Lajmet

Kandidati i AAK-së për deputet: Haradinaj s’do të marrë vendime të gabuara për koalicionet paszgjedhore

Publikuar

3 vjet më parë

më

Kandidati për deputet nga radhët e Aleancës për Ardhmërinë e Kosovës (AAK), Driton Jakupi në një intervistë për Ekonomia Online theksoi se fokusi kryesor i kësaj partie do të të jetë ekonomia, arsimi, shëndetësia dhe siguria.

Madje programin e kësja partie ai po e quan më të detajuarin dhe më të duhurin, plan ky që sipas tij, siguron zhvillim.

“Programi i AAK-së është shumë i qartë duke filluar nga plani ekonomik, i sigurisë dhe çështje të tjera me rëndësi për vendin. Mirëpo unë mendoj që plani ekonomik nga Aleanca për Ardhmërinë e Kosovës është shumë i qartë dhe mendoj që qytetarët duhet ta shpalosin dhe të jenë të informuar me planprogramin e qeverisjes apo pjesëmarrjes në qeverisje të AAK-së. Fokusi im si deputet i ardhshëm i Kosovës do të jetë në përgjithësi në të mirën e qytetarëve. Do ta ngris zërin për çështjet që janë më elementare si në shëndetësi, arsim ashtu edhe në siguri, si dhe në çdo çështje që është me rëndësi për qytetarët e Kosovës, unë do të jem përfaqësues i tyre në mënyrën më të drejtë të mundshme. Por fokus kryesor do të jetë edhe rinia sepse shumë gjenerata na kanë ikur nga vendi për arsye të mosqasjes në institucione as komunale as shtetërore dhe mendoj që këtij vendi dhe kësaj rinie i duhet t’ia kthejmë shpresën”, shtoi ai.

Jakupi deklaroi se qytetarët kanë shumë arsye për ta votuar atë për deputet.

“Unë mendoj se qytetarët për shumë çështje duhet të më votojnë mua për arsye se unë jam vetë një i ri dhe relativisht dhe mendoj se duhet ta përfaqësojë zërin e qytetarëve të cilët ndjehen të zhgënjyer me të gjitha qeverisjet e kaluara për arsye se unë jam vetë i diplomuar dhe nuk kam pasur mundësi dhe hapësirë në asnjë subjekt tjetër politik përveçse në aleancë dhe tani më është dhënë mundësia që të garojë për deputet të Kuvendit të Kosovës dhe mendoj se do të jem përfaqësimi i zërit të qytetarëve në Kuvendin tonë”, shtoi Jakupi.

Ai foli edhe sa i përket koalicioneve paszgjedhore, duke theksuar që kryetari i AAK-së, Ramush Haradinaj asnjëherë nuk do të marrë vendime të gabuara në formimin e Qeverisë.

“Janë kryetari dhe kryesia e Aleancës për Ardhmërinë e Kosovës të cilët vendosin se kë do ta votojnë mirëpo unë mendoj që asnjëherë zotëri Haradinaj nuk do të marrë vendime të gabuara se me kë do të bëjë koalicion për formimin e Qeverisë. Prandaj besoj fuqimisht që zotëri Haradinaj do ta marrë vendimin e duhur për ta bërë koalicionin me cilin subjekt politik duhet të ndodh koalicioni”, tha Jakupi.

Megjithatë, Jakupi shtoi se duhet të përkrahet Ramush Haradinaj si president, sepse është i vetmi që sipas tij do t’i rrijë përballë më së miri një armiku të përbetuar dhe qindravjeçar siç është presidenti serb Aleksandar Vuçiqi.

