Lajmet

Këshilltarët e Brukselit propozuan riemërtimin e rrugëve në mbështetje të Ukrainës

Brukseli, kryeqyteti evropian, duhet të flasë kundër Rusisë më fort dhe të tregojë mbështetje për viktimat e luftës ukrainase.

Published

on

Dy këshilltarë komunalë në Bruksel kanë propozuar ndryshimin e emrave të rrugëve të lidhura me Rusinë si një protestë kundër luftës së saj kundër Ukrainës, raportuan mediat lokale të premten.

Marc Naether, këshilltari komunal i Saint-Gilles, një lagje jugore multikulturore e Brukselit, ka propozuar ndryshimin e emrit të “Rue de Russie” (Rruga e Rusisë) në “Rue de l’Ukraine” (Rruga e Ukrainës), sipas lajmeve të Brussels Times.

Në mënyrë të ngjashme, Geoffroy Coomans de Brachene i qendrës së qytetit të Brukselit, do të paraqesë mocionin e tij të hënën për të riemërtuar Avenue de Stalingrad.

Brukseli, kryeqyteti evropian, duhet të flasë kundër Rusisë më fort dhe të tregojë mbështetje për viktimat e luftës ukrainase me veprime simbolike, thonë këshilltarët.

“Si evropianë, ne nuk mund të mbetemi të padurueshëm përballë dramës humanitare që shpaloset në pragun tone. Ne duam t’u dërgojmë një mesazh shprese ukrainasve dhe t’u kujtojmë atyre se pavarësisht rrethanave delikate, ne i mbështesim ata fuqishëm“, tha Naether.

Ai tha se ishte frymëzuar nga vendimi i kryeqytetit të Lituanisë Vilnius dhe kryeqytetit të Letonisë Riga, të cilat ndryshuan emrat e rrugëve që të çojnë në ambasadat ruse në “Rruga e Heronjve të Ukrainës” dhe “Rruga e Ukrainës së Pavarur”.

“Kryeqyteti ynë nuk mund të qëndrojë pasiv kur kaq shumë qytetarë të Brukselit po marrin pjesë aktive në përpjekjet për të mbështetur popullin ukrainas”, shtoi Naether.

Ndryshe, ata kanë ofruar gjithashtu vendosjen e pllakave përkujtimore si homazh për viktimat e luftës dhe për të shënuar mbështetjen e kryeqytetit të Evropës për viktimat ukrainase.

Lufta e Rusisë kundër Ukrainës, e cila filloi në shkurt, ka lënë mijëra të vdekur ose të plagosur dhe ka detyruar më shumë se 5.6 milionë njerëz të ikin jashtë vendit./UBTNews/

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara