

Lifestyle
Këto gjashtë produkte duhet t’i keni në farmacinë e shtëpisë tuaj këtë dimër
Kjo për tu mbrojtur nga gripi por edhe variantet e Covid.
Published
3 years agoon
By
UBT newsSimptomat e Covid-it janë të shumta dhe çdo pacient që e ka kapërcyer do të rendisë simptomat e “tyre” specifike. Ndër më të zakonshmet janë ethet, dhimbjet e muskujve dhe kyçeve, dhimbja e kokës, rraskapitja, lodhja, kolla, gulçimi dhe nga të përzierat dhe diarreja.
Ethet duhet ulur me antipiretikë, nga të cilët paracetamoli është më i përshtatshmi për numrin më të madh të pacientëve. Ibuprofeni, acidi acetilsalicilik, ketoprofeni dhe naprokseni mund të përdoren nga grupi i barnave antiinflamatore jo-steroide.
Secili prej këtyre barnave për uljen e temperaturës është edhe qetësues kundër dhimbjeve ndaj përveç kombinimeve fikse në treg, nuk rekomandohet marrja e llojeve të ndryshme të këtyre medikamenteve në të njëjtën kohë.
1. Ulni temperaturën
Kështu, nga barnat për ethe dhe dhimbje, një formë e paracetamolit është më e përshtatshme. Më shpesh është zgjedhja e parë në popullatën e moshuar që marrin më shumë medikamente për sëmundjet kronike jo të transmetueshme.
Forma dhe doza e medikamentit do të rekomandohet nga farmacistët, ka shurupe dhe supozitorë për përdorim rektal për foshnjat dhe fëmijët e vegjël, forma dhe kapsula shkumëzuese për fëmijë dhe tableta, supozitorë dhe forma shkumëzuese për të rriturit.
Kombinimi i paracetamolit me vitaminën C dhe medikamente për lehtësimin e simptomave të ftohjes (p.sh. teshtitje, gulçim) është gjithashtu i disponueshëm në formë shkumëzuese, e cila mund të rekomandohet edhe për farmacitë në shtëpi.
Ibuprofeni do të jetë më efektiv në disa pacientë në uljen e temperaturës dhe lehtësimin e dhimbjeve të kokës dhe muskujve, por duhet kujdes te pacientët me zemër dhe veshka dhe ata me probleme stomaku.
2. Lehtësoni kollën
Zakonisht do të na duhet një suplement për të lehtësuar problemet e kollës dhe pacientët më së shpeshti vuajnë nga kolla e thatë. Mjekët këshillojnë një antitusivë sintetike në formën e shurupit që gjendet në farmaci pa recetë, por ka shumë ilaçe bimore dhe suplemente dietike që do të qetësojnë kollën e thatë ose do ta lehtësojnë kollën nëse ka sekretim në rrugët e frymëmarrjes. Rekomandohet përgatitja e pikave dhe/ose sprej për hundë.
Formulimet që përmbajnë ilaçe nuk rekomandohen të përdoren për më shumë se 7 ditë në mënyrë të vazhdueshme, ndërsa spërkatjet e ujit të detit përdoren lirshëm më shpesh dhe më gjatë. Është mirë që kundër dhimbjeve të mundshme të fytit të keni tableta ose sprej për fyt.
3. Probleme me tretjen
Fatkeqësisht, shumë pacientë kanë edhe probleme me tretjen për shkak të Covid. andaj duhet pasur një probiotik në farmacinë e shtëpisë, pikat ose qeset e lëngshme ose të tretshme janë të përshtatshme për fëmijët, mund të përzihen edhe në ushqim, dhe kapsula, tableta ose qese për të rriturit.
Mjekët rekomandojmë përgatitjen e kripërave të rihidrimit oral, sepse diarreja dhe të vjellat humbasin elektrolitet e nevojshme për funksionimin e duhur të të gjithë organizmit. Në këtë mënyrë duhet theksuar rreziku i dehidrimit të foshnjave dhe fëmijëve më të vegjël, por edhe të të moshuarve, të cilët shpesh marrin sasi më të vogla të lëngjeve në organizëm.
4. Suplemente dietike
Për suplementet e dorës së parë me efekt në sistemin imunitar sipas udhëzimeve zyrtare profesionale, duhet përdorur vitaminën D, në formën e pikave, kapsulave, tabletave, tabletave ose spërkatjeve për përdorim oral.
5. Termometri
Në treg ka disa lloje të përshtatura për pacientë dhe mundësi të ndryshme financiare, nëse termometri përdoret nga disa anëtarë të familjes, “më higjienikët” janë ato pa kontakt që vendosen afër ballit. Me termometrat digjitalë të përdorur nga goja, nën sqetull ose në mënyrë rektale, duhet pasur kujdes për t’i pozicionuar në mënyrë korrekte për të shmangur gabimet në matje.
6. Masat e tjera
Nga masat jo-farmakologjike, nuk është asnjëherë e pavend të theksohet rëndësia e pushimit, pirja e lëngjeve të mjaftueshme, një dietë e larmishme e pasur me vitamina, minerale, yndyra cilësore, antioksidues dhe e përshtatur në mënyrë ushqyese për nevojat e individit.
Parandalimi
Të mos harrojmë rekomandimet për përdorimin e duhur të maskave dhe dezinfektuesve të duarve. Maskat duhet të mbahen siç duhet dhe të lahen në 95 gradë Celsius. Ju duhet të zgjidhni një dezinfektues që nuk do të thajë lëkurën e duarve, pasi lëkura e dëmtuar dobëson mbrojtjen e sistemit imunitar.

Sikur të mos ishte mjaftueshëm i vështirë zgjimi në mëngjës, tani ka edhe gjëra që nuk duhet të bëjmë, kur zgjohemi.
Ndoshta pa e kuptuar, një prej këtyre veprimeve është arsyeja pse dita nuk shkon mirë e të mungon energjia. Duke ditur çfarë nuk duhet të bëni, ju përmirësoni mëngjesin tuaj dhe jeni të gatshëm për sukses çdo ditë.
Mos bëj dushe të gjata dhe të nxehta
Po, e dimë se është qetësuese të qëndrosh në dush e të lësh ujin e ngrohtë të rrjedhë, por pjesa më e madhe e ekspertëve sugjerojnë që dushet e ngrohta t’ia lëmë mbrëmjës. Një dush i nxehtë, edhe pse relaksues, zvogëlon rrahjet e zemrës dhe do të të bëjë më të predispozuar për të pushuar sesa për të qenë aktiv gjatë ditës. Është mirë të marrim sa më shumë energji në mëngjes dhe një dush me ujë më të ftohtë është një zgjidhje e mirë për ta bërë këtë.
Mos e fik alarmin e zgjimit
Jemi fajtorë kur vjen puna te alarmi i zgjimit, por a i di efektet anësore dhe se si një veprim, në dukje i vogël, mund të të pengojë gjatë gjithë ditës?
Fikja e alarmit rregullisht do të të bëjë të ndihesh më i/e lodhur dhe të flesh më keq gjatë natës. Gjumi i dobët ngatërron me qindra qeliza në trupin tënd, duke çuar në rritjen e tensionit dhe dobësimin e imunitetit.
Pra, nëse nuk fle mirë natën dhe ndihesh i/e lodhur në mëngjes, fajin mund ta ketë pikërisht ky veprim.
Mos kontrollo rrjetet sociale sapo hap sytë
Një lundrim në rrjet, në mëngjes, mund të shndërrohet në një apo dy orë si pa kuptuar, humb një pjesë të mirë të ditës.
Studimet tregojnë se duhet t’ia lësh këtë pjesë pushimit të drekës, apo orëve të para të mbrëmjes para se të flesh.
Shmang pirjen e kafesë, direkt pas zgjimit
Sipas studimeve, koha ideale për kafe është pas orës 9:30 në mëngjes ose gjysmë ore pasi të zgjohesh nga gjumi. Nëse pi kafeinë shumë shpejt, ngadalëson prodhimin natyral të hormonit të quajtur kortizol në trupin tënd, që ndihmon të zgjohesh në mënyrë organike.
Mos e shmang asnjëherë vaktin e mëngjesit
Mëngjesi është vakti më i rëndësishëm i ditës. Nëse nuk e konsumon rregullisht, efektet anësore përfshijnë: rrezik të shtuar nga sëmundjet e zemrës, presion më të lartë të gjakut, diabetin, mbipeshën, kolesterol të lartë etj.
Përpiqu të përgatisësh diçka të lehtë në mbrëmje, ose mendo se çfarë do të konsumosh, për të mos humbur kohë.
Rregullo gjithnjë shtratin
Një krevat i rregullt, do të të bëjë të ndihesh më i/e qetë kur të kthehesh përsëri në shtëpi. Për më tepër, do të kesh një shtrat të rregullt në mbrëmje. Ky veprim të kushton vetëm 3 minuta.

Ka disa shprehi në stilin tuaj të jetesës që e kërcënojnë shëndetin e trurit në mënyrë serioze.
Zakonisht janë shprehi të cilat ua mohojnë trurit nutrientët e rëndësishëm ose me shpejtësi i vrasin qelizat e trurit që t’ju bëjnë më të rrezikuar nga çrregullimet mendore si depresioni apo ankthi.
Shmangia e shujtës së mëngjesit
Kur duhet të nxitoni për në zyre, gjëja më e lehtë që e bëni është ta shmangni mëngjesin. Kjo ju jep kënaqësinë e arritjes në zyre më herët, por është diçka që ju kushton në shëndet më vonë. Veç kësaj, shmangia e shujtës së mëngjesit nuk ju ndihmon në zvogëlimin e peshës.
Flini vonë
Është e zakonshme që njerëzit të flenë vonë, e posaçërisht vikendeve. Por, kjo është e rrezikshme për shëndetin e trurit. Kur qëndroni zgjuar deri vonë, ju vuani nga shtimi i peshës, rënia e flokëve dhe problemet e ndryshme të lëkurës.
Konsumimi i ushqimeve me shumë sheqer
Këto ushqime e rrisin rrezikun e sëmundjes së alzheimerit dhe sëmundjeve të zemrës, ndikojnë në aftësitë tuaja për të mësuar dhe e rrisin depresionin.
Pirja e duhanit
Jo vetëm se pirja e duhanit është e dëmshme për mushkëritë, por është tejet e rrezikshme edhe për trurin. Kur pini duhan, ia rritni vetes shanset për të pësuar sulm në tru, për t’u sëmurë nga Alzheimeri, etj.

Për kujdesin e përditshëm të lëkurës, mund ta kufizoni rutinën tuaj në tre hapa të thjeshtë:
Pastrimin e lëkurës, mbrojtjen e saj nga dielli dhe prirjen ndaj ndonjë problemi specifik që mund të keni, të tilla si lëkura e thatë, puçrrat, ose linjat e imëta dhe rrudhat.
Produktet për të tre hapat janë në dispozicion në barnatoret lokale dhe kanë kosto të ulët.
Pastroni lëkurën tuaj
Zgjidhni pastruesin bazuar në faktin nëse lëkura juaj është e thatë apo e yndyrshme. Nëse keni lëkurë të thatë, zgjidhni një agjent të butë pastrimi e shmangni produktet si tonerët, që përmbajnë alkool. Për lëkurë të yndyrshme, zgjidhni një sapun që largon vajin e pastroni më shpesh lëkurën gjatë ditës.
Mbroni lëkurën nga dielli
Zgjidhni krem me spektër të gjerë me SPF prej 30 ose më të lartë përdoreni çdo ditë. SPF-të më të larta janë të dobishme nëse planifikoni të kaloni kohë jashtë, nëse rrini brenda, SPF 30 është i mjaftueshëm. Nëse keni lëkurë të ndjeshme, zgjidhni një produkt për mbrojtje e krijuar për lëkurë të ndjeshme.
Trajtoni nevojat e veçanta të lëkurës
Për lëkurën e thatë, ka shumë hidratues efektivë dhe të lirë. Ekzistojnë produkte pa kosto të përballueshme që mund të zvogëlojnë linjat dhe rrudhat, njollat e zbehta kafe ose puçrrat. /UBT News/
Lifestyle
Fundjava erdhi, ja si ta kaloni pa stres dhe në mënyrë fantastike
Published
2 weeks agoon
April 5, 2025
Shumë njerëz jetojnë për fundjavën, se është koha kur mund të shijojnë ditën e pushimit. Edhe pse është e trishtë kur mendon se të gjithë janë të mbingarkuar me punë, nuk besoj se kjo gjë do të ndryshojë ndonjëherë.
Prandaj duhet të bëni maksimumin për të shijuar këto dy ditë pushim.
Sapo kalon e premtja, keni vetëm 48 orë deri sa mëngjesi i të hënës të vijë sërish. Ndoshta kjo është një mënyrë dramatike për ta parë situatën, por të gjithë e ndiejnë presionin e fundjavës. Është koha për të takuar miqtë, familjen, të dilni në takim, të gatuani e të kujdeseni për veten nëpërmjet disa ushtrimeve fizike. Ose dhe të rrini dhe të mos bëni asgjë, kjo është një mënyrë shumë e mirë për t’u relaksuar.
Këto janë disa këshilla se çfarë mund të bëni gjatë fundjavës:
Mos kontrolloni email-in tuaj, shmangiuni punës – Sapo keni një moment qetësie, merrni telefonin e filloni kontrolloni email-et tuaja. Është zakon i fiksuar gjatë javës, por në fundjavë duhet eliminuar. Lëreni mënjanë punën e fokusohuni në momentin e qetësisë.
Shmangiuni listës së gjërave që duhet të bëni – Një nga gjërat më të mërzitshme të të qenit i rritur është organizmi i ditës. Qoftë një ditë në shkollë apo në orar të plotë pune, e keni parasysh çfarë do ndodhë në çdo ditë të javës. Në fundjavë mund ta hidhni këtë listë. Nuk ka më punë, detyra për të bërë apo takime. Jini vetja juaj dhe rrini në pizhama për sa kohë doni.
Festoni të premten – Qëllimi kryesor i fundjavës është të bëni qejf, por edhe të shplodheni. Për t’i realizuar, dilni e festoni të premten në mbrëmje dhe gjatë fundjavës do të keni mundësi të merrni veten. Kështu, për të hënën do të jeni tërësisht të freskët.
Dilni nga shtëpia dhe shikoni çfarë ndodh – Nuk ka rëndësi nëse nuk keni asnjë plan apo takim të organizuar, mund të dilni të bëni diçka për të cilën nuk keni planifikuar asgjë. Kur jeni me pushime, cilat janë ditët më të mira? Janë ato që s’keni asnjë plan. Mjafton ta kaloni ditën duke lëvizur në qytet, duke parë se çfarë do t’ju ofrojë.
Kaloni një kohë të gjatë me miqtë tuaj – A ka ndonjë gjë më të adhurueshme se sa një grup shoqeror që ju ndihmon të relaksoheni por edhe të kaloni momente fantastike plot të qeshura dhe harmoni? Nuk ka, prandaj sapo të mbaroni ato që kishit për të bërë në shtëpi, dilni dhe takoni shoqet/shokët tuaj. Mjafton të dilni edhe për një kafe, pa pasur shumë harxhime. Do e shikoni që ja vlen.
Mos përhapni panik kur vjen mbrëmja e së dielës – Asnjë nuk e pëlqen të dielën sepse është e vështirë të mendosh se një javë tjetër e vështirë e me punë të pret. Por, pse ta harxhoni jetën duke menduar për të ardhmen? Mos e mendoni dhe shijoni kohën e lirë që keni. E shtuna dhe e diela janë ditët kur mund të jeni vetvetja, të pushoni dhe të bëni diçka të bukur. /UBT News/

Protestë e re kundër shtrenjtimit të rrymës në Prishtinë

Osmani dekoron me medalje tre të mbijetuar të dhunës seksuale gjatë luftës

Prokuroria kërkon vazhdimin e paraburgimit për Selimin dhe Krasniqin

Rama: Vendimi për ndërprerjen e projektit në shesh nuk është i mbështetur ligjërisht

Avokati Rodney Dixon: Trupi gjykues po sfidon padrejtësisht dëshmitarin

Van Damme thotë se ka simpati për Putinin: Dua të shkoj në Rusi dhe të bëhem ambasador i paqes atje

Kryetari i Prishtinës mirëpret Vasfije Krasniqin në Odën e Kryeqytetit

Rama: Sot kujtojmë sakrificën për liri dhe demokraci

Sporti ndihmon edhe në përmirësimin e shikimit
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT