Shëndeti

Katër mënyra të lehta për të trajtuar hipotiroidizmin në shtëpi

Menaxhimi i stresit është një hallkë shumë e rëndësishme për trajtimin e hipotiroidzmit.

Published

on

Gjendrat e acaruara të tiroides mund t’i keni dëgjuar shpesh, për shkak se prekin një numër shumë të madh personash.

Më së shumti njihet tiroidja hiperaktive, e cila prodhon hormone më shumë nga sa trupit i duhen, por si një gjendje shëndetësore shumë shqetësuese është edhe hipotiroidizmi.

Ndodh kur gjëndrat e tiroides kanë mangësi në prodhimin e hormoneve dhe organizmi nuk funksionon siç duhet.

Duke shkaktuar një sërë simptomash të cilat fillojnë që nga humbja e oreksit, dhimbja e muskujve, lodhja e vazhdueshme, pagjumësia apo konstipacioni.

Kujdesi duhet të jetë shumë i madh dhe i vazhdueshëm, njëjtë si në rastin e tiroides hiperaktive ashtu edhe asaj hipoaktive.

Për ta bërë këtë AgroWeb.org ju këshillon katër mënyra të shpejta që ju largojnë nga kjo sëmundje.

Evitoni ushqimet e këqija

Nëse konsumoni një dietë ushqimore të varfër, me siguri që gjendrat tuaja të tiroides nuk do t’ju falënderojnë.

Sa herë që konsumoni ushqime të pasura me vajra të oksiduar, karbohidrate, sheqerna apo yndyrna të këqija trupi reagon duke ulur funskionin e tiroides.

Ndaj nëse vuani nga hipotiroidizmi, mundohuni t’i evitoni të gjitha ushqimet që futen në grupin e ushqimeve të pashëndetshme.

Kjo pasi do ta detyrojnë organizmin të ulë plotësisht prodhimin e hormonit të tiroides në trup, duke ju shkaktuar probleme të mëdha.

Në vend të tyre konsumoni një dietë të pasur me vitamina dhe minerale të shumëllojshme.

Menaxhoni stresin

Stresi kronik ju lë të ekspozuar ndaj sëmundjes së hipotiroidizmit ose mund të jetë vetë një simptomë e sëmundjes.

Gjithësesi nëse e përjetoni në mënyrë të vazhdueshme, hormonet e tiroides do të vazhdojnë të qëndrojnë shumë më poshtë se normalja.

Stresi i vazhdueshëm mund të jetë shkak edhe për zhvillimin e sëmundjes së Hashimoto’s.

Një lloj hipotiroidizmi, ku trupi fillon të sulmojë hormonet e tiroides, pasi i konsideron si elementë të jashtëm që futen në trup.

Menaxhimi i stresit është një hallkë shumë e rëndësishme për trajtimin e hipotiroidzmit.

Prandaj mundohuni që të qëndroni sa më të qetë gjatë këtyre periudhave.

Gjumi i mirë

Një gjumë i mirë dhe i qetë është çelësi për kurën dhe qetësimin ndaj shumë sëmundjeve.

Kështu që edhe për të trajtuar hipotiroidizmin mundohuni të bëni orë të plota gjumi pa ndërprerje.

Sipas studimeve personat që punojnë në turnet e natës, kanë 40% më shumë mundësi të preken nga hipotiroidizmi.

Për t’a përkeqësuar edhe më shumë situatën, vetë sëmundja e hipotiroidizmit ndikon në zhvillimin e pagjumësisë.

Prandaj është shumë e rëndësishme që të përpiqeni të bëni një gjumë të mirë e të qetë.

Këtë mund ta bëni fare lehtë, duke qetësuar organizmin dhe duke konsumuar një dietë të pasur ushqimore.

Gjithashtu mundohuni të mos flini gjatë ditës dhe të shtriheni gjithnjë në të njëjtin orar në darkë.

Kujdes nga fluori

Fluori është një mineral që haset shumë shpesh në jetën e përditshme.

Shumë prezent zakonisht tek uji i rubinetit, pasi shumë vende e përdorin si një mënyrë që njerëzit të mund të ruajnë dhëmbët nga prishja, teksa kosnumojnë ujë.

Gjithashtu është prezent edhe tek pastat e dhëmbëve apo tek përbërja e enëve të kuzhinës si tenxheret apo tiganët.

I kudogjendur, por i dëmshëm për hipotiroidozmin pasi ul nievlet e prodhimit të tiroides akoma më shumë.

Kështu që mundohuni të evitoni ujin e fluorizuar dhe çdo paisje apo produkt tjetër që e ka atë në përbërje.

Më këto katër mënyra të thjeshta, bashkë me konsultën e mjekut do të arrini t’i mbani nivelet e hormonit të tiroides të balancuara./AgroWeb.org

Continue Reading

Shëndeti

A është e dëmshme kërcitja e gishtave?

Published

on

Shkencëtarët kanë një përgjigje për të gjithë personat që vazhdimisht kërcasin gishtat dhe që shumë e konsiderojnë si një veprim të dëmshëm.

Ajo që ndodh në të vërtetë kur ju kërcisni gishtat është përthyerja e vendit ku dy kockat e gishtave bashkohen, të cilat janë të mbështjella nga një kapsulë e përbashkët e mbushur me lëng.

Në momentin e kërcitjes hapësira mes kockave zgjerohet dhe lëngu i përbashkët bëhet i pamjaftueshëm për të mbushur boshllëkun. Presioni brenda bie dhe shfaqet një flluskë e mbushur me gaz. Tingulli që ne dëgjojmë është plasja e kësaj flluske. Në bazë të një testi të realizuar nga studiuesit personat që kërcasin gishtat nuk vuajnë nga enjtja e duarve dhe artriti.

Nëse deri më tani keni menduar se vesi i të kërciturit të gishtërinjve është në dëm të shëndetit tuaj, në bazë të këtij studimi vërtetohet se jeni gabuar.

Megjithatë duhet të dini se ky veprim juaji është shenjë e nervozizmit të shpeshtë.

Continue Reading

Shëndeti

Lëngjet e gazuara nxisin kancerin e pankreasit

Published

on

Studimet në Singapor, të zhvilluara në më shumë se 60 500 persona brenda 14 viteve, kanë zbuluar se konsumimi i dy ose më shumë e pijeve të gazuara në ditë, rrit rrezikun e prekjes nga kanceri deri në 87%

Studiuesit rekrutuan më shumë se 60,500 njerëzish, si pjesë e studimit të Singapore Chinese Health study. Karcinoma e pankreasit është një prej llojeve malinje të karcinomës, duke marrë parasysh se gjasat e mbijetesës pesë vite nga momenti i diagnostifikimit janë vetëm 5%.

Incidenca e kancerit të pankreasit lidhet edhe me një varg faktorësh, si jeta e parregullt, konsumimi i kalorive të mëdha, pirja e duhanit dhe ulja e aktivitetit trupor, të cilat po ashtu janë në të njëjtin grup me konsumimin e pijeve të gazuara.

Një prej mekanizmave që llogariten si përgjegjës për kancerogjenezën është edhe stimulimi i qelizave të pankreasit me vlera të larta të sheqerit në gjak, ndërsa fakti se pijet e gazuara stërmbushin organizmin me sheqerna të dëmshëm, është i pamohueshëm.

Pijet e gazuara, edhe nëse premtojnë pak sheqer, përmbajnë kimikate që shkatërrojnë organizmin. Problemi me to është që janë vatër shqetësimesh për organizmin se gjenden sasi e madhe përbërësish të dyshimtë dhe kimikate, si aspartami, BPA (bisfenol A), ngjyrues kimik.

Aspartami – Substancë 200 herë më e ëmbël se sheqeri. Është i rrezikshëm se shkakton marramendje, humbje kujtese, diarre, migrenë, dhimbje të rregullta koke dhe luhatje humori. Bisfenoli A është krijuar për të imituar strukturën dhe funksionin e hormonit estrogjen.

Për shkak të formës si estrogjen, BPA lidhet me receptorët e estrogjenit ndikon në proceset trupore, si rritja, riparimi i qelizave, zhvillimi i fetusit, niveli i energjisë e riprodhimi. Ngjyruesi artificial është kancerogjen, prodhohet nga ngrohja e sheqerit me amoniak. Brenda këtij ngjyruesi gjendet një kimikat me emrin 4 Mel që është në listën e përbërësve që duhen shmangur. /UBT News/

Continue Reading

Shëndeti

Kuroni gripin në ditët e ftohta duke përdorur kanellën

Published

on

Ju mund të habiteni  kur të mësoni se përveç se kanella përdoret për ëmbëlsira apo si erz është një agjent super-fuqishëm anti-bakterial dhe anti-fungale që mund të luftojë diabetin.

Këtu janë disa përdorime të tjera të saj:

Për të kuruar gripin dhe mushkëritë – Kanellës i pëlqen të shtypi bakteret që jetojnë në zorrën tuaj. Mund të jetë edhe efektive në luftimin e baktereve të rënda si E.Coli, sipas studimit. Për të luftuar gripin dhe mushkëritë e tjera të stomakut, rekomandohet çaji i kanellës.

Aromë neutralizuese – Një aromë e ngrohtë, e lezetshme. Lidhet me gjethet e vjeshtës. Edhe më mirë, kanellë është efektive në vrasjen e erërave të këqija. Kjo është për shkak se aromat shkaktohen nga bakteret dhe kanella është antibakterial natyrore.

Shpejton metabolizmin – Ajo rregullon  sheqerit në gjak e ngadalëson zbrazjen e stomakut. sipas një artikulli në :Huffington Post.” Shtoni pak kanellë në një filxhan çaji ose në kafen e mëngjesit.

Luftoni sëmundjen e dhëmbëve dhe frymën e keqe – Mrekullitë anti-bakteriale të kanellës kanë përfitime të mira për shëndetin e gojës. Ju mund të trajtoni sëmundjen e  gojës dhe frymës së keqe thjesht duke pirë ujë me kanellë ose duke e ngrënë atë.

Lufton  diabetit e tipit 2 – Sipas “Mayo Clinic,” kanella ndihmon në uljen e sheqerit në gjak e rrit veprimin e insulinës. Për njerëzit me diabet të tipit 2, rekomandohet 1-4 gram ose 1/4 deri në 1 lugë çaji kanellë në ditë. Përveç përfshirjes së kanellës në dietë, njerëzit me diabet të tipit 2 marrin përfitimet e zvogëlimit të sheqerit në gjak nga kanella duke marrë shtojcë bimore në formën e kapsules. /UBT News/

Continue Reading

Shëndeti

Studimi: 1 në 3 persona mbi 65 vjeç preket nga humbja e dëgjimit

Published

on

Kujdes në rastet e rënies nga traumat akustike, shpërthimet e ndryshme, gjuajtjet me armë me veshët e pambrojtur, ku rëndësi ka momenti i paraqitjes te mjeku sepse edhe minuta është e rëndësishme në fillimin e terapisë dhe në rikuperimin e plotë të dëgjimit.

Miliona njerëz jetojnë me probleme të dëgjimit. Ndërgjegjësimi për rreziqet që shkaktojnë humbjen e saj e përmirësimi i aksesit ndaj shërbimeve në nivelin e kujdesit shëndetësor parësor, zvogëlon rastet e ndikimin negativ të humbjes së dëgjimit. Identifikimi i hershëm i është çelësi. Humbja e dëgjimit e patrajtuar çon në largimin e njerëzve nga mjediset shoqërore, shkakton ndjenja vetmie e izolim social.

Humbja e dëgjimit e lidhur me moshën menaxhohet në mënyrë efektive përmes mjeteve, duke përfshirë aparatet e dëgjimit. Ekspozimi i rregullt ndaj tingujve me volum të lartë për një periudhë të gjatë paraqet kërcënim serioz për humbjen e dëgjimit.

Infeksionet kronike të veshit janë një ndër shkaqet kryesore të humbjes së dëgjimit. Ato janë të parandalueshme dhe menaxhohen përmes trajtimit mjekësor dhe ndërhyrjeve kirurgjike.

Shenjat – Janë rënia e dëgjimit e shoqëruar apo jo me zhurmë në vesh. Në rastin e gripit shoqërohet me bllokim hundësh, sekrecione të trashura. dhimbje koke, marrje mendsh. Në rastin e bllokimit pas daljes nga dushi shoqërohet me dhimbje të kanalit. Në rastin e pacientëve me sëmundje hipertensive, që anashkalojnë ose të marrin mjekim jo të rregullt dhe ngrihen në mëngjes me humbje të menjëhershme të dëgjimit nuk kemi asnjë shenjë tjetër klinike. Serioziteti i patologjisë varet nga shkalla e rënies së dëgjimit, vazhdimësia në kohë dhe nga sëmundjet tjera shoqëruese. Në bllokimet pas dushit nga dylli problemi është i zgjidhshëm pas vizitës te mjeku orl dhe lavazhit të veshit.

Diagnoza – Në rastet e rënies së dëgjimit, zhurmë në vesh dhe shqetësimi është i dukshëm, bëhet otoskopia, pra këqyrja e kanalit të jashtëm të dëgjimit deri në membranë timpanike, ekzaminimi i hundës dhe i fytit, pra i të tre organeve për të shqyrtuar një patologji të mundshme që i lidh të tria. Bëhen provat kamertonale, matja e nivelit të dëgjimit e matja e presionit në veshin e mesëm. Në rastin e fëmijëve që nuk bashkëpunojnë, bëhet timpanometria. Ajo që na ndihmon në vendosjen e diagnozës është anamneza ose historia e sëmundjes së pacientit, shenjat tjera shoqëruese, mosha. Rëniet e menjëhershme të dëgjimit në mosha të reja pa asnjë shenjë klinike, kërkojnë edhe bërjen e një rezonance magnetike të kokës për ndonjë patologji tjetër shoqëruese që nuk ka lidhje me veshin.

Trajtimi – Mjekimi i rënies së menjëhershme të dëgjimit është në varësi të situatës, që e ka shkaktuar. Nëse rënia vjen nga bllokimi i kanalit nga dylli aplikohet lavazhi me ujë ose aspirimi i kanalit. Nëse rënia shoqërohet me probleme tjera si: gjendja virale, bllokimi i hundëve, sekrecione, dhimbje koke, fillohet mjekimi dhe për patologjitë shoqëruese, që e shkaktojnë. Nëse rënia shfaqet te pacientët me moshë të madhe një ndihmë në mjekim, jep kortizoni, por këta pacientë mund të hospitalizohen, që të mbahen nën kontroll për problemet hipertensive që shoqërojnë mjekimin me kortizon.

E njëjta gjë mund të ndodhë edhe te pacientët diabetikë. Në rastin e krizav të sëmundjes së veshit të brendshëm fillohet terapia. Kujdes në rastet e rënies nga traumat akustike, shpërthimet e ndryshme, gjuajtjet me armë me veshët e pambrojtur, ku rëndësi ka momenti i paraqitjes te mjeku sepse edhe minuta është e rëndësishme në fillimin e terapisë dhe në rikuperimin e plotë të dëgjimit. /UBT News/

Continue Reading

Të kërkuara