James i lirë të largohet nga Evertoni

Published

5 years ago

August 3, 2021

UBT news

Ylli kolumbian nuk është në planet e trajnerit të ri Rafa Benitez.

James Rodriguez është i lirë që të bisedojë me skuadra tjera, pasi që i është thënë se mund të largohet nga Evertoni, para se të përfundojë afati kalimtar veror, raporton “The Liverpool Echo”.

30-vjeçari nuk është në planet e trajnerit të ri Rafael Benitez dhe krerët e Evertonit janë të gatshëm ta shesin nëse pranojnë një ofertë të arsyeshme, përcjell KosovaPress.

Skuadra italiane AC Milan spekulohet se është duke e kryesuar garën për të siguruar shërbimet e James, i cili iu bashku Evertonit sezonin e kaluar nga gjiganti spanjoll Real Madrid.

Në sezonin 2020/21, James u paraqit në 26 ndeshje për skuadrën e Evertonit, duke shënuar gjashtë gola dhe nëntë asistime.

Akil Gjakova mbyll garën pa medalje në Abu Dhabi

Published

9 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

9 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

11 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/