

Lajmet
Jepen detaje për takimin e 13 majit në Bruksel, optimizëm për marrëveshje
Raundi i ri i dialogut Kosovë-Serbi do të mbahet më 13 maj në Bruksel.
Published
3 years agoon
By
UBT newsZëvendëskryeministri i Kosovës, Besnik Bislimi dhe drejtori i të ashtuquajturës Zyre për Kosovën në Serbi, Petar Petkoviq do të tentojnë të premten të gjejnë një zgjidhje për targat e automjeteve, energjinë në veri të vendit dhe personat e zhdukur.
Takimin për KosovaPress e konfirmojnë nga Bashkimi Evropian dhe zyra e Bislimit, ndërsa njohësit e procesit të dialogut janë optimistë për arritjen e një ujdie mes dy vendeve, pas takimit të javës së kaluar të kryeministrit Albin Kurti dhe presidentit Vuçiq në Berlin të Gjermanisë.
Zëdhënësi i BE-së, Peter Stano tha se takimi i radhës i kryenegociatorëve përveç diskutimeve për arritjen e marrëveshjeve ka qëllim edhe përgatitjen e takimit të ardhshëm të nivelit të lartë të dialogut.
“Dialogu i ndërmjetësuar nga BE do të vazhdojë të premten më 13 maj me një takim në nivelin e kryenegociatorëve në Bruksel. Qëllimi është të vazhdojnë diskutimet për gjetjen e një rruge përpara për një sërë çështjesh dhe të përgatitet takimi i ardhshëm i nivelit të lartë të dialogut. Të gjitha temat e diskutuara në takimin e fundit të kryenegociatorëve në prill do të jenë sërish në agjendë, veçanërisht targat, energjia dhe personat e zhdukur”, thotë Stano.
Detaje të shumta për takimin nuk kanë dhënë nga zyra e zëvendëskryeministrit Besnik Bislimi, por vetëm njoftuan për temat që pritet të diskutohen në Bruksel.
“Me 13 maj, zëvendëskryeministri Besnik Bislimi, do të marrë pjesë në takimin e radhës në Bruksel. Në këtë takim pritet të flitet për temën e targave dhe energjinë”, thotë Klisman Kadiu nga zyra e zëvendëskryeministrit Bislimi.
Nga ana tjetër, Arbër Fetahu nga Grupi për Studime Juridike dhe Politike tha për KosovaPress se takimi i dy liderëve ballkanikë Kurti dhe Vuçiq me kancelarin gjerman, Olaf Scholz i ka dhënë një dinamik të re dialogut Kosovë-Serbi.
Sipas tij, tani janë krijuar kushtet në teren që të ketë një marrëveshje përfundimtare për targat e automjeteve, por të bëhet përparim edhe në çështjen e të pagjeturve dhe energjisë në veri.
“Duke marrë parasysh edhe takimin e kaluar u pa se mungon një lloj gatishmërie e Serbisë për të arritur një marrëveshje përfundimtare për targat, por konsiderojmë se kanë ndryshuar konteksti rreth dialogut Kosovë-Serbi, sidomos me vizitën e Kurtit dhe Vuçiq në Berlin. Aty e pamë një lloj stimulimi dhe incentivë të re nga Gjermania dhe BE-ja në veçanti. Marrë parasysh këtë lloj rienergjizimi të dialogut dhe takimin në Berlin, konsiderojmë se kushtet në teren janë që të ketë një marrëveshje përfundimtare për targat, pasi marrëveshja e përkohshme rezultoi të jetë e suksesshme. Tani situata në teren është e krijuar që të ketë një marrëveshje përfundimtare edhe bllokada e lëvizjes së lirë nuk i konvenon as Kosovës dhe Serbisë. Do të ishte një stimulim shtesë dhe incentivë nëse do të kishim një marrëveshje edhe për energjinë (në veri) dhe të pagjeturit. Në këto dy pika presim një rezultat afatshkurtër, apo afatmesëm”, thotë ai.
