Kulturë

Karakteristikat e një personaliteti tërheqës

Mban kontaktin me sy pa u dukur i frikshëm.

Published

4 years ago

on

A ke një personalitet tëheqës? Merre vesh tani nëpërmjet këtyre 12 shenjave dhe karateristikave:

Je një dëgjues fantastik

Ti mund të mendosh se njerëzit karizmatikë janë të tillë sepse dinë të prëdorin mirë fjalën, por më shumë ka të bëjë fakti se çfarë bëjnë ata kur nuk janë në qendër të vëmendjes. Kur shikon fillimisht një njeri karizmatik, është mjaft e dukshme se si ata e bëjnë të ndihet personin që kanë përballë, që është edhe një nga sekretet e të qënit karizmatik.

Nëse vepron duke shfaqur interes në të tjerët, ata do të kenë një përshtypje më të mirë për ju ndaj dhe njerëzit karizmatikë janë dëgjues të paparë. Mbajtja e kontaktit me sy, përkulja drejt tyre,injorimi i telefonit e bën folësin të ndihet si personi i vetëm në atë ambjent.

Bën pyetje që pasojnë njëra-tjetrën

Dëgjuesit aktivë nuk presin vetëm që të kalojnë koha deri sa të pyesin përsëri, ata me të vërtetë duan tja dinë se çfarë ka për të thënë personi që kanë përballë. Të dëgjosh nuk është vetëm “A e dëgjova tingullin që më erdhi në vesh? Por a mund ta deshifroj.” Të biseduarit duhet të përfshijë më shumë interesin tënd ndaj informacioneve të tjetrit dhe të kërkosh për sqarime të mëtejshme.

Bërja e pyetjeve të siguron që ti po e kupton në mënyrën e duhur tjetrin si dhe të ndihmon që të kuptosh më mirë personin që ke përballë dhe të ndërtosh forcën tënde tërheqëse.

Ti mund të bësh që zëri yt të dëgjohet

Njerëzit karizmatikë janë dëgjues të mirë por ata gjithashtu të ndërpresin kur duan të dëgjohen nga të tjerët. Por kleçka është se duhet ta bësh ndërprerjen me kujdes dhe interesante. Ndërprit vetëm kur të kesh një ide të fuqishme për ta ndarë me të tjerët dhe mbaje në linja pozitive , kështu që të tjerët nuk do të mërziten nga ndërprerja e bërë.

Gjithashtu siguroju që të flasësh me zë të lartë të mjaftueshëm për të krijuar impaktin. Njerëzve të rezervuar ju duket sikur po ngrenë zërin dhe po bërtasin për të arritur në nivelin e zërit të komunikimit që është normal për të tjerët.

Je i gatshëm të shfaqësh emocionet

Personat me personalitet magnetik nuk rrinë me fytyrë të ngrirë kur shprehen për veten e tyre. Cilido qoftë emocioni, mënyra më e drejtë është që të përputhen fjalët që po përcjell me shprehitë e fytyrës. Njerëzve u pëlqen ti dinë ngjyrat tuaja të vërteta, kështu që të shprehurit se si ndihesh do të bëjë që të ndërlidhesh më mirë me tjetrin.

Ke reagime të përmbajtura

Nga ana tjetër, të njohësh të filtrosh emocionet e tua sipas tipit të situatës tregon karizmë. Ka të bëjë me të qenit të vërtetë që supozohet të jesh transparent me atë që përcjell jashtë. Nuk ka rëndësi se sa i nevrikosur jeni, për momentin mund ta përmbash zemërimin tuaj pa krijuar një skenë aq të madhe.

Dukesh i gëzuar edhe kur nuk je duke buzëqeshur

Nëse ke një pamje në fytyrë që tregon miqësi dhe mirëpritje, do të dukesh më i ëmbël dhe më i arritshëm për të tjerët. Por nëse dukeni me një pamje si të ngërdheshur edhe nëse je i lumtur, njerëzit do ta keqkuptojnë emocionin tënd.

