Lajmet

​Kërkohet krijimi i një mjedisi më të sigurt për të mbijetuarat e dhunës familjare

Kurti deklaroi se institucionet po punojnë në përmirësimin e kornizës ligjore për mbrojtjen e grave dhe vajzave nga dhuna.

Published

3 years ago

on

Në kuadër të kampanjës “16 Ditë aktivizëm kundër dhunës me bazë gjinore”, Ministria e Drejtësisë ka lansuar sot “Programin kombëtar për trajtimin e kryerësve të dhunës ndaj grave”, i cili synon krijimin e një mjedisi më të sigurt për të mbijetuarat e dhunës.

Kryeministri Albin Kurti deklaroi se institucionet po punojnë në përmirësimin e kornizës ligjore për mbrojtjen e grave dhe vajzave nga dhuna, dhe se krahas rehabilitimit psiko-social synohet krijimi i një mjedisi të sigurt për gra dhe vajza.

“Çdo vajzë e grua ka të drejtë të jetojë pa dhunë, pa u kërcënuar. Këtë synim e kemi në kushtetutë dhe ligjet tona. Ne do të jemi aktivë në këto ditë dhe më pas. Krahas rehabilitimit psiko-social, synimi tjetër është krijimi i një mjedisi të sigurt për të mbijetuarat. Kemi rritur financimin e strehimoreve mbi 100 për qind në vitin 2023”, potencoi Kurti.

Ai theksoi se numri i grave qe kërkojnë ndihmë juridike është në rritje. Ndër të tjera, Kurti tha se dhuna kërkon edhe trajtim të përkushtuar politik, për çka u zotua se do të vazhdojë angazhimin e tij të pakushtëzuar në këtë drejtim.

Ndërsa, ministrja e Drejtësisë, Albulena Haxhiu tha se ministria ajo që drejton për herë të parë është angazhuar në vazhdimësi për adresimin e dhunës në familje dhe asaj në baza gjinore.

Duke kujtuar se dhuna ndaj grave është çështje e të drejtave të njeriut, Haxhiu shtoi se programi i lansuar sot synon krijimin e një mjedisi të sigurt për të mbijetuarat. Ajo potencoi se ky program është në përputhje me kurrikulën dhe Konventën e Stambollit.

Ndërsa, konsulentja vendore e Këshillit të Evropës, Adelina Badivuku Toplica tha se “Programi Kombëtar për Trajtimin e Kryerësve të Dhunës ndaj Grave”, është një iniciativë e ndërtuar mbi parimet e ndërhyrjes strategjike dhe rehabilitimit psiko-social për ata që kanë ushtruar dhunë.

“Programi niset nga fakti se dhuna ndaj grave nuk duhet të konsiderohet vetëm si një sërë incidentesh të izoluara, por si një pjesë e një sistemi më të gjerë që është i ndërthurur me besimet dhe strukturat e shoqërisë”, tha Badivuku-Toplica.

Related Topics:
Continue Reading

Lajmet

KMDLNj: 32 punëtorë humbën jetën në Kosovë gjatë vitit të kaluar, kërkohet më shumë siguri në punë

Published

18 minutes ago

on

July 30, 2026

By

Këshilli për Mbrojtjen e të Drejtave dhe Lirive të Njeriut ka ngritur shqetësimin për sigurinë e punëtorëve në Kosovë, duke thënë se mungesa e masave mbrojtëse dhe mbikëqyrja e pamjaftueshme institucionale po vazhdojnë të shkaktojnë aksidente me pasoja fatale.

Sipas KMDLNj-së, gjatë vitit të kaluar në Kosovë kanë humbur jetën 32 punëtorë, kryesisht në sektorin e ndërtimtarisë.

Organizata thekson se edhe gjatë vitit 2026 situata mbetet shqetësuese, ndërsa si shkaqe kryesore të aksidenteve përmend mungesën e pajisjeve mbrojtëse, kushtet e pafavorshme atmosferike, mungesën e kualifikimit profesional, si dhe mbikëqyrjen e dobët nga institucionet përgjegjëse.

KMDLNj ka ngritur shqetësimin edhe për numrin e madh të punëtorëve që vazhdojnë të punojnë pa kontrata, duke ua vështirësuar realizimin e të drejtave të tyre në rast aksidenti apo humbjeje të jetës.

Këshilli ka kërkuar shtim të inspektimeve në terren dhe ka propozuar që gjobat ndaj punëdhënësve që shkelin rregullat e sigurisë të përdoren për krijimin e një fondi për mbështetjen e familjeve të viktimave dhe punëtorëve me pasoja të përhershme shëndetësore.

