Lajmet

Kinë: Mbi një milion njerëz mund të vdesin si pasojë e COVID në vitin 2023

Një model statistikor i publikuar nga healthdata.org parashikon se 1.6 milion njerëz mund të vdesin deri në fund të vitit.

Published

4 years ago

on

Kur Kina lehtësoi politikën e saj zero-COVID në fillim të dhjetorit, vëzhguesit ndërkombëtarë paralajmëruan se do të ketë shpërthim masive të pandemisë në popullatën kineze, së cilës, u vlerësua, i mungon imuniteti i mjaftueshëm i tufës ose mbrojtja nga vaksinat.

Një model statistikor i publikuar nga healthdata.org parashikon që 300 mijë njerëz mund të vdesin nga COVID-19 deri në prill të vitit 2023 dhe 1.6 milion njerëz mund të vdesin deri në fund të vitit.

“Infeksionet janë në rritje të madhe dhe spitalet janë të mbingarkuar. Është e sigurt që situata po del jashtë kontrollit, të paktën në Pekin dhe qytete të tjera të mëdha”, tha Björn Alpermann, një sinolog në Universitetin e Würzburgut në Gjermani.

Më 19 dhjetor, një epidemiolog i shquar, Eric Feigl-Ding, shkroi në Twitter se situata s’është e mirë. Feigl-Ding parashikoi se “mbi 60% e popullsisë së Kinës dhe 10% e popullsisë së Tokës mund të infektohet gjatë 90 ditëve të ardhshme”.

Nuk dihet se sa njerëz janë aktualisht të infektuar me COVID-19 në Kinë apo numri i atyre që kanë vdekur së fundmi nga sëmundja.

Oliver Radtke i cili jeton në Pekin dhe është përfaqësuesi kryesor i Fondacionit Heinrich Böll, një fondacion politik i pavarur i lidhur me të Gjelbrit të Gjermanisë, tha se është e pamundur të dihet se sa e rëndë është vala aktuale e COVID bazuar në statistikat zyrtare.

“Duke gjykuar rreptësisht nga provat personale, duke lëvizur nëpër WeChat [media sociale] dhe duke biseduar me kolegë dhe miq, mendoj se rreth një e treta në qytet është e sëmurë, një e treta po kujdeset për të sëmurët dhe një e treta thjesht nuk guxon të dalë jashtë”, tha Radtke për DW.

Mungesa e statistikave të sakta për situatën aktuale të COVID në Kinë i bën të vështira parashikimet për vdekjet dhe sëmundjet.

Shumë ekspertë shëndetësorë jashtë Kinës kanë qenë kritikë për efektivitetin e vaksinave kineze nga Sinovac dhe Sinopharm në krahasim me vaksinat mRNA, të tilla si BioNTech-Pfizer dhe Moderna – dhe NHC po administron vetëm vaksinat e prodhuara në Kinë.

Ekspertët thonë se shkalla aktuale e infeksionit dhe e vdekjeve në Kinë mund të jetë për shkak se vendi ka një nivel më të ulët të imunitetit të popullsisë sesa në vendet e tjera./UBTNews/

Related Topics:
Continue Reading

Lajmet

Arrestohet në Prizren i dyshuari për keqpërdorim të të dhënave bankare të shtetasve amerikanë

Published

6 hours ago

on

July 16, 2026

By

Policia e Kosovës, në bashkëpunim me Prokurorinë Speciale të Republikës së Kosovës dhe autoritetet e Shteteve të Bashkuara të Amerikës, ka arrestuar një person në rajonin e Prizrenit, i dyshuar për keqpërdorim të të dhënave bankare dhe personale.

Sipas komunikatës së përbashkët, i dyshuari kishte siguruar në mënyrë të paautorizuar të dhëna të kartelave bankare dhe të dhëna personale, kryesisht të shtetasve amerikanë, të cilat më pas i kishte vënë në dispozicion për keqpërdorim përmes platformave të ndryshme online, me qëllim përfitimi të kundërligjshëm.

Gjatë aksionit, të realizuar me urdhër të gjykatës, janë sekuestruar edhe prova relevante për rastin.

Me vendim të prokurorit, i dyshuari është ndaluar për 48 orë, ndërsa hetimet do të vazhdojnë në koordinim me autoritetet amerikane./A.K/

Continue Reading

Lajmet

Tërmet 5.9 ballë godet Zelandën e Re

Published

6 hours ago

on

July 16, 2026

By

Një tërmet me magnitudë 5.9 ka goditur qytetin Te Anau në Ishullin Jugor të Zelandës së Re, duke shkaktuar lëkundje të forta, por pa raportime të menjëhershme për të lënduar apo dëme materiale.

Epiqendra ishte rreth 40 kilometra në veri të Te Anaut, pranë rajonit turistik Fiordland.

