Teknologji

Jo më SIM, por iSIM Vodafone

iSIM përputhet me specifikimet e diktuara nga GSMA.

Published

on

Kompania Vodafon prezantoi prototipin e parë të iSim (skedë elektronike), një hap drejt braktisjes së SIM-eve fizike për telefonat celularë.

Kjo teknologji e re premton të integrojë funksionalitetin e një karte telefonike në procesorin kryesor të një celulari ose tableti, në mënyrë që të mos ju duhet t’i kushtoni një hapësire specifik siç ndodh sot.

iSIM përputhet me specifikimet e diktuara nga GSMA, organizata që rregullon dhe përfaqëson operatorët telefonikë globalë, e cila përfshin funksionalitetin tradicional të një karte me përfitimin e performancës më të lartë dhe kapacitetit më të madh të memories.

Siç shpjegojnë burime pranë kompanisë, iSIM është një evolucion i natyrshëm i cili nuk ka nevojë për një çip të veçantë për të funksionuar.

Pasi të keni ndërtuar procesorë me iSIM të integruar, nuk do të ketë nevojë për asgjë tjetër për të aktivizuar numrin tuaj dhe ofertën e preferuar, duke ndryshuar edhe kompaninë që dëshironi.

“Qëllimi ynë është të krijojmë një botë ku çdo pajisje lidhet thjesht dhe pa probleme, dhe klienti ka kontroll të plotë. iSIM i kombinuar me platformën tonë të menaxhimit në distancë, është një hap i rëndësishëm në këtë drejtim, duke lejuar që pajisjet të lidhen pa një kartë SIM fizike ose një çip të dedikuar”, deklaroi shefi komercial i Vodafone, Alex Froment-Curtil.

Teknologji

Beats prezanton kufjet sportive pa tel

Published

on

Beats ka prezantuar kufjet e reja Powerbeats Fit, pasardhëse të modelit Beats Fit Pro të lansuar katër vite më parë.

Ato vijnë me dizajn të ngjashëm me majë fleksibël për fiksim të sigurt, si dhe janë të certifikuara IPX4 për rezistencë ndaj ujit dhe djersës.

Powerbeats Fit përdorin çipin H1 të Apple dhe ofrojnë anulim aktiv të zhurmës, modalitet transparence, si dhe spatial audio me ndjekje dinamike të kokës.

Përdoruesit e Apple përfitojnë nga veçori si një-prekje për lidhje, kalim automatik mes pajisjeve dhe komandat “Hey Siri”, ndërsa përdoruesit e Android mund t’i kontrollojnë me aplikacionin Beats.

Bateria zgjat deri 7 orë përdorim dhe deri 30 orë me kutinë e karikimit, ndërsa një karikim i shpejtë prej 5 minutash ofron një orë muzikë.

Powerbeats Fit do të dalin në treg me çmim prej 200 dollarësh në katër ngjyra: Jet Black, Gravel Gray, Spark Orange dhe Power Pink. /A.Z/UBT News/

Continue Reading

Teknologji

Elon Musk bëhet personi i parë me pasuri mbi 500 miliardë dollarë

Published

on

Elon Musk ka shkruar një faqe të re në historinë financiare, duke u bërë personi i parë në botë që arrin pasurinë neto prej 500 miliardë dollarësh, sipas indeksit të miliarderëve të Forbes.

Ky rekord i jashtëzakonshëm është nxitur nga rikuperimi i aksioneve të Tesla-s, rritja e vlerësimeve për kompaninë hapësinore SpaceX dhe zhvillimet pozitive rreth start-up-it të tij të inteligjencës artificiale, xAI.

Këtë vit, aksionet e Tesla-s janë rritur mbi 14%, ndërsa pasuria e Muskut është shtuar me më shumë se 6 miliardë dollarë në ditët e fundit.

Vendimi i Muskut për t’u distancuar nga angazhimet dhe për t’u fokusuar plotësisht në bizneset e tij ka rritur besimin e investitorëve.

Ai gjithashtu bleu aksione shtesë të Tesla-s me vlerë rreth 1 miliard dollarë, duke treguar besim të plotë në zhvillimin e kompanisë drejt teknologjive të reja si inteligjenca artificiale dhe robotika, raporton Sky News.

Aktualisht, start-up-i xAI vlerësohet në 75 miliardë dollarë, ndërsa SpaceX pritet të arrijë një vlerë rekord prej 400 miliardë dollarësh në raundet e ardhshme të financimit.

Në renditjen e Forbes, pas Muskut renditet Larry Ellison i Oracle, me një pasuri prej rreth 350 miliardë dollarësh. /A.Z/UBT News/

Continue Reading

Teknologji

Samsung teston veçori të reja, inovacion dhe pikëpyetje

Published

on

Samsung pritet të sjellë disa risi me One UI 8.5, ku më e spikatura është një funksion i ri me inteligjencë artificiale që do të menaxhojë kalimin automatik mes Wi-Fi dhe rrjetit celular.

Sipas burimeve të SammyGuru, do të shtohen modalitetet “Vlerësimi inteligjent i lidhjes” dhe “Kalimi inteligjent i rrjetit”, të cilat analizojnë cilësinë e sinjalit Wi-Fi dhe historikun e përdorimit, për të vendosur në mënyrë automatike se kur duhet kaluar tek të dhënat celulare.

Ndërkohë, Samsung ka bërë edhe një ridizajnim të folderëve në ekranin kryesor, duke shtuar ikonë për grupet me shumë aplikacione dhe duke përmirësuar efektin e transparencës.

Një tjetër funksion në zhvillim është “Ndarja e pajisjeve familjare”, i cili do t’u lehtësojë përdoruesve lidhjen dhe ndarjen e burimeve me anëtarët e familjes. /A.Z/UBT News/

Continue Reading

Teknologji

Snapchat ndryshon! Memories nuk do të jetë më plotësisht falas

Published

on

Aplikacioni i njohur i mesazheve, Snapchat, ka njoftuar se do të fillojë të tarifojë përdoruesit për ruajtjen e fotove dhe videove në funksionin Memories, i prezantuar për herë të parë në vitin 2016.

Sipas kompanisë, përdoruesit që kanë më shumë se 5GB përmbajtje të ruajtur në Memories do të duhet të paguajnë për ta mbajtur atë të disponueshme. Snapchat nuk ka dhënë ende detaje mbi çmimin, duke theksuar se ndryshimi do të zbatohet gradualisht në të gjithë botën.

Ky njoftim ka shkaktuar shqetësim tek përdoruesit e rrjeteve sociale. Kompania pranoi se kalimi nga një shërbim falas në një shërbim me pagesë “nuk është i lehtë”, por shtoi se kjo do të sjellë vlerë për përdoruesit.

Funksioni Memories lejon ruajtjen e fotove dhe videove, të cilat mund të shfaqen më pas si “memories” ose “throwbacks” çdo vit.

Ky ndryshim nuk do të ndikojë tek abonentët e Snapchat+ dhe Snapchat Premium. /A.Z/UBT News/

Continue Reading

Të kërkuara