Sport

Këta janë basketbollistët e ftuar për ndeshjet ndaj Norvegjisë dhe Danimarkës

Më 25 nëntor Kosova do të jetë mysafire e Norvegjisë.

Published

5 years ago

November 18, 2021

UBT news

Trajneri i Kosovës në basketboll Christos Marmarinos së bashku me stafin e tij teknik kanë bërë përzgjedhjen e 12 basketbollistëve për ndeshjet ndaj Norvegjisë dhe Danimarkës.

Po ashtu, në ndeshjen ndaj Kombëtares së Danimarkës, ekipit kosovar do t’i bashkohet edhe Mikaile Tmusiq, përcjell KosovaPress.

Më 25 nëntor Kosova do të jetë mysafire e Norvegjisë, kurse tre ditë më vonë më 28 nëntor do të pres në shtëpi në Prishtinë Kombëtaren e Danimarkës.

Të dy këto përballje janë të vlefshme për parakualifikimet drejt FIBA Eurobasket 2025.

Këtë fundjavë, respektivisht të shtunën dhe të dielën basketbollistët e Kosovës do të përgatiten në Marigona Rezidencë, ndërsa më 22 nëntor do të udhëtojnë drejt Norvegjisë.

Më poshtë i gjeni emrat e basketbollistëve kosovarë të ftuar për ndeshjet ndaj Norvegjisë dhe Danimarkës.

1.Arti Hajdari

2.Valon Bunjaku

3.Meriton Ismaili

4.Erjon Kastrati

5.Dardan Berisha

6.Samir Zekiqi

7.Drilon Hajrizi

8.Muhamedali Janjeva

9.Denis Zenelaj

10.Dion Sheqiri

11.Gëzim Morina

12.Fisnik Rugova

Related Topics:KOSOVA Norvegjia Danimarka

Up Next

Rikthehet Superliga, Ibrakoviq kërkon fitoren e parë si trajner i Prishtinës

Don't Miss

55 mijë euro për pjesëmarrjen e sportistëve kosovarë në Lojërat Olimpike Dimërore në Pekin

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

3 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

1 day ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

1 day ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L