Sport

Izolohen edhe gjashtë atletë në Lojërat Olimpike pasi një pasagjer në fluturimin e tyre doli pozitiv me Covid-19

Published

on

Gjashtë atletë të ekipit britanik janë izoluar pasi një pasagjer në fluturimin e tyre për në Lojërat Olimpike të Tokios doli pozitiv me Covid-19.

“Sportsmail” kupton që grupi nuk përfshin shpresat për medalje Dina Asher-Smith, Katarina Johnson-Thompson, Laura Muir, Jemma Reekie, Adam Gemili, Andy Pozzi, Elliot Giles, Keely Hodgkinson dhe Dan Rowden.

Lajmi vjen si një goditje e madhe përpara ceremonisë së hapjes të së premtes dhe ngre pyetje të mëtejshme mbi vendimin për të organizuar Lojërat Olimpike gjatë një pandemie.

Një zëdhënës i Shoqatës Olimpike Britanike në lidhje me këtë rast tha:

“Ne mund të konfirmojmë që gjashtë atletë dhe dy anëtarë të stafit nga ekipi i atletikës, të cilët pa asnjë faj të tyre janë identifikuar si kontakte të ngushta të një individi, jo nga delegacioni i grupit të altetëve në fluturimin e tyre më 15 korrik 2021.”

“Kjo u identifikua përmes shërbimit të raportimit të Tokyo 2020 dhe grupi që prej asaj kohe ka filluar një periudhë të vetë-izolimit në dhomat e tyre në Kampin e Përgatitjes së BOA, në përputhje me protokollet e Playbook të Tokyo 2020.”.

Aktualitet

​Spanja kërkon përjashtimin e Izraelit nga garat sportive

Published

on

Kryeministri i Spanjës, Pedro Sánchez, ka bërë thirrje që Izraeli të përjashtohet nga ngjarjet sportive ndërkombëtare për aq kohë sa vazhdon ofensiva e tij në Gaza.

Deklarata erdhi pas ndërprerjes së parakohshme të garës së çiklizmit Vuelta a España në Madrid, ku protestues pro-palestinezë bllokuan itinerarin.

Sánchez tha se Izraeli nuk duhet të përdorë sportin për të zbardhur barbarizmin e tij dhe shprehu admirim të thellë për protestuesit paqësorë.

Ai shtoi se ngjarjet në Madrid duhet të nxisin një debat global mbi pjesëmarrjen e Izraelit në sport.

Ndërkohë, opozita konservatore në Spanjë e akuzoi kryeministrin për nxitje trazirash dhe njollosje të imazhit të vendit, ndërsa qeveria izraelite e cilësoi qëndrimin e tij si “anti-Izrael dhe antisemit”, raporton The Guardian.

Protestat tërhoqën mbi 100 mijë njerëz, ku pati përplasje me policinë dhe dhjetëra të lënduar. Një sondazh i fundit tregoi se shumica e spanjollëve mbështesin qëndrimin kritik të qeverisë ndaj Izraelit./S.K/KP/

Continue Reading

Lajmet

​Williams: Nuk ia kemi aspak frikën Arsenalit

Published

on

Kapiteni i Athletic Bilbaos, Inaki Williams, tha se skuadra e tij nuk ka frikë përpara ndeshjes hapëse të Ligës së Kampionëve kundër gjigantëve të Premier League, Arsenalit.

Ekipi bask, i cili ka vetëm lojtarë të lindur në rajon, është rikthyer në garën më të madhe të Evropës për herë të parë që nga viti 2014, duke u kualifikuar vetëm për herë të tretë në historinë e tyre.

“Shumë prej nesh mezi presin të debutojnë në Ligën e Kampionëve. Për vite me radhë, kemi luftuar për një ditë si nesër dhe duam ta zhvillojmë ëndrrën tonë”, u tha Williams gazetarëve.

“Nuk kemi frikë nga askush; do të jetë një ndeshje vërtet e bukur.”, theksoi ai.

Trajneri i atletikës, Ernesto Valverde, e lavdëroi homologun e tij të Arsenalit, Mikel Arteta, përpara ndeshjes.

“Ai është një nga trajnerët më të mirë në botë dhe po tregon se çfarë mund të bëjë te Arsenali”, tha Valverde./S.K/KP/

Continue Reading

Lajmet

​Lëndohet Paulo Dybala

Published

on

Argjentinasi Paulo Dybala kërkoi të zëvendësohej në pjesën e parë të ndeshjes kundër Torinos për shkak të një problemi muskulor.

Sulmuesi argjentinas, i cili u largua nga fusha në pushimin e ndeshjes kundër Torinos së Baronit për shkak të një problemi muskulor, do të mungojë në ndeshjen kundër Lazios, e cila është planifikuar të zhvillohet të dielën, më 21 shtator në orën 12:30.

Klubi romak njoftoi se ish-lojtari i Juventusit ka pësuar një dëmtim të lehtë në kofshën e majtë, i cili do ta mbajë jashtë fushave për të paktën dy javë.

Dybala me siguri do të humbasë derbin kundër Lazios dhe ndeshjen e Europa League kundër Nice , të planifikuar për 24 shtator.

Ai është gjithashtu në dyshim serioz për ndeshjen e ligës kundër Hellas Verona, të planifikuar për më 28 shtator./S.K/KP/

 

Continue Reading

Lajmet

​FIFA ndryshon kalendarin e pushimeve për ekipet kombëtare

Published

on

FIFA ka vendosur të bëjë një ndryshim historik në kalendarin ndërkombëtar të futbollit. Pas përfundimit të Kupës së Botës 2026, periudhat e pushimit për ekipet kombëtare do të riformatohen, me synimin për të ulur udhëtimet e shumta të lojtarëve dhe për t’i dhënë trajnerëve më shumë kohë pune me skuadrat.

Nga sezoni i ardhshëm dhe deri të paktën në vitin 2030, pushimet e shtatorit dhe tetorit do të bashkohen në një dritare të vetme trejavore. Konkretisht, kampionatet kombëtare do të ndalojnë nga 21 shtatori deri më 6 tetor, me rikthimin e ndeshjeve të klubeve që pritet pas datës 10 tetor.

Në këtë periudhë, kombëtaret do të zhvillojnë katër ndeshje, të cilat deri më tani ishin të shpërndara në dy pushime të ndara.

Ky eksperiment, sipas FIFA-s, do të zgjasë së paku deri në Kupën e Botës 2030 dhe ka për qëllim lehtësimin e ngarkesës së futbollistëve që shpesh përballen me udhëtime transatlantike dhe ndryshime të mëdha të zonave kohore.

Ky vendim shihet si një pikë kthese për mënyrën se si do të organizohen kalendarët e futbollit ndërkombëtar në vitet e ardhshme./S.K/KP/

Continue Reading

Të kërkuara