Bakteret janë të paevitueshëm në çdo ushqim që konsumojmë. Megjithatë, nëse nuk tregojmë kujdes në përpunim, gatim dhe ruajtje të ushqimit, këto baktere shumëfishohen në atë masë sa shkaktojnë sëmundje të ndryshme.

Parazitët, viruset, toksinat dhe kimikatet janë ndër ndotësit më të mëdhenj të ushqimit dhe shkaktarët më të përhapur të sëmundjeve.

Një prej problemeve më të zakonshme që has njeriu nga këto baktere është helmimi nga ushqimi.

Disa prej simptomave të helmimit nga ushqimi janë:

– Diarea
– Të përzierat
– Dhimbjet e stomakut
– Të vjellat
– Dehidratimi
– Ethet

Dehidratimi si pasojë e helmimit nga ushqimi shoqërohet edhe me:

– Marramendje dhe humbje ekuilibri
– Lodhje
– Etje të tepërt

Helmimi nga ushqimi varet nga organizmi, ekspozimi ndaj baktereve, mosha dhe shëndeti.

Grupet më të rrezikuar nga helmimi janë:

Të moshuarit – Me kalimin e moshës, sistemi imunitar nuk përgjigjet mjaftueshëm shpejt ndaj organizmave infektues.

Bebet dhe të miturit – Sistemi imunitar s’është zhvilluar plotësisht, ndaj sipas informacioneve ata janë më të prekshëm nga helmimi.

Njerëzit me sëmundje kronike – Njerëzit që i nënshtrohen kimioterapisë dhe ata që vuajnë nga diabeti kanë një sistem imunitar më të dobët.

Gratë shtatzëna – Shtatëzania tjetërson imunitetin, vështirëson luftën ndaj infeksioneve që prekin jo vetëm shëndetin e nënës, por të fetusit.

Çfarë duhet të bëni nëse helmoheni nga ushqimi?

Pini lëngje – Uji është i domosdoshëm për të parandaluar dehidratimin, pirja e shpejtë e lëngjeve përkeqëson të përzierat dhe të vjellat.

Ndaj pini ujë me gllënka të vogla gjatë disa orëve, nëse mundeni pini ujë të ngrohtë, edhe këtë me gllënga të vogla.

Shmangni konsumin e medikamenteve kundër diaresë, ngadalësojnë eliminimin e organizmave ose toksinave nga sistemi.

Kërkoni ndihmë mjekësore nëse:

– E vjella vazhdon për më shumë se dy ditë.

– Diarea vazhdon për disa ditë.

– Temperatura rritet mbi 38 gradë.

– Keni vështirësi në ruajtjen e ekuilibrit.

– Ndiheni konfuzë dhe keni dhimbje të forta stomaku.

Gjëja më e shëndetshme është të hamë ushqim të përgatitur, por nuk mundemi për shkak të stilit të shpejtë të jetesës.

Gatimi i vakteve për të nesërmen apo edhe për ditët në vijim është realiteti i sotëm dhe rinxehja e ushqimit është një mënyrë jetese.

Pavarësisht prakticitetit, ka ushqime që më së miri konsumohen vetëm të sapopërgatitura, pasi rinxehja mund të dëmtojë rëndë shëndetin.

Karrota – Perimet, ashtu si karotat, përmbajnë nitrate, të cilat në vetvete nuk janë të dëmshme, por kur ringrohen kthehen në produktin përfundimtar: nitrozaminat, të cilat janë kancerogjene. Fëmijët e vegjël janë të ndjeshëm ndaj ndryshimeve negative në ushqim, kështu që nuk rekomandohet të ngrohni supën apo karrotat e ziera për ta. Kur ngrohni supën ose lëngun, hiqni perimet e ngrohni vetëm lëngun.

Pulë – Një burim i pasur proteinash, por rinxehja shkakton ndryshim në përbërjen e proteinave, që shihet në cilësi (shija është më e keqe). Ushqimi i pasur me proteina shkakton probleme me tretjen kur nxehet, sepse proteina denatyrohet gjatë gatimit.

Spinaqi – Është ushqyes, rinxehja duhet shmangur. S’duhet ngrohur se përmban nitrate, që kur nxehen kthehen në nitrite kancerogjene.

Panxhari – I pasur me nitrate dhe si spinaqi, nuk ka nevojë të ngrohet. Është më mirë ta hani të ftohtë.

Oriz – Është më mirë të shmangni ringrohjen në furrë me mikrovalë. Orizi i papjekur përmban spore bakteriale dhe rinxehja nuk do t’i vrasë këto baktere, të cilat janë toksike e shkaktojnë të vjella dhe diarre.

Vezët – Shmang rinxehjen e vezëve të ziera a fërguara. Proteinat në vezë shkatërrohen kur ri-ekspozohen ndaj nxehtësisë.  /UBT News/

E dimë se vitamina D ndihmon në forcimin e dhëmbëve dhe kockave tona, por ka shumë arsye pse është e nevojshme që trupi të funksionojë mirë. Prandaj, nëse ka një mangësi, mund të vëreni se ndiheni të lodhur ose të dobët.

Çka është vitamina D?

Vitaminë e tretshme në yndyrë që trupi e përdor për rritjen e kockave. Quhet “vitamina e diellit” se trupat e prodhojnë në përgjigje të dritës së diellit. Kur ekspozohet ndaj rrezeve, kolesteroli në lëkurë thith rrezet UVB që krijojnë energjinë për të filluar sintezën e vitaminës D.

Çka bën vitamina D?

Ndihmon në rregullimin e sasisë së kalciumit e fosforit në trup. Të dyja lëndët ushqyese janë thelbësore për ruajtjen e kockave, dhëmbëve e muskujve të shëndetshëm. Përveç përmirësimit të shëndetit tonë fizik, ai gjithashtu mund të ofrojë përfitime për shëndetin tonë mendor.

Shenjat që tregojnë se nuk po merrni mjaftueshëm vitaminë D:

Dhimbje kockash – E dimë se vitamina D është e rëndësishme për ruajtjen e kockave, kështu që ka kuptim që mungesa e saj shkakton anomali dhe dhimbje kockash. Kur nivelet e D-së janë të ulëta dhe trupi nuk mund të absorbojë siç duhet kalciumin dhe fosforin, rreziku i dhimbjeve të kockave, frakturave, dhimbjeve të muskujve dhe dobësisë së muskujve rritet.

Dobësi muskulore – Mungesa e vitaminës D shkakton dobësi të muskujve. Një studim i 2018-ës vuri në dukje se vitamina D luan rol të rëndësishëm në funksionin normal të muskujve, duke argumentuar se “statusi i ulët i vitaminës D lidhet me një rrezik në rritje të rënies dhe dobësisë së muskujve”. Ky studim arriti në përfundimin se mungesa e rëndë e vitaminës D është e dëmshme për funksionin e muskujve dhe shtoi se studimet lidhin dobësinë e muskujve, rëniet dhe reduktimin e masës muskulore me mungesën e vitaminës D.

Lodhje – Vitamina D ndikon në shëndetin mendor përveç shëndetit fizik. Edhe pse hulumtimi është në fazat e hershme, një studim i vitit 2019 zbuloi se mungesa e saj lidhet me lodhjen mendore dhe fizike. Një studim tjetër zbuloi se infermierët, për shkak të punës në klinikat spitalore dhe ndërrimin e natës, kishin incidencë të lartë të mungesës së vitaminës D.

Rritja e infeksioneve – Kritike për funksionin e sistemit imunitar, nëse sëmureni shpesh, mungesa e vitaminës është faktor, është e pranishme në qelizat e sistemit imunitar e zbulohet një lidhje mes infeksioneve dhe sëmundjeve autoimune dhe mungesës së vitaminës.

Depresioni – Njerëzit ndihen më të trishtuar në dimër, dhe të tjerë vuajnë nga SAD. Një arsye pse shkencëtarët besojnë se kjo ndodh është mungesa e vitaminës D, ka veti që ndikojnë në indet e trurit të përfshirë në proceset normale të depresionit. Një tjetër studim që përfshin 7,534 pjesëmarrës zbuloi se plotësimi i vitaminës D zvogëlon emocionet negative, veçanërisht te njerëzit me çrregullime të mëdha depresive. /UBT News/

Për të gjithë fansat e gjumit të ditës, ka një lajm të mirë. Të dremisësh në drekë një ose dy herë gjatë javës ul rrezikun nga sëmundjet e zemrës. 

Shkencëtarë nga Universiteti Spitalor i  Lausanne, Zvicër arritën në përfundimin se ka një lidhje mes gjumit të ditës dhe komplikimeve të zemrës.

Sipas tyre, nëse flini 1 ose 2 herë në javë nga 5 minuta deri në 1 orë, keni 48% shanse më pak të vuani nga një atak i papritur zemre, krahasuar me ata që nuk flenë fare.

Ndonëse për këtë studim ka ende diskutime, njerëzit duhet të kenë parasysh që dremitja nuk do t’i shpëtojë nga sëmundjet dhe komplikimet kardiake, por është një stil i mirë jetesë që ul rrezikun e tyre.

Tani për tani, kujdesuni për regjimin e gjumit të natës, dietave ushqimore dhe aktivitetit fizik.