

Bota
Kina nuk raporton asnjë rast të ri të infeksionit brenda vendit
Published
5 years agoon
By
Esad DujakaKina nuk po raporton asnjë rast të ri të infeksionit brenda vendit, por vetëm raste të izoluara nga personat që kthehen nga jashtë. Situata e mirë epidemiologjike në vend ka bërë që të hiqet detyrimi për maskat në rrugët e kryeqytetit.
Autoritetet e shëndetësisë në kryeqytetin kinez nuk do aplikojnë më detyrimin për mbajtjen e maskave në ambientet e jashtme.
Pasi u pezullua si masë në muajin prill, rregulli u rikthye në qershor me përhapjen e vatrave të reja në pikat tregtare të qytetit.
Por prej gati dy javësh, Pekini nuk raportuar asnjë person të ri bartës të koronavirusit ndërsa infeksioni lokal është arritur të kontrollohet.
Politika e maskave, vetëkarantinimi në shtëpi i personave me simptoma dhe pjesëmarrja në testime masive, sipas ekspertëve, janë faktorët kyç që e kanë përmirësuar situatën.
Të premten, pavarësisht lehtësimit të kufizimeve, një pjesë e madhe e këmbësorëve në Pekin treguan se do vazhdojnë të mbajnë maskat, shpeshherë edhe pres trysnisë shoqërore.
“Se kur do ta heq maskën, nuk e them dot, por në zonat publike me shumë njerëz përqark, maskën do e mbaj sepse më jep njëfarë sigurie.”
“Unë mendoj se mund ta heq maskën në çdo kohë, por do shoh a e pranojnë të tjerët. Sepse kam frikë se njerëzit do frikësoheshin po të më shihnin pa maskë.”
“Tani maska është normë për këdo. Kur dalim me fëmijët në park, mund ta heqim, por në markete, në autobusë, maskat duhen mbajtur, edhe pse pandemia është drejt fundit.”
Kina të premten raportoi 22 raste të reja me kovidin-19, të gjitha të importuara nga jashtë ndërkohë që vendi u ka mbyllur kufijtë shumicës së shtetasve të huaj.
Në total, rreth 80 mijë persona e kanë mundur sëmundjen vdekjeprurëse, ndërsa të paktën 4,600 veta nuk i kanë mbijetuar infeksionit që u përhap fundvitin e kaluar nga qyteti i Uhanit.
Vendi nuk po lë pas as përpjekjet për zhvillimin e një vaksine që do i jepte realisht zgjidhje situatës.
Faza e tretë dhe e fundit e testimit te njerëzit në botë nisi të enjten me Perunë.
“Vaksinat përdoren për qëllime parandalimi nga njerëzit e shëndetshëm. Vaksinat kineze do të jenë në dispozicionin për publiku e gjerë në mbarë botën dhe jo shumë të kushtueshme. Dy injeksione në harkun e 28 ditëve do të jepnin efektin më të mirë, për sa i përket shtimit të shpejtë të antitrupave në organizëm,” tregojnë shkencëtarët kinezë, teksa përgatiten për prodhimin e rreth 200 milionë dozave çdo vit.

Një tërmet me magnitudë 5.4 ballë tronditi Iranin juglindor herët të martën në mëngjes, me epiqendrën rreth 139 kilometra në jug të Bamit në provincën Kerman.
Tërmeti ndodhi në orën 08:36 të mëngjesit sipas kohës lokale (05:06GMT), në një thellësi prej afërsisht 56.7 km (35.2 mi), sipas Shërbimit Gjeologjik të SHBA-së, shkruan Anadolu.
Megjithatë, deri më tani nuk janë konfirmuar lëndime ose dëme strukturore.
Irani ndodhet në një rajon sizmikisht aktiv dhe ka përjetuar shumë tërmete shkatërruese në vitet e fundit. Më katastrofik në historinë e kohëve të fundit të vendit ndodhi në vitin 2013, kur një tërmet me magnitudë 6.7 ballë goditi qytetin e Bamit, duke vrarë të paktën 34,000 njerëz.
Në korrik 2022, një tërmet me magnitudë 6.1 ballë goditi provincën jugore të Hormozgan, përgjatë bregdetit të Gjirit Persik, duke vrarë të paktën pesë persona dhe duke plagosur më shumë se 80 të tjerë.
Bota
600 zyrtarë izraelitë i kërkojnë Trumpit t’i japë fund luftës në Gaza
Published
21 hours agoon
August 5, 2025By
UBT News
Një grup prej rreth 600 zyrtarësh izraelitë të sigurisë, që kanë dalë në pension, përfshirë ish-krerë të agjencive të shërbimit sekret, i kanë shkruar presidentit të SHBA-së Donald Trump për të ushtruar presion mbi Izraelin që të përfundojë menjëherë luftën në Gaza, shkruan BBC.
“Është bindja jonë profesionale se Hamasi nuk përbën më një kërcënim strategjik për Izraelin”, theksuan zyrtarët.
“Besueshmëria juaj me shumicën dërrmuese të izraelitëve rrit aftësinë tuaj për të drejtuar kryeministrin Benjamin Netanyahu dhe qeverinë e tij në drejtimin e duhur: për t’i dhënë fund luftës, për të kthyer pengjet dhe për t’i dhënë fund vuajtjeve”, shkruanin ata.
Apeli i tyre vjen në një kohë kur thuhet se Netanyahu po shtyn përpara zgjerimin e operacioneve ushtarake në Gaza, ndërsa bisedimet indirekte për armëpushim me Hamasin kanë ngecur.
Mundësia e një përshkallëzimi të ri në Gaza mund të zemërojë më tej aleatët e Izraelit, të cilët kanë kërkuar një armëpushim të menjëhershëm, ndërsa raportet për palestinezë që vdesin nga uria ose kequshqyerja po tronditin botën.
Grupi kryesor që mbështet familjet e pengjeve dënoi idenë e një ofensive të re ushtarake, duke deklaruar se “Netanyahu po e çon Izraelin dhe pengjet drejt shkatërrimit”.
Ky qëndrim u shpreh në mënyrë të qartë në letrën drejtuar Trump nga ish-shefi i Mossadit, Tamir Pardo, ish-shefi i Shin Bet, Ami Ayalon, ish-kryeministri Ehud Barak dhe ish-ministri i Mbrojtjes, Moshe Yaalon.
“Në fillim, kjo luftë ishte një luftë e drejtë, një luftë mbrojtëse, por kur arritëm të gjitha objektivat ushtarake, kjo luftë pushoi së qeni një luftë e drejtë”, thekson Ayalon.
“Ndalo luftën në Gaza! Në emër të CIS, grupit më të madh të Izraelit të ish-gjeneralëve të IDF-së dhe ekuivalentëve nga Mossadi, Shin Bet, ju nxisim të përfundoni luftën në Gaza. Ju e bëtë në Liban. Është koha ta bëjmë edhe në Gaza”, i shkruan ata presidentit të SHBA-së.
Izraeli përballet me një izolim ndërkombëtar në rritje, ndërsa shkatërrimi i përhapur në Gaza dhe vuajtjet e palestinezëve shkaktojnë zemërim.
Sondazhet në të gjithë botën sugjerojnë se opinioni publik është gjithnjë e më negativ ndaj Izraelit, duke ushtruar presion mbi udhëheqësit perëndimorë për të vepruar.
Bota
Australia dhuron 11 milionë euro ndihma për Gaza
Published
21 hours agoon
August 5, 2025By
UBT News
Qeveria australiane ka njoftuar se do të dhurojë 20 milionë dollarë australianë shtesë (rreth 11,2 milionë euro) për organizatat humanitare që punojnë për të shpërndarë ushqim dhe furnizime mjekësore në Gaza.
Që nga fillimi i luftës, më 7 tetor 2023, Kanberra ka dhuruar 130 milionë dollarë australianë në ndihmë humanitare për civilët në Gaza dhe Liban, sipas një njoftimi për shtyp të publikuar në faqen e internetit të Ministrisë australiane të Punëve të Jashtme, shkruan ANSA.
“Australia i është bashkuar vazhdimisht thirrjes ndërkombëtare që Izraeli të lejojë rifillimin e plotë dhe të menjëhershëm të ndihmës për Gazën, në përputhje me urdhrat detyrues të Gjykatës Ndërkombëtare të Drejtësisë”, komentoi ministrja e Jashtme Penny Wong.
“Vuajtjet dhe uria e civilëve në Gaza duhet të marrin fund”, shtoi ajo.
Aktualitet
Bashkimi Europian pezullon tarifat ndaj SHBA
Published
2 days agoon
August 4, 2025By
UBT News
Bashkimi Evropian ka marrë vendimin për të pezulluar kundërtarifat ndaj mallrave amerikane, një veprim që synon t’i japë fund luftës tregtare midis dy anëve të Atlantikut.
Ky vendim konsiderohet si hap për të qetësuar marrëdhëniet me SHBA-në, sipas La Repubblica.
Burime nga brenda Komisionit Evropian thonë se udhëzimet e presidentes Ursula von der Leyen kanë qenë të qarta. Sipas saj, duhet besuar te Shtetet e Bashkuara të Amerikës dhe të shmanget çdo provokim që mund të ndikojë në prishjen e marrëdhënieve.
Kjo lëvizje strategjike shihet si një përpjekje për të mbajtur hapur negociatat dhe për të shmangur një përshkallëzim të mëtejshëm të tensioneve.

UBT pret në vizitë zyrtare Kryetarin e FFK-së, Agim Ademi – fokus te edukimi dhe inovacioni në sport

Edicioni i ri në Serie-A vjen me risi në ndarjen e drejtësisë

Kriza në Barcelonë, përplasje e hapur mes klubit dhe Ter Stegen

United paraqet megaofertë për sulmuesin slloven

Meta do t’i ndalojë reklamat politike në BE nga tetori

Pesë suplemente që nuk kombinohen mirë me kafenë

Galliani drejt rikthimit te Milani, zbulohet roli i tij

Osmani tërheq kërkesën e saj në Kushtetuese: Gjyqtari Llaban paraqet rrezik për sigurinë kombëtare

S25 arrin 3 milionë shitje në Korenë e Jugut, dy muaj më shpejt se paraardhësi
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit