Lajmet

Kaq vende pune pritet të krijohen nga marrëveshja mes FKG-së dhe Bankës Gjermane për Zhvillim

Published

10 months ago

on

Është nënshkruar marrëveshja mes Fondit Kosovar për Garanci Kreditore (FKGK) dhe Bankës Gjermane për Zhvillim (KfW), e cila synon mbështetjen e ndërmarrjeve në vend. Ndërsa, Kosova do të përfitojë dukshëm nga kjo iniciative, duke marrë 22.1 milionë euro, ose 45 për qind nga 50 milionë euro gjithsej.

Po ashtu me këtë projekt që ka prioritet krijimin e së paku katër mijë vendeve të reja të punës, do të forcohet edhe ndërmarrësia dhe qëndrueshmëria e ndërmarrjeve mikro, të vogla dhe të mesme.

Ministri i Financave, Hekuran Murati ka thënë se kjo marrëveshje theks të veçantë ka mbështetjen e ndërmarrjeve në Kosovë. Derisa ka shtuar se parashihet që së paku 4 mijë vende të reja të punës të krijohen nga kjo marrëveshje.

“Theks të veçantë ka mbështetjen e ndërmarrjeve në Kosovë… Marrëveshja që do të nënshkruhet sot do të prioterizon krijimin e vendeve të reja të punës, dhe parashihet që së paku 4 mijë vende të reja të punës të krijohen nga kjo marrëveshje…Do të mundësoje reduktimin e kostove dhe rritjen e qasjes me shumë bizneseve në këto kredi dhe të rritet edhe më tej ekonomia, punësimi dhe mirëqenia”, tha Murati.

Drejtori menaxhues i Fondit Kosovar për Garanci Kreditore, Besnik Berisha derisa ka theksuar rëndësinë e këtij projekti, ka thënë se Kosova do të përfitojë dukshëm nga kjo iniciative, duke marrë 22.1 milionë euro.

“Projekti synon të forcojë ndërmarrësinë dhe qëndrueshmërinë e ndërmarrjeve mikro, të vogla dhe të mesme në gjithë Ballkanin Perëndimor me një shumë totale prej 50 milionë euro, që dedikohen për gjithë rajonin. Kosova do të përfitojë dukshëm nga kjo iniciative, duke marrë 22.1 milion euro, ose 45 për qind nga 50 milionë euro gjithsej, nga Fondet e Rigarancisë që ndahen për rajonin”, tha Berisha.

Zëvendësguvernatori i BQK-së, Milot Cakaj vlerëson se nënshkrimi i kësaj marrëveshje shënon hap të rëndësishëm drejt përmirësimit të qasjes në financa për sektorin e ndërmarrjeve mikro, të vogla dhe të mesme si dhe për ekonominë në tërësi.

“Nënshkrimi i kësaj marrëveshje shënon hap të rëndësishëm drejt përmirësimit të qasjes në financa për sektorin e ndërmarrjeve mikro, të vogla dhe të mesme si dhe për ekonominë në tërësi. Këto ndërmarrje janë pjesë qenësore e ekonomisë sonë. Mbështetja e tyre ka ndikim të madh si në zhvillimin ekonomik edhe në qëndrueshmërinë e sektorit financiar. Jemi të bindur se projekte dhe marrëveshje si kjo do të rrisin mundësinë për financimin dhe do të kontribuojnë në krijimin e një sistemi financiar të qëndrueshëm”,ka thënë Cakaj.

Kryesuesi i njësisë për bashkëpunim EU në Kosovë, Johannes Stenbaek Madsen ka nënvizuar se përmes këtyre nismave synojmë të ndihmojmë ekonomive të gjashtë vendeve të Ballkanit Perëndimor, në mënyrë që ato të përgatiten për integrim në BE.

“Nëpërmjet këtyre nismave synojmë të ndihmojmë ekonomive të gjashtë vendeve të Ballkanit Perëndimor, në mënyrë që ato të përgatiten për integrim në BE. Kjo do të reduktojë boshllëkun social dhe ekonomik ndërmjet vendeve që synojnë të jenë pjesë e BE-së dhe vet BE-së”, tha ai.

Në anën tjetër drejtori i KfË për Evropën Juglindore, Klaus Muller është shprehur i lumtur që janë pjesë e këtij rrëfimi që nga fillimi.

“Me këtë hap po bëhet FKGK-ja bëhet pjesë e familjes evropiane…Jemi të lumtur që jemi pjesë e këtij rrëfimi që nga fillimi”,tha ai.

Gjatë ditës Ministria e Financave, Punës dhe Transfereve përmes një ceremonie ka nënshkruar marrëveshjen në vlerë mbi 12 milionë euro me Bankën Gjermane për Zhvillim (KfË) dhe Kompaninë për Menaxhimin e Deponive të Kosovës (KMDK), për çka synohet përmirësimi i menaxhimit të mbeturinave në Prishtinë, Prizren dhe Gjilan.

