Aktualitet

Ish-zyrtarëve të Trumpit në bordet ushtarake u thuhet të jepin dorëheqje ose do të shkarkohen

Published

on

Administrata e Biden u ka thënë 11 zyrtarëve të emëruar në bordet këshilluese të akademisë së shërbimit ushtarak nga ish-Presidenti Donald Trump që të japin dorëheqjen ose të shkarkohen, raporton CNN, transmeton UBT News.

Zyrtarët e kërkuar për të dhënë dorëheqjen përfshijnë ish-zyrtarë të shquar të Donald Trump, si ish-sekretari i shtypit në Shtëpinë e Bardhë, Sean Spicer, ish-këshilltarja e lartë e Presidentit, Kellyanne Conway dhe ish-këshilltari i sigurisë kombëtarem H.R. McMaster.

Ata u emëruan përkatësisht në bordet këshilluese të Akademisë Detare, Akademisë së Forcave Ajrore dhe West Point.

Sekretarja e shtypit e Shtëpisë së Bardhë, Jen Psaki, të mërkurën pasdite konfirmoi se kërkesa ishte bërë, përcjell UBT News.

“Objektivi i Presidentit [Joe Biden] është ai i çdo presidenti – të sigurohet që ju keni kandidatë dhe njerëz që shërbejnë në këto borde, të cilët janë të kualifikuar për të shërbyer në to dhe të cilët janë në linjë me vlerat tuaja. Dhe kështu po, kjo ishte një kërkesë që u bë”, Psaki u tha gazetarëve në një konferencë në Shtëpinë e Bardhë.

Të emëruar të tjerë që u është kërkuar të japin dorëheqjen janë Michael Wynne, i cili u emërua në bordin e Akademisë së Forcave Ajrore; Gjeneralët në pension John Keane, Meaghan Mobbs dhe David Urban të emëruar në bordin e West Point; Russell Vought, ish-drejtori i Trump në Zyrën e Menaxhimit dhe Buxhetit, të emëruar në bordin e Akademisë Detare.

Shkarkimi i zyrtarëve të Trump nga bordet këshilluese ushtarake vjen pasi Pentagoni kohët e fundit ka rifilluar bordet e tjera këshilluese pasi ka hequr qindra të emëruar nga bordet e tjera në muajin shkurt./UBTNews

Aktualitet

Parashikimi i motit për sot

Published

on

Sot mbi vendin tonë pritet të mbaj mot pjesërisht i kthjellët.

Temperaturat minimale do të sillen nga 10°C deri në 18 °C.

Edhe nesër, me datë 2 maj do të mbajë mot pjesërisht i ngjashëm me temperatura nga 10 deri në 20°C. /UBT News/

Continue Reading

Aktualitet

Aksident trafiku në Klinë të Ulët, një e vdekur dhe katër të lënduar

Published

on

Një aksident trafiku ndodhi sot në rrugën rajonale Mitrovicë – Skenderaj, pikërisht në fshatin Klinë e Ulët.

Policia e Kosovës njoftoi se në aksident u përfshinë dy vetura, ku si pasojë e lëndimeve të pësuara humbi jetën viktima një femër rreth 65 vjeçare, ndërsa u lënduan edhe katër persona të tjerë, të cilët u dërguan për mjekim në Spitalin Rajonal të Mitrovicës.

Continue Reading

Aktualitet

Punëtorët e KEK-ut protestojnë më 1 maj

Published

on

Sindikata e Re e Korporatës së Energjisë së Kosovës njoftoi për organizimin e një proteste më 1 Maj, Ditën Ndërkombëtare të Punëtorëve, për të kërkuar paga më dinjitoze dhe kushte më të mira pune për punëtorët e sektorit energjetik.

Protesta do të mbahet të mërkurën, në ora 12:00, në sheshin “Skënderbeu” në Prishtinë.

Në njoftimin e bërë publik, Sindikata thekson se puna e tyre përmban lodhje ekstreme, rrezik të përhershëm dhe sakrificë të përditshme, duke theksuar se “kjo punë nuk ka para që mund ta paguajë”.

Për të ilustruar realitetin e vështirë, sindikata ka shpërndarë edhe një fotografi të një punëtori me fytyrë të mbuluar nga pluhuri i zi, simbol i kushteve të rënda në të cilat punojnë minatorët dhe teknikët e KEK-ut.

“Protestojmë për një pagë dinjitoze dhe respekt për punën tonë”, thuhet në thirrjen publike, ku organizatorët ftojnë qytetarët dhe përfaqësuesit sindikalë të solidarizohen me kërkesat e tyre.

Continue Reading

Aktualitet

Zhduket një person në Shtime

Published

on

Një person është raportuar i zhdukur në Shtime tash e dy ditë.

Sipas njoftimit nga Policia, babai i viktimës ka raportuar në polici të hënën pasdite se djali i tij është  larguar nga shtëpia dhe nuk është kthyer më.

Rasti vazhdon të hetohet.

Continue Reading

Të kërkuara