Lajmet

Kanadaja shpall gjendje të jashtëzakonshme pas stuhisë

Forcat e Armatosura të Kandasë janë angazhuar për t’iu ndihmuar mijëra banorëve.

Published

5 years ago

November 18, 2021

Betim Gashi

Autoritetet kandeze kanë shpallur gjendje të jashtëzakonshme në provincën perëndimore, British Kolumbia, pas një stuhie që ka çarë rrugët dhe ka dëmtuar linjat hekurudhore në rajon.

Forcat e Armatosura të Kandasë janë angazhuar për t’iu ndihmuar mijëra banorëve të bllokuar nga stuhia prej mesnatës të së dielës.

Kryeministri kanadez, Justin Trudeau, është zotuar për ndihmë, gjatë që vizite që ka realizuar në Uashington, dhe ka thënë se trupat do të ndihmojnë në rindërtim.

Një grua ka vdekur si pasojë e rrëshqitjes së dheut dhe dy të tjerë janë të zhdukur. Mijëra persona tjerë janë evakuuar.

Zyrtarët në rajon kanë thënë se ndryshimet klimatike janë fajtorë për katastrofën natyrore.

Ndikimi i ndryshimeve klimatike në frekuencën e stuhive është ende i paqartë, por dihet se temperaturat e larta të sipërfaqes së detit ngrohin ajrin sipër dhe rezultojnë me më shumë energji të disponueshme për të nxitur uraganet, ciklonet dhe tajfunet.

Si rezultat, ato mund të jenë më fuqishme dhe me reshje më ekstreme.

Temperatura e Tokës është rritur për 1.2 gradë Celsius nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk zvogëlojnë emetimet në sasi të konsiderueshme./REL

Lajmet

Arrestohet një zyrtar që dyshohet se mori ryshfet nga pronarë biznesesh

Published

44 minutes ago

September 24, 2026

UBT News

Policia e Kosovës ka arrestuar një person në Rahovec, i dyshuar për veprën penale “Marrja e ryshfetit”.

Sipas Policisë, i dyshuari, mashkull kosovar, në periudha dhe lokacione të ndryshme në zonën e Rahovecit, dyshohet se kishte kërkuar dhe pranuar ryshfet nga pronarë të bizneseve, në këmbim të moskryerjes së kontrolleve apo mosndëshkimit për shkeljet e ligjit.

Gjatë hetimeve, të zhvilluara në bashkëpunim me Prokurorinë Themelore në Gjakovë, janë siguruar dëshmi se i dyshuari dyshohet se kishte pranuar në disa raste shuma prej 300 deri në 500 euro nga pronarë të ndryshëm biznesesh.

Me urdhër të Gjykatës Themelore në Gjakovë, më 24 shtator janë kontrolluar ambienti i punës dhe veturat që i dyshuari kishte në shfrytëzim. Gjatë kontrollit është sekuestruar edhe një telefon celular.

Pas intervistimit, me vendim të prokurorit, i dyshuari është ndaluar për 48 orë./A.K/

Lajmet

Ish-kreu i SHISH, Vlora Hyseni del nga GJKKO, iu komunikua masa e sigurisë “arrest në shtëpi”

Published

52 minutes ago

September 24, 2026

UBT News

Ish-kreu i SHISH, Vlora Hyseni sapo ka dalë nga GJKKO pas më shumë se 2 orësh.

Gazetarja e Top Channel, Anila Hoxha raporton se Hysenit i është komunikuar masa e sigurisë “arrest në shtëpi”.

Ajo u pyet nga gazetarët në lidhje me përgjimet e SPAK, por ka refuzuar të flasë.

Ndryshe, para se të hynte në gjykatë gjatë kalimit nga rruga drejt godinës, Hyseni është shprehur shkurtimisht ndaj pyetjes së gazetarëve nëse Agasit i janë kaluar nga ana e saj dokumente të klasifikuara, duke u shprehur: “Si kalon ti në takime me agjentët serb në dhomat e hotelit Rogner”. /Tch/

Lajmet

Djemtë e ish-krerëve të UÇK-së vizitojnë familjen e Afrim Bunjakut

Published

54 minutes ago

September 24, 2026

UBT News

Endrit Thaçi, Klestor Veseli dhe Altin Krasniqi, djemtë e ish-krerëve të UÇK-së, kanë vizituar sot familjen e policit të Kosovës, Afrim Bunjaku, në përvjetorin e rënies së tij.

Vizita është zhvilluar në shenjë respekti dhe solidariteti me familjen Bunjaku, i cili u vra më 24 shtator 2023 gjatë sulmit në Banjskë.

Gjatë vizitës, ata kanë shprehur respekt për figurën dhe sakrificën e Bunjakut, duke qëndruar pranë familjes së tij në këtë ditë përkujtimi.

Afrim Bunjaku humbi jetën në krye të detyrës gjatë sulmit ndaj Policisë së Kosovës në Banjskë./A.K/