

Shëndeti
Ja pse s’duhet t’i ruani kurrë qepët dhe hudhrat në frigorifer
Si t’i ruani qepët dhe hudhrat?
Published
3 years agoon
By
Betim GashiSigurisht që frutat dhe perimet mund të zgjasin për javë të tëra në frigorifer kur ruhen siç duhet, por për qepët dhe hudhrat nuk ndodh e njëjta gjë.
Sipas të dhënave të AgroWeb.org arsyeja pse qepët nuk mund të ruhen në frigorifer është se ato thithin më shumë lagështi, kështu që prishen më shpejt,
Për hudhrën, arsyetimi është paksa i ndryshëm. Ruajtja e hudhrave në frigorifer do të stimulojë mbirjen.
Edhe pse hudhra e mbirë nuk është e dëmshme apo e pashëndetshme, është një tregues se cilësia e saj ka rënë.
Si t’i ruani qepët dhe hudhrat?
Në vend që t’i vendosni në frigorifer, ruajini qepët e plota në një hapësirë të freskët, të thatë dhe të ajrosur mirë.
Lagështia ose mungesa e lëvizjes së ajrit do të përshpejtojë prishjen e tyre dhe rrezet e diellit do të bëjnë që ato të mbijnë. Kur qepët e plota ato ruhen siç duhet, kanë një jetëgjatësi prej rreth 30 ditësh.
Hudhrat gjithashtu duhet të ruhet në të njëjtën mënyrë. Nëse i vendosini ato në një vend të freskët, të thatë, të ajrosur mirë, do të jetojnë edhe më shumë se qepët, rreth 3 – 5 muaj.
Si t’i ruani qepët e qëruara dhe të prera
Qepët e qëruara, por ende të plota (kur hiqet shtresa e hollë e jashtme e fortë e lëkurës) duhet të ruhen në frigorifer.
Ato do të kenë një jetëgjatësi prej rreth 10 deri në 14 ditësh.
Ju gjithashtu mund t’i ruani qepët të qëruara dhe të prera në feta ose të prera në kubikë në frigorifer.
Afati i tyre i ruajtjes është pak më i shkurtër, rreth 7 deri në 10 ditë.
Si të ruani hudhrën e qëruar
Hudhrat e qëruara ose të copëtuara mund të ruhen në frigorifer, mjafton t’i mbështillni fort në mënyrë hermetike.
Hudhra gjithashtu mund të ruhet edhe në formë pureje. Shtypni disa thelpinj hudhrash me pak vaj derisa të formohet një pastë e trashë. Masa duhet të hidhet në një enë hermetike dhe të ruhet e ngrirë në frigorifer.
Është jashtëzakonisht e rëndësishme që pureja e hudhrës të mos mbahet në temperaturën e dhomës, sepse kjo mund të nxisë lehtësisht rritjen e Clostridium botulinum. Një bakter toksik që mund të jetë vdekjeprurës.
Si të zgjidhni qepët dhe hudhrat
AgroWeb.org ju këshillon të zgjidhni qepë me lëkurë të thatë, pa të vara apo njolla. Qepa duhet të jetë e rëndë dhe të mos ketë aromë.
Ndërsa hudhrat duhet të jenë të forta, pa myk të dukshëm në sipërfaqe dhe që nuk kanë mbirë./AgroWeb.org
You may like

Sheqerna të thjeshta, të tilla si sheqeri që konsumojmë në dietën tonë, nëse hahen në sasi të mëdha krijojnë të ashtuquajturat rreth vicioz.
Në fakt, sheqernat e thjeshta vijnë shpejt në gjakun tonë dhe arrijnë një koncentrim të lartë.
Pas rritjes së shpejtë, ka një rënie të shpejtë, andaj trupi dërgon sinjale se dëshiron një dozë të re sheqeri.
Për të thyer këtë rreth vicioz, rekomandohet të merren ushqimet e mëposhtme, të cilat, pavarësisht faktit se përmbajnë sheqerna, kanë lëndë ushqyese të nevojshme për organizmin.
Këto janë 4 ushqimet që ndihmojnë të dobësoheni:
Mollë;
Misër;
Patate;
Domate. /UBT News/

Humbja në peshë mund të jetë sfiduese, sidomos nëse bëhet fjalë për zona specifike të trupit. Humbja e dhjamit në zonën e fytyrës në veçanti bëhet shumë frustruese.
Ushtrime për fytyrën
Përmirësojnë paraqitjen e fytyrës, luftojnë shenjat e plakjes, përmirësojnë muskujt e fytyrës. Ekspertët rekomandojnë fryrjen e brendshme të faqeve dhe kalimin e ajrit nga njëra anë në tjetrën. Mbledhja e buzëve në formën e një puthjeje dhe lëvizja në anë është efikase.
Ata rekomandojnë buzëqeshjen e hapur me dhëmbët shtrënguar për disa sekonda. Ushtrime të tilla duhen bërë dy herë në ditë për 8 javë.
Ushtrimet Kardio
Dhjami i tepërt në fytyrë është rezultat i shëndoshjes së tepërt në pjesët tjera të trupit. Aerobia dhe ushtrimet kardio rrisin ritmin e zemrës dhe përshpejtojnë rënien nga pesha.Ekspertët rekomandojnë 20-40 minuta ushtrime të tillë në ditë.
Uji
Thelbësor për rënien nga pesha. Konsumi i ujit përshpejton metabolizmin me 24 përqind. Hidratimi shmang akumulimin e lëngjeve në organizëm dhe parandalon fryrjen e trupit.
Kufizimi i alkoolit
Nëse e teproni me alkolin do të ndiheni dhe dukeni më të fryrë, sepse ofron shumë kalori e rrit gjasat e shtimit në peshë. Sasia e lejuar e pijeve alkolike është një deri në dy gota në ditë për meshkujt dhe një gotë në ditë për femrat.
Karbohidratet e rafinuara
Biskotat e ëmbla apo të kripura qofshin si dhe makaronat janë ndër fajtorët më të mëdhenj të shtimit në peshë, janë të përpunuara e nuk kanë ushqyes të shëndetshëm apo fibër. Praktikisht këto karbohidrate janë sheqer që nxit rrezikun e teprimit me ushqimin.
Gjumi
Thelbësor për rënien nga pesha, mungesa e tij rrit nivelin e kortizolit, hormoni i stresit që shkakton efekte anësore të shumta ndër të cilat edhe shtimi në peshë. Nivelet e larta të kortizolit rrisin oreksin dhe tjetërsojnë metabolizmin duke shtuar depozitat e dhjamit.
Kujdes me kripën
Konsumi i tepërt nxit fryrjen jo vetëm në fytyrë por trup. Kripa nxit akumulimin e ujit në trup. Ushqimet e përpunuara ofrojnë 77 përqind të kripës që konsumon njeriu në ditë.

Duart përmbajnë disa nga nervat më të ndjeshëm në trup. Sikur edhe njëri nga këto nerva ose një pjesë e tyre është e ndrydhur ose disi e dëmtuar, fillojnë problemet.
Truri juaj nuk mund të marrë të gjitha informacionet ndjesore që duart tuaja po e dërgojnë, rezultati është mpirja.
Studimet thonë se një nga shkaqet më të zakonshme të mpirjes së dorës është sindroma e tunelit të kyçit të dorës. Nervi i mesëm, që shkon poshtë parakrahut deri në pëllëmbën tuaj, qëllon të ndrydhet.
Kjo gjendje është e zakonshme për njerëzit që shpenzojnë kohë duke punuar në kompjuter a edhe në telefonat celularë. Simptomat e tunelit të kyçit të dorës përfshijnë ndjesi që një ose më shumë gishtërinj, fryhen dhe japin pickime.
Çfarë tjetër mund të jetë shkak për mpirjen e duarve tuaja? Edhe disa faktorë të tjerë me rëndësi.
Çrregullime të tiroides
Edhe çrregullim i tiroideve çon në mpirjen e dorës. Një gjendër tiroide nën-aktive ose hipotirodizmi rezulton në dëmtimin e nervave që transportojnë informacion midis trurit, palcës kurrizore dhe gjymtyrëve.
Teprimet me alkoolin
Pirja e rëndë çon në neuropati alkoolike ose dëme nervore. Gjysma e gjithë përdoruesve të alkoolit zhvillojnë një formë të kësaj gjendje, thonë studimet. Shenjat përfshijnë mpirje në krahë ose këmbë, ndjesi të çuditshme dhe pickime në gjymtyrët tuaja, dhe dobësi të muskujve.
Kistet dhjamore
janë grumbullime dhjamore jo-kancerogjene që formohen kudo, kanë tendencë të shfaqen edhe rreth kyçeve. Sipas studimeve mjekësore, kistet dhjamore janë të zakonshme. Nëse formohet në dore, mpirja është një simptomë e zakonshme. Këto kiste nganjëherë zhduken vetë.
Skleroza e shumëfishtë
Një sëmundje në të cilën sistemi imunitar sulmon një substancë yndyrore që mbron fibrat nervore të trurit dhe palcës kurrizore. Kjo rezulton në mpirjen e dorës. Sëmundja godet në çdo moshë, ka gjasa të shfaqet gjatë moshave 20 dhe 30 vjeçare. Femrat kanë dy herë më shumë të ngjarë se meshkujt të vuajnë nga skleroza e shumëfishtë.
Goditja në tru
Mpirja e duarve ose ndjesia e shpimeve mund të jetë shenjë se jeni duke marrë një goditje në tru. Rreth 10% e të gjitha viktimave të goditjes janë më të rinj se 45 vjeç. Edhe duke qenë të aftë dhe fizikisht aktivë, nuk do të thotë që nuk jeni në rrezik.
Diabeti
Urinimi i shpeshtë, etja e tepruar e nivelet e larta të sheqerit në gjak janë shenjat e paradiabetit. Shumë njerëz që zhvillojnë diabet të tipit të plotë 2 se kuptojnë. Nëse nuk trajtohet, mpirja e duarve zhvillohet si pasojë e dëmtimit nervor të lidhur me diabetin. /UBT News/
Shëndeti
Si të ruani funksionet mendore gjatë moshës së shtyrë?
Published
3 days agoon
March 29, 2025
Studimet kanë treguar se truri ka nevojë për stimulim të vazhdueshëm për të mbajtur funksionet e tij të shëndetshme.
Aktivitetet si leximi, lojërat që kërkojnë mendim dhe ushtrimet e trurit janë të dobishme për ruajtjen e kujtesës dhe funksioneve mendore.
Një mundësi e shkëlqyer për të mbajtur trurin aktiv është angazhimi në aktivitete sociale dhe intelektuale, siç janë bisedat me miqtë, lojërat e mendjes dhe zgjidhja e problemit.
Këto stimulojnë aktivitetin mendor dhe të ndihmojnë në forcimin e lidhjeve ndërmjet neuroneve.
Përveç stimulimit intelektual, ushtrimet fizike janë të rëndësishme për shëndetin e trurit.
Aktivitetet fizike si ecja, vrapimi dhe joga ndihmojnë në rritjen e qarkullimit të gjakut në tru dhe përmirësojnë funksionet kognitive, duke ndihmuar në ruajtjen e kujtesës dhe shpejtësisë mendore.
Një regjim i shëndetshëm i jetesës që përfshin dietë të balancuar, aktivitet fizik të rregullt dhe stimulim mendor, është thelbësor për ruajtjen e shëndetit të trurit gjatë moshës së shtyrë dhe parandalimin e humbjes së funksioneve mendore.

Konjufca bënë homazhe në Lybeniq: Na mundon shumë fakti që edhe pas 26 vitesh nuk ka drejtësi

Rama: Më 11 maj t’i japim mesazh Brukselit se e “duam anëtarësimin tani”

Humbjet që sollën “lëkundje” te Prishtina në fazën vendimtare

Putin fillon thirrjen më të madhe ushtarake ruse në vite, thirren 160mijë rekrutë

Osmani cakton 15 prillin si datë për seancën konstituive të Kuvendit

Po vjen sezoni i pestë i serialit “You”: Një prej prodhimeve më të njohura të Netflix po përfundon

Katër ushqime që ju bëjnë të humbni peshë

Historia e suksesit të studentes Vesa Shatri dhe angazhimi i saj në Ministrinë e Punëve të Jashtme dhe Diasporës

U hap festivali i filmit dokumentar “ZagrebDox”
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë