Me nisjen e pandemisë, industria e modës hasi sfida të mëdha dhe shumë prej eventeve të planifikuara, u anuluan. Por edhe pse situata vijon të jetë problematike, duke krijuar pasiguri dhe pikëpyetje, muaji shkurt duket se premton një agjendë të mbushur plot me projekte të reja.
Sfilatat e organizuara me shumë kujdes, premtojnë të mahnitin kryeqytetin e modës, Milanon, në kuadër të “Javës së Modës”, kushtuar koleksioneve vjeshtë/dimër 2022-2023. Eventet do të nisin ditën e nesërme dhe do të mbarojnë më 28 shkurt, ndërsa turi do të zhvillohet në të gjithë qytetin.
Çfarë nuk duhet humbur?
Organizimi – 169 evente janë planifikuar në Milano: 67 sfilata (nga të cilat 57 fizike dhe vetëm 8 digjitale), 69 prezantime (59 fizike dhe 10 digjitale), 8 prezantime me takim dhe 9 evente. Pritshmëritë e kësaj “Jave të Modës” kushtuar modës së grave, janë të gjitha të përqendruara tek emrat e mëdhenj, duke përfshirë edhe Giorgio Armani.
Rikthimi i emrave të mëdhenj dhe hapësira për artistët e rinj – Ky edicion i “Javës së Modës” në Milano shënon rikthimin e Gucci, Bottega Veneta, Diesel, Trussardi dhe Plein Sport. Por jo vetëm kaq, pasi Dhoma Kombëtare e Modës Italiane, i jep edhe më shumë hapësirë promovimit të talenteve, duke shtuar mundësitë për zhvillim të brezit të ri të stilistëve italianë dhe ndërkombëtarë.
Si të ndiqni shfaqjet? – Edhe për këtë edicion, Java e Modës në Milano mund të ndiqet në platformën CNMI (milanofashionweek.cameramoda.it).
Magazinë
Njihej për rol në serialin ikonik “Gossip Girl”, ndërron jetë në moshën 39-vjeçare aktorja Michelle Trachtenberg
Michelle Trachtenberg, e cila u bë e famshme për rolet e saj në vitet 1990 dhe 2000, ka ndërruar jetë në moshën 39-vjeçare. Aktorja amerikane ishte më e njohur për rolet e saj në “Buffy the Vampire Slayer”, “Dawn Summers” dhe më vonë për rolin e socialistes manipuluese Georgina Sparks, në hitin amerikan “Gossip Girl”.
Vdekja e saj nuk po trajtohet si rast i dyshimtë sipas policisë së Nju Jorkut. Trachtenberg bëri debutimin e saj në filmit “Harriet the Spy” në vitin 1996, dhe ajo u shfaq në disa prodhime të Nickelodeon.
Policia në Manhatan tha se ata iu përgjigjën një thirrjeje urgjente mëngjesin e ditës së sotme dhe e gjetën Trachtenberg “të pavetëdijshme”. Aktorja u shpall e vdekur në vendngjarje.
“Nuk dyshohet si rast kriminal. Ekzaminimi mjekësor do të përcaktojë shkakun e vdekjes. Hetimi vijon”, tha Departamenti i policisë së Nju Jorkut në një deklaratë.
Trachtenberg filloi aktrimin në moshën 3-vjeçare në serialin televiziv të Nickelodeon “The Adventures of Pete & Pete”. Në fillim të viteve 2000, ajo u nominua për disa çmime aktrimi, duke përfshirë një çmim Emmy Daytime, për rolin e saj në “Buffy the Vampire Slayer”.
Ajo luajti në filma duke përfshirë “EuroTrip”, “Ice Princess”, “Killing Kennedy” dhe “Sister Cities”. Trachtenberg u shfaq për herë të parë në “Gossip Girl” në vitin2008. Ajo u kthye në rol për dy episode të sezonit të dytë të rikthimit të serialit ikonik së HBO Max në vitin 2023.
Roli i saj i fundit madhor ishte në vitin 2021 si prezantuese e një seriali dokumentar të krimit “Meet, Marry, Murder”.
Në vitin 2021, Trachtenberg akuzoi krijuesin e “Buffy the Vampire Slayer”, Joss Whedon, për sjellje të papërshtatshme në xhirime pasi bashkë-ylli i saj Charisma Carpenter tha se ajo kishte mbetur e traumatizuar nga mënyra se si Whedon e trajtonte.
Është ndarë nga jeta aktori i njohur kosovar, Lulzim Rexha, i cili vuante nga një sëmundje e rëndë.
Lajmi për vdekjen e tij u publikua edhe nga kolegu regjisori, Ben Apolloni e duket se ka tronditur komunitetin artistik të aktrimit.
Aktori Rexha vdiq mbrëmë në QKUK, pasi ishte duke u trajtuar për një vit në një klinikë në Gjermani, bëri të ditur miku i tij Bekim Guri.
Vazhdon numërimi i votave nga përfaqësitë diplomatike
E larguan nga puna në Televizionin Shtetëror, reagon ashpër gazetarja Elona Jaçellari
Partitë qendrore të Austrisë do të krijojnë qeverinë e re pa të djathtën ekstreme
Kurti takoi ambasadorin e Gjermanisë në Kosovë
Haxhiu: Sfidë mbetet që t’i obligojmë të burgosurit të ndjekin programet rehabilituese
Arrestohen Hekuran Nikçi e Naim Shalaku nën dyshimin për keqpërdorim të detyrës zyrtare
Komuna e Gjilanit miraton buxhetin për vitin 2025
Drita dhe Prishtina sigurojnë gjysmëfinalen e Kupës së Kosovës
Kryeministri britanik Starmer takohet me Presidentin Trump në Shtëpinë e Bardhë
-
Magazinë2 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt