Lajmet

KGJK i propozon Presidentes 29 kandidatë për gjyqtarë në gjykatat themelore

Kjo pas zhvillimit të procedurave të rekrutimit.

Published

on

Këshilli Gjyqësor i Kosovës (KGJK), pas zhvillimit të procedurave të rekrutimit, i ka propozuar Presidentes së Republikës së Kosovës, kandidatët për tu emëruar gjyqtarë në gjykatat themelore.

Kandidatët e propozuar për t’u emëruar gjyqtarë në gjykatat themelore janë si në vijim:

Shaban Prekalla, në Gjykatën Themelore Prishtinë; Avni Berisha, në Gjykatën Themelore Gjakovë, dega Rahovec; Fisnik Gashi, në Gjykatën Themelore Prishtinë; Driton Ahmeti, në Gjykatën Themelore Ferizaj; Qendresa Tahiri – Islami, në Gjykatën Themelore Mitrovicë; Bajram Cacaj, në Gjykatën Themelore Pejë, dega Deçan; Blerta Kelmendi, në Gjykatën Themelore Pejë; Florid Hasku, në Gjykatën Themelore Gjakovë; Adem Krasniqi, në Gjykatën Themelore Prizren, dega Suharekë.

Po ashtu Driton Sadiku, propozohet në Gjykatën Themelore Gjakovë; Shqipron Sedolli, në Gjykatën Themelore Prizren, dega Suharekë; Lirika Sylaj, në Gjykatën Themelore Pejë dega Istog; Astrit Gashi, në Gjykatën Themelore Prishtinë, dega Gllogovc; Leart Rexhaj, në Gjykatën Themelore Mitrovicë; Nderim Musa, në Gjykatën Themelore Mitrovicë; Marigona Lajqi, në Gjykatën Themelore Mitrovicë; Gentiana Shabani – Haziri, në Gjykatën Themelore Prishtinë; Adelina Jusufi, në Gjykatën Themelore Prishtinë, dega Podujevë; Driton Nocaj, në Gjykatën Themelore Pejë.

Blerina Kurtaj, në Gjykatën Themelore Gjakovë; Petrit Curri, në Gjykatën Themelore Gjakovë, dega Malishevë; Arlind Sharani, në Gjykatën Themelore Prizren; Leotrim Gashi, në Gjykatën Themelore Mitrovicë, dega Vushtrri; Albana Ukshini, në Gjykatën Themelore Prishtinë; Hatixhe Begaj, në Gjykatën Themelore Gjakovë, dega Malishevë; Mersiha Calakovic, në Gjykatën Themelore Mitrovicë; Aferdita Prenaj, në Gjykatën Themelore Prishtinë; Vlerona Maliqi, në Gjykatën Themelore Mitrovicë dhe Agron Karatash, në Gjykatën Themelore Prizren.

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara