Automobilizëm elektrikë

Ja pse gjermanët vazhdojnë të hezitojnë të kalojnë në automjete elektrike

Published

on

Çmimet e larta janë arsyeja kryesore që konsumatorët gjermanë hezitojnë të kalojnë në automjete elektrike, zbuloi një studim i porositur nga dpa dhe i publikuar të dielën. Studimi, i kryer nga instituti kërkimor YouGov, zbuloi se 47% e të anketuarve përmendën kostot e tepërta si pengesën kryesore për blerjen e një makine elektrike.

Faktorë tjerë kryesorë përfshinin gamën e kufizuar të automjeteve me bateri, një problem për 42% të të anketuarve dhe mungesën e stacioneve të karikimit, në 40%. Vetëm 30% e të anketuarve u penguan nga çmimet e larta të energjisë elektrike, ndërsa 24% shprehën rezerva se teknologjia ende nuk është zhvilluar plotësisht.

Shitjet e automjeteve elektrike ranë me 27% në Gjermani në vitin 2024 pas skadimit të një subvencioni qeveritar, klientët nuk janë të gatshëm të shpenzojnë shuma të mëdha për të kaluar në modelet me bateri.

12% e të anketuarve thanë se do ishin të gatshëm të paguanin më shumë se 30,000 € (31,110 dollarë) për automjet elektrik. Pavarësisht rritjes së konkurrencës nga Kina, makinat elektrike të lira mbeten një gjë e rrallë në Gjermani, me klubin e automobilistëve ADAC që liston vetëm gjashtë modele me bateri në shitje nën vlerën prej 30,000 euro.

Prodhuesi më i madh i makinave në Evropë, Volkswagen, po planifikon një model elektrik të nivelit fillestar me çmim prej rreth 20,000 €.

Të anketuarit në sondazhin e YouGov treguan një preferencë të qartë për prodhuesit gjermanë dhe evropianë, por ata nuk ishin të përgatitur të paguanin një çmim të konsiderueshëm për ta.

Automobilizëm elektrikë

Volvo kryeson industrinë e automobilave

Published

on

Marka suedeze bëhet prodhuesi i parë i makinave që fut çelik të ricikluar me emetim zero në prodhimin serik të automjeteve.

Volvo Cars ka nënshkruar kontratë me prodhuesin suedez të çelikut SSAB, për të furnizuar çelik të ricikluar me emetime zero të dioksidit të karbonit, me dërgesa që fillojnë këtë vit. Materiali i ri do të përfshihet në SUV-in elektrik EX60, si dhe në modele tjera të bazuara në platformën e re mekanike SPA3.

“Çeliku është përgjegjës për rreth 25 përqind të emetimeve totale të materialit në një makinë të re Volvo”, tha Francesca Gamboni, drejtoresha e zinxhirit të furnizimit të kompanisë.

Çeliku i furnizuar nga SSAB zvogëlon emetimet e CO₂ me 100% krahasuar me çelikun konvencional, duke ruajtur të njëjtën forcë dhe siguri. Volvo planifikon të arrijë emetime neto zero të dioksidit të karbonit deri më 2040, qëllimi për 2030 është të zvogëlojë emetimet për automjet me 65 deri në 75 përqind.

30 përqind e materialeve duhet të riciklohen, modelet e reja nga 2030 do përmbajnë 35 përqind komponentë të ricikluar. Volvo forcon më tej pozicionin e saj si lider në transformimin e qëndrueshëm të industrisë së automobilave.

Continue Reading

Automobilizëm elektrikë

Nissani planifikon t’i reduktojë aksionet në Renault

Published

on

Drejtori ekzekutiv i Nissan Motorit, Ivan Espinosa, ka thënë se prodhuesi i automjeteve planifikon të zvogëlojë aksionet e tij në partnerin francez Renault, raportoi gazeta e biznesit Nikkei.

Nissan dhe Renault patën njoftuar në mars se kanë rënë dakord të ulnin pjesëmarrjen minimale të kërkuar tek njëri-tjetri në 10% nga 15%.

Sipas marrëveshjes së tyre, çdo shitje aksionesh duhet të koordinohet me palën tjetër dhe përfshin të drejtën e refuzimit.

Shitja e një pjese prej 5% të aksioneve të Renaultit do të sillte rreth 640 milionë dollarë me çmimet aktuale të aksioneve, fonde që Nissani planifikon t’i përdorë për zhvillimin e automjeteve në kushtet sfiduese të biznesit.

Nissani aktualisht mban 15% të kompanisë franceze, sipas të dhënave të LSEG.

Continue Reading

Automobilizëm elektrikë

Ky është Volkswageni i ri, do të kushtojë 25,000 euro në Evropë

Published

on

Dy vjet më parë, Volkswagen prezantoi modelin koncept ID.2all si pamjen e parë të një modeli të ri tërësisht elektrik që do të kushtojë 25,000 euro, dhe tani versioni përfundimtar i prodhimit është parë në rrugë për herë të parë.

Modeli i ri i nivelit fillestar i Volkswagen është parë pranë pistës së garave Nürburgring në Gjermani, duke zbuluar disa karakteristika të reja dizajni që mund të presim.

Do të bazohet në platformën MEB+, e cila do të jetë baza e linjës së ardhshme të automjeteve elektrike të Volkswagen, dhe do të ofrohet me një paketë baterie 38 kWh ose 56 kWh, e cila do të mundësojë një autonomi deri në 450 kilometra.

VW deklaron se do jetë në gjendje të karikohet nga 10% në 80% në vetëm 20 minuta, me kapacitet karikimi deri 125 kW.

Versioni i prodhimit i ID.2all është një nga dhjetë modelet e reja elektrike që Volkswagen do të lançojë deri në vitin 2026.

Vitin e ardhshëm do t’i bashkohet një SUV elektrik kompakt, dhe Volkswagen po punon gjithashtu në një tjetër makinë elektrike me çmim nën 20,000 euro.

Kjo do t’i japë prodhuesit gjerman gamën më të gjerë të automjeteve elektrike krahasuar me konkurrentët e tij, dhe kompania synon të arrijë një pjesë prej 80 përqind të makinave elektrike në Evropë./Indeksonline

Continue Reading

Automobilizëm elektrikë

McLareni paralajmëron “bishën”, arrin 100 km/h për 2.8 sekonda

Published

on

Gara e famshme “Le Mans 24 Hour” po afrohet dhe, për të festuar 30-vjetorin e fitores së fundit (1995) në këtë garë, McLareni ka prezantuar version të ri special: 750S Le Mans.

Në vitin 2020, McLaren e shënoi përvjetorin e 25-të të kësaj fitoreje me prezantimin e 720S Le Mans, një tjetër model i kufizuar.

Përveç përmirësimeve të performancës që solli modeli 750S i prezantuar në vitin 2023, versioni i ri vjen edhe me një paketë të re të quajtur “High Downforce Kit” nga divizioni McLaren Special Operations (MSO), që ofron performancë shtesë në pistë.

Modeli standard pati sukses kur u lansua tri vite më parë, me listat e porosive të mbushura 18 muaj para. 750S Le Mans pritet të jetë edhe më i kërkuar, sidomos kur dihet se do të prodhohen vetëm 50 njësi – njëjtë sikurse me 720S Le Mans.

750S Le Mans vjen në ngjyrat ikonike të veturës fituese të Le Mans 1995, McLaren F1 GTR me numrin 59, me ngjyrë gri si standard – por është e mundur edhe ngjyra karakteristike portokalli e McLaren.

Sa i përket motorit, 750S Le Mans mbetet i pandryshuar – vjen me motor V8 4.0 litra twin-turbo, që prodhon 740 kuajfuqi, duke arritur nga 0 në 100 km/h për vetëm 2.8 sekonda. Fuqia transmetohet në rrotat e pasme përmes një transmisioni automatik 7-shpejtësi, i përmirësuar krahasuar me atë të 720S.

McLaren do të marrë pjesë në Le Mans në klasën LMGT3 me 750S GT3 EVO, ndërsa më 2027 planifikon të hyjë në klasën Hypercar, për të luftuar për titullin më të lartë të garës. Data dhe çmimi i saktë ende nuk dihet. Por çmimi pritet të jetë mbi 300 mijë euro.

Continue Reading

Të kërkuara