Trajneri i Milanit, Paulo Fonseca, ishte i zemëruar në konferencë për shtyp pas ndeshjes së humbur 2-1 kundër Fiorentinës dhe këmbënguli që Christian Pulisic duhet të ekzekutonte goditjet e penalltisë për kuqezinjtë.

Milani pësoi një humbje 2-1 në Firence të dielën mbrëma, duke parë portierin toskan David De Gea që priti dy penallti. Ai mbrojti penalltinë e Theo Hernandez në pjesën e parë dhe Tammy Abraham në pjesën e dytë.

Lojtarët e Milanit vendosën të ndryshojnë ekzekutuesin e caktuar të goditjes së penalltisë, duke pasur parasysh se është Pulisic ai që zakonisht i godet ato.

“Sigurisht që jam i mërzitur që lojtarët ndryshuan ekzekutuesin e penalltisë. Christian Pulisic duhet të ekzekutojë penalltitë. Nuk duhet të ndodhë më kurrë, dhe u thashë lojtarëve”, ka thënë Fonseca.

Milani ndodhet në vendin e 6-të në tabelën e Serie A, me 11 pikë, pesë më poshtë liderit Napoli.

Ndeshja e tyre e radhës në ligë pas pushimit ndërkombëtar është kundër Udineses në San Siro më 19 tetor./UBTnews/

Kombëtarja e Kosovës në futboll do ta vazhdojë rrugëtimin në Ligën e Kombeve me dy ndeshje shumë të rëndësishme në këtë muaj. “Dardanët” do të ndeshjen fillimisht më 12 tetor me Lituaninë në udhëtim dhe pastaj, tri ditë më vonë e presin Qipron në Prishtinë.

Në prag të këtyre dy sfidave, trajneri i Kosovës, Franco Foda do të flas sot në një konferencë për media ku do të sqarojë më shumë rreth listës së lojtarëve të grumbulluar, por jo vetëm kaq.

Në javët e fundit kampi i “Dardanëve” përjetoi disa zhvillime interesante, siç ishte ai me përjashtimin e tre lojtarëve, Florent Muslija, Aro Muric dhe Edon Zhegrova. Kjo treshe pastaj kërkuar falje për thyerjen e rregullave dhe janë ftuar sërish nga Foda.

Konferenca për media do të nis nga ora 12:30./UBTnews/

Toni Kroos ka njoftuar se ka mbyllur karrierën e tij pas Euro 2024, duke e përfunduar atë në moshën 34-vjeçare, dhe nuk ka në plan ta ndryshojë këtë vendim. Mesfushori gjerman luajti ndeshjen e fundit të karrierës së tij në një sfidë kundër Spanjës, që përfundoi me eliminimin e Gjermanisë nga turneu.

Në një podcast me vëllanë e tij, Kroos shprehu bindjen e tij për vendimin e tij, duke thënë: “Vendimi im është i pandryshueshëm. Duhet ta pranojmë. Është kompliment të jesh i rëndësishëm, por duhet të përshtatesh.”

Ai theksoi se Reali ka pasur sukses edhe pa figura të mëdha si Cristiano Ronaldo dhe Sergio Ramos. “Real Madridi u përshtat kur u larguan Cristiano dhe Ramos. Ata (Los Blancos) janë përshtatur gjithmonë dhe kanë vazhduar të fitojnë. Fituam dy herë Champions League pa ta, edhe pse ishin të rëndësishëm dhe janë legjenda absolute. E njëjta gjë do të ndodhë edhe tani, pa mua,” tha Kroos.

Kroos shprehu besimin se lojtarët e tanishëm të Realit do të gjejnë mënyrën për të vazhduar suksesin. “Të gjithë lojtarët e Real Madridit janë shumë të mirë në mënyrën e tyre. Ata thjesht duhet të gjejnë një mënyrë për të luajtur për të fituar dhe do ta bëjnë. Shpresoj që kjo të ndodhë sa më shpejt që të mos dëgjojnë gjithmonë: ‘Kroos nuk është atje’,” përfundoi ai.

Ish-mesfushori gjerman la një trashëgimi të rëndësishme te Real Madridi, duke kontribuar në shumë suksese të ekipit gjatë karrierës së tij të shkëlqyer./UBTNews/

Lamine Yamal, 17-vjeçari spanjoll, ka arritur të magjepsë botën e futbollit me talentin e tij të jashtëzakonshëm. Si lider i Spanjës në Euro 2024 dhe kandidat për “Topin e Artë”, Yamal është bërë një lojtar i pazëvendësueshëm për Barcelonën dhe një emër i njohur në arenën ndërkombëtare.

Ky talent ka arritur të impresionojë edhe kundërshtarët e tij, duke u konsideruar nga shumë si një kampion i vërtetë, i cili është i vështirë për t’u markuar dhe për t’u ndalur në fushë. Një nga ata që ka shprehur frikën e tij nga Yamal është Antonio Rudiger, mbrojtësi i Real Madridit, i cili ka një karrierë të mbushur me trofe, por që nuk heziton të njohë aftësitë e jashtëzakonshme të 17-vjeçarit.

Në një intervistë të dhënë për një kanal në YouTube, Rudiger tha: “Duhet t’i jepni meritat. Ai është vetëm 17 vjeç dhe kjo që po bën nuk është diçka e vogël. Barcelona ka një lojtar që ka gjithë karrierën përpara. Shpresoj që ai të qëndrojë i shëndetshëm, sepse ne kurrë nuk i urojmë keq askujt. Ai është vetëm 17 vjeç dhe është e frikshme të mendojmë se çfarë bëri gjatë Kampionatit Evropian. Le të harrojmë rivalitetin dhe gjëra të tilla.”

Deklaratat e Rudigerit theksojnë jo vetëm talentin e jashtëzakonshëm të Yamal, por edhe pritshmëritë e mëdha që kanë krijuar rreth tij në botën e futbollit. Me një karrierë që sapo ka filluar, Yamal premton të jetë një emër i madh në historinë e futbollit, duke e bërë këtë moment të rëndësishëm për të dhe për futbollin spanjoll./UBTNews/