

Lajmet
Këto janë pagat e kryeministrave të disa vendeve anëtare të BE-së
Published
1 year agoon
By
Betim GashiRritja e pagave të kryeministrit kroat, Andrej Plenkoviq, presidentit Zoran Milanoviq, ministrave dhe zyrtarëve të tjerë shtetërorë është e papranuar në masë të madhe nga publiku.
Në sondazhin e Index.hr kanë votuar mbi 29 mijë lexues, prej të cilëve 58 për qind besojnë se nuk i meritojnë as rrogat që kanë pasur deri më tani, 16 për qind besojnë se duhet të marrin rritje, por më pak se ajo e paralajmëruar, 16 për qind që meritojnë.
Sipas llogaritjeve, paga e Plenkoviq duhet të rritet në 5.534 euro neto, që është 2.274 euro më shumë se tani. Kjo është 1.7 herë më shumë se paga mesatare neto aktuale në Kroaci – kryeministri do të merr një rritje në shumën e të gjithë pagës mesatare neto plus 950 euro shtesë. Kjo do ta bëjë atë një nga kryeministrat më të paguar në vendet e BE-së me të njëjtin standard.
Duke parë shumën neto, paga e Plenkoviq ishte 2.46 herë më e lartë se paga mesatare në Kroaci për prill 2024. Tani do të jetë më shumë se katër herë më i madh (4.16 herë). Kjo do ta “shtyjë” atë në shkallë – do të jetë një nga kryeministrat më të paguar në vendet e BE-së me të njëjtin standard.
Pagën më të lartë e ka kryeministri hungarez Viktor Orban, bruto 16 mijë euro në muaj. Pasojnë kryeministri i Sllovakisë Robert Fico (11 mijë) dhe Petr Fiala i Çekisë (10.8 mijë).
Me rritjen e re të pagave, Plenkoviq do të bëhet një nga më të paguarit, pas tre të listuarve, me një pagë totale në shumën bruto 9.367 euro. Ajo kapërcen kryeministrat e Estonisë, Letonisë, Lituanisë, Italisë dhe kryeministrat e Greqisë, Polonisë, Sllovenisë dhe Rumanisë.
Me një pagë mujore bruto 4.646 euro, ai tashmë paguhet më pak se ata, por rritja e dukshme e “ngre” në vendin e katërt mes vendeve të vëzhguara të një standardi të ngjashëm.
Krahasuar me pagën mesatare mujore bruto, të gjitha shtetet ku kryeministrat kanë paga më të ulëta kanë një pagë mesatare kombëtare më të lartë. Përjashtim bëjnë Letonia dhe Greqia. Në fakt, Viktor Orban në Hungari dhe Robert Fico në Sllovaki kanë pagat më të larta, megjithëse vendet e tyre nuk janë aspak afër majës për sa i përket pagës mesatare.
Nëse pagat e kryeministrave do të përcaktoheshin sipas pagave mesatare, atëherë Giorgia Meloni në Itali, Robert Golob në Slloveni, Ingrida Shimonyta në Lituani dhe Kaja Kellas në Estoni do të ishin më të paguarat.
Kryeministri i Polonisë do të ketë 3.557 euro më pak pagë bruto se Plenkoviq. Herën e fundit që Polonia rriti pagat e kryeministrit dhe ministrave në vitin 2021, me 40 për qind.
Italia është shumë më e zhvilluar se Kroacia, megjithëse ka mbetur prapa në disa fusha. Është në 101 për qind të mesatares së BE-së për sa i përket bruto prodhimit vendor për banor, paga mesatare mujore bruto është 2.479 euro, por shkalla e rrezikut të varfërisë dhe papunësia janë disi më të larta.
Kryeministrja italiane Meloni do të ketë një pagë bruto 1.117 euro më pak se Plenkoviq.
Estonia është në krizë prej disa vitesh për shkak të inflacionit të lartë, i cili goditi veçanërisht shtetet baltike. Megjithatë, paga mujore bruto është 2.065 euro, më e lartë se në Kroaci. Kryeministrja estoneze Kaja Kallas ka pagë mujore 8.759 euro bruto.
Aktualitet
Lidership, strategji dhe politika publike në një program të vetëm në Master në UBT
Published
1 hour agoon
August 23, 2025By
Driton Iseni
Aftësimin analitik në bërjen e politikave publike dhe përgatitjen tuaj në rolet e lidershipit në rrafshin kombëtar dhe ndërkombëtar për një karrierë të bujshme, ua bën të mundur UBT përmes programit të nivelit master, Politika Publike dhe Menaxhim.
Ky program studimi iu ofron të gjitha mundësitë për të përmbushur synimet tuaja në vlerësimin e opsioneve dhe politikave për shërbimet publike, duke ndërthurur analizën e politikave publike, menaxhimin e financave publike, teknologjinë e informacionit, zhvillimin e lidershipit, menaxhimin e burimeve njerëzore dhe analizimin e të dhënave.
Studentët e nivelit master të programit Politika Publike dhe Menaxhim në UBT, do të kenë mundësi të përfitojnë praktikat më të njohura ndërkombëtare nga ekspertët dhe profesionistët më të mirë që ka vendi nga kjo fushë, e që gjenden në UBT.

Sekretari i përgjithshëm i NATO-s Mark Rutte ka siguruar presidentin Volodomyr Zelensky se Aleanca Veri-Atlantike do të vazhdojë të mbështesë Kievin zyrtar në përballje me agresionin ushtarak rus.
Ai në një konferencë për media në Kiev me presidentin e Ukrainës theksoi se ndihma e NATO-së do të vazhdojë të rritet.
“Tri vjet e gjysmë pas pushtimit në shkallë të plotë të Rusisë, Ukraina vazhdon të qëndrojë e fortë. Dhe miqtë dhe partnerët tuaj në NATO vazhdojnë të qëndrojnë me ju. Mbështetja jonë është e palëkundur dhe vazhdon të rritet. Përfshirë, siç thatë edhe ju, përmes Listës së re të Kërkesave me Prioritet për Ukrainën- PURL- që mbështet një rrjedhë të rëndësishme të armëve vdekjeprurëse amerikane në Ukrainë përmes financimit të ofruar nga Aleatët e NATO-s. Në më pak se një muaj, kjo tashmë ka nënkuptuar 1.5 miliardë dollarë shtesë në pajisje thelbësore, mbrojtje ajrore. Municione. Dhe më shumë. Paketa të mëtejshme do të pasojnë”, tha Rutte.
Ai shtoi se po punojnë së bashku në NSATU, komandën e NATO-s në Gjermani – për të siguruar që forcat ukrainase të kenë atë që u nevojitet.
Rutte ka folur edhe mbi takimin e së hënës në Uashington, së bashku me presidentin e SHBA-së dhe shumë udhëheqës evropianë, për të shfrytëzuar mundësinë për t’i dhënë fund kësaj lufte të tmerrshme dhe për të sjellë paqe dhe siguri pas kaq shumë vuajtjesh.
“Presidenti Trump e ka bërë këtë një përparësi – jo vetëm duke thyer bllokimin me Putin, por duke e bërë të qartë se Shtetet e Bashkuara do të përfshihen në ofrimin e garancive të sigurisë për Ukrainën. Garancitë e forta të sigurisë do të jenë thelbësore – dhe kjo është ajo që po punojmë tani për ta përcaktuar. Në mënyrë që kur të vijë koha që ju të hyni në atë takim dypalësh – të keni forcën e padyshimtë të miqve të Ukrainës pas jush. Duke siguruar që Rusia do të mbështesë çdo marrëveshje. Dhe kurrë, kurrë më nuk do të përpiqet të marrë një kilometër katror të Ukrainës”, tha Rutte.
Bota
Pekini kundërshton tarifat e SHBA-së për tarifat 50% ndaj Indisë
Published
19 hours agoon
August 22, 2025By
UBT News
Ambasadori kinez në Indi, Xu Feihong, tha se Pekini kundërshton fuqimisht tarifat e larta të Uashingtonit ndaj Delhit dhe bëri thirrje për bashkëpunim më të madh midis Indisë dhe Kinës.
Xu e krahasoi SHBA-në me një ngacmues, duke thënë se ajo kishte përfituar prej kohësh nga tregtia e lirë, por tani po përdor tarifat si një “kartolinë negociuese” për të kërkuar çmime të tepruara nga vendet e tjera.
“SHBA-të kanë vendosur tarifa deri në 50% ndaj Indisë dhe madje kanë kërcënuar për më shumë. Kina e kundërshton fuqimisht këtë. Heshtja vetëm sa e trimëron ngacmuesin”, tha Xu të enjten, shkruan BBC.
Më parë këtë muaj, Trump vendosi një gjobë prej 25% ndaj Indisë, përveç tarifave prej 25% për blerjen e naftës dhe armëve nga Rusia. Shkalla e re do të hyjë në fuqi më 27 gusht.
Importet e shtuara të naftës së papërpunuar ruse të lirë nga Delhi që nga lufta në Ukrainë kanë shkaktuar një tendosje në lidhjet e saj me SHBA-në dhe kanë ndikuar në negociatat për një marrëveshje tregtare.
India ka mbrojtur blerjet e saj të naftës ruse, duke argumentuar se si një importuese e madhe e energjisë, duhet të blejë naftën më të lirë të disponueshme për të mbrojtur miliona indianë të varfër nga rritja e kostove. Ajo gjithashtu ka theksuar se administrata Biden i kishte thënë Indisë të blinte naftë ruse për të krijuar tregje botërore të energjisë.
Aktualitet
73 raste të dhunës në familje për një javë
Published
19 hours agoon
August 22, 2025By
UBT News
Zyra për Mbrojtje dhe Ndihmë të Viktimave, që funksionon në kuadër të Zyrës së Kryeprokurorit të Shtetit, ka trajtuar gjithsej 78 raste të reja gjatë periudhës 15 – 22 gusht 2025, në të gjitha regjionet e Republikës së Kosovës.
Sipas të dhënave zyrtare, pjesa më e madhe e rasteve, konkretisht 73 kanë të bëjnë me dhunën në familje, duke reflektuar edhe njëherë përmasat shqetësuese të këtij fenomeni në shoqëri.
“Përveç rasteve të dhunës në familje, janë trajtuar edhe dy raste të dhunimit, një rast i ngacmimit seksual, një rast i sulmit seksual, një rast i lëndimit të lehtë trupor”, thuhet në njoftim.

Ekspertët tregojnë pse natyra e forcon përqendrimin

Zakoni i mëngjesit që ju ndihmon të reduktoni dhjamin rreth barkut

Zhvillohet pajisja e re me bazë diamanti që detekton më lehtë kancerin

Lidership, strategji dhe politika publike në një program të vetëm në Master në UBT

Taylor Swift nuk shkëlqen vetëm në skenë, Zoë Kravitz zbulon “dhuntinë e fshehtë” të saj

Nga Serie A te Liga e Kampionëve, Allegri zbulon objektivat e Milanit këtë sezon

Si ndikon mbajtja e një ditari në shëndetin tonë mendor dhe emocional?

Mëngjesi që të bën lëkurën më të këndshme, ja ç’thonë mjekët

Moti sot: Me diell dhe vranësira të dukshme
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit