Lajmet

Kanadë: Kamionistët shkaktojnë kaos, kundërshtojnë vaksinat e detyrueshme

Mijëra demonstrues iu bashkuan të ashtuquajtures Kolona e Lirisë në Otava.

Publikuar

2 vjet më parë

më

Protestuesit kundër vaksinave të detyrueshme për kamionistët që kalojnë kufirin SHBA-Kanada kanë bllokuar kryeqytetin e Kanadasë për të dytën ditë.

Mijëra demonstrues iu bashkuan të ashtuquajtures Kolona e Lirisë në Otava.

Policia ka nisur hetimet pas disa incidenteve, duke përfshirë shfaqjen e flamujve me logon e svastika-s dhe pamjet e një gruaje duke kërcyer mbi varrin e ushtarit të panjohur.

Ministrja e Mbrojtjes, Anita Anand, tha se incidentet ishin “përtej të dënueshme”.

Policia e Otavës tha në një postim në Twitter se “disa” hetime ishin duke u zhvilluar në “përdhosjen” e një numri monumentesh në kryeqytet, si dhe “sjellje kërcënuese/ilegale/frikësuese ndaj policisë/punonjësve të qytetit dhe individëve të tjerë dhe dëmtimi i një automjeti të qytetit”.

Në një pjesë tjetër të qytetit, kamionistët bllokuan rrugët përreth ndërtesës së parlamentit të Kanadasë dhe kryetari i bashkisë së Otavës Jim Watson tha se disa protestues kishin ngacmuar stafin në një kuzhinë.

Kryeministri Justin Trudeau dhe familja e tij gjithashtu u larguan nga shtëpitë e tyre për shkaqe sigurie të shtunën.

Rreth 90% e 120,000 shoferëve të kamionëve ndërkufitarë të Kanadasë tani janë të vaksinuar, në përputhje me popullsinë e rritur të vendit.

Udhëheqësi konservator Erin O’Toole ka takuar disa nga protestuesit dhe ka folur në favor të së drejtës për demonstrata paqësore, por ka kritikuar “individët që përdhosin” memorialet në Otavë./UBTNews/

Etiketa
Vazhdo të lexosh

Lajmet

Gërvalla: Kosova të anëtarësohet sa më shpejtë në KiE

Publikuar

4 sekonda më parë

më

26 Qershor, 2024

nga

Anëtarësimi i plotë dhe pa vonesa i Republikës së Kosovës në Këshillin e Evropës dhe vazhdimi i bashkëpunimit të shkëlqyer në rrugën e integrimit të Kosovës në mekanizma ndërkombëtar, ishin në fokus të takimit mes Zëvendëskryeministres, Ministres së Punëve të Jashtme dhe Diasporës, Donika Gërvalla dhe deputetit gjerman, kryesuesit të Grupit Socialist, Demokrat dhe të Gjelbër, Frank Schwabe.

Gjatë këtij takimi Ministrja Gërvalla shprehu mirënjohje të thellë edhe për rolin personal të Frank Schwabe për arritjen e mbështetjes për anëtarësimin e Kosovës në Këshillin e Evropës duke theksuar se ndihma e tij ka qenë thelbësore për arritjen e një shumicë bindëse të votave në Asamblenë Parlamentare të Këshillit të Evropës.

I mbetet Këshillit të Ministrave të marrë sa më shpejtë vendimim për zbatimin e rekomandimit të Asamblesë Parlamentare të Këshillit të Evropës dhe të ftojë Republikën e Kosovës për t’u anëtarësuar në këtë organizatë ndër më të rëndësishmet në Evropë.

Anëtarësimi i plotë dhe pa vonesa i Republikës së Kosovës në Këshillin e Evropës dhe vazhdimi i bashkëpunimit të shkëlqyer në rrugën e integrimit të Kosovës në mekanizma ndërkombëtar, ishin në fokus të takimit mes Zëvendëskryeministres, Ministres së Punëve të Jashtme dhe Diasporës, Donika Gërvalla dhe deputetit gjerman, kryesuesit të Grupit Socialist, Demokrat dhe të Gjelbër, Frank Schwabe.

Gjatë këtij takimi Ministrja Gërvalla shprehu mirënjohje të thellë edhe për rolin personal të Frank Schwabe për arritjen e mbështetjes për anëtarësimin e Kosovës në Këshillin e Evropës duke theksuar se ndihma e tij ka qenë thelbësore për arritjen e një shumicë bindëse të votave në Asamblenë Parlamentare të Këshillit të Evropës.

I mbetet Këshillit të Ministrave të marrë sa më shpejtë vendimin për zbatimin e rekomandimit të Asamblesë Parlamentare të Këshillit të Evropës dhe të ftojë Republikën e Kosovës për t’u anëtarësuar në këtë organizatë ndër më të rëndësishmet në Evropë.

Vazhdo të lexosh

Lajmet

Protestuesit izraelitë bllokojnë rrugët duke kërkuar lirimin e robërve

Publikuar

17 minuta më parë

më

26 Qershor, 2024

nga

Aktivistët antiqeveritar izraelitë janë mbledhur pranë sheshit Dizengoff të Tel Avivit dhe kanë bllokuar një kryqëzim të madh pranë Haifës, duke kërkuar nga qeveria të arrijë një marrëveshje për të sjellë në shtëpi robërit izraelitë nga Gaza, raporton faqja e lajmeve Ynet.

Pamjet e postuara në mediat sociale izraelite, shfaqin turmat e protestuesve që mbanin në duar shenja dhe pankarta përmes së cilave bëjnë thirrje për lirimin e robërve.

Për muaj të tërë, protestat antiqeveritare, të mbështetura nga të afërm të shumtë të robërve izraelitë, janë zhvilluar, duke ushtruar presion të jashtëzakonshëm mbi qeverinë e Netanyahut ndërsa lufta në Gaza po zvarritet./UBTNews/

Vazhdo të lexosh

Bota

26 qershori: Dita Ndërkombëtare Kundër Abuzimit të Drogave dhe Trafikimit të Paligjshëm

Publikuar

18 minuta më parë

më

26 Qershor, 2024

nga

26 qershori është “Dita Ndërkombëtare e Luftës Kundër Abuzimit dhe Trafikimit të Drogave”, një datë e caktuar nga Asambleja e Përgjithshme e Kombeve të Bashkuara më 7 dhjetor 1987, me qëllim promovimin e një shoqërie pa drogë.

Sipas Organizatës Botërore të Shëndetësisë (OBSH), mbi 15.3 milionë persona në mbarë botën vuajnë nga probleme të shkaktuara nga përdorimi i narkotikëve. Ndërkohë, të dhënat e Zyrës së Kombeve të Bashkuara për Drogën dhe Krimin (UNODC) tregojnë se rreth 200 milionë persona përdorin drogë të paktën një herë në vit, nga të cilët 25 milionë janë të varur.

Tragjikisht, çdo vit, rreth 200.000 persona humbin jetën nga sëmundje të shkaktuara nga përdorimi i drogave. Kjo ditë shërben si një kujtesë e rëndësishme për nevojën e vazhdueshme për ndërgjegjësim dhe veprim kundër abuzimit dhe trafikimit të drogave./UBTNews/

Vazhdo të lexosh

Bota

Aleatët e NATO-s zgjedhin Mark Rutte si sekretar të përgjithshëm të ardhshëm

Publikuar

33 minuta më parë

më

26 Qershor, 2024

nga

Aleatët e NATO-s zgjodhën këtë të mërkurë kryeministrin holandez, Mark Rutte, si shefin e ardhshëm të NATO-s. Rutte do të pasojë norvegjezin Jens Stoltenberg.

Emërimi i Rutte u bë një formalitet pasi rivali i tij i vetëm për këtë post, presidenti rumun Klaus Iohannis, njoftoi javën e kaluar se ishte larguar nga gara, pasi nuk arriti të fitonte mbështetje. Mandati i Stoltenberg përfundon më 1 tetor.

Pasi deklaroi interesimin e tij për postin vitin e kaluar, Rutte fitoi mbështetje të menjëhershme nga anëtarët kryesorë të aleancës, duke përfshirë Shtetet e Bashkuara, Britaninë, Francën dhe Gjermaninë.

Të tjerët ishin më të rezervuar, veçanërisht vendet e Evropës Lindore, por ata përfundimisht u rreshtuan pas Rutte, një kritik i ashpër i presidentit rus Vladimir Putin dhe një aleat i vendosur i Ukrainës./UBTNews/

Vazhdo të lexosh

Të kërkuara