Lajmet

Kabashi: Qeveria po nxjerr tema për të penguar marrëveshjen, po shihemi si pengues të dialogut

Kabashi thotë se Qeveria e Kosovës ka nxjerrë tema që pengojnë implementimin e marrëveshjes së Brukselit.

Published

1 year ago

on

Vizita e të dërguarit për Ballkanin Perëndimor, Gabriel Escobar, në Prishtinë, po shihet nga analisti politik, Bekim Kabashi si tregues i qartë i përkushtimit dhe vendosmërisë për zgjidhjen e dialogut Kosovë-Serbi.

Kabashi thotë se Qeveria e Kosovës ka nxjerrë tema që pengojnë implementimin e marrëveshjes së Brukselit. Ai thotë se çështja e dinarit e ka bërë që këtë herë Kosova të akuzohet drejtpërdrejtë si penguese e dialogut Kosovë-Serbi.

“Vizita e të dërguarit speciale të ShBA-ve për Ballkanin, Gabriel Escobar në Kosovë por edhe në pjesë të rajonit tregon përkushtimin dhe vendosmërinë e ShBA-ve për dërgimin  para dialogun Kosovë-Serbi, i cili lidhet direkt me paqen rajonale jo vetëm mes dy shteteve. Në një situatë kur dialogu ka ngecur dhe nuk po procedon përpara, vazhdon të jetë kërkesë e bashkësisë ndërkombëtare që të kalohet ky ngërç, fatkeqësia është që Kosova po llogaritet penguese e këtij procesi duke nxjerrë tema të caktuara, këtë rast e kemi dinarin, herën e kaluar targat, zgjedhjet në veri të cilat janë kundërshtuar nga ShBA-të në formën se si është marrë vendimmarrja nga ana e Kosovës e aq më tepër kjo e dinarit ku po akuzohet Kosova drejtpërdrejtë, që nuk po tregohet partner i denjë me ShBA”, u shpreh ai.

Kabashi është skeptik për mundësinë që këtë vit të përfundojë dialogu me Serbinë. Përmend edhe zgjedhjet në Bashkimin Evropian dhe ShBA si “pengesë e radhës”.

“Dialogu Kosovë-Serbi është proces që po zgjat më shumë se një dekadë ndërsa me Qeverinë Kurti ne e kemi parë pavarësisht se në fillim është dukur në fillim se po shkon drejt nxjerrjeve të rezultateve konkrete pasi që kemi pasur marrëveshje me Brukselin dhe aneksin e Ohrit ku palët u duk se u pajtuan që mund ta qojnë procesin në një pikë ku mund te ketë një marrëveshje mes dy vendeve. Tani jemi në një fazë kur Bashkim Evropian pritet të shkoj në zgjedhje të brendshme e pastaj në fundvit SHBA-të dhe kjo është një tregues se mund të dështoj ky proces si shkak i dy shtytëseve kryesor që procesin mund ta dërgojnë kohë e aq më tepër kur këto dy palë nuk kanë interes për ta quar para këtë proces”, thotë ai.

Kabashi ka folur edhe për Rregullore e re të Bankës Qendrore të Kosovës mbi dinarin serb. Thotë se pala kosovare ka nxjerrë këtë temë për ta penguar implementimin e marrëveshjes së Brukselit.

“Është tregu vazhdimisht që ShBA-të të me presionin e tyre kanë arritur me i zgjedh disa tema nëse ka pasur ngecje në të, në këtë rast presioni e mesazhet do të jenë të qarta. Ne kemi vizitën edhe Lajçakut, mendoj se do gjendet ndonjë zgjidhje edhe për dinarin sepse nuk është temë që s’mund të gjej një zgjidhje kalimtare, sepse ndërkombëtarët s’kanë kërkuar vazhdimisht që në Kosovë të mbes dinari si valutë zyrtare në atë pjesë ku përdoret nga serbët lokal por të gjendet një periudhë tranzitore, si një marrëveshje se si do transferohen ato mjetet nga Serbia në Kosovë dhe kjo mendoj që lidhet me dialogun e me tema me të rëndësishme si ajo e asociacionit, andaj për këtë arsye qeveria e Kosovës ka nxjerr tema si kjo e dinarit për të penguar implementimin e marrëveshjes së Brukselit e aneksit të Ohrit të lidhur me asociacionit dhe kam bindjen që palët do pajtohen e gjej një zgjidhje”, thotë Kabashi.

Related Topics:
Continue Reading

Aktualitet

Kufiri Kosovë-Shqipëri: I dyshuari drejton armën policëve, hedh çantën me 21 kg marihuanë dhe ik

Published

2 hours ago

on

August 21, 2025

By

Policia e Kosovës ka noftuar se 21 kilogramë marihuanë janë gjetur brenda një çante që është hedhur nga një i dyshuar i cili ka ikur. I njëjti ishte i armatosur dhe me çantën në krah në vijën kufitare Kosovë-Shqipëri.

Policia njoftoi se i dyshuari ua ka drejtuar armën zyrtarëve dhe më pas e ka hedhur çantën e ka ikur në zonën malore në drejtim të Shqipërisë.

“Policia e Kosovës, respektivisht njësia hetimore nga Departamenti i Kufirit me datën 20.08.2025, rreth orës 20:30 gjatë veprimeve hetimore në zonën kufitare Kosovë-Shqipëri përgjatë vijës së gjelbër, ka hasur në një person të dyshuar i cili ishte duke e bartur një çantë dhe ishte i armatosur.

I njëjti në momentin që ka vërejtur zyrtarët policorë ka drejtuar armën e zjarrit në drejtim të zyrtarëve policorë, duke paraqitur rrezik të drejtpërdrejtë ndaj tyre.

Zyrtarët policorë kanë tentuar që ta ndalojnë të dyshuarin duke u prezantuar, mirëpo i njëjti ka hedhur çantën dhe ka arritur që të dalë në zonën malore në drejtim të Shqipërisë”, njoftoi Policia e Kosovës.

Continue Reading

Aktualitet

FSK-ja tërheq një mjet shpërthyes në Prizren

Published

2 hours ago

on

August 21, 2025

By

Një mjet shpërthyes është gjetur në rrugën “Idriz Ngucati” në Prizren ditën e mërkurë, ku  Njësiti i Forcës së Sigurisë së Kosovës ka kryer tërheqjen e tij.

Në raportin e Policisë thuhet se FSK e ka tërheq mjetin shpërthyes në mënyrë të sigurt pa rrezikuar përreth.

“Ankuesi mashkull kosovar, ka informuar se kishte hasur në një mjet të dyshuar shpërthyes. Njësit përkatës janë në vendin e ngjarje, ndërsa njësia për deminim e FSK-së kanë tërhequr mjetin e dyshuar shpërthyes”, thuhet në raportin e PK-së.

Continue Reading

Aktualitet

KDI: VV-ja të bisedojë me partitë e tjera, dialogu është detyrim demokratik

Published

2 hours ago

on

August 21, 2025

By

Drejtori i KDI-së, Ismet Kryeziu, ka vlerësuar se Lëvizja Vetëvendosje e ka përgjegjësinë kryesore për bllokimin e institucioneve dhe ngëçin politik në vend.

Ai ka ftuar partinë e Albin Kurtit që të ulet në tryezë me subjektet politike për të gjetur një zgjidhje për daljen nga ngeci aktual politik. Në profilin e tij në “Facebook”, Kryeziu ka shkruar se dialogu është detyrim demokratik.

“VV, si forca më e madhe politike, ka përgjegjësinë kryesore: të mos e mbajë peng konstituimin e institucioneve, por të ulet në tryezë me subjektet tjera politike. Dialogu është detyrim demokratik”, ka shkruar Kryeziu.

Continue Reading

Aktualitet

Raporti 24 orësh nga Policia e Kosovës

Published

2 hours ago

on

August 21, 2025

By

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU DHE GJOBA

Gjatë 24 orëve të fundit janë shqiptuar 2510 tiketa trafiku, janë shkaktuar 58 aksidente me dëme materiale dhe 20 aksidente me të lënduar. Zyra e Informimit nga PK ka njoftuar se 28 persona janë arrestuar, kurse 14 janë dërguar në mbajtje.

INCIDENTET KRIMINALE-PRISHTINË

HETIM MBI VDEKJEN

Fsh. Plemetin, Obiliq 20.08.2025 – 14:10. Raportohet se është gjetur pa shenja jetë, viktima mashkull kosovar. Njësitet përkatëse kanë dalë në vend ngjarje. Me vendim të prokurorit trupi i pa jetë i viktimës është dërguar në IML për obduksion. Rasti duke u hetuar.

FAJDE

Prishtinë 2024-2025. DHKO me date 20.08.2025 ka arrestuar dy të dyshuar meshkuj kosovarë nën dyshimin e bazuar se të njëjtit kanë detyruar viktimat që të paguajnë shuma të ndryshme parash si interes për fajde. Të dyshuarit pas intervistimit me vendim të prokurorit dërgohen në mbajtje.

 GRABITJE

Rr. Hamzë Jashari, Lipjan 20.08.2025-16:00. Viktima i mitur mashkull kosovar, ka njoftuar se i dyshuari mashkull kosovar, me forcë i ka marrë celularin dhe ka ik në drejtim të panjohur. Rasti duke u hetuar.

Rr. Xheladin Kurbaliu, Prishtinë 20.08.2025-23:10. Viktima i mitur mashkull kosovar, ka njoftuar se i dyshuari mashkull kosovar, nën kërcënimin e thikës i ka marr nga dora një zinxhir ari dhe ka ikur në drejtim të panjohur.

 DHUNË NË FAMILJE

Gllogoc 20.08.2025 – 02:00. Ankuesi mashkull kosovar, ka informuar se është kanosur me largim nga shtëpia nga bashkëshortja e tij. Me vendim të prokurorit pas intervistimit palët janë liruar në procedurë të rregullt.

Prishtinë 20.08.2025 – 01:00. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Me vendim të prokurorit i dyshuari është dërguar në mbajtje.

Prishtinë 20.08.2025-23:20. Viktima mashkull kosovar, ka njoftuar se ishte fyer dhe kanosur nga vëllai i tij. Me vendim të prokurorit i dyshuari pas intervistimit lirohet në procedurë të rregullt.

 VJEDHJE

Rr. Tirana, Prishtinë NN. Me datë 20.08.2025 viktima mashkull kosovar, ka njoftuar se persona të panjohur kanë depërtuar në banesën e tij dhe nga aty kanë vjedhur një revole me leje dhe stoli ari. Rasti duke u hetuar.

 ARMËMBAJTJE PA LEJE

Podujevë 15.08.2025. Raportohet se më datë 20.08.2025 është identifikuar dhe arrestuar i dyshuari mashkull kosovar, i cili kishte shtënë me armë zjarri. Nga i dyshuari është konfiskuar një revole me gaz. Me vendim të prokurorit i dyshuari pas intervistimit lirohet në procedurë të rregullt.

INCIDENTET KRIMINALE-GJILAN

DHUNË NË FAMILJE

Gjilan 20.08.2025 – 18:10. Është arrestuar i dyshuari mashkull kosovar, pasi që i njëjti ka sulmuar fizikisht vajzën e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

INCIDENTET KRIMINALE-FERIZAJ

MATERIALET ME PËRMBAJTJE TË SHFRYTËZIMIT DHE KEQPËRDORIMIT SEKSUAL TË FËMIJËVE

Kaçanik 20.08.2025 – 13:00. Është arritur të identifikohet dhe të shoqërohet i dyshuari mashkull kosovar, nën dyshimin se ka kryer veprën e lartcekur. Si prova materiale janë sekuestruar dy telefona mobil. Me vendim të prokurorit i dyshuari është liruar dhe rasti shkon në procedurë të rregullt.

ARMËMBAJTJE PA LEJE

Fsh. Godanc i Epërm, Shtime 20.08.2025 – 12:00. Është shoqëruar në stacionin policor i dyshuari mashkull kosovar, pasi që gjatë kontrollit të shtëpisë së tij i është gjetur dhe sekuestruar një pushkë gjuetie dhe 12 fishekë. Me vendim të prokurorit i dyshuari është liruar dhe rasti shkon në procedurë të rregullt.

DHUNË NË FAMILJE

Fsh. Godanc i Epërm, Shtime 20.08.2025 – 12:00. Është arrestuar i dyshuari mashkull kosovar, pasi që i njëjti ka sulmuar fizikisht bashkëshorte e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

SHKAKTIM I RREZIKUT TË PËRGJITHSHËM

Fsh. Lloshkobare, Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi. Rasti duke u hetuar.

INCIDENTET KRIMINALE-PRIZREN

BLERJE, POSEDIM, SHPËRNDARJE DHE SHITJE E PAAUTORIZUAR E NARKOTIKËVE

Rr. Luigj Nikolla, Suharekë 20.08.2025 – 14:00. Është arrestuar i dyshuari mashkull kosovar, pasi që gjatë kontrollit të shtëpisë së tij i është gjetur dhe sekuestruar 37.98 gr substancë narkotikë, dyshohet të jetë e llojit marihuanë dhe dëshmi tjera. Me vendim të prokurorit i dyshuari është dërguar në mbajtje.

KANOSJE

Suharekë 20.08.2025-18:40. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur zyrtarët policorë gjatë detyrës. Me vendim të prokurorit i dyshuari dërgohet në mbajtje.

GJETJE E MJETIT TË PASHPËRTHYER

Rr. Idriz Ngucati, Prizren 20.08.2025 – 11:50. Ankuesi mashkull kosovar, ka informuar se kishte hasur në një mjetë të dyshuar shpërthyes. Njësit përkatës janë në vendin e ngjarje, ndërsa njësia për deminim e FSK-së  kanë tërhequr mjetin e dyshuar shpërthyes.

INCIDENTET KRIMINALE-PEJË

DHUNË NË FAMILJE

Klinë 20.08.2025 – 01:00. Është arrestuar i dyshuari mashkull kosovar, pasi që kishte ushtruar dhunë psikike ndaj dy vajzave të  tij (njëra e mitur). Me vendim të prokurorit i dyshuari është dërguar në mbajtje.

Pejë 19.08.2025-22:00. Është raportuar se viktima femër kosovare ishte sulmuar fizikisht nga ish bashkëshorti i saj, i dyshuari mashkull kosovar. I dyshuari është arrestuar dhe pas intervistimit me vendim të prokurorit lirohet në procedurë të rregullt.

Pejë 20.08.2025-23:00. Janë arrestuar dy të dyshuar meshkuj kosovarë, pasi që të njëjtit kanë sulmuar fizikisht viktimën mashkull kosovar. Viktima ka pranuar tretman mjekësor. Me vendim të prokurorit të dyshuarit dërgohen në mbajtje.

ARMËMBAJTJE PA LEJE

Pejë 20.08.2025. Është arrestuar i dyshuari mashkull kosovar, pasi që i njëjti në një video që ishte postuar në rrjete sociale, vëreheshin një armë dhe sende të dyshuara. Me vendim të prokurorit janë bastisur  banesa ku është gjetur dhe konfiskuar një revole me 123 fishekë dhe një thikë. Pas intervistimit i dyshuari lirohet në procedurë të rregullt.

DHUNË NË FAMILJE

Istog,19.08.2025-21:30. Është arrestuar i dyshuari mashkull kosovar, pasi që i njëjti nën ndikim të alkoolit kishte shkuar te viktima motra e tij dhe pas një mosmarrëveshje kishte dëmtuar derën e banesës së saj. Pas intervistimit, me aktvendim të prokurorit kujdestar i dyshuari dërgohet në qendrën e mbajtjes për 48 orë.

INCIDENTET KRIMINALE-GJAKOVË

DHUNË NË FAMILJE

Rahovec 20.08.2025-19:20. Është raportuar se viktima femër kosovare, ishte sulmuar nga i dyshuari mashkull kosovar, me të cilin ka bashkëjetuar. I dyshuari është arrestuar dhe pas intervistës me vendim të prokurorit dërgohet në mbajtje.

POSEDIM ILEGAL I NARKOTIKËVE

Rr.14 Qershori, Gjakovë 20.08.2025 – 23:45. Raportohet se gjatë kontrollit tek dy të dyshuar meshkuj koosvarë janë gjet dhe konfiskuar 42.55 gramë marihuanë. Me vendim të prokurorit pas intervistimit dy të dyshuarit dërgohen në mbajtje.

INCIDENTET KRIMINALE-MITROVICË JUG

 ARMËMBAJTJE PA LEJE

Fsh. Vajnik, Skenderaj 20.08.2025-12:04. Raportohet se janë arrestuar dy të dyshuar pasi që gjatë kontrollit në shtëpitë e tyre janë gjetur dhe sekuestruar; një AK 47 me 60 fishekë, një pushkë gjuetie me 18 fishekë, një pushkë ajrore dhe një revole me gaz. Me vendim të prokurorit pas intervistimit të dyshuarit dërgohen në mbajtje.

INCIDENTET KRIMINALE-DEPARTAMENTI I POLICISË KUFITARE

KALIM ILEGAL I KUFIRIT

Fsh. Bistricë Leposaviq 20.08.2025-23:30. Është ndaluar i dyshuari mashkull kosovar, pasi që i njëjti me veturën e tij kishte kaluar ilegalisht kufirin nga Serbia në Republikën e Kosovës. Me vendim të prokurorit vetura iu është konfiskuar, ndërsa rasti shkon në procedurë të rregullt.

 

Continue Reading

Të kërkuara