Lajmet

Kërkohet që çështja e të pagjeturve të jetë prioritet në dialog

Published

4 years ago

on

Familjarët e personave të pagjetur po kërkojnë nga kryeministri Kurti që në takimin e parë me presidentin serb, Aleksandër Vuçiq, të mbajë fjalën e dhënë në fushatë dhe të ngre zërin për zbardhjen e fatit të personave të cilët janë zhdukur që nga lufta e fundit. Ata janë të gatshëm që sa herë të diskutohet kjo çështje të jenë pjesë e delegacionit të Kosovës që do të jetë përgjegjës për dialogun.

Takimi i kryeministrit Kurti me presidentin e Serbisë, Aleksandër Vuçiq, nuk po mirëpritet nga familjarët e personave të zhdukur gjatë luftës. Ata po shprehen të zhgënjyer që i pari i qeverisë do të shkojë për takim në Bruksel ani pse nuk është zbardhur fati i mbi 1 mijë e 600 personave të zhdukur gjatë luftës.

Të njëjtit deklarohen të gatshëm të jenë pjesë e delegacionit të Kosovës për bisedime me Serbinë vetëm nëse do të flitet për të pagjeturit. Ndërsa, nga Qeveria e Kosovës nuk kanë kthyer përgjigje nëse çështja e personave të zhdukur do të jetë temë e diskutimit në takimin që do të mbahet në Bruksel, e as nëse familjarët e personave të zhdukur do të ftohen të jenë pjesë e delegacionit të Kosovës.

Bajram Çerkini nga Qendra Burimore për Persona të Zhdukur, thotë se janë të zhgënjyer nga mosmbajtja e premtimeve nga kryeministri Kurti se nuk do të ketë dialog pa u zbardhur fati i personave të zhdukur gjatë luftës.

“Politikanët tanë duhet të qesin kusht dhe duhet ta mbajnë fjalën të cilën e kanë dhënë edhe para zgjedhjeve edhe pas zgjedhjeve, po dhe kur po i vyejnë për poenë politike po i përmendin të pagjeturit, përndryshe nuk i përmendin hiç. Kërkesë kryesore ka qenë që në Bruksel të flitet për persona të pagjetur si pikë e rendit të ditës e para. Tash po shoh që bisedohet për dialog, bisedohet që do të shkojë do të flas drejtpërdrejtë me Vuçiqin, po jo temën e të pagjeturve. Vuçiqi e dinë mirë ku janë por nuk do të tregojë, edhe mos pritni, as të mos presin asnjë politikan se politikanët e Serbisë tregojnë ku janë më të dashurit tanë”, thotë ai.

Çerkini shprehet i gatshëm që të jetë pjesë e delegacionit të Kosovës në dialog vetëm kur flitet për të pagjeturit.

Ai potencon se janë pikërisht familjarët që disa çështje i shtrojnë më hapur, teksa thotë se janë politikanët ata që duhet të bëjnë presion mbi palën serbe që të tregojë vendndodhjen e personave të zhdukur.

“Familjari duhet të shkojë në qoftë se dikush të pyet pse je këtu, t’ju tregojë gjëra konkrete dhe kur të vish në Kosovë më lehtë unë ia shpjegoj familjarëve. Për këtë do shkoja, për të shkuar të bëj trysni unë në Bruksel e çështja e dialogut politik është trup, a kur folët për të pagjeturit me qenë prezent pse jo, se janë disa gjëra që familjari i thotë hapur, nuk trembet as prej atij, as prej atij”, thotë ai.

Duke qenë se takimi është paralajmëruar se do të mbahet në mes të këtij muaji, kryetari i Këshillit koordinues për të zhdukurit dhe krimet e luftës, Ahmet Grajqevci, thotë se Kurti e ka shansin të dëshmojë se ju qëndron prapa të gjitha premtimeve të bërë gjatë fushatës zgjedhore.

“Kryeministri Kurti gjatë fushatës e ka pasur gojën plotë me personat e zhdukur, krimet e luftës, dëmet e luftës dhe tash ndoshta është me një agjendë më të ngarkuar, por shpresoj që shansin e ka në takimin e parë që të tregojë veten me Vuçiqin për të gjitha këto. Nëse kërkon materiale dhe të dhëna për të vërtetën e krimeve, të gjitha i ka”, thotë ai.

KosovaPress ka provuar të marrë edhe një qëndrim nga Qeveria e Kosovës nëse çështja e personave të zhdukur do të jetë pjesë e agjendës dhe se a do të ftohen familjarët që të jenë pjesë e delegacionit, por që nuk ka marrë përgjigje.

Related Topics:
Continue Reading

Lajmet

Kontingjenti i FSK-së, pjesë e ushtrimit “Winter EX 2025” në Turqi

Published

5 minutes ago

on

January 22, 2025

By

Kontingjenti i Forcës së Sigurisë së Kosovës, i është bashkuar forcave partnere në ushtrimin ndërkombëtar “Winter EX 2025” që udhëhiqet nga Forcat e Armatosura të Republikës së Turqisë ( FART).

FSK-ja njofton se Ushtrimi Fushor “Winter EX 2025” është një aktivitet shumëpalësh me pjesëmarrje të gjerë nga vendet partnere, agjencitë e sigurisë, organizatat qeveritare dhe joqeveritare të Turqisë, e që fokus ka aspektin operacional dhe taktik në kushte të motit ekstrem dhe brenda kufijve territorial të Turqisë.

Pjesëmarrja e FSK-së, në ushtrim ka për qëllim ngritjen dhe avancimin e kapaciteteve operacionale dhe profesionale të njësive , si dhe ngritjen e ndërveprueshmërisë në operacionet e përbashkëta me partnerët.

Continue Reading

Lajmet

Delegacioni presidencial pjesëmarrës në inaugurimin e Presidentit të 47-të të SHBA-ve

Published

26 minutes ago

on

January 22, 2025

By

Delegacioni presidencial ka marr pjesë në aktivitetet e organizuara me rastin e inaugurimit të Presidentit të 47-të, të SHBA-ve, Donald Trump.

Një delegacion presidencial, i përbërë nga Learta Hollaj, Shefe e Stafit të Presidentes, dhe Rejhan Vuniqi, Këshilltare për Politikë të Jashtme, të shoqëruar nga Ambasadori i Republikës së Kosovës në SHBA, Ilir Dugolli, ka marrë pjesë në aktivitetet e organizuara për nder të inaugurimit të Presidentit të 47-të, të Shteteve të Bashkuara të Amerikës, Donald Trump.

Nga Presidenca njoftohet se gjatë këtyre ditëve, ata kanë marrë pjesë në ceremoninë e betimit të Presidentit Trump në Capitol Hill, Tubimin e mbajtur para ceremonisë së betimit në Capital One Arena, Ballon e Komandantit Suprem; Ballon Presidenciale “The Liberty Ball”, Ballon “Black Tie and Boots”, të organizuar nga Texas State Society, Midwest Galla, pritjen e organzuar nga Dr. Miriam Adelson, Tilman Fertitta, Sylvie Legere & Todd Ricketts e Mark Zuckerberg, si dhe në Shërbesën e Lutjeve Kombëtare në Washington National Cathedral.

Me këtë rast, ata kanë pasur mundësinë të takohen me një sërë zyrtarësh të lartë, senatorë dhe kongresistë, si dhe këshilltarë dhe persona me ndikim nga bota e biznesit dhe sfera të tjera të interesit.

Gjatë këtyre aktiviteteve, ata kanë pasur mundësinë të bisedojnë me: Kryetarin e Dhomës së Përfaqësuesve në Kongresin amerikan, Mike Johnson; të nominuarin e Presidentit Trump për Drejtor të CIA-s, John Ratcliffe; Kongresistin dhe Kryesuesin e nënkomitetit për Evropë në Komitetin për Politika të Jashtme të Dhomës së Përfaqësuesve të SHBA-ve, Keith Self; Kongresistin Chip Roy; Kongresistin Ronny Jackson; Senatorin John Cornyn, Kongresistin Ted Cruz; Guvernatorin e Teksasit, Greg Abbott; Guvernatoren e Iowa, Kim Reynolds; Ambasodorin e nominuar të Presidentit Trump në NATO, Matt Whitaker; Zëvendës Guvernatorin e Teksasit, Dan Patrick; Prokurorin e Përgjithshëm të Teksasit, Ken Paxton; ish-Sekretarin e Përgjithshëm të NATO-s, Jens Stoltenberg; Senatoren e Teksasit, Angela Paxton; Këshilltarin lokal, Gino Mulliqi; dhe ish-Kongresistin Jack Fields, si dhe përfaqësues të shumtë të mërgatës.

Në të gjitha këto takime, janë përcjellë urimet më të mira për Presidentin Trump dhe administratën e re në emër të Presidentes Osmani dhe qytetarëve të Kosovës, duke konfirmuar angazhimin e Republikës së Kosovës për avancimin e mëtejshëm dhe të vazhdueshëm të raporteve bilaterale. Në bisedat me zyrtarët amerikanë është theksuar gjithashtu rëndësia e vizitave të ndërsjella, si dhe rëndësia e bashkëpunimit me qëllim të avancimit dhe ruajtjes së sigurisë në rajon dhe përtej.

Continue Reading

Lajmet

Lajçak: Marrëveshja e Ohrit hapi rrugën drejt normalizimit të raporteve Kosovë – Serbi

Published

39 minutes ago

on

January 22, 2025

By

Miroslav Lajçak, emisari i Bashkimit Europian për dialogun, ka folur për takimin që zhvilloi dje me presidentin serb, Aleksandar Vuçiç, në kuadër të përpjekjeve për të përshpejtuar procesin e dialogut ndërmjet Kosovës dhe Serbisë.

Në një postim në platformën X, Lajçak theksoi rëndësinë e Marrëveshjes së Ohrit të vitit 2023, e cila, sipas tij, ka hapur një rrugë të re për normalizimin e marrëdhënieve ndërmjet dy vendeve. “Theksova se Marrëveshja e Ohrit e vitit 2023 hapi rrugën përpara drejt normalizimit”, shkruajti ai, duke theksuar se avancimi në këtë drejtim është jetik për të ardhmen e dy vendeve dhe të gjithë rajonit.

Lajçak shtoi se progresi i mëtejshëm është në interes të Kosovës, Serbisë dhe të ardhmes së tyre, duke i bërë thirrje të dyja palëve të vazhdojnë përpjekjet për të arritur një marrëveshje përfundimtare që do të kontribuonte në stabilitetin dhe paqen në Ballkanin Perëndimor./UBTNews/

Continue Reading

Bota

Peshkopi Episkopal i Uashingtonit kritikon publikisht Trumpin

Published

45 minutes ago

on

January 22, 2025

By

Një ditë pas inaugurimit të tij, presidenti i ri amerikan Donald Trump mori një predikim të befasishëm gjatë një ceremonie lutjeje në Katedralen Kombëtare të Uashingtonit. Peshkopi Episkopal Mariann Budde, e para grua që mban këtë detyrë, i bëri thirrje Trumpit që të tregonte “mëshirë” për dy grupe të margjinalizuara  homoseksualët dhe emigrantët e paligjshëm që ishin shënjestruar në urdhrat e tij të parë ekzekutiv pas marrjes së detyrës.

Ceremonia e lutjes në Katedralen Kombëtare është një traditë e kalimit për presidentët e rinj amerikanë, dhe Trump, me zonjën e parë Melania në krah, sigurisht që nuk priste të kritikoheshin nga foltorja e shenjtë. Peshkopi Budde, duke folur drejtpërdrejt nga podiumi, u shpreh me një thirrje të fortë: “Unë kërkoj nga ju të keni mëshirë, zoti President”, duke theksuar shqetësimet e saj për frikën që kishte pushtuar shumicën e qytetarëve amerikanë, përfshirë homoseksualët, lezbiket dhe fëmijët transgjinorë.

Ajo tha se këto grupe ishin të pranishëm në të gjitha familjet amerikane, pa marrë parasysh orientimin politik – demokratik, republikan ose të pavarur. Më tej, Budde u shpreh: “Ne duhet t’i shohim ndryshe njerëzit që punojnë në fermat tona, pastrojnë shtëpitë dhe zyrat tona, punojnë në fabrikat e shpendëve dhe mishit, lajnë enët pasi të hamë në restorante dhe punojnë gjatë natës në spitale. Ata mund të mos kenë dokumentet e duhura, por shumica e emigrantëve nuk janë kriminelë”.

Ky apel i drejtohej drejtpërdrejt politikave të Trumpit, të cilat kishin synuar emigrantët e paligjshëm dhe kishin marrë masa të forta kundër të drejtave të grupeve LGBT+. Presidenti Trump, i cili kishte mbetur i befasuar nga ky predikim, u shpreh më vonë për mediat se nuk mendonte se ishte një predikim i përshtatshëm: “Unë nuk mendoj se ishte një predikim i mirë”, tha ai.

Peshkopi Budde, një nga zërat më të fuqishëm dhe më të respektuar në Kishën Episkopale Amerikane, ka pasur një angazhim të gjatë për drejtësinë sociale dhe të drejtat e njeriut. Ajo kishte kritikuar Trumpin edhe më parë, përfshirë gjatë protestave për vdekjen e afrikano-amerikanit George Floyd në verën e vitit 2020. Budde kishte dënuar përdorimin politik të vendeve të shenjta nga presidenti, duke theksuar se ai kishte shfrytëzuar kishën pa u konsultuar me dioqezën.

Ky moment i kritikës publike ndaj presidentit Trump thekson tensionet midis figurave fetare dhe administratës Trump, për shumë nga çështjet që shqetësojnë shoqërinë amerikane në ditët e sotme./UBTNews/

 

Continue Reading

Të kërkuara