Lajmet

Këtë javë fillon faza e parë e dezinsektimit hapësinor në komunën e Prishtinës

Published

on

Komuna e Prishtinës do të nisë këtë javë fazën e parë të dezinsektimit hapësinor për vitin 2024, ndërsa i gjithë procesi do të zhvillohet në gjashtë faza. Kështu ka thënë drejtori i Shëndetësisë, Izet Sadiku. Ai ka thënë se ky proces është i nevojshëm për kryeqytetin dhe se po bëhen përgatitje për fazën e parë, ndërsa ka shtuar se do të njoftohen paraprakisht qytetarët.

“Dizinsketimi hapësinor është proces që ndodh çdo vit në Prishtinë. Është prej komunave që e bënë dizinsketimin. Këtë vit jemi duke bërë përgatitjet në fillim të kësaj jave, jemi duke bërë përgatitje. Sigurisht që kemi pasur disa çështje që kemi disa kompani që të fillojë procesi sepse ka përfunduar kontrata me ta por kemi marrë një kompani tjetër. Duhet të bëhet një plan sepse në këtë proces duhet të lajmërohen më herët qytetarët, sidomos bletarët që të kenë kujdes dhe të mos bëhet dëmtimi i bletëve”, ka thënë Sadiku.

Në procesin e dezinsektimit hapësinor, Sadiku ka thënë përfshihen rreth 6 mijë e 800 hektarë, përfshirë dhe qytetin dhe fshatrat, e që zgjat afër një javë.

“Procesi i dezinsektimit është proces që zgjat gjashtë ditë, diku 6 mijë e 800 hektarë përfshihen në Komunën e Prishtinës, jo vetëm kryeqyteti por përfshihen edhe disa fshatra përreth. Ai zgjat në gjashtë faza në çdo rrugë, dhe pastaj mbas fazës së parë diku 10 ditë pauzohet dhe pastaj fillohet me fazën e dytë. Procesi zgjatë tetë ditë, diku ditëve të para bëhet larvicidet që hedhen, bëhet më qëllim që të mbyt larvat e insekteve. Në ditën e dytë bëhen procesi i dezinsektimit i cili zgjat gjatë ditë, dhe mbas kryerjes së procesit pauzohet”, u shpreh Sadiku.

Sipas tij, qëllimi i këtij procesi është zvogëlimi i insekteve në mënyrë që të zvogëlohen edhe sëmundjet epidemike.

“Qëllimi i këtij është zvogëlimi i insekteve në nivel epedemilogjik në mënyrë që të paranadohen shumë sëmundje ngjitëse të cilët bartës janë insketet. Do të bëjmë lajmërimin zakonisht ky proces bëhet në mbrëmje në ora tetë ose nëntë. Në bazë të informatatve dhe kërkesa të qztetarëve kemi parë që nuk ka shumë ankesa. Për dallim nga vitet e kaluara këtë vit, pastërtia dhe higjiena është më e mirë dhe ajo po ndikon që të ketë më pak insekte. Mirëmbajtje e parqeve sivjet është shumë më e mirë. Bari dhe lagështi është një faktor për rritjen e numrit të madh të insekteve”, shtoi ai.

Në fund ai kërkon nga qytetarët se për të gjithë ata që kanë ndonjë shqetësim që nuk kanë hyrë në lagjen e tyre ti lajmërojnë.

Dezinsektimit hapësinor bëhet gjatë mbrëmjes rreth orës 20:00-21:00, kompanitë e kontraktuara për dezinsektim shpërndahen në secilën lagje të Prishtinës dhe fshatrat e kësaj komune.

Dezinfektimi i hapësirave të Kryeqytetit bëhet me qëllim të eliminimit të valës së madhe të mushkonjave që kanë “pushtuar” vendin.

Lajmet

Ndalohet një i dyshuar për spiunazh

Published

on

By

Prokuroria Speciale e Kosovës njoftoi se ka arrestuar sot një person me inicialet H.S., shtetas i Kosovës, i dyshuar për kryerjen e veprës penale “Spiunazhi”.

Atij i është caktuar ndalimi prej 48 orësh. Sipas Prokurorisë, aksioni për arrestimin e tij është zhvilluar në bashkëpunim me Policinë e Kosovës – Drejtorinë për Hetimin e Krimit të Organizuar dhe Krimeve të Rënda, si dhe asistencën e Agjencisë së Kosovës për Inteligjencë.

Po ashtu, thuhet se është kryer edhe bastisje në dy lokacione në Kosovë, ku janë sekuestruar prova materiale, përfshirë edhe disa telefona, që dyshohet se janë përdorur nga i dyshuari gjatë kryerjes së veprës penale.

Prokurori i shtetit ndaj të dyshuarit ka nxjerrë aktvendim për ndalim prej 48 orësh, dhe ndaj të njëjtit do të ndërmerren të gjitha veprimet e nevojshme hetimore për zhvillimin e suksesshëm të procedurës penale.

Spiunazhi është veprimtari e fshehtë e mbledhjes, transferimit ose shpërndarjes së informacioneve të ndjeshme te një shtet, organizatë apo grup tjetër.

Me Kodin Penal të Kosovës, spiunazhi konsiderohet krim i rëndë dhe dënohet me minimum pesë vjet burg, nëse konfirmohet fajësia./REL/

Continue Reading

Lajmet

OEK kërkon pezullim të vendimit që shtrenjton energjinë elektrike për bizneset

Published

on

By

Oda Ekonomike e Kosovës (OEK) ka kërkuar nga institucionet e vendit që të shtyjnë të paktën për një vit hyrjen në fuqi të vendimit për dalje në tregun e lirë të energjisë elektrike për bizneset.

Drejtuesi i Odës Ekonomike, Lulzim Rafuna, tha se bizneset kanë filluar të marrin ofertat e para dhe gjëja e parë që është vërejtur është çmimi shumë më i lartë se sa kanë paguar deri më tani.

Ofertat e para që kanë ardhur tek të gjitha bizneset, tek të gjithë sektorët janë mbi 200 për qind më të shtrenjta sesa çmimi i energjisë elektrike që kanë marrë deri më sot”, tha Rafuna.

Zyra e Rregullatorit për Energji (ZRRE) ka marrë vendim që nga data 1 qershor të gjitha kompanitë e mëdha, konkretisht ato me mbi 50 të punësuar ose me qarkullim vjetor mbi 10 milionë euro të kalojnë në tregun e hapur të energjisë.

Sipas ZRRE-së, numri i tyre është mbi 1.000.

Aktualisht, këto biznese furnizohen nga Operatori për Furnizim me Energji (KESCO), si furnizuesi kryesor i licencuar për energji me çmime të rregulluara nga ZRRE-ja.

Ndërsa nga 1 qershori, kompanitë e mëdha duhet të zgjedhin vetë furnizuesin e tyre, me çmime të parregulluara, të cilat përcaktohen nga kërkesa dhe oferta në treg.

Rafuna tha se ky vendim duhet të shtyhet për të paktën një vit pasi sipas tij, kjo do të shuante shumë biznese.

Kemi kërkuar që të shtyhet dalja në tregun e lirë dhe rritja prej 16.1 për qind të suspendohet për arsye se ka mundësi dhe ka mekanizma që qeveria ta subvencionojë ose edhe ta gjejë mënyra tjera se si ta ndihmojë biznesin se si ta kalojë sa më lehtë këtë periudhë kohore të mosdaljes në tregun e lirë”, deklaroi Rafuna.

Aktualisht, në tregun e lirë të Kosovës janë të licencuara 18 kompani që ofrojnë furnizim me energji elektrike, shumica prej të cilave janë nga Kosova, por ka edhe kompani nga rajoni.

Nga 1 maji kanë hyrë në fuqi tarifat e reja, me një rritje prej 16.1 për qind.

Këto tarifa do të vlejnë edhe për bizneset që kanë nën 50 punëtor apo nën 10 milionë euro qarkullim.

Përmes një konference për media edhe Partia Demokratike e Kosovës ka kritikuar rritjen e çmimeve të energjisë elektrike.

Deputeti i Partisë Demokratike të Kosovës Ferat Shala e quajti rritjen e çmimit selektive dhe tha se dëmton qytetarët.

Sapo të konstituohet Kuvendi i ri, do të shfrytëzojmë të gjithë mekanizmat parlamentarë për të shqyrtuar çdo veprim dhe mosveprim në menaxhimin e sektorit energjetik”, theksoi Shala./REL/

Continue Reading

Aktualitet

Përmbyset varka “Lamborghini” në Miami, shpëtojnë mbi 30 persona

Published

on

Mbi 30 persona janë shpëtuar pas një incidenti me një varkë luksoze, afër një ishulli, në afërsi të Miami Beach në Shtetet e Bashkuara të Amerikës.

Siç raportohet, në bord kanë qenë disa influencerë, ndërsa varka u përshkrua si një “Lamborghini”.

Roja Bregdetare e SHBA-së ndërhyri menjëherë pas njoftimit se mjeti lundrues 20 metra i gjatë kishte filluar të marrë ujë.

Aksioni i forcave speciale përfundoi me shpëtimin e 32 personave.

Continue Reading

Lajmet

Kurti fton LDK-në për koalicion me LVV-në

Published

on

By

Kryetari i Lëvizjes Vetëvendosje (LVV), njëherësh kryeministër në detyrë i Kosovës, Albin Kurti, i ka shkruar një letër kreut të Lidhjes Demokratike të Kosovës (LDK), më 5 maj, përmes së cilës e ka ftuar për marrëveshje politike mes dy partive.

Kurti e ka ftuar Lumir Abdixhikun që LVV-ja dhe LDK-ja të bëjnë koalicion qeverisës, i cili do t’i hapte rrugë zhbllokimit të Kuvendit të Kosovës dhe formimit të Qeverisë së re të Kosovës.

Letra, të cilën Radio Evropa e Lirë e ka siguruar, u bë publike pas dështimit të përpjekjes së njëmbëdhjetë për konstituimin e Kuvendit.

Disa orë pas dërgimit të letrës nga Kurti, Abdixhiku ka thënë se partia e tij do t’i përgjigjet asaj zyrtarisht.

Duke folur para gazetarëve, ai ka thënë se letrën nuk e ka parë ende, por se do të kthejë përgjigje “me kohë”.

Ai i ka kërkuar anëtarëve të partisë së tij që “gjendjen e tanishme ta trajtojnë pa arrogancë shumë”.

Në letrën e tij, Kurti ka shkruar se është “i interesuar dhe i vullnetshëm për marrëveshje politike me LDK-në”.

Kurti i ka thënë Abdixhikut se “koalicionet bëhen pikërisht ndërmjet atyre që kanë dallime”, teksa ka shkruar se ka bindjen që “votuesit e LDK-së sot e preferojnë më së shumti koalicionin me LVV”.

Edhe votuesit e LVV e preferojnë po ashtu më së shumti koalicionin me LDK. Pse të mos e bëjmë“, është shprehur Kurti në letrën drejtuar Abdixhikut.

Kreu i LVV-së, në letër, nuk e ka përjashtuar as gatishmërinë e partisë së tij për shkuarje në zgjedhje të reja, por ka thënë se edhe ato do të çonin drejt një koalicioni mes LVV-së dhe LDK-së.

Pse ta bëjmë atëherë më vonë, kur mund ta bëjmë tash?“, e ka pyetur Kurti, Abdxhikun.

Sociologu dhe analisti politik nga Prishtina, Artan Muhaxhiri, tha në një intervistë për Radion Evropa e Lirë se mënyra e formulimit të letrës së kreut të Lëvizjes Vetëvendosje (LVV), Albin Kurti, drejtuar Lidhjes Demokratike të Kosovës (LDK), “është jashtëzakonisht dinake”.

Sipas tij, kjo letër është më shumë një veprim formal, me synimin për të përmirësuar imazhin bashkëpunues në opinionin publik, sesa që ka një peshë reale dhe konkrete./REL/

Continue Reading

Të kërkuara