Lajmet
Kamberi akuzon Serbinë për injorim të rekomandimeve të BE për shqiptarët e Luginës
Deputeti shqiptar Shaip Kamberi ka akuzuar Beogradin zyrtar për shkelje të vazhdueshme të të drejtave në Luginë të Preshevës, duke injoruar edhe rekomandimet e Bashkimit Evropian në përmbushjen e objektivave të “Planit aksional për integrimin e shqiptarëve”.
Ai ka përkujtuar se Serbia po e pengon realizimin e këtij plani, gjë e cila është përmendur edhe në raportin e Progresit të Komisionit Evropian për 2024.
Në raportin e Progresit për Serbinë, në kapitullin për të drejtat e pakicave, KE, përveç çështjes së pasivizimit, gjuhës së urrejtjes, theks të veçantë vë edhe në pozitën e nën-përfaqësimit të shqiptarëve në administratën publike dhe polici.
KE me këtë rast, kërkon veprim të menjëhershëm në përmbushjen e objektivave të “Planit aksional për integrimin e shqiptarëve”, por pavarësisht kësaj, pakicat mbeten të nën-përfaqësuara në administratën publike dhe policinë.
Është fjala për një dokument të nënshkruar mes Këshillit kombëtar shqiptar, në krye me Ragmi Mustafin, OSBE-së, dhe Ministrisë për të drejtat e njeriut, të përkrahur nga delegacioni i BE në Serbi dhe Këshilli Evropës për mes të cilit janë definuar hapat e integrimit të plotë të shqiptarëve në administratën publike e polici në periudhën 2022 – 2026, realizimi i të cilit, as tani, në fund të vitit 2024, nuk është filluar, përkujton Kamberi.
Megjithatë kur vjen puna të ndërmarrja e veprimeve konkrete në terren, qeveria serbe vepron në kundërshtim me këto rekomandime. Rasti i fundit ka të bëjë me gjykatën për kundërvajtje në Preshevë, në krye të së cilës është emëruar një gjyqtare serbe, duke injoruar gjykatësit shqiptarë, ka thënë Kamberi.
Në seancën e 28 nëntorit të këtij viti, në krye të Gjykatës për kundërvajtje në Preshevë, komunë me mbi 95 % shqiptarë, Këshilli i Lartë i Gjyqësorit në Serbi, emëroi Aleksandra Kuzmanoviq, duke margjinalizuar kështu kuadrot shqiptare.
Gjykata komunale në Preshevë është shuar më 2011, në kuadër të reformës së gjyqësorit me moton “Drejtësia më afër qytetarit. Vlen të përmendet se në Preshevë, po ashtu, ushtrues detyre i drejtorit të Shtëpisë së Shëndetit para dy vjetësh është emëruar një mjek nga komuniteti serb që përbëjnë vetëm 3% të popullatës së kësaj komune, përfundon postimi i Kamberit në Facebook.
Presidenti amerikan Donald Trump ka nënshkruar faljen e plotë për ish-guvernatorin e Illinois, Rod Blagojevich, i cili u dënua me 14 vjet burg për korrupsion dhe mashtrim, përfshirë përpjekjen për të shitur vendin e Senatit pas zgjedhjes së Barack Obamës si president. Trump, i cili në vitin 2020 e kishte lehtësuar dënimin e tij pas tetë vitesh burg, e cilësoi Blagojevich si “një njeri shumë të mirë që nuk e meritonte atë që ndodhi”.
Pas faljes, emri i Blagojevich po përmendet si kandidat i mundshëm për ambasador të SHBA-së në Beograd. Me origjinë serbe dhe familje nga Kragujevaci dhe Hercegovina Lindore, ai është shprehur më parë për rrënjët e tij dhe për babanë e tij, i cili kishte luftuar kundër komunistëve gjatë Luftës së Dytë Botërore. Megjithatë, kandidatura e tij për ambasador mbetet e pasigurt, pasi pritet kundërshtim nga demokratët dhe ndasi brenda republikanëve në Senat.
Blagojevich dhe Trump njihen prej dekadash, dhe ai madje ka qenë pjesë e reality show-t të Trump “Celebrity Apprentice” në vitin 2010, pak para se të dënohej për korrupsion. Marrëdhënia e tyre e gjatë mund të ketë ndikuar në vendimin e Trump për ta falur, por mbetet për t’u parë nëse ai do të mund të marrë një post diplomatik./UBTNews/
Kryeministri i Shqipërisë, Edi Rama, ka reaguar për arrestimin e kryetarit të Bashkisë së Tiranës, Erion Veliaj, duke e cilësuar këtë si një ngjarje të rëndësishme dhe të pazakontë. Në rubrikën e tij “Sy m’Sy” në Facebook, Rama u shpreh se ky rast e ka bërë të ndryshojë qasjen e tij përballë vendimeve të drejtësisë. Sipas tij, largimi i Veliajt nga zyra pa një vendim gjyqësor ka lënë Tiranën pa drejtuesin që qytetarët kishin zgjedhur.
Duke komentuar situatën politike të krijuar pas arrestimit të Veliajt, Rama tha se nuk do të qëndrojë më i heshtur përballë vendimeve të sistemit të drejtësisë. Ai u shpreh se nuk mund të qëndrojë indiferent ndaj një vendimi që, sipas tij, ka pasoja të mëdha për funksionimin e kryeqytetit dhe proceset demokratike.
Në lidhje me protestat e paralajmëruara nga opozita, ku kërkohet edhe dorëheqja e tij, Rama ironizoi atmosferën politike të krijuar, duke thënë se kundërshtarët e tij janë të nxitur nga “era e mishit me gjak” dhe se janë të gatshëm të shfrytëzojnë çdo situatë për të kërkuar largimin e tij nga posti i kryeministrit./UBTNews/
Italia ka riafirmuar mbështetjen e saj të fuqishme për anëtarësimin e vendeve të Ballkanit Perëndimor në Bashkimin Evropian deri në vitin 2030, duke theksuar rëndësinë e përshpejtimit të këtij procesi. Zëvendëskryeministri dhe ministri i Jashtëm i Italisë, Antonio Tajani, gjatë një takimi në Romë, ka deklaruar se vendet e rajonit kanë bërë përparim të konsiderueshëm dhe se viti 2029 shihet si një afat i përshtatshëm për integrimin e tyre në BE.
Tajani ka nënvizuar se megjithëse Bosnje-Hercegovina mund të ketë nevojë për më shumë kohë për t’u përshtatur me kriteret e anëtarësimit, vendet e tjera si Serbia, Mali i Zi, Shqipëria dhe Maqedonia e Veriut kanë avancuar në rrugën e tyre drejt integrimit evropian.
“Ne jemi në favor të anëtarësimit të të gjitha vendeve në BE para vitit 2030. Ndoshta Bosnjë-Hercegovinës i duhet më shumë kohë, por të tjerët kanë bërë përparim dhe mendoj se viti 2029 është një kohë e mirë”, deklaroi ai.
Takimi, i cili po zhvillohet në rezidencën shtetërore Villa Madama në Romë, ka mbledhur ministrat e jashtëm të vendeve të Ballkanit Perëndimor, Shqipërisë, Bosnje-Hercegovinës, Kosovës, Maqedonisë së Veriut, Malit të Zi dhe Serbisë – si dhe ministrat e jashtëm të vendeve të Grupit të Miqve të Ballkanit Perëndimor, përfshirë Italinë, Austrinë, Kroacinë, Greqinë, Republikën Çeke, Sllovakinë dhe Slloveninë. Në këtë takim marrin pjesë edhe Përfaqësuesja e Lartë e BE-së për Politikën e Jashtme dhe Sigurinë, Kaja Kallas, si dhe Komisionerja e BE-së për Zgjerimin, Marta Kos.
Ministria e Jashtme italiane ka bërë të ditur se qëllimi i këtij takimi është forcimi i koordinimit dhe përcaktimi i prioriteteve për vitin 2025, me synimin e rritjes së sigurisë në rajon dhe përshpejtimit të integrimit të vendeve të Ballkanit Perëndimor në BE. Tajani ka theksuar gjithashtu rëndësinë e stabilitetit në rajon dhe ka shprehur shpresën se tensionet mes Kosovës dhe Serbisë nuk do të vazhdojnë, duke theksuar se dialogu dhe bashkëpunimi janë kyç për progresin e gjithë rajonit./UBTNews/
12 beteja, një mbret – City apo Real?
Trump fal plotësisht Rod Blagojevich, ish-guvernatori mund të emërohet ambasador në Beograd
Përplaset avioni privat i këngëtarit të njohur, vdes piloti
Ende nuk ka nisur numërimi i votave të kandidatëve për deputetë në qendrën “1 Tetori”
Tirana, 105 vjet kryeqytet i Shqipërisë
Rama për Veliajn: U mor pa gjyq nga zyra e u mbyll në qeli, kryeqyteti u la pa kokë
Italia mbështet anëtarësimin e vendeve të Ballkanit Perëndimor në BE deri në vitin 2030
Zvicra pa Granit Xhakën në dy miqësoret e marsit
13 vite nga vdekja e ikonës së muzikës botërore Whitney Houston
-
Lajmet3 months agoRektori Hajrizi: Çdo sukses i joni është një sukses për Kosovën!
-
Magazinë2 months agoKy mendohet se është djali 20 vjeçar i Parashqevi Simaku, Luke Nohfe
-
Bota2 weeks agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 weeks agoFluturimet e dëbimit kanë filluar, thotë Shtëpia e Bardhë