Një pikturë e realizuar në vitin 1901 nga piktori impresionist Claude Monet, “Vétheuil në dritën e mëngjesit”, është shitur në një ankand në Paris për 10.2 milionë euro, duke u renditur ndër rezultatet më të larta në tregun francez të artit në vitet e fundit.

Sipas shtëpisë së ankandeve Sotheby’s, në të njëjtin ankand u shit edhe një tjetër vepër e Monet, “Ishujt e Port-Villez” (1883), e cila arriti çmimin 6.45 milionë euro.

Këto shitje përbëjnë rekord për veprat e Monet të tregtuara në ankande në Francë që nga viti 2000, duke dëshmuar interesin e vazhdueshëm për krijimtarinë e tij në tregun ndërkombëtar të artit.Megjithatë, rekordi absolut për një pikturë të Monet mbetet ai i veprës “Meules”, e cila u shit për 110.7 milionë dollarë në një ankand në New York në vitin 2019

Këngëtari amerikan D4vd, emri i plotë i të cilit është David Anthony Burke, është arrestuar nga autoritetet në Los Angeles nën dyshimin për përfshirje në vrasjen e një vajze 14-vjeçare, e raportuar e zhdukur vitin e kaluar.

Sipas policisë, bëhet fjalë për rastin e Celeste Rivas Hernandez, mbetjet mortore të së cilës u zbuluan në shtator 2025 brenda një automjeti të tipit Tesla, i lidhur me një pronë që lidhej me artistin.

Autoritetet kanë bërë të ditur se 21-vjeçari po mbahet në paraburgim pa të drejtë lirimi me kusht, ndërsa çështja pritet t’i paraqitet Prokurorisë në ditët në vijim.

Hetimet nisën më 8 shtator 2025, kur në një parking për automjete të tërhequra në zonën e Hollywood-it u raportua një erë e rëndë që vinte nga një veturë. Brenda saj, hetuesit zbuluan mbetje trupore në gjendje të avancuar dekompozimi.

Sipas dokumenteve gjyqësore, trupi ishte i vendosur në bagazhin e automjetit, ndërsa mjeku ligjor ka theksuar se gjendja e tij e rënduar e bënte të pamundur përcaktimin e menjëhershëm të shkakut të vdekjes. Dyshohet se viktima kishte qenë e vdekur për disa javë para zbulimit.Raporton BBC.

Celeste Rivas Hernandez ishte raportuar e zhdukur nga familja e saj në prill të vitit 2024 dhe jetonte rreth 120 kilometra larg vendit ku u gjet trupi i saj.

Rasti ka tërhequr vëmendje të madhe publike dhe ka nxitur spekulime në rrjetet sociale, ndërsa hetimet morën një kthesë të re në dhjetor, kur juria e madhe filloi shqyrtimin e provave.

Ndërkohë, pas zhvillimeve të fundit, D4vd ka anuluar turneun e tij botëror dhe është tërhequr nga paraqitjet publike. Gjithashtu, ai është larguar nga bashkëpunimet me brende të njohura si Hollister dhe Crocs.

Përfaqësuesit e tij kanë deklaruar më herët se artisti është duke bashkëpunuar me autoritetet, ndërsa vetë ai nuk ka bërë komente të gjera publike deri më tani.

Hetimet janë ende në zhvillim dhe autoritetet nuk kanë publikuar detaje të tjera mbi rastin.

Për më shumë se gjashtë dekada, një dyqan i vogël në Oxford Street të Londrës ishte një destinacion i veçantë për fytyra të njohura dhe qytetarë të zakonshëm. “Passport Photo Service”, një biznes familjar i themeluar nga ish-boksieri Dave Sharkey, u bë i famshëm për shërbimin e shpejtë – fotografi pasaporte të realizuara brenda pak minutash – dhe për galerinë e mbushur me portrete të klientëve të njohur.

I vendosur pranë disa ambasadave, studioja tërhoqi rreth 800 personazhe të famshëm ndër vite, përfshirë figura si Muhammad Ali, Madonna, Bill Murray, Arnold Schwarzenegger dhe Kate Winslet. Përveç shërbimit të shpejtë, familja Sharkey njihej edhe për fleksibilitetin, duke ofruar edhe fotografi në shtëpitë apo studiot e klientëve.

Pas mbylljes së biznesit në vitin 2019, pjesërisht si pasojë e zhvendosjes së ambasadës amerikane dhe ndryshimeve urbane në Oxford Street, Philip Sharkey vendosi të realizojë një ide të kahershme: botimin e një libri. “Passport Photo Service”, i publikuar nga Phaidon, përmbledh mbi 300 portrete të realizuara nga vitet 1950 deri në vitet 2010.

Libri nuk është vetëm një koleksion i fytyrave të famshme, por edhe një dokumentim i një epoke të zhdukur të Londrës, kur bizneset e vogla kishin vend në zemër të qytetit. Sot, zona është dominuar nga zhvillimet e mëdha tregtare, duke lënë pak hapësirë për iniciativa të tilla familjare.

Philip Sharkey, i cili filloi të punonte në dyqan që në moshën 16-vjeçare, kujton se fotografia e pasaportës ishte “barazuesi i madh”, pasi të gjithë kishin nevojë për të. Edhe personazhet e famshëm shfaqeshin në mënyrë më natyrale, pa ekipet e zakonshme të stilimit apo marrëdhënieve me publikun.

Ndër momentet e veçanta përmenden vizitat në shtëpitë e artistëve si Madonna dhe Guy Ritchie, apo fotografimet në studio muzikore të emrave si Sting, George Michael dhe Eric Clapton. Ndërkohë, disa portrete mbeten ende të papublikuara, për shkak të marrëveshjeve konfidenciale.

Historia e “Passport Photo Service” mbetet një dëshmi e një Londre që po zhduket, ku një biznes i vogël mund të bëhej pjesë e historisë së kulturës pop dhe të krijonte një arkiv unik ndër dekada.

Vetëm disa javë më vonë, vëmendja globale do të zhvendoset në Kupën e Botës më të madhe në histori, që do të zhvillohet në SHBA, Kanada dhe Meksikë, me 48 ekipe dhe 104 ndeshje. Edhe aty, nostalgjia do të jetë e pranishme: Adidas ka prezantuar fanella të reja me frymë estetike të viteve ’90, të kombinuara me dizajn modern dhe me rikthimin e logos ikonike “trefoil”, për herë të parë pas më shumë se tri dekadash.

Sipas analizës së zhvillimeve në kulturën e futbollit, fanella nuk është më thjesht uniformë sportive. Ajo është shndërruar në objekt kulturor, modë dhe kujtim kolektiv. Dizajnet e viteve ’90, dikur të diskutueshme, sot konsiderohen ikonike dhe të kërkuara në tregjet globale të fanellave vintage.

Ekspertët theksojnë se fanellat e futbollit filluan të bëhen pjesë e kulturës së përditshme sidomos në vitet ’70, por shpërthimi i tyre estetik dhe kulturor ndodhi në vitet ’90, kur teknologjia e re e prodhimit lejoi dizajne më të guximshme dhe më grafike. Fanella u shndërrua në “kanavacë lëvizëse” të identitetit të klubeve dhe kombëtareve.Kujtimet sportive dhe emocionale kanë luajtur rol të madh në këtë fenomen. Fanellat e Kupës së Botës 1990 apo Euro 1996 janë bërë simbole të forta nostalgjie, të lidhura me momente historike të futbollit dhe kulturës pop, duke u kthyer në objekte koleksionimi me vlera të larta.

Gjatë dy dekadave të fundit, tregu i fanellave retro është profesionalizuar dhe globalizuar, duke u kthyer nga një rrjet i vogël koleksionistësh në industri të mirëfilltë. Ndërkohë, ndikimi i modës dhe i kulturës së të famshmëve ka bërë që fanellat vintage të kthehen në deklarata stilistike në rrugë, rrjete sociale dhe evente publike.Sipas studiuesve të kulturës, kjo valë nostalgjie nuk lidhet vetëm me të kaluarën, por edhe me mënyrën si brezat e rinj e përjetojnë historinë përmes internetit dhe përmbajtjeve digjitale. Futbolli, ashtu si filmat apo moda, po përjeton një cikël të vazhdueshëm rikthimi dhe ripërpunimi të së shkuarës.

Në prag të Kupës së Botës, mes fanellave të reja dhe atyre të rikthyera nga arkivat, futbolli po hyn në një epokë ku e kaluara dhe e ardhmja bashkëjetojnë në të njëjtën fushë. Fanella nuk është më thjesht uniformë: ajo është kujtim, identitet dhe kulturë që vazhdon të riciklohet brez pas brezi.