Bota
Këto janë vendet me rritjen më të lartë ekonomike në BE
Ekonomia e eurozonës dhe e BE-së në tërësi u rrit nga prilli në qershor 0.2 për qind krahasuar me tre muajt e mëparshëm, kur u rrit 0.3 për qind. Vlerësimet e publikuara në mes të gushtit treguan rritje të aktivitetit në të dyja zonat 0.3 për qind.
Në fillim të qershorit, Zyra Evropiane e Statistikave vuri në dukje se deri në tetor do të publikonte shumicën e të dhënave të rishikuara tremujore dhe vjetore të vendeve anëtare për llogaritë kombëtare dhe bilancin e pagesave, si pjesë e ndryshimeve të harmonizuara në vlerat e referencës dhe përfshirjes në llogaritjet e burimeve të reja të të dhënave dhe ndryshimet në metodologji.
Afër është edhe Kroacia, me rritje të aktivitetit ekonomik nga prilli në qershor 0.8 për qind krahasuar me tremujorin paraprak kur u rrit 1 për qind. E njëjta normë rritjeje u shënua në tremujorin e pranverës nga Spanja. Ekonomitë rumune dhe portugeze u rritën më së shumti 0.1 për qind, ndërsa ekonomia e Estonisë ngeci.
Rënien më të fortë të aktivitetit në nivel tremujor shënoi Irlanda – 1 për qind, pasuar nga Letonia, me rënie të aktivitetit prej 0.9 për qind. Pranë është edhe Austria, bruto prodhimi vendor i së cilës shënoi rënie 0.4 për qind. Ekonomia më e madhe evropiane, ajo e Gjermanisë, u tkurr në tremujorin e dytë – 0.1 për qind.
Krahasuar me të njëjtën periudhë të vitit të kaluar, ekonomia e eurozonës u rrit në tremujorin e dytë 0.6 për qind dhe aktiviteti në BE prej 0.8 për qind, në përputhje me vlerësimet e mesit të gushtit. Në tremujorin e parë, bruto prodhimi vendor i eurozonës u rrit 0.5 për qind dhe ajo e BE-së 0.7 për qind.
Në fillim të vitit, aktiviteti ekonomik në të dyja zonat u largua nga pragu i stagnimit në gjysmën e dytë 2023, sipas Eurostat. Ekonomia e Maltës shënoi rritjen më të fuqishme në tremujorin e dytë me bazë vjetore 4.2 për qind, pasuar nga Polonia dhe Qiproja me ritme rritjeje 4, përkatësisht 3.7 për qind.
Bruto prodhimi vendor kroat u rrit 3 për qind në tremujorin e dytë krahasuar me të njëjtën periudhë 2023. Në tremujorin e parë është më i lartë 3.9 për qind, sipas Eurostat. Spanja është gjithashtu pothuajse e barabartë me Kroacinë në bazë vjetore, me një normë rritjeje në tremujorin e dytë prej 2.9 për qind.
Rënien më të madhe të aktivitetit krahasuar me tremujorin e dytë të vitit të kaluar e ka shënuar Irlanda – 4.1 për qind. Pasojnë Estonia dhe Finlanda, me rënie 1.3, përkatësisht 1.2 për qind./UBTNews/
Presidenti i Ukrainës, Volodymyr Zelensky edhe një herë ka sqaruar se janë mirënjohës për të gjithë mbështetjen që kanë marrë nga Shtetet e Bashkuara të Amerikës.
Volodymyr Zelensky edhe një herë ka theksuar se garantimi I sigurisë, është çelësi për paqe.
“Si rezultat i këtyre ditëve, ne shohim një mbështetje të qartë nga Evropa. Edhe më shumë unitet, edhe më shumë vullnet për bashkëpunim. Të gjithë janë të bashkuar për çështjen kryesore – që paqja të jetë reale, ne kemi nevojë për garanci reale të sigurisë. Dhe ky është pozicioni i gjithë Evropës – i gjithë kontinentit. Mbretëria e Bashkuar, Bashkimi Evropian, Turqia. Sigurisht, ne e kuptojmë rëndësinë e Amerikës dhe jemi mirënjohës për të gjithë mbështetjen që kemi marrë nga Shtetet e Bashkuara. Nuk ka pasur ditë që të mos kemi ndjerë mirënjohje. Është mirënjohje për ruajtjen e pavarësisë sonë – qëndrueshmëria jonë në Ukrainë bazohet në atë që partnerët tanë po bëjnë për ne – dhe për sigurinë e tyre. Ajo që na duhet është paqja, jo lufta e pafund. Dhe kjo është arsyeja pse ne themi se garancitë e sigurisë janë çelësi për këtë”, ka shkruar ai në X.
“Tarifat amerikane ndaj Kanadasë dhe Meksikës do të hyjnë në fuqi të martën, por niveli i tyre do të vendoset nga presidenti Donald Trump”, kështu ka deklaruar Sekretari amerikan i Tregtisë, Howard Lutnick.
Trump ka kërcënuar me vendosjen e një tarife prej 25% mbi importet nga dy fqinjët e SHBA-së. Lutnick konfirmoi të dielën se tarifat do të zbatohen siç është planifikuar, por detajet e sakta do të varen nga negociatat.
Ndërkohë, një tarifë prej 10% për importet kineze pritet gjithashtu të hyjë në fuqi, si pjesë e masave kundër asaj që SHBA e konsideron mungesë veprimi nga Pekini për të ndaluar rrjedhën e fentanilit drejt Amerikës. Nëse këto masa zbatohen, tarifat mbi eksportet kineze në SHBA do të arrijnë në 20%, duke përfshirë një tarifë ekzistuese prej 10% të vendosur një muaj më parë.
Media shtetërore kineze ka raportuar se Pekini ka përgatitur një seri kundërmasash, duke rritur rrezikun e një lufte tregtare të gjerë mes dy superfuqive ekonomike. Sipas gazetës shtetërore Global Times, masat hakmarrëse mund të synojnë produktet bujqësore dhe ushqimore amerikane.
Analistët vlerësojnë se Kina ende synon të shmangë një luftë tregtare të plotë dhe të negociojë një armëpushim me administratën Trump, por deri më tani nuk ka pasur asnjë shenjë të një marrëveshjeje mes dy vendeve. Trump ka deklaruar vazhdimisht se tarifat janë një mjet efektiv për të korrigjuar pabarazitë tregtare dhe për të mbrojtur prodhimin në SHBA.
Kanadaja ka kundërshtuar ashpër tarifat, duke theksuar se ato do të dëmtojnë të dyja ekonomitë. Ministrja kanadeze e Tregtisë së Brendshme, Anita Anand, ka zhvilluar takime me zyrtarë në Uashington dhe ka paralajmëruar një përgjigje të ashpër.
“Ne jemi të përgatitur për çdo eventualitet, por do të mbrojmë ekonominë tonë në çdo hap,” deklaroi Anand për CBC Neës.
Muajin e kaluar, Kanadaja përgatiti një listë me mallra amerikane me vlerë 30 miliardë dollarë, të cilat mund të goditen me tarifa hakmarrëse. Në këtë listë përfshihen produkte të përditshme si makaronat, veshje dhe parfume.
Përveç masave ndaj Kanadasë, Meksikës dhe Kinës, Trump ka njoftuar gjithashtu një tarifë prej 25% për importet e çelikut dhe aluminit, që do të hyjë në fuqi më 12 mars. Gjithashtu, ai ka kërcënuar me tarifa doganore “reciproke” për vendet individuale dhe një tarifë prej 25% për Bashkimin Evropian.
Mohammad Javad Zarif, ish-ministri i Jashtëm i Iranit dhe një avokat i negociatave reformiste me Perëndimin, ka dhënë dorëheqjen pas presionit të ashpër nga fraksionet konservatore të vendit. Zarif, i njohur për rolin e tij në negociatat që çuan në marrëveshjen bërthamore të vitit 2015, shpalli dorëheqjen përmes një postimi në internet, duke theksuar se ishte larguar pas një periudhe të vështirë në karrierën e tij.
Dorëheqja e tij pasoi edhe shkarkimin e Abdolnaser Hemmati si ministër i Ekonomisë nga ligjvënësit konservatorë. Kundërshtarët e Zarifit, përfshirë ata që janë pro vijës së ashpër, e kanë akuzuar për dobësimin e monedhës kombëtare dhe për ndikimin e tij në ekonominë e Iranit./UBTNews/
Osmani priti sot në takim Ambasadorin e Bashkimit Evropian në Kosovë, Aivo Orav
Vlera e pasurive të sekuestruara arrin mbi 3.7 milionë euro në tre muajt e fundit të 2024
Zelensky shpreh mirënjohje për SHBA: Na duhet paqja
Në Aeroport me afër 150 pako me cigare, tentoi të udhëtonte drejt Londrës
Rriten shpenzimet e Qeverisë, për tre muaj u hargjuan 1134.0 milionë euro
Aktakuzë ndaj 5 zyrtarëve të K.R.U “Gjakova” për keqpërdorim të autoritetit zyrtar
Tarifat ndaj Kanadasë dhe Meksikës do të hyjnë në fuqi të martën
Raportuesi i PE-së për Serbinë fajëson Vuçiç për mosrealizimin e takimeve
Iran: Javad Zarif jep dorëheqjen
-
Magazinë3 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt