atë pas pesë ditësh me një test negativ PCR.

Vendimi hyn në fuqi të hënën, më 17 janar, është publikuar në faqen e Ministrisë së Punëve të Brendshme të Sllovenisë.

Masat e reja në Slloveni janë në fuqi që nga 10 janari për shkak të përhapjes së variantit omicron të koronavirusit, të cilat përfshijnë shkurtimin e vlefshmërisë së testeve negative për hyrje në vend, kështu që testi PCR është i vlefshëm për 48 orë dhe antigjen i shpejtë vetëm 24 orë.

Fëmijët nën moshën 12-vjeç dhe pasagjerët në transit nëpër Slloveni, me kohëzgjatje jo më shumë se 12 orë, përjashtohen nga detyrimi për të pasur dokumente COVID për hyrje në Slloveni.

Vazhdo të lexosh

Lajmet

Jimmy Donaldson, njeriu me fitimet më të mëdha nga YouTube për vitin 2021

Donaldson tejkaloi për nga fitimet 10-vjeçarin Ryan Kaji, i cili kryesoi listën e përvitshme dy vitet e fundit.

Publikuar

2 orë më parë

më

16 Janar, 2022

nga

Jimmy Donaldson, 23-vjeçar me prejardhje nga Amerika, i njohur ndryshe edhe si MrBeast, ishte më i paguari i vitit 2021 nga YouTube, sipas Forbes. Ai ka gjeneruar më shumë se 10 miliardë shikime në platformë dhe arriti 54 milionë dollarë fitime.

Donaldson tejkaloi për nga fitimet 10-vjeçarin Ryan Kaji, i cili kryesoi listën e përvitshme dy vitet e fundit.

Bashkërisht, dhjetë “YouTuber-ët” më të paguar arritën shifrën 300 milionë dollarë në vitin 2021, sipas revistës amerikane.

Në vendin e dytë renditet Jake Paul, kjo shënon edhe pozicionimin e tij të parë në topdhjetëshe që nga viti 2018, dhe vëllai i tij Logan, i cili u rikthye, meqë mungoi që nga viti 2017.

Gjatë pandemisë, shumica e mediave tradicionale e patën të vështirë të përshtaten. Filmat u shtyen, oraret e telenovelave u ndryshuan dhe lansimi i videolojërave u shtye. Për platformën YouTube, kjo mund të konsiderohet një “lloj shpërthimi”.

Sipas ekspertëve, në vitin 2021, kjo platformë kishte 2.3 miliardë përdorues në nivel botëror. YouTube thotë se një miliard orë përmbajtje vizuele konsumohen në platformë çdo ditë./UBTNews

Vazhdo të lexosh

Art

Një faqe e librit rreth historisë së Spider-Man u shit për 3 milionë dollarë

Rekordi i mëparshëm për një faqe të një libri komik amerikan ishte 657 mijë e 250 dollarë.

Publikuar

3 orë më parë

më

16 Janar, 2022

nga

Vetëm një faqe e një libri komik të vitit 1984 për Spider-Man, u shit në ankand të enjten për një çmim 3.36 milionë dollarë.

Krijimtaria artistike e Mike Zeck për faqen 25 nga “Secret Wars No. 8” të Marvel Comics sjell paraqitjen e parë të kostumit të zi të Spidey. Kostumi simbiotik përfundimisht do të çonte në shfaqjen e personazhit Venom.

Rekordi i mëparshëm për një faqe të një libri komik amerikan ishte 657 mijë e 250 dollarë. Këtë rekord e mbante një faqe e librit “The Incredible Hulk” të vitit 1974.

Të enjten po ashtu edhe disa kopje të mbetura të “Action Comics No.1”, u shitën për 3.18 milionë dollarë, duke e vënë atë në mesin e librave më të shtrenjtë të shitur.

Asnjë nga shitësi apo blerësit nuk u identifikuan./UBTNews

Vazhdo të lexosh

Film & TV

Priyanka Chopra reagon pas thashethemeve për ndarjen nga Nick Jonas

Në nëntor të vitit të kaluar filluan thashethemet se martesa e tyre trevjeçare po shkonte drejt fundit.

Publikuar

4 orë më parë

më

16 Janar, 2022

nga

Ylli i Bollywood-it, Priyanka Chopra foli rreth spekulimeve për martesën e saj me muzikantin Nick Jonas. Çifti i njohur u martua në dhjetor të vitit 2018 me ceremoni ekstravagante kristiane dhe hindu.

Sidoqoftë, në nëntor të vitit të kaluar filluan thashethemet se martesa e tyre trevjeçare po shkonte drejt fundit.

Në revistën Vanity Fair, storie kjo që do të publikohet në muajin shkurt, Chopra diskutoi rreth asaj se si kontrolli i vazhdueshëm i mediave ndryshoi mënyrën se si ajo drejton karrierën dhe jetën e saj personale.

“Është një ndjenjë shumë e keqe realisht që nëse postoj një foto, gjithçka që është pas meje në atë foto do të zmadhohet dhe njerëzit do të spekulojnë”, pranoi ylli i “Matrix Resurrections”. “Është thjesht një rrezik profesional… Për shkak të zhurmës së mediave sociale, për shkak të përhapjes që ka në jetën tonë, mendoj se duket shumë më e madhe se sa është. Mendoj se i japim shumë më tepër besim në jetën reale dhe nuk mendoj se ka nevojë për këtë”, deklaroi ylli.

Kurse bashkëshorti i saj, kohë më parë në një intervistë kishte deklaruar se dyshja kanë krijuar “kufij” për të siguruar një nivel privatësie dhe “kanë krijuar një strehë të vogël dhe të sigurt për veten”./UBTNews

Vazhdo të lexosh

Të kërkuara