Dil përpara pasqyrës. Nëse fytyra juaj në gjendje pushimi duket e palumtur, bëj një përpjekje që të ndryshosh shprehitë e fytyrës tënde pasi do të kesh rezultat fantastik më pas në bashkëbisedime. Do ta kuptosh se si fytyra juaj do të krijojë një qëndrim të gëzuar më pas edhe pa buzëqeshur.

Tregon dhembshuri edhe pa folur

Personat karizmatikë nuk e shprehin dhembshurinë e tyre vetëm me fjalë por ata gjithashtu e hapin zemrën e tyre edhe kur po ju dëgjojnë. Specifikisht, ato emocione vijnë sipas ndjenjave që personi përballë po shpreh. Fytyra jote mund të shprehë mërzi dhe dhembshuri dhe nuk ke nevojë të thuash asgjë, pasi personi përballë do ta ndjejë atë.

Përdor gjeste të duarve

Gjuha e pjesës së sipërme të trupit, si mbajtja e kokës drejt, ngritja e qosheve të gojës, dhe përdorimi i duarve të bën të dukesh një person më i gëzuar dhe më i lehtë. I bën njerëzit që të dëgjojnë të ndihen më euforikë. Jo vetëm që do të dukesh më interesant për të tjerët por do të fillosh të ndihesh edhe vetë.

Mban kontaktin me sy pa u dukur i frikshëm

Kontakti me sy tregon që po e dëgjon tjetrin, gjë që tregon edhe se ti do tia dish për atë që tjetri do të thotë. Por edhe të parit me dy të ngulur drejt tjetrit mund ta bëjë bashkëbiseduesin të ndihet i frikësuar dhe në një situatë të pakëndshme. Është intense por ka një kufi të të parit. Tek njerëzit karizmatikë kjo shfaqet si një fuqi e kontaktit me sy por pa të bezdisur.

Je i aftë të lexosh emocionet

Përfshirja e reagimeve emocionale për t’iu përshtatur situatës është një aftësi e njerëzve karizmatikë. Por ata nuk do të dinin të përshtateshin mirë nëse ata nuk do të dinin të lexonin shprehitë e personit që po flet. Ata nuk shohin vetëm shprehitë e fytyrës, të cilat janë të parët që vihen re por edhe dinë të kuptojnë emocionet që të tjerët duan të shfaqin apo të fshehin.

Nuk humbet rast të përshëndesësh

Ti kushtosh kohë tjetrit që ta përshëndesësh apo ta pyesësh si është tregon që je i gëzuar që po e sheh atë person dhe nuk po ja thua thjesht për formalitet. Harxhoje atë kohë të të përshëndeturit dhe lidhu realisht me tjetrin dhe mëso të reja mbi të.

Nuk je përjashtues

Prezantimi me njerëz të gjeneratave të ndryshme, kualifikim dhe kulturave të ndryshme të ndihmon që të dukesh karizmatik pavarësisht se me kë je. Sa më shumë që të dalësh dhe ndërveprosh me njerëzit, aq më shumë do të kuptosh diversitetin e njerëzve. Do të kuptosh se jo të gjith reagojnë në mënyrë të njëjtë.

Related Topics:
Continue Reading

Kulturë

Atraksionet turistike më të rrezikshme në botë

Published

6 days ago

on

January 6, 2026

By

Gjithandej në botë ka vende e objekte që tërheqin vëmendjen e turistëve. Por, shumë prej këtyre vendeve paraqesin edhe rrezik për ata që i vizitojnë.

Kemi sjellë këtu një listë të 20 atraksioneve më të rrezikshme në botë, bazuar në numrin e vdekjeve për 100,000 vizitorë:

1. Mont Blanc (Francë / Itali) – 500 vdekje

2. Matterhorn (Zvicër) – 342.9 vdekje

3. Rruga North Yungas (Bolivi) – 168 vdekje

4. Mali Kilimanjaro (Tanzani) – 20 vdekje

5. Mali Everest (Nepal) – 20 vdekje

6. Salar de Uyuni (Bolivi) – 6.2 vdekje

7. Deti i Vdekur (Izrael) – 5.6 vdekje

8. Ben Nevis (Mbretëria e Bashkuar) – 4.6 vdekje

9. Parku Kombëtar North Cascades (SHBA) – 3.3 vdekje

10. Pylli i Amazonës (Brazil) – 3.1 vdekje

11. Mali Fuji (Japoni) – 2.3 vdekje

12. Parku Kombëtar Komodo (Indonezi) – 1.8 vdekje

13. Picos de Europa (Spanjë) – 1.7 vdekje

14. Kanioni Colca (Peru) – 1.7 vdekje

15. Mali Washington (SHBA) – 1.6 vdekje

16. Blue Hole (Egjipt) – 1.6 vdekje

17. Liqeni Piru (SHBA) – 1.4 vdekje

18. Mali Snowdon (Mbretëria e Bashkuar) – 1.4 vdekje

19. Lumi Colorado (SHBA) – 1.1 vdekje

20. Parku Kombëtar Mount Aspiring (Zelanda e Re) – 1 vdekje

Burimi: Traveller’s Elixir

Continue Reading

Kulturë

12 nga serialet më të mira televizive për t’i parë këtë janar

Published

7 days ago

on

January 5, 2026

By

Janari nis fuqishëm në botën televizive, duke sjellë rikthime të shumëpritura, histori të reja plot tension dhe emra të mëdhenj të ekranit. Nga rikthimi i dramës mjekësore të vlerësuar me çmime të HBO-së te një paraprirës i ri i Game of Thrones dhe misteri më i fundit i Harlan Coben në Netflix.

The Night Manager

Pas gati një dekade, adaptimi i vlerësuar i John le Carré rikthehet me një sezon të dytë që hap një kapitull të ri për Jonathan Pine. Tom Hiddleston dhe Olivia Colman rikthehen në role kyçe, ndërsa historia zhvendoset nga hijet e Londrës në Kolumbi. Edhe pa autorin origjinal, ADN-ja e le Carré mbetet e fortë – aq sa një sezon i tretë është porositur tashmë.

Premiera e serialit “The Night Manager” do të jetë më 1 janar në BBC One në Mbretërinë e Bashkuar dhe më 11 janar në Prime Video në nivel ndërkombëtar.

Run Away

Netflix vazhdon aleancën e suksesshme me Harlan Coben. Run Away sjell një histori të errët familjare, ku zhdukja e një vajze hap një rrjet gënjeshtrash, droge dhe vrasjesh. James Nesbitt udhëheq kastin në një thriller tipik Coben: i shpejtë, emocional dhe plot kthesa.

“Run Away” do të shfaqet premierë më 1 janar në Netflix ndërkombëtarisht.

The Pitt

Një nga surprizat më të mëdha të vitit të kaluar kthehet më intensive se kurrë. Sezoni i dytë i The Pitt zhvillohet në kohë reale, gjatë një dite të vetme pune, në 4 korrik. Noah Wyle shkëlqen në një rol të rënduar nga trauma, ndërsa seriali vazhdon të trajtojë mjekësinë pa filtra dhe pa romantizëm.

Premiera e “The Pitt” do të shfaqet më 8 janar në HBO Max në SHBA.

His & Hers

Një vrasje në një qytet të vogël, dy bashkëshortë të larguar dhe dyshime që shkojnë përtej profesionit. Tessa Thompson dhe Jon Bernthal përballen në një thriller psikologjik të bazuar në romanin e Alice Feeney, ku e vërteta personale dhe ajo kriminale përplasen vazhdimisht.

“His & Hers” do të shfaqet premierë më 8 janar në Netflix ndërkombëtarisht.

Industry

Sezoni i katërt i Industry rindërton veten pas shpërbërjes së Pierpoint. Me ndikime nga thrillerët erotikë dhe konspirativë, seriali zhytet edhe më thellë në botën toksike të financës globale, ku ambicia nuk njeh kufij.

Hijack

Pas avionit, tani një tren. Sezoni i dytë e vendos Sam Nelson në Berlin, mes një kërcënimi të ri dhe dyshimesh që bien mbi të vetë. Tensioni mbetet arma kryesore e këtij thrilleri që luan me idenë e fajit dhe manipulimit.

Hijack do të shfaqet premierë më 12 janar në Apple TV ndërkombëtarisht.

Agatha Christie’s Seven Dials

Një shtëpi fshati, një vdekje misterioze dhe sekrete që ziejnë pas dyerve të mbyllura. Adaptimi i ri i Agatha Christie sjell Helena Bonham Carter dhe Martin Freeman në një histori që i qëndron besnike frymës së autores: intime, elegante dhe plot dyshime.

“Shtatë Dials” e Agatha Christie-s shfaqet premierë më 15 janar në Netflix ndërkombëtarisht

Ponies

Emilia Clarke largohet nga dragonjtë për Moskën e vitit 1977. Ponies është një thriller spiunazhi me dy protagoniste gra, të nënvlerësuara dhe pikërisht për këtë – të rrezikshme. Një histori hakmarrjeje dhe mbijetese në zemër të BRSS.

Premiera e “Ponies” do të jetë më 15 janar në Peacock në SHBA.

A Knight of the Seven Kingdoms

Ky paraprirës i Game of Thrones është më intim, më tokësor dhe më i përqendruar te personazhet. Dunk dhe Egg sjellin një perspektivë të re të Westeros, larg intrigave të mëdha, por jo pa aksion dhe emra të njohur.

Premiera e “A Knight of the Seven Kingdoms” do të jetë më 18 janar në HBO dhe HBO Max në SHBA dhe më 19 janar në Sky Atlantic në Mbretërinë e Bashkuar.

The Beauty

Një virus që e kthen bukurinë në armë. The Beauty është ekzagjerim, satirë dhe thriller në stilin karakteristik të Ryan Murphy-t. Me Evan Peters, Rebecca Hall dhe Ashton Kutcher, seriali synon të provokojë po aq sa të argëtojë.

Premiera e serialit “The Beauty” do të jetë më 21 janar në Hulu në SHBA dhe më 22 janar në Disney+ në Mbretërinë e Bashkuar.

Shrinking

Komedia e Apple TV+ kthehet më e thellë emocionalisht. Harrison Ford dhe Jason Segel përballen me humbjen, sëmundjen dhe lidhjet njerëzore, në një serial që di të qeshë pa e humbur ndjeshmërinë.

Shrinking do të shfaqet premierë më 28 janar në Apple TV ndërkombëtarisht.

Bridgerton

Sezoni i katërt zhvendos fokusin te Benedict Bridgerton dhe një romancë në stilin e Hirushes. Intriga shoqërore, sekrete dhe romancë mbeten formula fituese e Netflix.

Bridgerton do të shfaqet premierë më 29 janar në Netflix ndërkombëtarisht.

Continue Reading

Lajmet

Aktorja e njohur e viteve të 90-ta duket e panjohur në Los Angeles

Published

1 week ago

on

January 3, 2026

By

Aktorja e njohur e viteve të 90-ta, Penelope Ann Miller, është shfaqur thuajse e panjohshme gjatë një daljeje të rrallë në Los Angeles.

61-vjeçarja u pa duke mbajtur një profil të ulët në Beverly Hills, larg vëmendjes së zakonshme mediatike.

Miller u bë e famshme në fillim të viteve të 90-ta dhe ka ndërtuar një karrierë të pasur në film, televizion dhe teatër, shkruan DailyMail.

Ajo ka luajtur role të spikatura në filma si Awakenings, përkrah Robin Williams dhe Robert De Niro, Kindergarten Cop, The Relic, si dhe në serialin American Crime, që i solli një nominim për çmimin Primetime Emmy. Në teatër, ajo është nominuar dy herë për çmimin Tony për rolet në Our Town dhe All My Sons.

Në jetën personale, Miller ka folur hapur për lidhjen romantike që pati dikur me Al Pacino, me të cilin luajti edhe në filmin ikonë Carlito’s Way (1993).

Në një intervistë të asaj kohe, ajo deklaroi se nuk ishte e turpëruar për këtë marrëdhënie dhe se Pacino kishte ndikuar thellë në jetën e saj emocionale.

Aktorja është e martuar që nga viti 2000 me James Patrick Huggins, me të cilin ka dy vajza. Ajo ka treguar se e njeh bashkëshortin e saj që nga adoleshenca dhe se familja mbetet sot prioriteti i saj kryesor, larg shkëlqimit të vazhdueshëm të Hollywood-it./EkonomiaOnline/

Continue Reading

Lajmet

Beyonce shpallet miliardere

Published

1 week ago

on

January 3, 2026

By

Beyoncé është shpallur miliardere nga Forbes, duke e bërë atë muzikanten e pestë që i bashkohet njerëzve më të pasur në botë.

Ylli amerikan i është bashkuar një grupi elitar muzikantësh me pasuri 10-shifrore, raporton Forbes, përfshirë Taylor Swift, Rihanna, Bruce Springsteen dhe bashkëshortin e saj Jay-Z, të cilët revista e biznesit i rendit si me një pasuri neto prej 2.5 miliardë dollarësh, shkruan BBC.

Më parë këtë muaj, Forbes vlerësoi pasurinë neto të Beyoncé-s në 800 milionë dollarë dhe parashikoi se ajo do të kalonte pragun e miliarderes për herë të parë pas viteve të suksesit.

Turneu i saj botëror Renaissance 2023 fitoi gati 600 milionë dollarë, duke e bërë atë një nga ikonat më të mëdha të muzikës pop në botë së bashku me Taylor Swift. Beyoncé prodhoi një film të performancës në koncert, i cili ishte turneu i saj i parë solo në shtatë vjet, dhe e shpërndau atë direkt nëpërmjet një marrëveshjeje me rrjetin e teatrit AMC, i cili e pa atë të fitonte gati gjysmën e të ardhurave globale prej 44 milionë dollarësh.

Albumi i saj i vitit 2024, Cowboy Carter, i cili feston dhe kontekstualizon rrënjët e zeza të muzikës country, u prit me vlerësime kritike dhe fitoi çmimin e albumit të vitit në Çmimet Grammy – hera e parë që Beyoncé fitoi çmimin prestigjioz, pavarësisht se u nominua katër herë.

Forbes vlerëson se turneu Cowboy Carter – i cili përfshinte paraqitje të ftuar nga Jay-Z, dy nga tre fëmijët e tyre dhe ish-anëtarët e grupit Destiny’s Child – grumbulloi gjithsej më shumë se 400 milionë dollarë në shitje biletash dhe 50 milionë dollarë të tjerë në mallra të shitura në shfaqje.

Ndërsa turneu theu rekorde biletash në stadiumin Tottenham Hotspur në Londër dhe Stade De France në Paris, ai u shoqërua me shitje të ngadalta biletash me promotorët që ulën disa çmime në një përpjekje për të mbushur vendet.

Megjithatë, ishte bileta me çmimin më të lartë nga çdo artist që vizitoi Mbretërinë e Bashkuar në vitin 2025, me 950 paund, ndërsa më e lira kushtonte 71 paund.

Një shfaqje speciale në pushim për ndeshjen e parë të NFL-së të Netflix-it për Ditën e Krishtlindjeve mblodhi rreth 50 milionë dollarë, përveç 10 milionë dollarëve për një sërë reklamash të Levi’s, tha Forbes./EkonomiaOnline/

Continue Reading

Të kërkuara