

Shëndeti
Këto janë 10 ushqimet më të rekomanduara për shëndet të mirë
Fasulet janë një prej këtyre ushqimeve.
Published
4 years agoon
By
UBT newsKemi dëgjuar shumë filozofi dhe teori mbi ushqyerjen e shëndetshme, por ajo që nuk ju kanë thënë akoma janë ushqimet e vërteta që nutricionistët këshillojnë që të jeni sa më të shëndetshëm.
Këto 10 ushqime janë ato që një pjesë e madhe e nutricionistëve kanë rënë dakort se duhet t’i konsideroni më të shëndetshme.
1.Boronica
Ka të paktën 15 lloje të ndryshme përbërësish të gjetur në boronica dhe të gjithë janë antioksidantë të fuqishëm që mbrojnë pothuajse çdo sistem në trup. Antioksidantë ruajnë dëmtimin e qelizave, indeve dhe muskujve dhe janë të rëndësishme për shëndetin kardiovaskular, dhe shëndetin e trurit.
Nutricionistja Dana James thotë se boronicat gjithashtu kanë karbohidrate të shëndetshme dhe fibra të pasura të cilat ndihmojnë me tretjen dhe menaxhimin e peshës.
Ata janë gjithashtu të ngarkuar me vitamina dhe minerale, duke përfshirë hekurin, magnezin, zinkun, kalciumin, kaliumin dhe vitaminat A, C dhe K.
Boronicat kanë vlera të shumta shëndetësore duke përfshirë mbajtjen e eshtrave të forta dhe ndihmën për të luftuar sëmundjet e zemrës dhe kancerin.
2.Zarzavatet me gjethe jeshile
Zarzavate me gjethe jeshile si spinaqi dhe lakra janë një kategori tjetër e ushqimeve që asnjë nutricionist nuk mund të gabojë. Zarzavatet me gjethe janë me kalori të ulëta dhe lëndë ushqyese të dendura.
Disa prej ushqyesve të fuqishëm që përmbajnë zarzavatet me gjethe jeshile përfshijnë “vitamina A, C dhe K, folate, kalium, magnez, kalcium, hekur, lutein dhe fibra.
Lakra, në veçanti, është e dashur nga dietologët sepse përmban nivele të larta antioksidantësh, të cilat ndihmojnë në parandalimin e shumë sëmundjeve, si kanceri dhe sëmundjet e zemrës.Ajo ul kolesterolin, ndihmon mëlçinë, tretjen dhe është një ushqim detoksifik.
3.Avokadot
Dietologët në të gjithë botën thonë se avokado është tepër e shëndetshme për zemrën dhe gjysma e tyre e listojnë si një nga tri ushqimet më të shëndetshme në botë.
Avokado është e pasur me vitamina K, C, B5 dhe B6, si dhe minerale kyçe, që përmbajnë kalium, fibra dhe ndihmojnë në tretje “.
Yndyrat e avocados veprojnë si “mbrojtës membranë qelizore”.
Kjo do të thotë lëkurë më e bukur, truri më i shpejtë dhe më shumë energji!
4.Fasulet
Fasulet janë një burim i shkëlqyeshëm i proteinave me bazë bimore, me fibër të lartë dhe ndihmojnë në uljen e nivelit të kolesterolit, menaxhimin e sheqerit në gjak, si dhe menaxhimin e peshës.
Ato janë të pasura me hekur, magnez, kalium dhe zink.
5.Hudhra
Hudhra është një tjetër ushqim që të gjithë ekspertët e të ushqyerit bien dakord se është një superushqim.
Ajo përmban Allicin, një fitokimik që ka shumë vlera medicinale, hudhra lufton viruset, bakteret e t këqija dhe kërpudhat.
Hudhra gjithashtu ndihmon në zvogëlimin e kolesterolit dhe presionit të gjakut. Plus, ajo përmban nivele të larta të vitaminave dhe mineraleve pa shtuar kalori.
Disa nga këto lëndë ushqyese përfshijnë mangan, vitaminë B6 dhe vitaminë C.
6.Limon
Limoni përmban një listë të gjatë vitaminash super të rëndësishme dhe minerale, shumë prej të cilave kontribuojnë për shëndetin e ndihmojnë në tretjen e ushqimit dhe sistemin imunitar. Gjithashtu ndikon në përmirësimin e shendetit të flokëve ë dhe të lëkurës.
Vitamina C në limon ndihmon prodhimin e kolagjenit dhe mbron lëkurën nga radikalet e lira, të cilat mund të çojnë në kancer.
Ushqyesit që mban limoni gjithashtu ndihmojnë në rritjen e nivel it të mirë të kolesterolit dhe zvogëlimin e inflamacionit.
7.Farat Chia
Kjo farë e vogël e ngrënshme është shtuar në listën e superushqimeve.
Farat chia janë të ngarkuara me omega-3 dhe antioksidantë, të cilat ndihmojnë në nxitjen e shëndetit optimal. Ato janë një nga burimet më të mira të fibrave dhe ndihmojnë shëndetin e kockave, pasi kanë vlera të larta si në kalcium ashtu edhe në magnez.
8.Lakrat Bruksel
E papritur por e vërtetë: Të gjithë nutricionistët e miratojnë lakrën si një nga zarzavatet më të mira. Lakrat janë të ngarkuar me sulforaphane, një lëndë ushqyese biokimike që rrit enzimat kundër kancerit në trup.
9.Kuinoa
Kuinoa rekomandohet si proteinë me bazë bimore mahnitëse. Çfarë e bën kuinoa-n të veçantë është se ajo është një proteinë e plotë.
Kjo do të thotë se kuinoa përmban proporcionin e përsosur të të gjitha nëntë aminoacideve esenciale të nevojshme për ushqim optimal.Është një burim i lartë i proteinave natyrale pa gluten, ka shije të kënaqshme dhe cilësi.
Përveç kësaj, ajo përmban ushqyes të rëndësishëm si magnez, fibra, mangan, riboflavin dhe vitamina B, të cilat ndihmojnë trupin të konvertojë ushqimin në energji.
10.Salmon i egër
Salmoni i egër është i pasur me acide yndyrore omega-3 dhe përmban më pak toksina si PCB sesa salmoni i kultivuar.
Omega-3 janë të rëndësishme, pasi zvogëlojnë rrezikun e sëmundjeve të zemrës dhe ndihmojnë në rritjen e kolesterolit të mirë.
Omega-3 kanë qenë gjithashtu të lidhura me ndihmën për të zvogëluar rreziqet për depresion, kancer dhe për të ndihmuar funksionimin e përgjithshëm njohës.
Salmoni i egër është i ngarkuar me aminoacide dhe vitamina B, që ndihmon në gjallërimin e lëkurës dhe tonifikimin e muskujve./neps
Shëndeti
Ekspertët paralajmërojnë: Kujdes nga përbërësi i përditshëm që rrit tensionin e gjakut
Published
1 hour agoon
September 6, 2025By
UBT News
Një përbërës që gjendet në çdo vakt të përpunuar mund të jetë një nga fajtorët më të mëdhenj për tensionin e lartë të gjakut – dhe jo, nuk bëhet fjalë për kripën, por për sheqernat e shtuara.
Ekspertët kanë ngritur alarmin se sheqeri i shtuar, i pranishëm në pije të gazuara, ushqime të përpunuara, gatime të gatshme, madje edhe në shumë produkte “të shëndetshme” mund të rrisë ndjeshëm tensionin e gjakut, duke rritur rrezikun për atak në zemër, infarkt cerebral dhe vdekje të parakohshme.
Sheqeri, një “vrasës i heshtur” krahas kripës
Edhe pse është e njohur se konsumi i tepërt shkakton hipertension, një sërë studimesh të fundit tregojnë se teprimi me sheqerna të shtuara mund të ketë të njëjtat efekte të rrezikshme për shëndetin kardiovaskular.
Sipas studimeve:
Personat që marrin më shumë se 25% të kalorive ditore nga sheqernat e shtuara janë tre herë më të rrezikuar për të vdekur nga sëmundjet e zemrës. Konsumimi i pijeve të ëmbëlsuara më shumë se 8 herë në javë shoqërohet me rritje të rrezikut për aneurizëm në zemër deri në 30%, si dhe rritje të rrezikut për dështim të zemrës apo infarkt cerebral deri në 20%.
Problemi i padukshëm: Miliona me tension të lartë pa e ditur
Rreth 14 milionë persona vetëm në Mbretërinë e Bashkuar jetojnë me tension të lartë të gjakut shumë prej tyre pa simptoma dhe pa e ditur. Në shumicën e rasteve, hipertensioni zbulohet vetëm pasi ndodh dëmtimi serioz.
Sipas ekspertëve, mungesa e vetëdijes për përmbajtjen e sheqerit të shtuar në produktet e kuzhinës e bën situatën edhe më alarmante, duke rritur rrezikun për komplikime të shumta shëndetësore.
Si ndikon sheqeri në trupin tonë?
Sheqeri ndikon negativisht në profilin metabolik, duke rritur rrezikun për sindromën metabolike, një grup problemesh që çojnë në diabet të tipit 2 e sëmundje të zemrës. Sheqernat e shtuara rrisin nivelin e acidit urik, një mbetje trupore që në nivele të larta mund të:
Ndikojë negativisht në prodhimin e oksidit nitrik – i cili ndihmon në relaksimin e enëve të gjakut;
Nxisë ngushtimin e enëve të gjakut dhe aktivizimin e sistemit renin-angiotensin-aldosteron, mekanizëm për tensionin e gjakut.
Studimet e reja: Sa më shumë ushqim të përpunuar, aq më shumë rrezik
Shkencëtarët në Kinë zbuluan se për çdo 100 gram ushqim ultra të përpunuar të konsumuar në ditë (të pasur me sheqerna dhe kripë):
Rreziku për ngjarje kardiovaskulare rritet me gati 6%;
Rreziku për hipertension rritet me 14.5%. Ushqimet ultra të përpunuara përfshijnë gjithçka që përmban ngjyrues artificialë, ëmbëlsues, konservues dhe përbërës që i japin jetëgjatësi produktit. Zgjidhje e re në horizont: ilaçi “cudibërës” për tensionin e lartë.
Miliona pacientë që nuk reagojnë ndaj trajtimeve ekzistuese për hipertensionin përfitojnë së shpejti nga një ilaç revolucionar i quajtur Baxdrostat. Ky medikament, i cilësuar si “triumf i shkencës”, është i pari që sulmon shkakun bazë të hipertensionit, jo vetëm simptomat.
Baxdrostat pritet të jetë i disponueshëm në sistemin shëndetësor britanik që nga viti i ardhshëm, në një kohë kur numri i të prekurve nën moshën 50 vjeç është në rritje alarmante. Faktorët kryesorë të hipertensionit: jo vetëm ushqimi
Përveç ushqimeve të përpunuara dhe kripës, ekspertët po theksojnë edhe rolin e mungesës së gjumit, dietës së dobët, alkoolit të tepërt (i cili shpesh përmban shumë sheqer), por edhe stresit kronik, veçanërisht te të rinjtë – një faktor që shpesh është anashkaluar.
Në përfundim: Sheqeri – armiku i padukshëm i zemrës
Ndërsa kripa ka qenë në qendër të vëmendjes kur flitet për hipertensionin, sheqeri i shtuar në ushqimin e përditshëm mund të jetë “vrasës i heshtur” tjetër që po na dëmton shëndetin në mënyrë të pandërgjegjshme.
Ekspertët këshillojnë që konsumatorët të lexojnë me kujdes etiketat dhe të reduktojnë sa më shumë produktet e përpunuara, për të ruajtur një zemër të shëndetshme dhe jetë më të gjatë.

Sipas grupit të avokimit “Autism Speaks”, një në çdo 36 fëmijë në SHBA ka një çrregullim të spektrit të autizmit (ASD).
Diagnoza e hershme është thelbësore për të ndihmuar në trajtimin e gjendjes, por si bëhet një diagnozë?
Qendrat e SHBA për Kontrollin dhe Parandalimin e Sëmundjeve, kanë përmbledhje të përditësuar të asaj që përfshihet në diagnostikimin e autizmit tek fëmijët. “Diagnostifikimi i çrregullimit të spektrit të autizmit mund të jetë i vështirë sepse nuk ka asnjë test mjekësor, si një test gjaku, për të diagnostikuar çrregullimin,” vuri në dukje agjencia.
“Mjekët shikojnë historinë e zhvillimit dhe sjelljen e fëmijës për të vendosur një diagnozë.”
Në cilën moshë mund të bëhet një diagnozë?
Sipas CDC, koha në të cilën fëmija merr një diagnozë ndryshon. Ndonjëherë një çrregullim i spektrit të autizmit zbulohet në moshën 18 muajshe, apo edhe më parë, por vetëm në moshën 2-vjeç mund të konsiderohet i besueshëm një diagnozë nga një profesionist i trajnuar.
Një diagnozë e autizmit mund të mos vijë deri më vonë në fëmijëri. Disa njerëz nuk janë të vetëdijshëm se kanë çrregullim të spektrit të autizmit derisa të diagnostikohen si të rritur. Një diagnozë e besueshme duhet të bëhet në fëmijëri, kur terapitë janë më efektive, tha CDC.
Monitorimi i zhvillimit
Ndërsa fëmijët rriten, duhet të inkurajohen bisedat midis prindërve dhe ofruesve të kujdesit shëndetësor që përqendrohen në aftësitë e fëmijëve, thekson CDC. Ndjekja e zhvillimit të fëmijës suaj – p.sh sa shpejt ai arrin piketa tipike zhvillimore është thelbësore.
Këto momente lidhen me moshën përfshijnë aftësitë e vëzhguara në lojë, të mësuarit, të folurit dhe sjelljet. Të gjithë mund të jenë pjesë e procesit të “monitorimit të zhvillimit”, prindërit, gjyshërit, punonjësit e çerdheve e mësuesit, japin komente se si një fëmijë po përparon.
Skreningu për çështjet e zhvillimit dhe autizmin
Akademia Amerikane e Pediatrisë, këshillon që ekzaminimi zhvillimor dhe i sjelljes ndodh për fëmijët gjatë vizitave të rregullta në mosha: 9 muaj, 18 muaj dhe 30 muaj. Kur bëhet fjalë për ekzaminimin specifik të çrregullimit të spektrit të autizmit, duhet të ndodhin në moshën 18 muajshe dhe 2 vjeç, sipas rekomandimeve të akademisë.
Ekzaminimi mund të ndodhë në raste të tjera, nëse një kujdestar ose mjek shqetësohet se një fëmijë mund të ketë autizëm, ose nëse një fëmijë është në rrezik për një çrregullim të spektrit të autizmit (p.sh fëmija ka një vëlla ose një anëtar tjetër të familjes me këtë gjendje).
Shëndeti
Studim: Ëmbëlsuesit artificialë mund të përshpejtojnë plakjen e trurit!
Published
17 hours agoon
September 5, 2025By
UBT News
Një studim i botuar në revistën Neurology tregon se konsumimi i lartë i ëmbëlsuesve artificialë, si Equal apo Sweet’N Low, lidhet me rënie më të shpejtë të aftësive mendore dhe kujtesës.
Hulumtuesit nga Universiteti i São Paulos në Brazil analizuan shëndetin e 12,800 të rriturve për një periudhë mesatare prej tetë vitesh.
Rezultatet treguan se personat që konsumonin më shumë ëmbëlsues kishin rënie 62% më të shpejtë të funksioneve njohëse, e barabartë me rreth 1.6 vite plakje shtesë të trurit, shkruan HealthDay.
Efekti ishte më i fortë te personat e moshës së mesme dhe te ata me diabet, ndërsa nuk u pa një lidhje e qartë tek personat mbi 60 vjeç.
Nga ëmbëlsuesit e studiuar, të gjithë përveç tagatozës rezultuan të lidhur me rënie të kujtesës dhe aftësive njohëse.
Studiuesit paralajmërojnë se, ndonëse promovohen si alternativa më të shëndetshme ndaj sheqerit, ëmbëlsuesit artificialë mund të kenë pasoja negative për shëndetin e trurit në afatgjatë.
Shëndeti
Duart si pasqyrë e shëndetit, ja shenjat që nuk duhen neglizhuar
Published
18 hours agoon
September 5, 2025By
UBT News
Duart tona mund të zbulojnë shumë rreth gjendjes së brendshme shëndetësore.
Sipas ekspertëve, ndryshimet në lëkurë, gishtërinj dhe thonj mund të jenë paralajmërime për sëmundje serioze si artriti reumatoid, sindroma e Raynaud, tuneli karpal apo edhe çrregullime neurologjike si Parkinsoni.
Simptoma të tilla si dridhja e duarve, gishtërinjtë e ftohtë, njolla të kuqe apo kafe, dhimbje dhe ndjesi shpimi nuk duhet të anashkalohen.
Nëse ato vazhdojnë ose përkeqësohen, rekomandohet një kontroll mjekësor për të diagnostikuar në kohë shkakun dhe për të parandaluar ndërlikimet.

Ecin dorë për dore! Zoe Kravitz dhe Harry Styles fotografohen në Brooklyn

Cilat Janë llojet më të mira të Aloe Verës, bimës së mrekullueshme?

Ekspertët paralajmërojnë: Kujdes nga përbërësi i përditshëm që rrit tensionin e gjakut

Parashikimi i motit për sot, një ditë e nxehtë dhe me diell

Si ta kaloni një të premte ndryshe dhe plot energji?

Si bëhet diagnostikimi i autizmit?

Elon Musk drejt titullit të parë të “trilionerit” në botë

Studim: Ëmbëlsuesit artificialë mund të përshpejtojnë plakjen e trurit!

BMW zbulon modelin e ri iX3
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet2 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet1 month ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës