Lajmet

Izolimi i detyruar nga pandemia ka ndikuar në rritjen e rasteve të dhunës në familje

Published

5 years ago

December 3, 2020

UBTNEWS

Dhuna në familje është një problem i përhapur në mbarë botën dhe çdo vit përmes fushatave anembanë botës bëhen thirrje për veprime globale për të rritur ndërgjegjësimin dhe për parandalimin dhe eliminimin e dhunës ndaj grave e vajzave.

Ekspertja në fushën e marrëdhënieve familjare e trashëgimore, njëherësh dekane në Fakultetin Juridik në UBT, Jorida Xhafaj, e ftuar në programin e mëngjesit në “Radio Campus”, ka diskutuar rreth dhunës në familje, sidomos ndaj grave dhe parandalimit të kësaj dukurie.

“Është një fenomen që shqetëson shoqërinë në mbarë botën. Nëse i referohemi deklaratës së Kombeve të Bashkuara për eliminimin e dhunës kundër gruas, ajo është përcaktuar si një manifestim i marrëdhënies së pabarabartë midis dy gjinive, sidomos pushtetit që ka ekzistuar nga gjinia mashkullore. Ky manifestim e ka rënduar edhe më tepër gjendjen”, u shpreh Xhafaj.

Xhafaj ka folur edhe për format më të shpeshta të përhapjes së dhunës ndaj grave, ku sipas saj, jo çdo herë është ajo fizike.

“Format më të ndeshura të dhunës në familje janë: dëmtimet fizike, dëmtimet e lehta, dhuna psikologjike dhe kanosjet, kurse ndër shkaqet kryesore janë pabarazia gjinore, përdorimi i alkoolit, xhelozia etj.”, tha ajo.

E pyetur se a ka mjaftueshëm studime mbi këtë dukuri, Xhafaj tha se dita ditës po punohet edhe më tepër për studime të tilla.

“Studimet kryhen në instanca të ndryshme, me strategji të ndryshme, ka studime që kryhen në kuadër të policisë, institucioneve arsimore, e që UBT-ja prin me stafin akademik i cili del me përfundime cilësore, që publikohen në revista të shumta”, shtoi ajo.

Megjithatë, ndikimi i pandemisë Covid-19, gjatë periudhës karantinimit në muajt mars-maj ka shënuar rritje të rasteve të dhunës në familje edhe më tepër.

“Ka pasur rritje me 33% të rasteve të raportuara. Një studim nga anëtaret e fakultetit juridik në UBT, erdhi pikërisht pas rritjes së këtyre rasteve. Studimi përfshin rastet në dhjetë vitet e fundit e që vlerat janë rritur në mënyrë proporcionale. Referuar shifrave në polici 72% e meshkujve kanë ushtruar dhunë ndaj grave”, tha ajo.

Kurse, UBT në bashkëpunim me UNDP përmes një hulumtimi me temën: “Dhuna me bazë gjinore në Kosovë -nevoja për përmirësim i shërbimeve ndaj viktimave të dhunës në familje dhe ndikimi negativ i pandemisë COVID-19”, e që ka për qëllim që të bëjë identifikimin e studentëve të cilët dëshirojnë që shkrimit të kontribuojnë në përmirësimin e sistemit të drejtësisë dhe të fitojnë aftësi në aspektin e hulumtimeve.

Ndonëse vitet e fundit po bëhet përpjekje e vazhdueshme për barazi gjinore, hulumtime dhe analiza të ndryshme të bëra në Kosovë flasin për mospjesëmarrje të barabartë në tregun e punës në mes të femrave dhe meshkujve në fushën e biznesit, por duket se kjo dukuri ka filluar të ndryshojë.

Të dhënat tregojnë se shkalla e dhunës në familje është rritur ndjeshëm në vendet e Ballkanit që nga vendosja e kufizimeve në lëvizje në luftën kundër COVID-19.

Vendi

Exit Polli e nxjerrë fitues Përparim Ramën në Prishtinë

Published

26 minutes ago

November 9, 2025

Driton Iseni

Përparim Rama nga LDK ka dalë i pari në sondazhet e televizionit Dukagjini.

Sipas këtij exit pollit të UBO-Consulting, rezulton që Rama merr 54.1 për qind, ndërsa kundër kandidati i tij, Hajrulla Çeku 45.9 për qind.

Ndërsa sipas exit pollit të Klan Kosovës, përparim Rama ka 53.62 për qind, ndërsa Hjarulla Çeku 46.38 për qind.

Rajoni

Rektori Hajrizi viziton UniMarconi në Romë

Published

1 day ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

2 days ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

2 days ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/