Lajmet

Itali: Mbi dy metra shi në vetëm gjysmë dite, diçka që nuk është parë më herët në Evropë

Këto reshje po bëhen të zakonshme për shkak të ngrohjes globale, sipas shkencëtarëve.

Published

5 years ago

on

Reshjet ekstreme, të nxitura nga klima, thyen rekorde këtë javë në një pjesë të Italisë, e cila është e njohur për shirat e saj dhe një zonë në Oman që nuk njihet fare për shi, transmeton UBT News.

Të hënën, një seri stuhish shtuan nivelin e reshjeve të cilat nuk ishin parë më herët në Evropë, ku mbi 742 mm shi ranë në vetëm 12 orë. Në Oman, një ciklon i rrallë tropikal hodhi reshje vjetore, duke sjellë përmbytje vdekjeprurëse në peizazhin e shkretëtirës, që rrallë sheh shi në vit.

Ndërsa provinca Genoa e Italisë, e njohur për bukurinë e saj natyrore dhe bregdetin e thyer, u bë epiqendra e shirave ekstremë të fundit.

Itali

Ndërsa stuhia vazhdoi me 925 mm shi në qytetin e Rossiglione, rreth 100 km)në jugperëndim të Milanos. Londrës do t’i duheshin mesatarisht 15 muaj për të regjistruar reshje të tilla.

Dhjetëra njerëz duhej të shpëtoheshin pasi rrëshqitjet e dheut dhe vërshimet çuan në shembjen e një ure në qytetin Quiliano.

Vetëm pak kilometra në lindje, reshjet e mëdha të shiut përmbytën edhe qytetin e afërt Vicomorasso, pasi mbi 180 mm shi ranë në vetëm një orë, sipas FloodList.

Më pak se 2 ditë më parë dhe pak më shumë se 3.000 milje në juglindje, Cikloni Shaheen zbriti në tokën veriore të Omanit me erëra të një uragani të Kategorisë 1.

Oman

Ndërsa në Oman, stuhia përmbyti qytetin normalisht të tharë të Al Khaburah brenda pak orësh, sipas The Times of Oman. Ndërsa në qytetin e afërt Suwaiq, shiu i më shumë se një viti ra në vetëm 6 orë, përcjell UBT News.

Rritja e stuhive të mëdha të shiut në të gjithë botën po bëhet më e dukshme

Këto norma ekstreme të reshjeve po bëhen më të zakonshme për shkak të ngrohjes globale të shkaktuar nga njerëzit, kështu të paktën thonë shkencëtarët.

Sipas raportit të OKB-së lidhur me ndryshimet klimatike, “frekuenca dhe intensiteti i ngjarjeve të reshjeve të mëdha janë rritur që nga viti 1950 mbi shumicën e sipërfaqes tokësore”.

Përmbytjet vdekjeprurëse gjithashtu u bënë titujt kryesorë në mbarë botën këtë verë, duke përfshirë përmbytjet vato në gjithë Evropën Perëndimore, duke i kthyer rrugët e qyteteve në Belgjikë dhe Gjermani në përrua uji.

Reshjet e dendura të shiut gjithashtu shkaktuan përmbytje në Kinën Qendrore në korrik që çuan në mbi 300 të vdekur./UBTNews/

Related Topics:
Continue Reading

Lajmet

Esmeralda Kazia shpallet “Cybersecurity Woman of the World 2026”, shqiptarja e parë që merr këtë çmim

Published

16 minutes ago

on

July 31, 2026

By

Shqipëria ka shënuar një arritje të rëndësishme në fushën e sigurisë kibernetike, pasi Esmeralda Kazia është shpallur “Cybersecurity Woman of the World 2026”.

Kazia është shqiptarja e parë që fiton këtë titull prestigjioz, i cili vlerëson lidershipin, vizionin dhe kontributin në zhvillimin e sigurisë kibernetike në nivel ndërkombëtar.

Çmimi iu dorëzua gjatë ceremonisë së organizuar nga United Cybersecurity Alliance në Austri dhe Lihtenshtajn, ku morën pjesë përfaqësues të institucioneve shtetërore, organizatave ndërkombëtare, universiteteve, kompanive dhe ekspertë të sigurisë kibernetike nga më shumë se 30 vende.

Pas marrjes së çmimit, Kazia në një intervistë për transmetuesin publik austriak ORF theksoi rëndësinë e sigurisë kibernetike për mbrojtjen e institucioneve dhe besimit publik.

“Siguria kibernetike nuk ka të bëjë vetëm me mbrojtjen e teknologjisë, por me mbrojtjen e besimit”, u shpreh ajo.

Gjatë këtij edicioni janë zhvilluar edhe diskutime për mundësinë që ceremonia “Cybersecurity Woman of the World 2027” të organizohet në Shqipëri. Nëse realizohet, vendi pritet të mirëpresë ekspertë, institucione dhe përfaqësues ndërkombëtarë të fushës së sigurisë kibernetike.

Duke komentuar vlerësimin, Kazia tha se ky titull përfaqëson një përgjegjësi për të vazhduar punën në forcimin e sigurisë kibernetike dhe mbrojtjen e infrastrukturave kritike.

Esmeralda Kazia aktualisht është Drejtoreshë Ekzekutive e Teknologjisë për Teknologjinë Operacionale, Sistemet e Kontrollit Industrial dhe Automatizimin në Korporatën Elektroenergjetike Shqiptare (KESH). Më herët ajo ka udhëhequr operacionet kombëtare të monitorimit dhe reagimit ndaj incidenteve kibernetike në Autoritetin Kombëtar për Sigurinë Kibernetike.

Me mbi 13 vite përvojë në sigurinë kibernetike, transformimin digjital dhe mbrojtjen e infrastrukturave kritike, Kazia ka përfaqësuar Shqipërinë në forume ndërkombëtare si NATO, OSBE dhe iniciativa globale kundër sulmeve kibernetike. Ajo është gjithashtu pedagoge universitare dhe kërkuese shkencore, me fokus në inteligjencën artificiale dhe ekosistemet digjitale./Albinfo.ch//A.K/

Continue Reading

Lajmet

Sean “Diddy” Combs do të lirohet nga burgu më herët, data caktohet për janar 2028

Published

18 minutes ago

on

July 31, 2026

By

Reperi amerikan Sean “Diddy” Combs pritet të lirohet nga burgu më herët sesa ishte planifikuar fillimisht, pavarësisht një incidenti të fundit ku raportohet se u përfshi në një përleshje me një të burgosur tjetër.

Sipas të dhënave më të fundit të Byrosë Federale të Burgjeve, lirimi i Combs është caktuar për 24 janar 2028. Fillimisht, data e lirimit ishte parashikuar për maj të vitit 2028, por ajo është ndryshuar disa herë gjatë muajve të fundit.

Combs, 56 vjeç, u shpall i pafajshëm për akuzat më të rënda, përfshirë trafikimin e qenieve njerëzore dhe reketimin, por u dënua për organizim të prostitucionit.

Shkurtimi i dënimit lidhet me zbatimin e ligjit amerikan “FIRST STEP Act”, i cili u mundëson disa të dënuarve përfitime për lirime më të hershme.

Ndryshimi i fundit i datës së lirimit vjen vetëm një javë pasi reperi raportohet se u përfshi në një përleshje fizike me një të burgosur tjetër në burgun federal Fort Dix në New Jersey. Sipas raportimeve, konflikti nisi pas një përplasjeje verbale dhe më pas kaloi në përleshje fizike, derisa ndërhynë rojet e burgut.

Pas incidentit, Combs raportohet se është vendosur përkohësisht në izolim, megjithëse autoritetet e burgut nuk kanë konfirmuar detaje për ngjarjen.

Byroja Federale e Burgjeve ka deklaruar se, për arsye sigurie dhe privatësie, nuk komenton kushtet e qëndrimit të të burgosurve apo arsyet e ndryshimit të datave të lirimit./A.K/

Continue Reading

Lajmet

Haxhiu takon sot krerët e partive, në fokus seanca konstituive

Published

28 minutes ago

on

July 31, 2026

By

Sot është paraparë të mbahet mbledhja e përbashkët e kryetares së Kuvendit, Albulena Haxhiu, me kryetarët e subjekteve politike.

Kjo mbledhje vjen në kuadër të përgatitjeve për Seancën konstituive të Legjislaturës XI të Kuvendit të Republikës së Kosovës.

Takimi pritet të mbahet në ambientet e Kuvendit me fillim nga ora 11:00./A.K/

Continue Reading

Lajmet

Seancë gjyqësore për 21 të akuzuar për krime lufte në Prishtinë

Published

29 minutes ago

on

July 31, 2026

By

Sot në Gjykatën Themelore në Prishtinë pritet të mbahet seanca gjyqësore ndaj 21 personave të akuzuar për krime lufte kundër popullsisë civile.

Seanca është caktuar të nisë në ora 10:00, ndërsa të akuzuarit përballen me akuzën për veprën penale “Krime lufte kundër popullsisë civile”.

Në këtë rast janë të akuzuar: Zllatomir Peshiq, Mlladen Cirkoviq, Radomir Markoviq, Dushko Adamoviq, Obrad Stevanoviq, Zhivko Trajkoviq, Goran Radosavleviq, Bogolub Janiçqviq, Sllavisha Ivanoviq, Boshko Vukiqeviq, Sreten Popoviq, Nikolla Petroviq, Kërsman Jellliq, Lubisha Stojimiroviq, Bozhidar Deliq, Radojko Stefanoviq, Dragan Zhivanoviq, Milosh Gjoshan, Lubinko Cvetiq, Bozhidar Filiq dhe Milovan Kovaçeviq.

Procesi gjyqësor lidhet me hetimet për krime të kryera gjatë luftës në Kosovë./A.K/

Continue Reading

Të kërkuara