Lajmet

Katër vjet nga marrëveshja e Uashingtonit

Published

on

Kryeministri i Kosovës në atë kohë, Avdullah Hoti dhe presidenti i Serbisë, Aleksandar Vuçiq, para katër vjetësh nënshkruan marrëveshjen për normalizim ekonomik në Shtëpinë e Bardhë, në prani të presidentit të atëhershëm të Shteteve të Bashkuara, Donald Trump.

Dokumenti i nënshkruar për vendosjen e marrëdhënieve diplomatike, ishte i shkruar në katër kopje: në gjuhën shqipe, angleze, hebreje dhe serbe.

Si rrjedhojë e kësaj marrëveshjeje Izraeli dhe Kosova shkëmbyen njohje të ndërsjellë, kështu që më 14 mars 2021, Kosova e hapi ambasadën e saj në Jerusalem.

Flamuri i Kosovës dhe ai i Izraelit të vendosur pranë ndërtesës së Ambasadës së Kosovës në Jerusalem.

Në kuadër të zotimeve të nënshkruara më 4 shtator në Uashington, Kosova u pajtua që të respektojë një moratorium njëvjeçar, përmes së cilit, nuk do të aplikonte për anëtarësim në organizata ndërkombëtare.

Marrëveshja obligoi edhe Serbinë, që të pezullojë iniciativën e saj për t’i bindur shtetet e ndryshme të botës që të tërheqin njohjen e pavarësisë së Kosovës.

Marrëveshja e nënshkruar në Washington:

Të dyja palët do të zbatojnë marrëveshjen për autostradën Beograd-Prishtinë, të nënshkruar më 14 shkurt, 2020.

Të dyja palët do të zbatojnë marrëveshjen e hekurudhave Beograd-Prishtinë të nënshkruar më 14 shkurt, 2020. Për më tepër, të dyja palët do t’i përkushtohen një studimi të fizibilitetit për mundësitë e lidhjes së infrastrukturës hekurudhore Beograd-Prishtinë me një port në det të thellë në Adriatik.

Kosova (Prishtina) dhe Serbia (Beogradi) do të punojnë me Korporatën Ndërkombëtare të SHBA-së për Zhvillim Financiar dhe EXIM, në memorandumet e mirëkuptimit, për të operacionalizuar këto:

-Autostradën e paqes

-Lidhjen hekurudhore Prishtinë-Merdare

-Lidhjen hekurudhore Nish-Prishtinë

-Sigurimin e financave për mbështetjen e kredive që kërkohen për ndërmarrjet e vogla dhe të mesme

-Projekte shtesë dypalëshe

-Prani e plotë ndërkombëtare në Beograd, Serbi, e Korporatës Ndërkombëtare të SHBA-së për Zhvillim Financiar.

-Të dyja palët do të hapin dhe operacionalizojnë objektin në pikëkalimin e përbashkët kufitar Merdare.

-Të dyja palët do t’i bashkohen “zonës së mini-Schengenit”, të shpallur nga Serbia, Shqipëria dhe Maqedonia e Veriut në tetor të vtit 2019 dhe do t’i shfrytëzojnë plotësisht përfitimet nga ajo.

-Të dyja palët do t’i njohin diplomat dhe certifikatat profesionale të njëra-tjetrës.

-Të dyja palët do të pajtohen të punojnë me Departamentin amerikan të Energjisë dhe subjektet e tjera të Qeverisë amerikane në një studim fizibiliteti, me qëllim të përdorimit të përbashkët të Liqenit të Ujmanit, si furnizues i sigurt i ujit dhe energjisë.

-Të dyja palët do të shumëfishojnë burimet e tyre të energjisë.

-Të dyja palët do të ndalojnë përdorimin e pajisjeve 5G, të siguruara nga shitës të pabesueshëm, në rrjetet e tyre të komunikimit. Aty ku tashmë ka pajisje të tilla, të dyja palët angazhohen për heqjen e tyre dhe përpjekje tjera të ndërmjetësimit në kohën e duhur.

-Të dyja palët do të rrisin kontrollin e pasagjerëve ajrorë, ndarjen e informacioneve midis njëra-tjetrës dhe brenda kornizës së përgjithshme të bashkëpunimit me SHBA-në në Ballkan, dhe do të angazhohen për përditësime teknologjike, për të luftuar aktivitetet keqdashëse, duke zbatuar dhe operacionalizuar sistemet e siguruara nga SHBA-ja, për kontroll dhe informacion, përfshirë: PISCES, APIS, ATS-G dhe SRTP.

-Të dyja palët zotohen se do të mbrojnë dhe promovojnë liritë fetare, duke përfshirë edhe rifillimin e komunikimit ndërfetar, mbrojtjen e vendeve fetare dhe zbatimin e vendimeve gjyqësore, që janë të lidhura me Kishën Ortodokse Serbe, si dhe vazhdimin e kthimit të pronave pa trashëgimi nga periudha e Holokaustit, si dhe të pronave hebreje që nuk i ka kërkuar askush.

-Të dyja palët zotohen të përshpejtojnë përpjekjet që të lokalizojnë dhe identifikojnë mbetjet e personave të humbur. Të dyja palët angazhohen që të identifikojnë dhe implementojnë zgjidhje të gjata dhe të qëndrueshme për refugjatët dhe personat e zhvendosur brenda vendit. Të dyja palët angazhohen që të përcaktojnë një pikë kontakti, që do t’i udhëheqë këto përpjekje brenda ministrive të tyre respektive dhe do t’i koordinojë këto përpjekje mes Beogradit dhe Prishtinës, si dhe do t’i përditësojë të dhënat për numrin e rasteve të zgjidhura dhe ato që janë në proces, çdo vit.

-Të dyja palët do të punojnë me 69 vendet, të cilat homoseksualietin e konsiderojnë si krim, që ta dekriminalizojnë.

-Të dyja palët zotohen ta shpallin Hezbollahun organizatë terroriste dhe t’i përmbushin në tërësi masat për të kufizuar operacionet e Hezbollahut dhe aktivitetet financiare nën juridiksionin e tyre.

-Kosova (Prishtina) do të pajtohet që ta zbatojë një moratorium njëvjeçar, për të mos kërkuar anëtarësim të ri në organizata ndërkombëtare.

-Serbia (Beogradi) do të pajtohet ta zbatojë një moratorium njëvjeçar mbi fushatën e saj për çnjohje dhe do të përmbahet nga kërkesa zyrtare ose jozyrtare ndaj ndonjë vendi ose organizate ndërkombëtare, që të mos e njohë Kosovën (Prishtinën) si shtet të pavarur.

-Të gjitha marrëveshjet për të hequr dorë do të hyjnë në fuqi menjëherë.

-Kosova (Prishtina) dhe Izraeli pajtohen të njohin njëri-tjetrin.

lajme

Kuvendi mblidhet nesër, rishqyrtohet Ligji për Specialen

Published

on

By

Kuvendi i Kosovës do të mbajë nesër dy seanca plenare, duke nisur në orën 10:00 me vazhdimin e punimeve të mbetura në gjysmë të premten e kaluar, ndërsa në orën 11:00 është caktuar të fillojë një seancë e re.

Gjatë vazhdimit të seancës së parë, ligjvënësit do të trajtojnë tri çështje të rëndësishme që kanë mbetur pa u përmbyllur. Fillimisht, deputetët pritet të hedhin në votim Propozim-Rezolutën e dalë nga interpelanca me ministrin e Shëndetësisë, Arben Vitia, e cila lidhet me mungesën e barnave onkologjike dhe rastin e vdekjes së pacientes me kancer të gjirit që kishte mbetur katër muaj pa terapi.

Më pas, në rend dite është votimi i Propozim-Rezolutës nga mocioni përmbajtjesor mbi gjendjen në sektorin energjetik, duke përfshirë planifikimin, çmimin dhe furnizimin me energji elektrike në vend.

Pika e fundit dhe më e ndjeshme e këtij vazhdimi do të jetë rishqyrtimi i Ligjit nr. 11/L-001 për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar, i cili është rikthyer në Kuvend nga Presidentja e Republikës së Kosovës. Pas përfundimit të këtyre pikave, Kuvendi do të vijojë me agjendën e seancës së re të paraparë për në orën 11:00. /E.A/

Continue Reading

Vendi

Zyrtari i QPS-së në Pejë: Nuk pati psikolog gjatë intervistimit të djalit të Arlinda Zekajt

Published

on

By

Zyrtari i Qendrës për Punë Sociale (QPS) në Pejë, Shpat Morina, ka dëshmuar para Komisionit Hetimor Parlamentar të themeluar për zbardhjen e rrethanave pas vrasjes së Arlinda Zekajt.

Mbledhja nisi e hapur për mediat, por me kërkesë të vetë Morinës, procesi i intervistimit vijoi me dyer të mbyllura.

Para se mediat të largoheshin, Morina konfirmoi para deputetëve një lëshim procedural gjatë trajtimit të rastit, duke bërë të ditur se fëmija i të ndjerës është marrë në pyetje nga policia pa praninë e një psikologu.

“Psikolog nuk ka pasur kur është intervistuar fëmija në stacion të Policisë në Vitomiricë”, deklaroi ai.

Në lidhje me kompetencat e tij profesionale, zyrtari i QPS-së insistoi se detyrën e ushtron me përgjegjësi të plotë dhe se është i licencuar për punën që bën, falë trajnimeve të vazhdueshme që ka ndjekur që nga viti 2018.

“Përgjegjësitë ligjore janë ardhja në punë me rregull, respektimi i orarit, kryerja e të gjitha lëndëve me përpikmëri dhe shkuarja në seanca në gjykata e në polici. Prej trajnimeve kemi marrë licenca të mjaftueshme, që i bie se jam i licencuar dhe vazhdojmë të licencohemi”, u shpreh Morina.

Para dëshmisë së tij, Komisioni Hetimor intervistoi udhëheqësin e QPS-së në Pejë, Durim Kelmendin, dhe menaxheren e rastit, Toskë Gegën. Sipas agjendës së komisionit, pritet të dëshmojnë edhe drejtuesja e QPS-së në Pejë, Shpresa Lukaj, si dhe kryetari i Komunës së Pejës, Gazmend Muhaxheri. /E.A/

Continue Reading

Kujtesë

Ditari: Lajmet kryesore që shënuan datën 18 nëntor 1992-1998?

Published

on

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1992-1998.

18 nëntor 1992

Në Entin për Transfuzion të Gjakut u plaçkitën pajisjet

Sot rreth orës 11, në Entin për Transfuzion të Gjakut në Prishtinë një kamion me regjistrim të Beogradit demontoi dhe plaçkiti aparaturën komplete. Në këtë aparaturë janë edhe dy destilizatorë për destilimin e ujit dhe për tretje intravenoze, të vetmet në Fakultetin e Mjekësisë dhe në Kosovë. Bashkë me ekipin që demontoi aparaturën ishin edhe dr.Popara dhe një mjek tjetër me mbiemrin Stoliq.

Veprimin e tyre ata e arsyetuan me urdhërin që u është dhënë nga “instancat më të larta”.

 

18 nëntor 1993

Ushtria serbe kidnapoi një patrullë maqedonase

Dje, forcat serbe hynë në territorin e Maqedonisë dhe në fshatin Llojan të Kumanovës kidnapuan një patrullë maqedonase, të cilën e dërguan në territorin e Serbisë.

Mjetet e huaja të informimit dhe mjetet maqedonase njoftuan se persona të armatosur me pushkomitraloz me dy automjete të ushtrisë serbe hynë në territorin e Maqedonisë nja 350 metra dhe detyruan një patrullë maqedonase të përbërë nga dy milicë dhe një ushtar të hyjnë në automjet, e pastaj i dërguan në territorin e Serbisë.

Radioja maqedonase në emisionet e veta të mbrëmjes tha se ushtarët serbë ishin me uniforma të maskuara dhe me automjete me regjistrim të Kralevës. Ndërsa fshati Llojan, ku u bë kidnapimi është i banuar me shqiptarë.

Radioja maqedonase njoftoi mbrëmë në lajmet e orës 22 se policët dhe ushtari i kidnapuar ishin liruar.

Po kjo radio njoftoi se Ministria e Punëve të Jashtme të Maqedonisë i dërgoi një protestë të ashpër Ministrisë së Punëve të Jashtme të ashtuquajturës Jugosllavi me rastin e këtij incidenti të rëndë.

 

 

18 nëntor 1994

SHBA-të këmbëngulin për të drejta të plota politike për Kosovën

Duke iu përgjigjur një sërë pyetjesh të cilat kongresisti amerikan Eliot Engel, bashkëkryetar i Komitetit për Çështje shqiptare në Dhomën e Përfaqësuesve të Kongresit Amerikan, i pat paraqitur Stejt Departamentit amerikan kohë më parë, zyrtarët e Stejt Departamentit kanë deklaruar se “çështjet e sigurisë ende mbesin pengesë për hapjen e Zyrës Informative të SHBA-ve në Kosovë”, bën të ditur Ruder Fin nga Uashingtoni.

Siç dihet, më 5 tetor të këtij viti, në një dëshmi për Kosovën të organizuar në Kongresin Amerikan, anëtarët e Komitetit për Çështje Shqiptare i patën parashtruar Stejt Departamentit amerikan një numër pyetjesh lidhur me qëndrimin e SHBA-ve rreth Kosovës.

Robert Freizhër, Zëvendës i Ndihmësekretarit të Shtetit, i cili i përgjegj me një lëtër kongresistit Eliot në pyetjet e parshtruara, deklaroi: “Situata në Kosovë vazhdon të jetë preokupim i Qeverisë së SHBA-ve në politikën e saj në Ballkan. Mund t’ju siguroj se Stejt Departamenti dhe Administrata amerikane në bashkëpunim me Kongresin do të vazhdojnë të preokupohen me Kosovën dhe çështjet e tjera me rëndësi parësore në Ballkan. Ne këmbëngulim që popullit të Kosovës t’i sigurohen të drejta të plota njerëzore dhe politike”.

 

 18 nëntor 1995

Në Festivalin Kombëtar të Dramës që do të mbahet në Vlorë do të shfaqen edhe tri shfaqje të teatrove kosovare

Para dy ditësh Ambasada e Republikës së Shqipërisë në Beograd konfirmoi ftesën e Ministrisë së Kulturës, Rinisë dhe të Sporteve për pjesëmarrjen në Festivalin Kombëtar të Dramës për trupën e Prizrenit me pjesën “Dredha e Djallit”, sipas tekstit të At Gjergj Fishtës dhe me regji të Nimon Muçajt.

Në Festivalin Kombëtar të Teatrit, që do të mbahet në Vlorë prej 21-28 nëntor, veç seksionit të dramës së SHKA “Agimi” të Prizrenit, nga Kosova do të paraqiten edhe Teatri “Tok Theatre” i Prizrenit me shfaqjen “7 ngjyra… lamtumirë” në regji të Orhan Kekezit dhe teatri “Dodona” i Prishtinës me shfaqjen “Dante 9” të Fadil Hysajt. Në këtë festival Drama Shqipe e Shupit do të paraqitet me shfaqjen “Kali i Trojes”, dramatizimin dhe regjinë e së cilës e ka bërë Fadil Hysaj.

 

 18 nëntor 1996

Gazeta serbe njofton për një sulm në stacionin e policisë në Irzniq të Deçanit

Lidhur me krismat që janë dëgjuar parmbrëmë rreth orës 20,00 në stacionin e policisë serbe në Irzniq të Deçanit, njofton sot gazeta serbe “Jedinstvo”. Në njoftimin e saj thuhet se parmbrëmë rreth orës 20,15 persona të panjohur hapën zjarr nga pushkët automatike në stacionin e policisë serbe në fshatin Irzniq afër Deçanit. Sipas këtij njoftimi në stacionin e policisë në atë moment ndodheshin katër policë, të cilët përgjigjen me zjarr. Gazeta thekson se në shkëmbimin reciprok të zjarrit nuk pati të lënduar. Gazeta shkruan se ky është sulmi i tretë kundër këtij stacioni të policisë.

 

18 nëntor 1998

KMDLNJ: Në Deçan ka varreza masive të shqiptarëve

Këshilli për Mbrojtjen e të Drejtave dhe të Lirive të Njeriut njoftoi të martën pasdite se një qytetar i Deçanit, emri i të cilit nuk është njoftuar për shkaqe sigurie, ka deklaruar se në pjesën e vjetër të qytezës ka varreza masive të shqiptarëve të ekzekutuar nga policia, ushtria dhe paramilitarët serbë. Por, dyshohet se trupa të shqiptarëve të vrarë janë hedhur edhe nëpër puset e kësaj pjese të qytetit.

Qytetari i Deçanit u bëri apel të gjitha institucioneve të autorizuara që të bëjnë hetimin lidhur me këto varreza dhe që të marrin masa për identifikimin e të ekzekutuarve.

 

 

Continue Reading

Lajmet

Vrasje në Suharekë: Arrestohet i dyshuari pas plagosjes me armë zjarri

Published

on

By

Një person ka rënë viktimë e një sulmi me armë zjarri të mërkurën në Suharekë, ndërsa autoritetet policore kanë arritur ta arrestojnë të dyshuarin pak kohë pas ngjarjes.

Lajmin e ka konfirmuar zëdhënësi i Policisë për rajonin e Prizrenit, Shaqir Bytyqi, i cili ka bërë të ditur se pavarësisht përpjekjeve mjekësore, viktima nuk ka mundur t’i mbijetojë plagëve të marra.

Sipas Policisë, ngjarja ka ndodhur rreth orës 12:20, kur një person ka shtënë me armë zjarri në drejtim të viktimës mashkull. Pas të shtënave, i lënduari është dërguar në gjendje të rëndë shëndetësore në Qendrën Emergjente, ku më pas është konfirmuar vdekja e tij.

I dyshuari fillimisht ishte larguar nga vendi i ngjarjes, por reagimi i shpejtë i Policisë ka bërë të mundur lokalizimin dhe arrestimin e tij. Autoritetet po vazhdojnë hetimet për të zbardhur rrethanat e plota të rastit.

 

Continue Reading

Të kërkuara