Kronikë e zezë

Itali: Arrestohen dy të rinjtë shqiptarë, si e shkatërroi policia bazën për trafikun e drogës. Sekuestrohen 800 mijë euro

Arrestimi i tyre u bë pas zbulimit të një apartamenti në via della Cooperation në Rozzano.

Published

4 years ago

on

Policia e Milanos ka vënë në pranga dy shqiptarë të moshave 19 dhe 28 vjeç, të cilët akuzohen për vjedhje, si dhe gjatë operacionit iu gjetën dhe sekuestruan 800 mijë euro. Dyshimet e para janë se kjo sasi parash është rezultat i trafikut të drogës.

Arrestimi i tyre u bë pas zbulimit të një apartamenti në via della Cooperation në Rozzano (Milano), që ishte baza për një bandë trafikantësh, shkruajnë mediat italiane. 

Arrestimi

Të enjten e kaluar agjentët e seksionit të antidrogës kanë nisur një shërbim vëzhgimi dhe në orët e vona të mbrëmjes nga ky apartament kanë dalë dhe janë ndjekur dy të rinj të dyshuar. Pasi kanë udhëtuar rreth 150 metra, të dy kanë mbërritur në një parking përpara disa dyqaneve tregtare ku i priste një makinë.

Njëri nga të dy u afrua, mori një tufë parash që ia dha një burrë në makinë dhe u kthye në apartament, ndërsa tjetri që ishte me të, me një çantë shpine, qëndroi në parking edhe për dhjetë minuta të tjera. Në këtë moment vjen një tjetër makinë, ku hipën i riu dhe zbret pak më tutje, për t’u kthyer më pas në ndërtesën në via della Cooperation.

Më pas, policia antidrogë vendosi të ndalonte të riun dhe pas kontrollit ushtruar në çantën e shpinës iu gjetën një sasi e madhe parash, të paketuara në mbështjellës celofani të mbushur me vakum.

Më pas policia u zhvendos në banesën e tyre ku u gjetën edhe atje një çantë e mbushur me euro, fletore të shumta ku mbaheshin shënim paratë, qese plastike tashmë të hapura si dhe dy telefona prodhim i fundit.

Policia konstaton se dy shqiptarët që ndodhen prej disa muajsh në Itali janë pjesë e rrjetit të trafikut të drogës që merret vetëm me lëvizjen e parave, grumbullimin dhe transportin përtej kufirit për ‘blerjen e grupeve të reja të drogës’.TCH

Related Topics:
Continue Reading

Lajmet

Plagoset me armë zjarri një person në Pejë

Published

3 days ago

on

December 15, 2025

By

Policia e Kosovës ka njoftuar se është plagosur me armë zjarri një person mbrëmë në Pejë.

Lajmin e ka konfirmuar zëdhënësi i policisë për rajonin e Pejës, Fadil Gashi, i cili bëri të ditur se dyshohet që kjo ka ndodhur aksidentalisht.

Ai bëri të ditur se në bazë të informacioneve, i plagosuri është jashtë rrezikut për jetë.

“Pas orës 19:00 policia është njoftuar nga Spitali i Pejës se një person ka shkuar atje i lënduar nga arma e zjarrit. Ai dyshohet se është plagosur aksidentalisht nga një person. I plagosuri është jashtë rrezikut për jetë”, thuhet në konfirmim.

Gashi gjithashtu tha se i dyshuari është shoqëruar për në stacion policor./S.K/EO/PK/

Continue Reading

Lajmet

Vetëplagoset me armë zjarri një 50-vjeçar në Lipjan

Published

3 days ago

on

December 15, 2025

By

Një burrë është vetëplagosur me armë zjarri në fshatin Mirenë të Lipjanit, ku viktima, 50-vjeçar, u dërgua fillimisht për trajtim në Qendrën e Mjekësisë Familjare në Drenas, ndërsa më pas u transferua në QKUK për kujdes të specializuar.

Drejtori i Emergjencës Naser Syla, deklaroi se gjendja e tij ishte stabile.

“Janë kryer ekzaminimet e nevojshme,pasi ishte në sallën operative të Emergjencës duke u intervenuar nga ekipët e anestezionit dhe urologjisë, pas operacionit u transferua në Klinikën e Urologjisë për trajtim të metutjeshëm”, deklaroi Syla.

Rreth ngjarjes u deklarua edhe Policia e Kosovës.

Zëdhënësja për rajonin e Prishtinës Flora Ahmeti, deklaroi se në koordinim me Prokurorin e Shtetit po hetohen të gjitha rrethanat që lidhen me rastin.

“Rreth orës 12:00,   policia është njoftuar se në fshatin Mirenë të Lipjanit, një  person (mashkull) është plagosur me armë zjarri. Njësitet  policore kanë dalë në vendngjarje dhe në koordinim me Prokurorin e shtetit,janë duke u marrë me hetimin e të gjitha rrethanave që lidhen me rastin, ndërkohë që personi i lënduar është dërguar për tretman mjekësor”, tha Ahmeti./S.K/EO/PK/

Continue Reading

Lajmet

Vdes 26 vjeçari që u aksidentua në Leposaviq

Published

1 week ago

on

December 10, 2025

By

Personi që ishte në gjendje të rëndë pas aksidentit mes dy veturave në Leposaviq ka vdekur njoftoi Policia e Kosovës.

Lajmin e ka konfirmuar zëdhënësi i policisë për rajonin e Mitrovicës së Veriut, Erduan Baliqi.

Ai bëri të ditur se viktima është nga Leposaviqi me inicialet M.Dh, i lindur në vitin 1999.

“Personi që ka qenë në gjendje kritike ka vdekur. Viktima është nga Leposaviqi me inicialet M.Dh, i lindur në vitin 1999.”, tha Baliqi.

Continue Reading

Lajmet

Policia shqipton mbi 1 mijë e 800 gjoba trafiku brenda 24 orëve të fundit

Published

1 week ago

on

December 8, 2025

By

Policia e Kosovës ka njoftuar se ka shqiptuar 1855 gjoba për kundërvajtësit e trafikut vetëm brenda 24 orëve të fundit.

Brenda kësaj periudhe gjithashtu janë raportuar 22 aksidente trafiku me dëme materiale, kurse 9 aksidente trafiku kanë përfunduar me të lënduar.

Policia e Kosovës po ashtu arrestuar 5 persona nga të cilët 3 janë dërguar në mbajtje./S.K/PK/

Continue Reading

Të kërkuara