Sport

Kapiteni viziton bashkëlojtarët, Trepça e lumtur që Hajrizi po e merr veten

Published

2 years ago

September 4, 2024

Betim Gashi

Kapiteni i ri i Trepçës, Drilon Hajrizi, po përballet me një sfidë shëndetësore.

Çka saktësisht nuk është bërë e ditur nga askush, por Federata e Basketbollit të Kosovës, sikurse edhe dy klube të Prince Caffe Superligës, Peja dhe Golden Eagle Ylli, i kanë uruar shërim të shpejtë lojtarit mitrovicas.

Ndërkohë gjatë ditës së sotme, KB Trepça ka njoftuar se basketbollisti i ka bërë vizitë bashkëlojtarëve, duke nënkuptuar se ai tashmë po e merr vetën.

“Me vizitën e tij sot na ka gëzuar kapiteni i skuadrës, Drilon Hajrizi. Driloni ka pasur një sfidë shëndetësore që po e kalon gradualisht. Vizita e tij sot në klub është dëshmi që sfida shëndetësore i takon së kaluarës. Sot jemi të lumtur t’u njoftojmë që liderin e ekipit e presim së shpejti në radhët tona”, shkruhet në postimin e kampionëve të Kosovës.

Ata më tej theksojnë se bashkë presin të korrin suksese tjera.
“Së bashku drejt sukseseve të reja. Për TREPÇËN që na bënë krenarë të gjithëve” përfundon shkrimi i ekipit.

Related Topics:basketboll KB Trepça Drilon Hajrizi

Up Next

Hummels bëhet futbollist i Romës

Don't Miss

Nga kualifikimi dramatik te dëshpërimi në Paris, rrëfimi i trajneres Sallauka për rrugëtimin e Donjeta Sadikut

Sport

KV Ulpiana triumfon ndaj KV Forcës

Published

2 hours ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

3 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

6 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

7 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L