Sipas KMDLNj-së, gjendja ekonomike shpesh i detyron punëtorët të pranojnë kushte të pasigurta pune, ndërsa institucionet duhet të marrin masa më të fuqishme për garantimin e sigurisë në vendet e punës./A.K/

Continue Reading

Lajmet

Shtatë të lënduar në një aksident në autostradën “Ibrahim Rugova”

Published

31 minutes ago

on

July 30, 2026

By

Shtatë persona kanë pësuar lëndime si pasojë e një aksidenti trafiku që ka ndodhur pasditen e së mërkurës në autostradën “Ibrahim Rugova”.

Policia ka njoftuar se rreth orës 17:50 ka pranuar informatën për aksidentin, në të cilin janë përfshirë një kamion dhe dy vetura.

Si pasojë e aksidentit, shtatë persona kanë mbetur të lënduar, por sipas informacioneve fillestare ata janë jashtë rrezikut për jetë.

“Rreth orës 17:54 kemi pranuar informatë për një aksident trafiku në autostradën “Ibrahim Rugova” saktësisht në Duhël – drejtimi për Prishtinë. Të përfshirë në aksident janë një kamion dhe dy vetura, ndërsa raportohet për 7 persona të lënduar, për momentin jashtë rrezikut për jetë”, ka njoftuar policia. /A.K/

Continue Reading

Lajmet

Google Street View mbërrin në Kosovë, publikohet pamja 360-gradëshe e vendit

Published

33 minutes ago

on

July 30, 2026

By

Kosova është bërë territori më i ri në Ballkan që është përfshirë në shërbimin Google Street View, duke sjellë pamje 360-gradëshe të rrugëve, qyteteve dhe destinacioneve turistike në mbarë vendin.

Pas rreth dy vjetësh fotografime, Google ka publikuar pamjet e realizuara nga korriku 2025 deri në maj 2026, duke mbuluar pjesën më të madhe të territorit të Kosovës.

Pamjet përfshijnë qytetet kryesore si Prishtina, Prizreni, Peja, Gjakova, Mitrovica, Gjilani dhe Ferizaj, si dhe shumë zona të tjera urbane e rurale.

Përdoruesit e Google Maps tashmë mund të eksplorojnë edhe destinacione turistike si Gryka e Rugovës, Parku Kombëtar i Sharrit dhe Bjeshkët e Nemuna, si edhe zona pranë kufijve me Shqipërinë, Malin e Zi dhe Maqedoninë e Veriut.

Sipas raportimeve, Google ka përdorur kamera të gjeneratës së katërt dhe, në disa raste, kamera portative për të realizuar fotografimet edhe në kushte të vështira atmosferike.

Publikimi i Google Street View konsiderohet një hap i rëndësishëm për promovimin e Kosovës në platformat digjitale dhe për rritjen e vizibilitetit të saj turistik dhe ekonomik./A.K/

Continue Reading

Lajmet

LDK mban sot kuvendin e jashtëzakonshëm

Published

35 minutes ago

on

July 30, 2026

By

Lidhja Demokratike e Kosovës (LDK) mban sot Kuvendin e Jashtëzakonshëm, i thirrur pas përfundimit të procedurave statutare dhe verifikimit të nënshkrimeve të delegatëve që kërkuan mbajtjen e tij.

Sipas njoftimit të partisë, është konstatuar se është përmbushur kriteri statutar prej së paku një të tretës së delegatëve, duke i hapur rrugë mbledhjes së Kuvendit.

Kuvendi i jashtëzakonshëm i LDK-së do të mbahet në ora 18:00.

Kuvendi i Jashtëzakonshëm vjen në një periudhë tensionesh të brendshme në LDK, pasi një grup delegatësh kërkuan shkarkimin e kryetarit Lumir Abdixhiku, duke theksuar se partia duhet të marrë përgjegjësi politike pas rezultatit në zgjedhjet parlamentare të 7 qershorit.

Në njoftimin zyrtar, LDK ka theksuar se i gjithë procesi është zhvilluar në përputhje me Statutin e partisë dhe se Kuvendi do të mbahet duke respektuar parimet e demokracisë së brendshme, transparencës dhe vullnetit të delegatëve.

Kuvendi i jashtëzakonshëm i LDK-së pritet të jetë një nga zhvillimet më të rëndësishme politike brenda LDK-së këtë vit, pasi delegatët do të diskutojnë për situatën në parti dhe hapat e mëtejshëm, ndërsa pritet të shihet nëse do të votohet për shkarkimin e Abdixhikut apo i njëjti do të vazhdojë të udhëheqë LDK-në./A.K/

Continue Reading

Të kërkuara