Lajmet

Kapilarët e kuq në fytyrë, si t’i trajtoni

Përbërësit që ju vijnë në ndihmë janë lehtësisht të gjendshëm dhe për më tepër nuk kanë shumë kosto.

Published

on

Kapilarë të zgjeruar, ngjyrë e kuqërremtë e lëkurës së fytyrës? Me siguri janë një fenomen shumë i pakëndshëm, më saktë shqetësues për shumë njerëz, e veçanërisht për femrat, të cilat janë më të ndjeshme në këtë pikë.

Megjithatë, ka disa alternativa natyrale që janë shumë të efektshme në trajtimin e kapilarëve të zmadhuar dhe skuqjes së theksuar të lëkurës.

Përbërësit që ju vijnë në ndihmë janë lehtësisht të gjendshëm dhe për më tepër nuk kanë shumë kosto.

DOMATE JESHILE

Prejini domatet në feta dhe vendosini në zonën ku keni skuqje të lëkurës apo kapilarë të zgjeruar.

Lërini të veprojnë për rreth 3 minuta dhe më pas shpëlajeni fytyrën me ujë të ngrohtë.

Aplikoni në fund një krem ushqyes për fytyrën.

Këtë mund ta bëni për rreth 10 ditë në mënyrë që të veprojë mbi lëkurën e fytyrës.

MAJDANOZI

Merrni një grusht majdanoz dhe vendosini në një tenxhere me rreth 100 ml ujë të nxehtë lërini në të përreth gjysmë ore dhe më pas kullojeni ujin me anë të një kullese.

Shtoni në të edhe 50 ml qumësht dhe trazojini që të kombinohen.

Zhysni në të një peshqir të butë, shtrydheni dhe vendoseni në pjesët problematike të fytyrës.

Mbajeni për rreth 20 minuta.

Continue Reading

Lajmet

BE-ja kërkon partneritet të fortë me qeverinë e re të Kosovës

Published

on

By

Shefi i Zyrës së Bashkimit Evropian në Kosovë, Aivo Orav, ka bërë thirrje për formim të shpejtë të institucioneve të reja pas zgjedhjeve parlamentare të 9 shkurtit.

Ai theksoi se Bashkimi Evropian ka nevojë për një partner në qeveri për të punuar dhe diskutuar së bashku në proceset integruese.

Orav gjithashtu përmendi se heqja e masave ndëshkuese ndaj Kosovës ka filluar, ndaj është i nevojshëm një bashkëpunim i ngushtë me autoritetet në vend, raporton KosovaPress.

Megjithatë, ambasadori i BE-së në Kosovë nënvizoi domosdoshmërinë e themelimit të Asociacionit të komunave me shumicë serbe në Kosovë.

Këto komente, Orav i bëri gjatë tryezës së diskutimit të mërkurën, lidhur me integrimin e Kosovës në Bashkimin Evropian, të organizuar nga Instituti i Prishtinës për Studime Politike dhe Lëvizja FO.

Continue Reading

Lajmet

Faton Peci reagon pas bastisjeve në Ministrinë e Bujqësisë

Published

on

By

Ministri në detyrë i Bujqësisë, Faton Peci, ka reaguar një ditë pas bastisjeve në Ministrinë e Bujqësisë dhe intervistimit të tij nga Prokuroria Speciale e Republikës së Kosovës.

“Jam i bindur që epilogu i këtij procesi do të jetë i njohur për ju, sikurse është i njohur për rreth 30 mijë fermerë që përfitojnë në baza vjetore subvencione dhe grante, dhe që njëherit janë dëshmitarët më të vëmendshëm në çdo cep të Kosovës. Ata, më së miri e dinë se në funksion të kujt e kam kryer detyrën zyrtare,” ka shkruar ai ndër të tjera në Facebook.

Policia e Kosovës, me urdhër të Prokurorisë Speciale të Republikës së Kosovës, zhvilloi të martën bastisje në Ministrinë e Bujqësisë.

Prokurori i rastit, Admir Shala, ka bërë me dije më 27 maj se Prokuroria Speciale ka nisur një hetim lidhur me dhënien në shfrytëzim të fabrikës për përpunimin e nënprodukteve shtazore.

Në raportin 24-orësh të Policisë së Kosovës thuhet se nga Njësia e Veçantë e Hetimeve janë kryer kontrolle në Ministrinë e Bujqësisë, Pylltarisë dhe Zhvillimit Rural, Agjencinë e Ushqimit dhe Veterinarisë, zyrën e një kompanie private dhe Agjencinë për Zhvillimin e Bujqësisë.

“Gjatë kontrollit janë sekuestruar pajisje elektronike (kompjuterë, telefona), si dhe dokumente të ndryshme në përputhje me urdhëresën e Gjykatës. Dy persona meshkuj kosovarë janë intervistuar dhe pas intervistimit në prani të avokatëve, me vendim të prokurorit, janë liruar në procedurë të rregullt,” thuhet në njoftimin e Policisë së Kosovës.

Continue Reading

Lajmet

Policia jep detaje për bastisjet në Ministrinë e Bujqësisë

Published

on

By

Policia e Kosovës njofton se gjatë kontrollit të zhvilluar të martën në Ministrinë e Bujqësisë, Agjencinë e Ushqimit dhe Veterinarisë (AUV), Agjencinë për Zhvillim të Bujqësisë dhe zyrën e një kompanie private, janë sekuestruar pajisje elektronike dhe dokumente të ndryshme.

Kontrolli është bërë në kuadër të hetimeve për dyshimet e keqpërdorimit të kontratës për dhënien me qira të impiantit të mbetjeve shtazore. Gjatë aksionit, janë intervistuar dy persona, të cilët janë liruar në procedurë të rregullt pas intervistimit në prani të avokatëve.

Nga Prokuroria është konfirmuar se ndër të intervistuarit ishin ministri i Bujqësisë, Faton Peci, dhe drejtori i Agjencisë për Ushqim dhe Veterinari, Bekim Hoxha. Rasti është cilësuar si “keqpërdorim i detyrës zyrtare”.

Në raportin 24-orësh të Policisë thuhet: “Më 27 maj 2025, bazuar në urdhëresën e Gjykatës Themelore të Prishtinës, Njësia e Veçantë e Hetimeve ka kryer kontrolle në Ministrinë e Bujqësisë, Pylltarisë dhe Zhvillimit Rural, Agjencinë e Ushqimit dhe Veterinarisë, zyrën e një kompanie private dhe Agjencinë për Zhvillimin e Bujqësisë. Gjatë kontrollit janë sekuestruar pajisje elektronike si kompjuterë dhe telefona, si dhe dokumente të ndryshme në përputhje me urdhër-njoftimin e Gjykatës. Dy persona meshkuj kosovarë janë intervistuar dhe pas intervistimit, me vendim të prokurorit, janë liruar në procedurë të rregullt.”

Continue Reading

Lajmet

Burg i përjetshëm për Jeton dhe Nexhat Vllasaliun për vrasjen e biznesmenit Bedri Rexhepi

Published

on

By

Gjykata Themelore në Prishtinë ka shpallur fajtorë Jeton dhe Nexhat Vllasaliun për vrasjen e rëndë të biznesmenit kosovar, Bedri Rexhepi. Të dy janë dënuar me burgim të përjetshëm.

Sipas aktgjykimit të shpallur, dy të akuzuarit e kryen këtë krim për qëllime përfitimi material. Më konkretisht, dyshohet se e vranë Rexhepin për një shumë prej 30 mijë eurosh.

Biznesmeni Bedri Rexhepi ishte zhdukur më 8 prill 2021, pasi kishte dalë nga banesa e tij në “Rrugën B” në Prishtinë. Për më shumë se një vit e gjysmë, nuk kishte asnjë informacion për vendndodhjen e tij, derisa pas një hetimi intensiv nga Prokuroria dhe Policia, trupi i pajetë i Rexhepit u gjet në një zonë të komunës së Novobërdës.

Në një konferencë për media, prokurori i rastit Armend Hamiti bëri të ditur se vrasja kishte ndodhur për përfitim material dhe se dy të akuzuarit kishin besuar se viktima posedonte një shumë prej rreth 30 mijë eurosh. Ata kishin planifikuar dhe më pas kryer vrasjen, ndërsa trupin e kishin fshehur.

“Pas sigurimit të provave dhe dëshmive të forta, kam ngritur aktakuzë për ‘vrasje të rëndë me bashkëkryerje’ dhe ‘dëmtim të kufomave’ kundër Jeton dhe Nexhat Vllasaliut. Hetimi zgjati rreth 18 muaj dhe përfshiu dëshmitë e 29 personave,” deklaroi prokurori Hamiti.

Ai theksoi se hetimi kishte përfshirë bashkëpunim të ngushtë me Policinë e Kosovës, Forcën e Sigurisë së Kosovës (FSK) dhe Agjencinë Kosovare të Inteligjencës (AKI), duke përfshirë edhe përdorimin e njësisë K-9 dhe mjeteve të tjera teknologjike në terren.

Me këtë vendim, drejtësia ka marrë një hap të rëndësishëm në ndriçimin e një prej rasteve më të rënda të viteve të fundit në Kosovë.

Continue Reading

Të kërkuara