Sport

Jesus vendosi të largohej nga City pasi Guardiola e bëri të qajë

Ai vendosi që atij i duhej të largohej nga Manchester City në nëntor të vitit 2021.

Published

3 years ago

on

Sulmuesi i Arsenalit, Gabriel Jesus ka zbuluar se ai e mori vendimin për tu larguar nga Manchester City pasi që Pep Guardiola e bëri atë të qajë.

Jesus vendosi që atij i duhej të largohej nga Manchester City në nëntor të vitit 2021. Ai ishte në bankën rezervë në ndeshjen e Ligës së Kampionëve asokohe kundër Paris Saint-Germain, pavarësisht se ai kishte dëshiruar që të ishte titullar.

Guardiola kishte vendosur që ta inkuadrojë Oleksandr Zinchenko si 9-sh fals në atë ndeshje, pavarësisht se pozita natyrale e ukrainasit ishte mbrojtës i krahut të majtë, dhe ky vendim e kishte bërë Jesus të qajë, dhe e kishte kuptuar që nuk ishte më në planet e Cityt.

Jesus, i cili iu bashkua Arsenalit në verën e vitit 2022, i ka thënë “The Denilson Show”:

“Ishte një ndeshje e Ligës së Kampionëve, PSG, në shtëpi, në të cilën ai vendosi Zinchenkon si 9-sh fals. Gjë e çmendur. Një ditë më parë ai nuk e përdori as në stërvitje Zinchenkon, më kishte futur mua si sulmues… Zinchenko madje bëri shaka me mua: ‘Atë ditë u ndjeva keq për ty’. Dy orë para ndeshjes, bëhet një bisedë ekipore, skuadra ha, pushon për 30 minuta dhe shkon në lojë. Ai na e tregoi skuadrën… as nuk hëngra. Shkova drejt e në dhomë, duke qarë, thirra nënën time për të folur: ‘Dua të iki’. Unë po shkoj në shtëpi, sepse ai e vendosi Zinchenkon në formacion dhe nuk më vendosi mua. Ai vendosi një mbrojtës të majtë në sulm, u çmenda”, tha Jesus.

Në ndeshjen kundër PSG-së, Jesus e zëvendësoi më pas Zinchenkon në fushë, ku shënoi një gol dhe asistoi më pas një në fitoren 2:1 të Cityt, por ai veçse kishte marrë vendimin e tij.

“Nuk bëra stërvitjet. Ndjehesha keq. Pesë minuta pasi që Kylian Mbappe shënoi golin për 1:0, Guardiola më thirri mua. Unë dhashë një asistim dhe shënova një gol, ne e përmbysëm rezultatin në 2:1. Në ndeshjen e radhës në Ligën e Kampionëve (fitore 2:1 kundër RB Leipzig), unë mendova se unë do të luaja, por unë nuk luajta. Kishte shumë gjëra me Guardiolan dhe nuk ishte e lehtë. Por një lojtar zhvillohet. Është e vështirë. Aty vendosa, nuk dua të qëndrojë më. Dhe unë vendosa që të largohem”, tha Jesus.

Jesus fitoi 11 trofe gjatë kohës te Manchester City, pasi iu bashkua kampionit anglez nga skuadra e Palmeiras në janar të vitit 2017, dhe regjistroi 11 gola gjatë sezonit të tij të parë debutues 2022/23 te Arsenali, me Zinchenkon që iu bashkua atij në stadiumin “Emirates” pasi që kompletoi transferimin e tij nga Manchester City.

Related Topics:
Continue Reading

Sport

Fatjona Kasapi i sjell Kosovës medaljen e dytë në “Taranto 2026”

Published

14 hours ago

on

August 28, 2026

By

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Continue Reading

Sport

Kosova pëson tjetër humbje të thellë në Lojërat Mesdhetare

Published

14 hours ago

on

August 28, 2026

By

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L

Continue Reading

Sport

Erza Muminoviq mbetet pa medalje në Taranto

Published

14 hours ago

on

August 28, 2026

By

Erza Muminoviq është mposhtur në luftën për medaljen e bronztë në Lojërat Mesdhetare “Taranto 2026”.

Xhudistja kosovare, në kategorinë deri në 48 kilogramë, pësoi humbje nga spanjollja Mireia Rodriguez Salvador.

Rodriguez Salvador e siguroi fitoren me “Ippon” pas vetëm 45 sekondash luftë.

Kështu, Muminoviq e përfundon garimin në Taranto pa medalje.

D.L

Continue Reading

Sport

Erza Muminoviq siguron luftën për bronz, pesë xhudistë të Kosovës në garë për medalje

Published

16 hours ago

on

August 28, 2026

By

Plot pesë xhudistë të Kosovës do të kërkojnë medalje të bronztë në Lojërat Mesdhetare “Taranto 2026”.

E pesta që ka siguruar një vend në luftën për medaljen e bronztë është Erza Muminoviq, në kategorinë deri në 48 kilogramë.

Muminoviq e mposhti algjerianen Rahma Ghaliman në repesazh, duke siguruar kështu mundësinë për të luftuar për podium.

Për medaljen e bronztë, Erza do të përballet me spanjollen Mireia Rodriguez.

Përveç saj, për medalje të bronztë do të luftojnë edhe Akil Gjakova, Dardan Cena, Flaka Loxha dhe Fatjona Kasapi.

Pesë mundësi për medalje do t’i japin Kosovës shpresë për një pasdite të suksesshme në tatamin e Tarantos.

D.L

Continue Reading

Të kërkuara