Lajmet

Ja si mund të humbni peshë pa mbajtur dietë?

Published

on

A doni të dini cili është “mashtrimi” i vetëm i vërtetë që funksionon për humbjen e peshës pa mbajtur dietë?

Ngrënia e perimeve para ngrënies rrit ngopjen, ju ndihmon të hani më pak dhe të qëndroni larg nga pesha dhe problemet shëndetësore.

Dihet që ngrënia e perimeve rregullisht si pjesë e vakteve kryesore ju ndihmon të qëndroni të shëndetshëm, por a e dini se ngrënia e perimeve para ngrënies gjithashtu mund të ju ndihmojë të humbni peshë dhe të qëndroni në formë pa lodhje?

Në fakt, perimet ofrojnë një gamë të jashtëzakonshme të substancave që nxisin humbjen e peshës. Ato janë ndër burimet kryesore të fibrave që japin ndjesinë e ngopjes së menjëhershme dhe ndihmojnë në uljen e sasisë së ushqimit që konsumoni brenda vaktit. Së bashku me vitaminat dhe antioksidantët prej të cilave janë të pasura, ato nxisin zvogëlimin e gjendjeve inflamatore, të cilat ulin shtimin e peshës dhe shfaqjen e një numri sëmundjesh.

Ato gjithashtu përmirësojnë shëndetin e zorrëve sepse veprojnë si prebiotikë të vërtetë dhe kundërveprojnë me kapsllëkun. Të kesh zakonin e konsumimit të perimeve është një strategji e shkëlqyeshme.

Këtu do të gjeni 5 arsye të mira pse duhet të hani perime para ngrënies:

1-Ngrënia e perimeve si pjata e parë e vaktit është një veprim i shkëlqyeshëm për të zvogëluar dëshirat për ushqim.

2-Perimet janë të pasura me fibra të cilat ngadalësojnë asimilimin e sheqernave që përmbajnë ushqime të tjera si makaronat.

3-Perimet e papërpunuara janë shumë krokante dhe duhen shumë kohë për t’u përtypur.

4-Perimet janë ndër ushqimet më të pasura me ujë dhe minerale, përfshirë magnez dhe kalium, të dobishëm për të luftuar stresin psikofizik që mund të çojë në konsumimin e bukës dhe ushqimeve të tjera të pasura me sheqerna të rafinuar para ngrënies./Bordo.al

Lajmet

​Laporta shpalos dëshirën e madhe, kërkon përplasjen e dy gjigantëve në Ligën e Kampionëve

Published

on

Presidenti i Barcelonës, Joan Laporta, ka vlerësuar PSG-në si një nga dy skuadrat më të forta dhe më të bukura për t’u parë sezonin e kaluar, krahas Barcelonës. Ai ka shprehur dëshirën që dy gjigantët të përballen këtë sezon për të përcaktuar “cilët janë më të mirët”.

“Mendoj se dy skuadra, mes tyre PSG-ja, bënë shumë mirë sezonin e kaluar, fituan Ligën e Kampionëve, fituan kampionatin francez dhe ofruan futboll të bukur me një trajner shumë të mirë, lojtarë të shkëlqyer dhe një ekip fantastik. Fatkeqësisht, nuk patëm mundësinë të luanim kundër tyre, por është një ndeshje që bota e futbollit ende e pret. Mendoj se ishim dy skuadrat më konkurruese dhe në formën më të mirë sezonin e kaluar. Shpresoj që të përballemi këtë sezon për të parë se cila është më e mira, duke respektuar të gjitha klubet e tjera, sepse mund të shfaqet edhe ndonjë tjetër që do të luajë futboll të bukur”, theksoi Guardiola për ‘CNN’.

“Në aspektin e futbollit, të gjithë ata që e duan këtë sport e panë se Barcelona dhe PSG ishin ekipet më në formë dhe që ofronin futbollin më të mirë në botë. Por, për fat të keq, nuk patëm mundësinë të luanim finalen kundër tyre në Ligën e Kampionëve. Shpresoj që me formatin e ri të Ligës së Kampionëve, të organizuar nga UEFA, të kemi këtë mundësi sezonin e ardhshëm”, shtoi ai.

Laporte përgëzoi presidentin e UEFA-s, Aleksander Čeferin, për formatin e ri të Ligës së Kampionëve.

“E përgëzoj Aleksander Čeferin si president të UEFA-s, sepse ai ka krijuar një format që e përmirëson garën. Čeferin është një njeri i aftë që e njeh futbollin dhe besoj se edhe ai e shijon këtë kompeticion.”.

 

Continue Reading

Bota

​Kombet e Bashkuara: Izraeli të ndalojë menjëherë planin për Gazën

Published

on

OKB-ja kërkon që Izraeli të “ndalojë menjëherë” planin për kontroll ushtarak të Rripit të Gazës, sipas ANSA.

Në një deklaratë thuhet se “Plani i qeverisë izraelite për një marrje të plotë ushtarake të Rripit të Gazës të pushtuar rrezikon të sjellë vuajtje të paimagjinueshme dhe krime të tmerrshme dhe duhet të ndalet menjëherë”, tha Komisioneri i Lartë i Kombeve të Bashkuara për të Drejtat e Njeriut, Volker Türk, në një deklaratë të publikuar sot në Gjenevë.

Plani, theksoi më tej Türk, “është në kundërshtim me vendimin e Gjykatës Ndërkombëtare të Drejtësisë që Izraeli duhet t’i japë fund okupimit sa më shpejt të jetë e mundur, me zbatimin e zgjidhjes me dy shtete dhe të drejtës së palestinezëve për vetëvendosje”.

Sipas Komisionerit të Lartë të OKB-së, bazuar në të gjitha provat e disponueshme deri më tani, “kjo përshkallëzim i mëtejshëm do të sjellë zhvendosje masive të detyruar, vrasje të mëtejshme, vuajtje të padurueshme, shkatërrim të pakuptimtë dhe krime mizore”.

“Në vend që ta përshkallëzojë këtë luftë, qeveria izraelite duhet të bëjë çdo përpjekje për të shpëtuar jetët e civilëve të Gazës duke lejuar rrjedhën e plotë dhe të pakushtëzuar të ndihmës humanitare”.

Gjithashtu, pengjet duhet të “lirohen menjëherë dhe pa kushte” nga grupet e armatosura palestineze, ashtu si edhe palestinezët e ndaluar në mënyrë arbitrare nga Izraeli”.

Continue Reading

Aktualitet

Kurti: PDK dhe LDK dërguan lëndë të reja në Gjykatë, nuk donin bashkëpunim

Published

on

Kryeministri në detyrë, Albin Kurti, ka thënë se partia e tij ka ofruar kompromise dhe ka qenë e gatshme për bashkëpunim, por partitë e tjera nuk kanë ndërmarrë hapa të njëjtë.

Ai ka deklaruar se edhe pas këshillës së Gjykatës Kushtetuese që partitë të merren vesh mes vete, PDK-ja dhe LDK-ja kanë dorëzuar lëndë të reja në këtë gjykatë.

“Ne kemi ofruar dy kompromise. I pari ka qenë që, nëse me votim të fshehtë nuk zgjidhet Albulena Haxhiu, ne do të sjellim një emër tjetër. Kompromisi i dytë ka qenë që të merremi vesh për një paketë ku përfshihen kryetari dhe nënkryetarët. Ne kemi bërë hapa, nuk ka pasur hapa nga pala tjetër”, tha Kurti.

“Nëse Gjykata thotë “Uluni dhe merruni vesh”, ti nuk shkon të dorëzosh lëndë në Gjykatë. LDK dhe PDK menjëherë kanë shkuar në Gjykatë, sikur të mos kishte pasur fare një vendim paraprak”, vazhdoi tutje Kurti.

 

Continue Reading

Aktualitet

Në Podujevë për herë të parë përurohet Shërbimi i Hemodializës

Published

on

Podujeva për herë të parë bëhet me Shërbim të Hemodializës, ku në solemnitetin e organizuar me këtë rast, u vlerësua se ky shërbim zgjidh problemin e pacientëve të kësaj ane, të cilët deri më tani për shërbim të hemodializës udhëtonin kryesisht në Prishtinë.

Në këtë ngjarje morën pjesë edhe kryeministri në detyrë Albin Kurti dhe ministri në detyrë i Shëndetësisë Arben Vitia.

Shërbimi i Hemodializës është një procedurë mjekësore që përdoret për të trajtuar pacientët me dështim të veshkave (insuficiencë renale), veçanërisht kur veshkat nuk janë më në gjendje të kryejnë funksionin e tyre normal të pastrimit të gjakut.

Hemodializa është një trajtim që përdor një makinë speciale (dializator) për të pastruar gjakun nga toksinat dhe mbetjet që grumbullohen në trup; larguar lëngjet e tepërta; rregulluar nivelet e elektroliteve si natriumi, kaliumi, kalciumi, etj.

Gjatë seancës, gjaku i pacientit nxirret nga trupi, kalon përmes dializatorit ku pastrohet dhe kthehet sërish në trup.

Continue Reading

Të kërkuara