Ish-kancelarja Angela Merkel ka shkaktuar habi me qëndrimin e saj ndaj liderit të CDU-së, Friedrich Merz, duke ngritur tensione në partinë konservatore. Gjatë një eventi në Hamburg, Merkel u tregua e pavendosur kur u pyet nëse do të preferonte Merz-in apo Robert Habeck-un e të Gjelbërve si kancelar të ardhshëm. Ndërhyrja e saj me një përgjigje të paqartë dhe e shoqëruar me duartrokitje, la të kuptohej se distancimi i saj nga Merz-i mbetet i thellë.

Marrëdhënia e tyre e tensionuar ka rrënjë të vjetra, që nga koha kur Merkel e largoi Merz-in nga postet kryesore të CDU-së, duke e detyruar të largohej nga politika për një kohë të gjatë. Edhe pse muaj më parë ata u shfaqën miqësorë, qëndrimi i Merkel-it ndaj politikës së ashpër të Merz-it për migracionin dhe bashkëpunimi i tij me të djathtën ekstreme (AfD) kanë rikthyer ndarjet brenda partisë.

Kritikat e Merkel-it vijnë në një moment kyç, ndërsa Merz shihet si favorit për të rikthyer CDU-në në pushtet, por qëndrimi i tij ndaj emigracionit mbetet një çështje përçarëse, madje edhe brenda radhëve të konservatorëve./UBTNews/

Zëvendësministri i Mbrojtjes Civile i Greqisë, Christos Trianthopoulos, ka dhënë dorëheqjen për akuzat për manipulim të provave në lidhje me përplasjen e trenave në vitin 2023, ku humbën jetën 57 persona.

Opozita akuzoi Tiantopoulosin se ishte në vendin e aksidentit pa autorizim, gjë që ai e mohoi.

Ai theksoi se ishte në vendin e aksidentit sepse ishte pjesë e planit të qeverisë për të “ndihmuar familjet e viktimave”.

Trianthoplos tha se ai dha dorëheqjen për të lehtësuar gjërat për ministrat e tjerë, duke deklaruar se ai ishte “akuzuar në mënyrë të padrejtë”.

Një përplasje mes dy trenave në Greqinë veriore ndodhi në vitin 2023, kur një tren pasagjerësh dhe mallrash përfunduan aksidentalisht në të njëjtën binar.

Vonesat në hetimin e aksidentit kanë rritur presionin e opozitës ndaj qeverisë përpara përvjetorit të dytë më 28 shkurt.

Aksidenti shkaktoi protesta masive publike dhe polemika politike.

Disa mijëra protestues u mblodhën në qytete të ndryshme të Shteteve të Bashkuara kundër politikave të administratës Trump, nga ofensiva kundër emigrantëve të paligjshëm deri te tërheqja e të drejtave të transgjinorëve dhe propozimi për të larguar palestinezët nga Rripi i Gazës.

Në Austin, disa qindra qytetarë marshuan rrugëve dhe përreth godinës së qeverisë lokale, duke ngritur pankarta dhe parulla.

“Në fund të ditës, ne jemi një vend emigrantësh. Unë vij nga një familje emigrantësh që jetojnë këtu prej gjeneratash. Të gjithë këtu janë emigrantë. Emigrantët e kanë ndërtuar këtë vend dhe e kanë bërë atë që është, ndaj ne nuk mund t’u kthejmë shpinën njerëzve që e ngritën këtë vend dhe që ende kontribuojnë për të,” deklaroi një protestuese.

Protestat ishin rezultat i një lëvizjeje që i organizoi manifestimet online me hashtagjet “Të ngrihet rezistenca” dhe “50 501”, që simbolizon 50 protesta në 50 shtete brenda një dite.

Në faqet online dhe në profilet në rrjetet sociale, lëvizja bën thirrje për aksion me mesazhet “Poshtë fashizmi” dhe “Të mbrojmë demokracinë”.