Related Topics:
Continue Reading

Lajmet

Nis protesta gjithëpopullore në mbrojtje të vlerave të luftës së UÇK-së

Published

56 minutes ago

on

August 7, 2025

By

Lajm i përditësuar

17:49 – Hetuesja në rastin e gjykimit të Sllobodan Millosheviqit, Neveka Tromp, ka kritikuar zvarritjen e procesit ndaj ish-krerëve të UÇK-së.

Tromp, në protestën kundër Gjykatës Speciale, ka thënë se të akuzuarit mbështetën krijimin e Speciales sepse besonin në drejtësi dhe ndershmëri.

“Ata që sot po akuzohen ishin vetë ata që mbështetën krijimin e Dhomave të Specializuara, sepse besonin në drejtësi dhe ndershmëri,” u shpreh Tromp.

Ajo theksoi se ligjet që rregullojnë luftën janë krijuar për të mbrojtur çlirimtarët, e jo për t’i ndëshkuar ata.

“Gjykata duhet të veprojë në mënyrë profesionale. Nëse drejtësia zbatohet në mënyrë selektive, ajo rrezikon të kthehet në padrejtësi. Në raste të tilla, gjykimet nuk janë për të zbuluar të vërtetën, por janë gjykime të inskenuara.

Ja ku jemi, pesë vjet më vonë, dhe ata ende ndodhen në paraburgim, pa një gjykim të drejtë. Besimi i tyre në drejtësinë e shpejtë është thyer. Por mos harroni – udhëheqësit që sot po akuzohen, janë ata që mbështetën krijimin e këtyre dhomave. E bënë këtë duke qenë të vetëdijshëm për rrezikun.

Pse? Sepse ata besuan në drejtësinë e kauzës së tyre. Besuan se lufta ishte e drejtë, një luftë e lejuar. Ata luftuan dhe fituan. Shkuan në Hagë sepse besonin në drejtësi dhe ndershmëri – besonin në sundimin e ligjit dhe në aftësinë e gjykatës.

Ata besuan se ligjet që rregullojnë luftën janë krijuar për të mbrojtur çlirimtarët e lirisë, dhe jo për t’i ndëshkuar”, ka thënë ajo.

17:15 – Nën brohoritjet e shumta UÇK në Prishtinë ka nisur protesta gjithëpopullore në mbrojtje të vlerave të luftës çlirimtare dhe ish-krerëve të saj që po mbahen padrejtësisht nga Gjykata Speciale.

Në protestë po marrin pjesë një numër i madh i qytetarëve nga e gjithë Kosova e më gjerë, raporton KosovaPress.

‘Skënderbeu’ nis të mbushet me qytetarë në mbrojtje të vlerave të luftës së UÇK-së

“Kundër padrejtësisë! Në mbrojtje të UÇK-së dhe së vërtetës” është motoja e protestës.

Ish-krerët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim në Hagë prej nëntorit 2020.

Ata ngarkohen për krime lufte, teksa janë deklaruar të pafajshëm për të gjitha pikat e aktakuzës. Gjykimi ndaj tyre nisi më 3 prill 2023.

Continue Reading

Lajmet

​Barduani takon Sorensen, Orav e Barbano në selinë e KFOR-it

Published

3 hours ago

on

August 7, 2025

By

Kreu i KFOR-it gjeneral major Enrico Barduani, priti sot në takim emisarin special të BE-së për dialogun Peter Sorensen, përfaqësuesin special të BE-së për Kosovën, Aivo Orav dhe shefin e EULEX-it Giovanni Pietro Barbano.

Në takim u diskutua mbi zhvillimet më të fundit mbi situatën e sigurisë në Kosovë dhe mbështetjen e vazhdueshme të KFOR-it për dialogun e lehtësuar nga BE-ja midis Kosovë dhe Serbisë, raporton KosovaPress.

Gjenerali Barduani nënvizoi rëndësinë e bashkëpunimit të qëndrueshëm me institucionet evropiane në Kosovë dhe midis partnerëve ndërkombëtarë të angazhuar në stabilitetin rajonal, thuhet në njoftimin e KFOR-it.

Vizita dëshmon angazhimin e përbashkët të NATO-s dhe BE-së për paqe të qëndrueshme, dialog rajonal dhe një mjedis të sigurt për të gjitha komunitetet në Kosovë.

Continue Reading

Lajmet

Lëngu i panxharit ul tensionin e gjakut tek të moshuarit, ja çfarë thotë studimi i ri

Published

4 hours ago

on

August 7, 2025

By

Lëngu i panxharit njihet për aftësinë e tij për të ulur në mënyrë natyrale tensionin e gjakut, falë përmbajtjes së lartë të nitrateve.

Një studim nga Universiteti i Exeter përforcon përfitimet për të moshuarit. Sipas gjetjeve, efekti pozitiv i këtij lëngu lidhet me ndryshime specifike në mikrobiomën orale të të moshuarve. Studimi, i botuar në Free Radical Biology and Medicine, krahasoi dy grupmosha: 39 të rritur nën moshën 30 vjeç dhe 36 të rritur të moshës 60–70 vjeç.

Pjesëmarrësit konsumuan dy herë në ditë për dy javë një koncentrat lëngu panxhari të pasur me nitrate. Për dy javë të tjera morën suplement placebo pa nitrate, me një periudhë “pastrimi” prej dy javësh ndërmjet tyre.

Rezultatet treguan se konsumi i lëngut të panxharit solli një ulje të ndjeshme të presionit të gjakut vetëm tek grupi i të moshuarve.

Në të dy grupmoshat u vunë re ndryshime në mikrobiomën orale, por modelet ishin të ndryshme. Tek të moshuarit u vu re rënie e baktereve të gjinisë Prevotella dhe një rritje e baktereve të dobishme si Neisseria, të cilat lidhen me shëndet më të mirë oral dhe kardiovaskular.

Profesoresha Dr. Anni Vanhatalo, e cila udhëhoqi studimin, shpjegon: “E dimë që njerëzit e moshuar prodhojnë më pak oksid nitrik me kalimin e moshës dhe kanë tendencë të kenë presion më të lartë të gjakut, faktorë të lidhur me ndërlikime kardiovaskulare si goditja në tru dhe infarkti. Përmirësimi i dietës së tyre me perime të pasura me nitrate mund të jetë shumë i dobishëm në planin afatgjatë.”

Ajo shton, “nëse dikush nuk është i dhënë pas panxharit, mund të zgjedhë burime tjera të pasura me nitrate, si spinaqi, rukola, kopra, selinoja dhe lakra.”

Bashkautori i studimit, Profesor Dr. Andy Jones, thekson: “Hulumtimi tregon se nitratet dietike ndikojnë në mikrobiomën orale në mënyrë që mund të ndihmojë në uljen e inflamacionit dhe tensionit të gjakut tek të moshuarit. Këto gjetje hapin rrugën për studime të ardhshme më të mëdha që do të shqyrtojnë ndikimin e stilit të jetesës dhe gjinisë në reagimin ndaj suplementeve me nitrate.”

Studimi thekson edhe një herë rëndësinë e ushqyerjes si mjet parandalues, sidomos në moshat e vjetra, duke treguar se edhe ndërhyrjet e vogla ditore mund të sjellin përfitime të mëdha për shëndetin.

 

 

Continue Reading

Aktualitet

​Bullgaria dërgon një kontingjent ushtarak në KFOR

Published

4 hours ago

on

August 7, 2025

By

Një kontingjent prej 97 ushtarakësh u dërgua përmes një ceremoni zyrtare para Bashkisë së Shumenit për të marrë pjesë në misionin KFOR në Kosovë.

Në ceremoni morën pjesë zëvendësshefi i Mbrojtjes gjenerallejtënant Mikhail Popov, admirali i Flotës Galin Manev, zëvendëskomandanti i Komandës së Forcave të Përbashkëta, gjeneral brigade Plamen Yordanov, zëvendëskomandanti i Forcave Tokësore, guvernatorja e rajonit Shumen Katya Ivanova, kryetarja e Këshillit Bashkiak Shumen Asya Asparuhova dhe zëvendëskryetari i Bashkisë Shumen, Nikolay Kolev.

“E di që shumica prej jush keni marrë pjesë në misione. Misionet nuk janë të njëjta. Çdo javë dhe çdo ditë është e ndryshme. Situata në Kosovë është aktualisht e qëndrueshme, por mund të ndryshojë ndjeshëm brenda disa orësh. Prandaj, jini të përgatitur të reagoni në mënyrë adekuate. Ndiqni procedurat standarde të operimit dhe urdhrat e komandantëve tuaj”, theksoi Popov.

“Jam i sigurt se përvoja dhe përgatitja juaj do t’ju lejojnë të performoni në një nivel të lartë. Gjithmonë mbani një mendim në kokën tuaj në Kosovë ju nuk përfaqësoni Batalionin e 29-të të Mekanizuar, ju nuk përfaqësoni Forcat Tokësore. Para aleatëve tanë ju përfaqësoni Ushtrinë Bullgare, dhe para popullsisë lokale dhe autoriteteve lokale, ju jeni përfaqësues të NATO-s”, theksoi Popov.

Kolev i dhuroi kontingjentit një ikonë të Shën Gjergjit Fitimtar dhe iu drejtua ushtarakëve me fjalët: “Kur një ushtar bullgar del përtej kufijve të Bullgarisë, kjo gjithmonë shoqërohet me një mision dhe detyrë të përgjegjshme ndaj atdheut.

“Sot po ju dërgojmë ju, ushtarakët e kompanisë së manovrimit të batalionit të 29-të të mekanizuar, dhe të gjithë besojmë në përgatitjen, profesionalizmin dhe disiplinën tuaj të mirë”, tha ai.

 

Continue Reading

Të kërkuara