“Mesazhi i zotëri Haradinaj është me Ramushin president. Qëllimi i kyçjes time në politik është që duhet ta përkrahim për shkak se Ramushi si president do t’i rrijë përballë më së miri një armiku të përbetuar dhe qindravjeçar siç është Vuçiqi. Me zotëri Haradinaj gjeneral ne do të jemi shumë të sigurt në proceset tona integruese në NATO dhe BE. Prandaj mesazhi i qartë i Haradinajt se në katër vjetët e ardhshme nuk do të ketë anëtarësim në NATO dhe BE, duhet të shpallet Kosova referendum. Zotëri Haradinaj ka thënë se do të marrë iniciativën për shpalljen e referendumit për bashkimin kombëtar më Shqipërinë dhe kjo është ndër arsyet kryesore pse i jam bashkuar Aleancës për Ardhmërinë  e Kosovës”, deklaroi ai për EO.

Etiketa
Vazhdo të lexosh

Lajmet

Gërvalla: Ende asnjë pasojë ndaj Serbisë për sulmin në Banjskë

Publikuar

15 orë më parë

më

23 Maj, 2024

nga

Ndikimi rus në Ballkanin Perëndimor, rreziku i destabilizimit të rajonit si pasojë e veprimeve të Serbisë dhe Rusisë si dhe angazhimi i Republikës së Kosovës për paqe dhe siguri, ishin në fokus të takimit të zëvendëskryeministres dhe ministres së Punëve të Jashtme dhe Diasporës, Donika Gërvalla, me kongresistin republikan, Keith Self.

Sipas njoftimit nga MPJD, gjatë këtij takimi ministrja Gërvalla e njoftoi kongresistin Self lidhur me kërcënimet e vazhdueshme të Serbisë ndaj Kosovës duke përmendur faktin që ende nuk ka asnjë pasojë për Serbinë pas sulmit në Banjskë, sulmit ndaj KFOR-it dhe veprimeve të vazhdueshme agresive por edhe vendosmërinë e Republikës së Kosovës për t’i qëndruar besnike parimeve të saj.

Duke njoftuar kongresistin Self për progresin e Republikës së Kosovës në shumë fusha, ministrja Gërvalla falënderoi ShBA-të për mbështetjen e vazhdueshme në çlirimin, shtetndërtimin, zhvillimin dhe integrimet euroatlantike të Kosovës.

Vazhdo të lexosh

Lajmet

Szunyog: Të tregojmë unitetin e përbashkët mes BE-së dhe Kosovës

Publikuar

15 orë më parë

më

23 Maj, 2024

nga

Në takimin e ambasadorit të Zyrës së Bashkimit Evropian, Tomas Szunyog dhe kryetarit të Komunës së Suharekës, Bali Muharremaj është premtuar për bashkëpunim në projekte të reja, dhe për një mirëqenie më të mirë sociale mes BE-së dhe kësaj komune.

Ambasadori Szunyog, ka thënë se këto vizita janë të rëndësishme, pasi që sipas tij në këtë mënyrë shprehet uniteti dhe veprimi i përbashkët mes Bashkimit Evropian karshi Kosovës.

“Është një aktivitet shumë i rëndësishëm për ne, sepse dëshirojmë të tregojmë unitetin dhe veprimin e përbashkët mes BE-së karshi Kosovës. Kemi biseduar për zhvillimin ekonomik, sfidat që përballet komuna për furnizim me rrymë elektrike dhe ujë, që do të bëjë jetën më të mirë për qytetarët. Edhe për çështjen e sigurisë dhe bizneset për interesat e tyre, e përfshimë pak edhe futbollin. Biseduam edhe për çështjen e arsimit dhe regjistrimin e popullsisë”, ka thënë Szunyog.

Ndërsa, kryetari i Komunës së Suharekës, Bali Muharremaj ka shtuar se në takimin e tij me ambasadorin Szunyog është biseduar rreth zhvillimit ekonomik, shtimin e popullsisë, mjekësinë dhe sportin në këtë komunë.

“Biseduam për zhvillimin ekonomik në komunën e Suharekës, për shtimin e popullatës, mjekësinë, edhe për sportin, dhe për një bashkëpunim shumë të mirë. Ne morëm përkrahjen e BE-së për projekte të reja dhe do të jemi bashkë për një mirëqenie speciale më të mirë”, ka shtuar Muharremaj.

Pas vizitës në Komunën e Suharekës, ambasadorët e BE-së kanë vizituar tri kompani në zonën industriale, të cilët kanë fituar grand nga Banka Evropiane për rindërtim dhe zhvillim. Dy nga tre kompani janë të mbështetura nga BE, vetëm një nga BERZH, kompania Metal “FIX”.

I kënaqur me bashkëpunimin me BE-në, pronari i kësaj fabrike, Burim Devetaku është shprehur se me ndihmën e tyre është investuar në makineri moderne ku 80 për qind janë në tregun e jashtëm.

“Me ndihmën e tyre ne kemi investuar shumë në makineri moderne ku 80 për qind janë për tregun e jashtëm. Një ndihmesë të madhe na ka dhënë edhe Kuvendi Komunal. Numrin e nxënësve e ndanë shkolla 4-5 nxënës çdo vit aftësohen më shumë për punë”, është shprehur ai.

Gjithashtu Szunyog ka theksuar se në këto kompani punësohen edhe nxënës të shkollave profesionale që Kosova të ketë fuqi punëtor të kualifikuar.

“80 për qind e prodhimit që bëhet në këtë kompani eksportohet jashtë vendit në shtetet e BE-se. Kjo kompani tashmë punëson 15 punëtorë edhe eksporton prodhim. I trajnojnë edhe nxënësit e shkollës profesionale që të dinë dhe të punojnë këtu, dhe kjo është një arsye shtesë që Kosova po mundohet të zgjerojë rrjetin e shkollave profesionale në mënyrë që të ketë fuqi punëtore të kualifikuar”, ka theksuar Szunyog.

Të pranishëm në këto vizita ishin edhe shefi i EULEX-it, Giovanni Pietro Barbano, Ambasadori gjerman, Jorn Rohde, Ambasadori i Francës, Olivier Guero, Ambasadori italian, Antonello De Riu si dhe përfaqësues të shteteve të tjera anëtare të BE-së.

Vazhdo të lexosh

Lajmet

Kremlini ka mohuar pretendimin e Trumpit mbi lirimin e gazetarit amerikan

Publikuar

15 orë më parë

më

23 Maj, 2024

nga

Ish-presidenti amerikan, Donald Trump dhe njëkohësisht kandidat për president nga Partia Republikane për zgjedhjet presidenciale, pretendoi se presidenti rus, Vladimir Putin, do të lironte pothuajse menjëherë, gazetarin e Wall Street Journal, Evan Gershkovich, pas zgjedhjeve, nëse do fitoi ai.

Ai shtoi në platformat dixhitale se këtë gjë Putin do e bënte për mua. Por pas këtij postimi, zëdhënësi i Kremlinit, Dmitry Peskov, tha se Trump dhe Putin nuk kanë pasur asnjë kontakt, duke shtuar se duhet “një heshtje e plotë” për arritjen e rezultateve për çdo këmbim të të burgosurve.

Evan Gershkovich është në burg që nga marsi i vitit të kaluar në Rusi, të cilin autoritetet ruse e akuzojnë për spiunazh./UBTNews/

Vazhdo të lexosh

Lajmet

​Putin nënshkruan dekretin që lejon përdorimin e pronës amerikane në Rusi si kompensim

Publikuar

16 orë më parë

më

23 Maj, 2024

nga

Presidenti rus Vladimir Putin nënshkroi të enjten një dekret që lejon përdorimin e pronës amerikane në Rusi si kompensim për dëmet e shkaktuara nga sekuestrimi i pronës ruse në SHBA.

Dekreti që përmban dispozitën përkatëse u publikua në portalin qeveritar, i cili udhëzoi qeverinë e vendit të vendoste një procedurë të veçantë për kompensimin e dëmit të shkaktuar ndaj Rusisë dhe Bankës së saj Qendrore nga qeveria amerikane ose vendimet gjyqësore.

“Qeveria e Federatës Ruse, brenda një periudhe katërmujore, siguron futjen e ndryshimeve në legjislacionin e Federatës Ruse që synojnë zbatimin e këtij dekreti”, thuhet më tej në document. /AA/

Vazhdo të lexosh

Të kërkuara