Teknologji

Ja sesi të aktivizoni Dark Mode automatikisht në Windows 11

Nëse shkoni për temën e errët, dritaret e sistemit operativ do të jenë të zeza.

Published

4 years ago

on

Ashtu si Windows 10-ta, edhe sistemi i ri operativ Windows 11 vjen me temat e bardha dhe të zeza që mund ti aplikoni në varësi të preferencave tuaja. Nëse shkoni për temën e errët, dritaret e sistemit operativ do të jenë të zeza.

Duke shkuar për temën e bardhë, e njëjta do të ndodhë edhe me dritaret. Kur aktivizoni temat respektive ato aplikohen në mënyrë për përhershme.

Windows 11 nuk ka një opsion shtesë që ju ndihmon të aktivizoni temat sipas orareve të ditës në mënyrë automatike. Megjithatë ekziston një mënyrë për ta bërë këtë dhe konkretisht është një aplikacion.

Aplikoni Dark Mode në mënyrë automatike

Auto Dark Mode është një aplikacion falas për tu shkarkuar, instaluar dhe përdorur ku ju mund të aktivizoni modalitetin dark dhe light në automatikisht.

Për shembull mund të përdorin modalitetin dark pas orës 18:00 dhe modalitetin light pas orës 09:00. Aplikacioni ju jep kontroll të plotë mbi kohën.

  1. Shkoni në uebsajtin e Auto Dark Mode në GitHub
  2. Klikoni AutoDarkModeX_10.1.10.exe për të shkarkuar instaluesin
  3. Shkoni tek dosja ku e keni ruajtur skedarin e shkarkuar
  4. Klikoni dy herë mbi AutoDarkModeX_10.1.0.10.exe për të hapur udhëzuesin e instalimit
  5. Me tu instaluar Auto Dark Mode do të hapet automatikisht
  6. Zgjidhni orën kur dëshironi që temat të ndryshojnë si në imazhin e paraqitur
  7. Më pas përzgjidhni ose aktivizimin e dark/light mode sipas orës së lindjes dhe perëndimit të diellit me opsionin From Sunset to Sunrise ose mund ta vendosni orarin manualisht duke klikuar Set Custom Hours

Programi do të ngelet i hapur edhe pasi të keni mbyllur dritaren./PCWorld Albanian

Related Topics:
Continue Reading

Teknologji

Netflix bëhet pronar i Warner Bros dhe HBO pas marrëveshjes gjigante

Published

1 day ago

on

December 5, 2025

By

Netflix ka fituar garën për blerjen e “Warner Bros.” dhe “HBO” në një marrëveshje prej rreth 72 miliardë dollarësh (plus borxhin), një lëvizje që mund të riformësojë rrënjësisht industrinë e Hollywoodit.

Megjithatë, marrëveshja pritet të hasë rishikim të rreptë rregullator në SHBA dhe jashtë saj.

“Warner Bros. Discovery” synon të ndahet në dy kompani të veçanta në vitin 2026: Netflix do të blejë pjesën “Warner”, ndërsa “Discovery Global” do të mbajë CNN-in dhe kanalet e tjera kabllore.

Paramount konsiderohej pretendent kryesor, madje me mbështetje politike nga presidenti amerikan Donald Trump, por Netflix e kaloi me një ofertë më agresive dhe duke pranuar të njëjtën tarifë të lartë “breakup fee” në rast dështimi të marrëveshjes.

Shumë politikë dhe figura të industrisë kanë shprehur shqetësime për ndikimin në konkurrencë dhe në kinematë tradicionale.

Netflix thotë se asetet e WBD-së janë plotësuese dhe premton të ruajë publikimet teatrale për filmat e “Warner Bros.” Sipas analistëve të Bank of America, nëse blerja finalizohet, Netflix do të bëhet fuqia dominuese e padiskutueshme në botën e transmetimit. /A.Z/UBT News/

 

 

Continue Reading

Teknologji

Windows 11 dhe procesorët, lista e re e Microsoft shkakton konfuzion

Published

2 days ago

on

December 5, 2025

By

Microsoft ka përditësuar dokumentacionin zyrtar të Windows 11, duke dhënë informacion mbi procesorët që janë të pajtueshëm me sistemin operativ.

Ky përditësim u mundëson përdoruesve të kontrollojnë në mënyrë të sigurt nëse procesori i tyre mund të drejtojë Windows 11, pa pasur nevojë për metoda jozyrtare për të kaluar kërkesat e sistemit.

Megjithatë, përditësimi ka sjellë pak konfuzion. Në vend që të listohen modelet konkrete të procesorëve, dokumentacioni i ri tregon vetëm seritë e procesorëve – për shembull, “Intel Core i7 (gjenerata 14)” ose “Intel Core 7000X Series”.

Kjo do të thotë se disa procesorë të njohur si të mbështetur më parë mund të mos shfaqen qartë, ndërsa disa të tjerë mund të përfshihen, edhe pse nuk janë zyrtarisht të pajtueshëm.

Interesante, ky format i ri i listës aplikohet vetëm për procesorët Intel, ndërsa për procesorët AMD dhe Qualcomm, lista vazhdon të tregojë çdo model të mbështetur, si më parë. /A.Z/UBT News/

Continue Reading

Teknologji

Gemini futet në Google Maps, përvoja e udhëtimit nuk do jetë më e njëjta!

Published

2 days ago

on

December 5, 2025

By

Google Maps po përgatitet të sjellë një përvojë më të avancuar navigimi për përdoruesit e Android dhe iPhone, falë integrimit të funksionalitetit të ri të inteligjencës artificiale Gemini.

Ky përditësim synon të ofrojë një navigim më të thjeshtë, më të personalizuar dhe më të përshtatshëm për të gjithë përdoruesit.

Në versionin më të ri, ikona e mikrofonit është zëvendësuar me simbolin e Geminit, duke sinjalizuar prezencën e asistentit të ri AI.

Me aktivizimin e tij, në ekran shfaqet unaza që tregon se Gemini është gati të marrë komanda me zë. Sistemi i ri do të mbështesë të gjitha mënyrat e lëvizjes: me makinë, transport publik, në këmbë dhe me biçikletë.

Përmes komandave zanore, përdoruesit kërkojnë destinacione, rrugë alternative, informacione për trafikun apo vendndodhje të caktuara pa pasur nevojë të prekin ekranin. Kjo rrit ndjeshëm sigurinë gjatë ngasjes dhe e bën navigimin më praktik.

Google shfrytëzon inteligjencën e Geminit për të ofruar sugjerime të personalizuara e navigim fleksibël, duke e kthyer aplikacionin në një asistent të zgjuar për çdo udhëtim. Funksioni është në fazën testuese dhe pritet të shpërndahet tek përdoruesit gjatë javëve të ardhshme.

Ky integrim ndryshon mënyrën se si përdoruesit ndërveprojnë me Google Maps, duke kombinuar navigimin tradicional me AI për një eksperiencë më të qetë, më të thjeshtë dhe më efikase. /A.Z/UBT News/

Continue Reading

Teknologji

Goditje platformave amerikane: Rusia ndalon Snapchat, FaceTime dhe Roblox

Published

2 days ago

on

December 5, 2025

By

Mbikëqyrësi shtetëror i komunikimeve në Rusi ka intensifikuar presionin ndaj platformave të huaja të komunikimit, duke bllokuar të enjten aksesin në Snapchat, vetëm pak orë pasi vendosi kufizime për shërbimin FaceTime të Apple.

Sipas Roskomnadzor, Snapchat po përdorej “për organizimin dhe kryerjen e aktiviteteve terroriste në vend”, si dhe për mashtrime dhe vepra të tjera penale, sipas deklaratave të publikuara nga media shtetërore.

Aplikacioni, i njohur për mesazhet me foto e video që zhduken, kishte rreth 7.6 milionë përdorues në Rusi në vitin 2022.

Autoritetet dhanë arsyetim të ngjashëm edhe për kufizimet e vendosura ndaj thirrjeve zanore dhe video në FaceTime, një nga platformat e fundit të përhapura të komunikimit video që mbeteshin të qasshme në Rusi pas kufizimeve të mëparshme ndaj WhatsApp dhe Telegram.

Këto masa vijnë në një kohë kur Roskomnadzor po shton presionin edhe ndaj WhatsApp, i cili është aplikacioni më i përdorur në vend me gati 100 milionë përdorues.

Javën e kaluar, institucioni paralajmëroi se mund të bllokojë plotësisht shërbimin, duke e akuzuar kompaninë në pronësi të Meta-s se nuk po i përmbahet ligjeve ruse për lokalizimin e të dhënave dhe se ka kryer shkelje të përsëritura të lidhura me aktivitet të dyshuar terrorist.

Kufizimet ndaj FaceTime dhe Snapchat u ndërmorën një ditë pasi Roskomnadzor bllokoi aksesin në platformën amerikane të lojërave Roblox, duke e akuzuar për shpërndarje materialesh ekstremiste, “propagandë LGBT” dhe ndikim negativ në zhvillimin moral të fëmijëve.

Roblox ishte loja mobile më e shkarkuar në Rusi gjatë vitit 2023. /A.Z/UBT News/

Continue Reading

Të kërkuara