Ndërsa, njohësi i procesit të dialogut, Gazmir Raci thotë se pala serbe në takimin e 13 majit është e interesuar të ketë disa marrëveshje në paketë në kuadër ujdisë për targat.
“Nëse pala serbe është në favor që të ketë marrëveshje vetëm për targat, pasi sipas informacioneve pala serbe është e interesuar të ketë disa marrëveshje në paketë në kuadër të kësaj marrëveshje, të shohim si të jetë kompromisi përfundimtar… Palët tani duhet të koncentrohen në nivelin më të lartë të dialogimit për të arritur marrëveshjen finale dhe të lihen anash çështjet teknike, pasi vetëm po bëhen pengesë, por po janë edhe mundësi e ngritjes së tensioneve në dy anën e kufirit”, thotë ai.
Muajin e kaluar dështoi të arrihet marrëveshja për targat e automjeteve ndërmjet Kosovës dhe Serbisë. Javën e kaluar, kryeministri Albin Kurti dhe presidenti serb, Aleksandër Vuçiq zhvilluan një takim në Berlin, ku kreu qeveritar tha se u diskutua për marrëveshjet e mundshme që do të arrihen në takimin e kryengociatorëve.
Lajmet
Basha dhe Haxhiu vizitojnë Kompleksin Memorial në Prekaz
Published
11 minutes agoon
September 3, 2025By
UBTnews
Kryetari i Kuvendit, Dimal Basha, së bashku me nënkryetaren Albulena Haxhiu, kanë vizituar Kompleksin Memorial në Prekaz. Kjo vizitë vjen pas një periudhe polemikash për shkak të një shkrimi nga Basha ku flitej për Ushtrinë Çlirimtare të Kosovës (UÇK).
Ditë më parë, ai kishte kërkuar falje për përmbajtjen e tij./D.B/EO
Kulturë
Ambasada e Shqipërisë hap librin e ngushëllimeve për regjisorin Anagnosti
Published
18 minutes agoon
September 3, 2025By
UBTnews
Ambasada e Republikës së Shqipërisë në Kosovë ka nderuar regjisorin e shquar shqiptar Dhimitër Anagnosti pas ndarjes së tij nga jeta më 1 shtator, duke hapur librin e ngushëllimeve në nderim të tij.
Në fjalën e tij, ambasadori i Shqipërisë në Kosovë, Petrit Malaj, u shpreh se ndarja nga jeta e Anagnostit është një humbje e madhe për kulturën dhe shoqërinë shqiptare.
“Shoqëria shqiptare, kineastët, aktorët, populli shqiptar ka humbur një prej korifejve, një prej atyre që e qëndisnin filmin shqiptar. E njoh si një metodist i mirëfilltë, si një regjisor shkolle plot për artin kinematografik. Parapëlqeja tek ai atë momentin e punës së jashtëzakonshme që ai e bënte me aktorët, por mbi të gjitha, kemi humbur personin i cili sillte në ekran karakterin e plotë të shqiptarëve. Me filmat e tij, ai e zbërthente jetën shqiptare në tërë koloridin e vet dhe ka arritur ta përcjellë shkëlqyer këtë te publiku, filmi i tij ka ushtuar fort”, tha Malaj.
Dhimitër Anagnosti mbetet një ndër figurat më të rëndësishme të kinematografisë shqiptare, i vlerësuar për veprat që pasqyruan jetën, karakterin dhe shpirtin e shqiptarëve në ekranin e madh./D.B/KP
Lajmet
Kombi pa targa godet veturën e policisë dhe ikën në Maqedoni – tre zyrtarë të lënduar
Published
45 minutes agoon
September 3, 2025By
UBTnews
Tre zyrtarë policorë kanë pësuar lëndime trupore pasi vetura e tyre është goditur nga një kombi pa targa e cila dyshohej për kontrabandë.
Gjatë ndjekjes në Kaçanik, i dyshuari pasi ka goditur automjetin, e ka braktisur të veten dhe është larguar në drejtim të panjohur në territorin e Maqedonisë së Veriut.
Tutje, policia bën të ditur se automjeti me mall të kontrabanduar është konfiskuar dhe mbetet t’i dorëzohet Doganës së Kosovës.
Rasti po hetohet nga ekipet relevante./D.B/EO
Lajmet
Demolli: Donjeta Sadiku synon të shpallet kampione në Botërorin e Boksit
Published
46 minutes agoon
September 3, 2025By
UBT News
Kampionati Botëror i Boksit do të zhvillohet nga 4 deri më 14 shtator në Liverpool të Anglisë ku do të marrë pjesë edhe Kosova me katër garues të kryesuar nga boksierja Donjeta Sadiku si dhe Bashkim Bajoku, Shpëtim Bajoku si dhe Loris Idrizi.
Sekretari i Federatës së Boksit të Kosovës, Latif Demolli, thotë se kjo federatë i ka dhënë shumë rëndësi këtij kampionati dhe se ekipi është përgatitur maksimalisht për të kërkuar rezultate të mira në këtë kampionat.
“Ne i kemi dhënë rëndësi këtij Kampionati Botëror për arsye se siç e dimë është ndër evenimentet më të mëdha për vitin 2025. Para dy javësh e kemi dërguar Donjeta Sadikun në Sheffield të Anglisë në kampin ndërkombëtar ku kanë qenë tetë shtete kurse djemtë (Shpëtom Bajoku, Bashkim Bajoku dhe Loris Idrizi) kanë qenë në Sofied të Bullgarisë ku po ashtu kanë qenë në kamp ndërkombëtar ku kanë zhvilluar përgatitje të mira për arsye se kanë pasur sparingje të cilat iu kanë munguar për arsye se në Kosovë nuk kemi aq shumë sparingje me boksierë të nivelit të lartë”, theksoi fillimisht Demolli.
Sa i përket Donjeta Sadikut, Demolli thekson se ajo është e bindur në sukses dhe se pret ta shpallet kampione e botës.
“Donjeta ka qenë në formë të mirë, ka pasur një ftohje për tre apo katër ditë por është kaluar ajo dhe është në formën e duhur dhe presim që medaljen e bronztë që ajo e ka nga Kampionati Botëror në Turqi ta shndërrojë në Liverpool në medalje të artë dhe besoj dhe shpresoj që Donjeta do të jetë kampione e botës. Kurse, nga djemtë presim që të marrim minimumin një medalje, pa marrë parasysh a është e artë, e argjendtë apo e bronztë”, shtoi tutje Demolli.
Tutje Demolli bën të ditur se edhe në këtë kampionat, ekspedita kosovare ka udhëtuar me disa telashe financiare pasi është dashur që ato të sigurohen përmes huazimeve dhe pastaj ato të kthehen kur Ministria e Sportit t’i lëshojë pagesat e rregullta.
Medalje Demolli ka thënë se pret edhe nga dy vëllezërit Bajoku në këtë kampionat.
/S.K/KP/FBK

Shtatë arsye pse duhet të përfshini fiqtë në dietën tuaj

Basha dhe Haxhiu vizitojnë Kompleksin Memorial në Prekaz

Ambasada e Shqipërisë hap librin e ngushëllimeve për regjisorin Anagnosti

A mund të udhëtojë ndërgjegjja jonë në kohë? Shkencëtarët thonë se “ndjesitë e barkut” janë kujtime nga e ardhmja

Kombi pa targa godet veturën e policisë dhe ikën në Maqedoni – tre zyrtarë të lënduar

Demolli: Donjeta Sadiku synon të shpallet kampione në Botërorin e Boksit

Napoli e përjashton Lukakun nga lista e Championsit për arsye shëndetësore

Nxitje e urrejtjes dhe mosdurimit, arrestohet një person në Leposaviq

Brad Pitt blen vilën luksoze në Hollywood Hills me histori dhe masa sigurie të veçanta
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet1 week ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet1 month ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës