Lajmet

Jasharaj: Fillimi i gjysmëvjetorit të dytë varet nga situata me pandeminë

Published

5 years ago

January 5, 2021

Betim Gashi

Kryetari i SBAShK-ut, Rrahman Jasharaj ka thënë se fillimi i gjysmëvjetorit të dytë, do të varet nga situata e pandemisë. Ai për Ekonomia Online shprehet se ata janë të gatshëm për fillimin e procesit mësimor, nëse s’ka ndonjë vendim ndryshe nga institucionet përgjegjëse.

Nëse mbyllen shkollat, Jasharaj thotë se do të mobilizohen që mësimi online të jetë sa më i suksesshëm.

“Se si do ta kemi gjysmëvjetorin e dytë varet nga situata që do ta ketë Kosova dhe shtetet tjera nga pandemia, dhe varet nga institucioni i cili sjellë vendime në këto raste, pra IKSHPK-ja. Ne jemi të përgatitur për të filluar në shkolla, mirëpo nëse IKSHPK-ja vendos ndryshe, atëherë do të përpiqemi të mobilizojmë mësimdhënësit që të jemi sa më të suksesshëm sa i përket mësimit online edhe pse do të ketë telashe, ngase edhe kësaj radhe mësimdhënësit janë pajisur me mjete të teknologjisë dhe mos të flasim për një numër të nxënësve të cilët kanë mbetur jashtë procesit mësimor, ngase mungonin mjetet për të inkuadruar në mësim”, është shprehur ai.

Ai thotë se viti shkollor 2020-2021 është më i vështiri, sidomos për nxënësit që kanë ndjekur mësimin online.

“Ky vit shkollor është nga më të vështirët dhe këto vështirësi do të na përcjellin edhe në gjysmëvjetorin e dytë. Mësimdhënësit do të bëjnë të pamundurën që të realizojnë procesin mësimor aq sa munden. Por do të ketë telashe dhe do të shtohen nëse do të jemi të detyruar të kalojmë në mësimin online. Do të jetë shumë e vështirë për atë pjesën e nxënësve që ishin më shumë se 9 mijë, që kanë pasur telashe në mësimin online” ka thënë ai.

Jasharaj tregon se për vitin 2021 synojnë trajnimin e mësimdhënësve dhe zbatimin e plotë të kontratës së punës.

“Uroj që me ndryshimet që do të bëhen në buxhet, një pjesë e zgjerueshme të mjeteve do t’i dedikohet arsimit për të krijuar kushte në shkollat tona. Një prej prioriteteve në vitin 2021 do të jetë se do të vazhdojmë me trajnimet, ngase mësimdhënësit e Kosovës do të arrijnë njohuri të reja, do të angazhohemi që kontrata me ligjin e punës. Uroj që institucionet që të planifikojnë mjete me kohë në mënyrë që të mos shkojmë në gjykata”, tha ai.

Related Topics:kryesore Rrahman Jasharaj SBASHK

Up Next

Cakaj edhe zyrtarisht dorëzoi detyrën

Don't Miss

Përgatitjet për vaksinim, Rama publikon pamje nga stadiumi Air Albania

Lajmet

Kapen mbi 22 mijë euro dhe 6 dokumente fals në Rinas

Published

4 minutes ago

October 9, 2025

UBT News

Policia Kufitare e Rinasit ka sekuestruar mbi 22 mijë euro, 2600 denarë maqedonas dhe gjashtë dokumente fals, si dhe ka proceduar gjashtë të dyshuar.

Si rezultat i kontrolleve dhe verifikimeve, shërbimet e Policisë Kufitare të Rinasit goditën dy raste të mos deklarimit të të hollave në kufi dhe katër raste të tentativës për të lëvizur me dokumente false.

Në përfundim të veprimeve procedurale për 6 rastet e pa ligjshmërive, u referuan materialet në Prokurori, ku nisi procedimi në gjendje të lirë:

-për shtetasin nga Maqedonia Veriore A. J. (33), i cili do të udhëtonte drejt Norvegjisë, pasi iu gjetën 11.800 euro dhe 2.600 denarë maqedonas të padeklaruara;

-shtetasin nga Maqedonia Veriore, B. I. (43), i cili do të udhëtonte drejt Norvegjisë, pasi iu gjetën 11.005 euro të padeklaruara;

-shtetasin A. R. (30), banues në Kamzë, i cili do të udhëtonte drejt Holandës, pasi iu gjetën një kartë identiteti dhe një leje drejtimi polake, të dyshuara false;

-shtetasin K. S. (20), banues në Shkodër, i cili do të udhëtonte drejt Italisë, pasi iu gjetën një kartë identiteti dhe një pasaportë polake, të dyshuara false;

-shtetasin A. K. (36), banues në Fier, i cili do të udhëtonte drejt Gjermanisë, pasi iu gjet një leje drejtimi braziliane e dyshuar false;

-shtetasen braziliane L. M. (33), e cila do të udhëtonte drejt Gjermanisë, pasi iu gjet një leje drejtimi italiane e dyshuar false.

Materialet procedurale iu referuan Prokurorisë së Tiranës, për veprime të mëtejshme, /S.K/KP/

Lajmet

Shpallet sot aktgjykimi në rastin “Kobra”

Published

6 minutes ago

October 9, 2025

UBT News

Sot pritet të shpallet aktgjykimi ndaj Dibran Hoxhajt dhe të tjerëve për vrasjen e 3 janarit 2023 në lokalin “Kobra City”, ku seanca gjyqësorë pritet të nisë nga ora 13:00.

Në këtë rast, Dibran Hoxhaj i njohur si “Kobra” dhe katër të akuzuarit Roland Susuri, Arben Vezaj, Burim Mazreku dhe Jesmir Badalli, akuzohen për rastin e vrasjes afërsi të lokalit “Kobra City” në Prizren.

Në aktakuzën e Prokurorisë, “Kobra” akuzohet se më 3 janar 2023, në ora 4:10, në magjistralen Prizren-Zhur, me dashje ka privuar nga jeta V.C, duke vënë në rrezik edhe jetën e të dëmtuarve R.T (Sh) dhe A.B./S.K/EO/

Lajmet

Sot mbahet seanca ndaj Slavko Simiq për sulm ndaj gazetarëve

Published

8 minutes ago

October 9, 2025

UBT News

E përditësuar:

07:55

Para Gjykatës Themelore të Mitrovicës, sot do të dalin nënkryetari i Listës Serbe, Sllavko Simiq, dhe Urosh Vukasinoviq.

Ata do të ulen në bankën e të akuzuarve për sulm ndaj gazetarëve në Leposaviq.

Seanca për shqyrtimin fillestar në këtë çështje penale është paraparë të nisë me fillim nga ora 13:30.

Ndryshe, seanca e 18 shtatorit ishte shtyrë për sot, pas ankesave të avokatëve të të akuzuarve, të cilët pretenduan se njëri nga klientët nuk ka pranuar fare shkresat nga prokurori, ndërsa tjetri i ka pranuar vetëm pjesërisht./S.K/EO/