Kronikë e zezë

Kapen mbi 10 mijë euro të falsifikuara, të gjitha monedha 2 euroshe

Në këtë operacion, janë arrestuar dy persona të dyshuar si dhe janë konfiskuar mijëra euro false të metalit.

Published

3 years ago

on

Krimet ekonomike të Policisë së Kosovës në Ferizaj ka arritur të shkëpusin një linjë të furnizimit me para të metalta të falsifikuara duke pamundësuar përdorimin e tyre në Kosovë. Në këtë operacion, janë arrestuar dy persona të dyshuar si dhe janë konfiskuar mijëra euro false të metalit.

Pas sigurimit të provave të mjaftueshme se të dyshuarit me inicialet A.L. dhe V.F. janë duke sjellë para të malit të falsifikuara nga Maqedonia e Veriut në Republikën e Kosovës, kanë realizuar operacionin e koduar “Taksisti 2023” në magjistralen Ferizaj-Kaçanik duke i kapur në flagrancë.

Policia e Kosovës ka arritur të konfiskojë 50 paketime me gjithsej 10 mijë euro para të falsifikuara në monedha nga 2 euro. Gjithashtu gjatë realizimit të planit, është arritur të konfiskohen edhe 600 euro të tjera nga 2 euro të falsifikuara.

Në vazhdën e këtij operacioni, bazuar në urdhrin verbal të prokurorit të rastit, është kryer bastisje në dy lokacione, njëri në fshatin Rakaj të Ferizajt dhe tjetri në Han të Elezit.

Përpos monadhve metalike, gjatë realizimit të planit operativ të potencuar janë konfiskuar përkohësisht edhe një veturë e tipit Mercedes, pronë e të dyshuarit A.L., një veturë tipit Opel Vektra, pronë e të dyshuarit A.L., një relefon mobil Samsung dhe një telefon mobil Samsung A-12, pronë e të dyshuarës V.F..

Nga veprimet hetimore dhe dëshmitë e siguruara dyshohet se ekziston dyshimi i arsyeshëm se të dyshuarit A.L. dhe V.F. kanë kryer vepër penale “Falsifikim i parasë’’ sipas kodit penal të RKS-së.

Në këtë mënyrë Drejtoria për Hetimin e Krimeve Ekonomike dhe Korrupsionit, konkretisht Njësia Rajonale për Hetimin e Krimeve Ekonomike dhe Korrupsionit në Ferizaj ka shkëputur një linjë të furnizimit me para të falsifikuara dhe i ka pamundësuar që në të ardhmen personat e dyshuar në fjalë, të mos mund të sjellin para të falsifikuara në Republikën e Kosovës.

Të gjitha veprimet hetimore, sipas policisë, kanë qenë të koordinuara me prokurorin kompetent të Prokurorisë Themelore të Ferizajt dhe pas përfundimit të planit operativ, të dyshuarit A.L. dhe V.F. në prezencë të avokatëve mbrojtës janë intervistuar dhe me vendim të prokurorit ndalohen për 48 orë për proceduar të mëtejme ligjore.

Related Topics:
Continue Reading

Vendi

Arrestohet një shtetas i Serbisë në Leposaviq, sulmoi një burrë në gjendje të dehur

Published

14 hours ago

on

August 5, 2026

By

Një shtetas i Serbisë është arrestuar në Leposaviq pasi, nën ndikimin e alkoolit, ka sulmuar një burrë kosovar.

Sipas raportit 24-orësh të Policisë së Kosovës, ngjarja ka ndodhur në orët e para të mëngjesit të së hënës.

Nga ky sulm nuk raportohet për të lënduar.

Me vendim të prokurorit, i dyshuari është liruar dhe rasti shkon në procedurë të rregullt.

Continue Reading

Vendi

Pesë raste të dhunës në familje në Prishtinë e Pejë, arrestohen disa persona

Published

14 hours ago

on

August 5, 2026

By

Tri raste të dhunës në familje janë regjistruar në Prishtinë dhe dy të tjera në Pejë gjatë 24 orëve të fundit, bën të ditur Policia e Kosovës.

Në Prishtinë, një burrë është arrestuar pasi në gjendje të dehur ka ushtruar dhunë psikike ndaj një burri tjetër. Po ashtu në kryeqytet, një burrë tjetër është arrestuar për dhunë fizike e psikike ndaj gruas së tij, e cila ka marrë tretman mjekësor, ndërsa i dyshuari është dërguar në mbajtje.

Në rastin e tretë në Prishtinë, një burrë ka demoluar shtëpinë dhe ka shtyrë një grua, e cila ka pësuar lëndime por ka refuzuar ndihmën mjekësore. I dyshuari është liruar në procedurë të rregullt.

Ndërkohë në Pejë, një grua është arrestuar pasi ka ushtruar dhunë fizike e psikike ndaj një burri. Viktima ka marrë tretman mjekësor, ndërsa e dyshuara, bazuar në udhëzimin e psikiatrit, është dërguar për shërim në repartin e psikiatrisë.

Po ashtu në Pejë, një burrë është arrestuar pasi ka sulmuar fizikisht një grua dhe një burrë. Të lënduarit kanë marrë tretman mjekësor, ndërsa nga i dyshuari është sekuestruar një thikë dhe ai është dërguar në mbajtje me vendim të prokurorit. /E.A/

Continue Reading

Vendi

I dyshuari qëllon me armë drejt veturës në Lipjan, arrestohet nga Policia

Published

15 hours ago

on

August 5, 2026

By

Në Lipjan është arrestuar një person i dyshuar për veprën penale “Vrasje në tentativë”.

Sipas raportit 24-orësh të Policisë së Kosovës, i dyshuari fillimisht ka tentuar ta sulmojë fizikisht viktimën burrë, i cili ndodhej në veturë.

Në momentin kur viktima ka tentuar të largohet, i dyshuari ka shtënë me armë zjarri në drejtim të veturës së tij.

Në vendin e ngjarjes janë sekuestruar një pistoletë dhe 48 fishekë.

Me vendim të prokurorit, i dyshuari është dërguar në mbajtje. /E.A/

Continue Reading

Lajmet

Sulm ndaj zyrtarit policor në Lipjan, një person ndalohet

Published

2 days ago

on

August 4, 2026

By

Në raportin njëditor të Policisë së Kosovës është raportuar për një sulm ndaj personit zyrtar.

Sipas raportit, i dyshuari burrë me shtetësi të huaj ishte nën ndikim të alkoolit dhe i njëjti ka sulmuar zyrtarin policor gjate kryerjes se detyrës zyrtare.

Si pasoj e sulmit, zyrtari policor ka pësuar lëndime dhe është dërguar për trajtime mjekësorë. Ndërsa, i dyshuari është dërguar ne QKUK për trajtime mjekësorë.

Me vendim te prokurorit i dyshuari është dërguar në mbajtje. /A.M/

 

Continue Reading

Të kërkuara