Fillimisht autoritetet vlerësuan magnitudën në 6.3 dhe lëshuan paralajmërim për cunami, duke u bërë thirrje banorëve të zonave bregdetare të zhvendoseshin në vende më të sigurta.

Pas rishikimit të të dhënave, magnituda u ul në 5.9, paralajmërimi u zbut dhe më pas u anulua plotësisht./A.K/

Continue Reading

Lajmet

Gjykata Supreme ndryshon dënimin për Edmond Lajqin: Nga burgim i përjetshëm në 30 vjet burg

Published

7 hours ago

on

July 16, 2026

By

Gjykata Supreme e Kosovës ka aprovuar pjesërisht ankesën e mbrojtjes së të pandehurit Edmond Lajqi, duke ndryshuar vendimin për dënimin e tij të shqiptuar nga Gjykata Themelore në Pejë dhe Gjykata e Apelit.

Sipas vendimit të ri të Supremes, Lajqit, i cili është shpallur fajtor për veprat penale të vrasjes së rëndë dhe mbajtjes në pronësi të paautorizuar të armëve, i është zbutur dënimi nga burgimi i përjetshëm në 30 vjet burgim efektiv. Gjykata ka vendosur që në këtë dënim t’i llogaritet edhe koha e kaluar në paraburgim që nga data 16 prill 2024, ndërsa në pjesët e tjera, aktgjykimet e shkallës së parë dhe të dytë kanë mbetur të pandryshuara.

Ndonëse Supremja konstatoi se gjykatat më të ulëta e kishin vërtetuar drejt fajësinë dhe cilësimin juridik të veprave, ajo gjeti se ato nuk e kishin zbatuar drejt nenin 41 të Kodit Penal sa i përket shqiptimit të dënimit me burgim të përjetshëm. Në arsyetimin e saj, Gjykata Supreme sqaroi se një pjesë e rrethanave të cilësuara si veçanërisht rënduese nuk kishin mbështetje në prova, kurse disa të tjera përbënin elemente të vetë veprës penale dhe nuk mund të përdoreshin sërish për të justifikuar masën më të rëndë ndëshkimore.

“Burgimi i përjetshëm mund të shqiptohet vetëm në raste kur ekzistojnë rrethana veçanërisht rënduese që e dallojnë qartë rastin konkret nga rastet e zakonshme të së njëjtës vepër penale dhe kur një dënim më i butë nuk do të ishte proporcional me peshën e veprës dhe fajësinë e kryerësit”, thuhet në vendimin e Gjykatës Supreme.

Duke u bazuar në parimin e individualizimit dhe proporcionalitetit, si dhe në praktikën e Gjykatës Evropiane për të Drejtat e Njeriut, Gjykata Supreme vlerësoi se ky standard ligjor nuk ishte plotësuar për dënimin maksimal, duke argumentuar se dënimi i ri i vendosur prej 30 vitesh përmbush plotësisht efektin e drejtësisë.

“Dënimi me 30 vjet burgim është proporcional me peshën e veprës penale, shkallën e fajësisë dhe rrezikshmërinë e të pandehurit dhe me këtë dënim mund të realizohet qëllimi i dënimit, si në aspektin e parandalimit individual ashtu edhe të atij të përgjithshëm” thuhet në vendim.

Continue Reading

Lajmet

Ish-drejtori i kompanisë së autostradave në Itali dënohet me 12 vjet burg për shembjen e urës Morandi

Published

7 hours ago

on

July 16, 2026

By

Ish-drejtuesi i kompanisë Autostrade per l’Italia, Giovanni Castellucci, është dënuar me 12 vjet burgim për shembjen e urës Morandi në Xhenova, ku humbën jetën 43 persona në gusht të vitit 2018.

Vendimi u mor nga gjykata në Xhenova, ndërsa prokurorët kishin kërkuar një dënim më të ashpër për Castelluccin, i cili ishte në mesin e 57 të pandehurve në këtë proces gjyqësor.

Ura u shemb gjatë një stuhie shiu, duke bërë që automjete dhe kamionë të binin nga lartësia. Tragjedia ndodhi në kulmin e sezonit turistik dhe konsiderohet një nga fatkeqësitë më të rënda infrastrukturore në Itali.

Një tjetër ish-zyrtar i lartë i kompanisë, Michele Donferri Mitelli, u dënua me 11 vjet burgim.

Familjarët e viktimave e mirëpritën vendimin. Emmanuel Diaz, i cili humbi vëllanë në tragjedi, tha se ishte “shumë i kënaqur” me vendimin e gjykatës, ndërsa Egle Possetti, që humbi motrën dhe familjen e saj, e cilësoi dënimin ndaj Castelluccit si “të pranueshëm”.

Castellucci aktualisht po vuan edhe një dënim tjetër prej gjashtë vitesh burgim për një aksident të rëndë rrugor të ndodhur në vitin 2013./A.K/

Continue Reading

Të kërkuara