Lajmet

Ish-zëvendëspresidenti amerikan: Trump më rrezikoi mua dhe familjen time

Bëhet fjalë për postimin në Twitter gjatë trazirave të 6 janarit në Kapitol në 2021.

Publikuar

Përpara lansimit të librit të tij të martën, më 15 nëntor, ish-zëvendëspresidenti Mike Pence u ul për një intervistë me David Muir të ABC ku zbuloi ndjenjat e tij për postimin në Twitter të ish-presidentit Donald Trump gjatë trazirave të 6 janarit në Kapitol në 2021.

Trump kishte postuar në mënyrë famëkeqe në Twitter: “Mike Pence nuk pati guximin të bënte atë që duhej të bënte për të mbrojtur vendin tonë dhe Kushtetutën tonë”, ndërsa qindra ndjekës të tij sulmuan ndërtesën e Kapitolit pasi idhulli i tyre politik u mund në zgjedhjet presidenciale të 2020 nga presidenti Joe Biden.

Shumë nga protestuesit brohoritën, “Vareni Mike Pence”, ndërsa hynë në ndërtesën e Kongresit. Pence ishte ende brenda ndërtesës kur incidenti filloi. Trump është kritikuar për nxitjen e mbështetësve të tij gjatë ngjarjes së paprecedentë, në vend që të bënte thirrje që ata të qetësohen dhe të tërhiqen.

I pyetur se si u ndje pasi pa postimin e ish-presidentit në Twitter atë ditë, Pence nuk i mbajti ndjenjat gjatë intervistës. “Më zemëroi. Por iu drejtova vajzës sime, e cila qëndronte aty pranë. Dhe unë thashë: ‘Nuk duhet guxim për të shkelur ligjin, duhet guxim për të zbatuar ligjin’. Fjalët e presidentit ishin të pamatura. Ishte e qartë se ai vendosi të ishte pjesë e problemit”, tha ish-zëvendëspresidenti.

Edhe pse Pence ka qenë shumë besnik ndaj ish-shefit të tij, përmes polemikave të vazhdueshme që përcaktuan administratën Trump, ai herë pas here e ka kritikuar atë, veçanërisht në shkurt, kur ai denoncoi publikisht gënjeshtrat zgjedhore të Trump.

Në kujtimet e tij “So Help Me God”, Pence shkruan se Trump i kërkoi atij të përmbyste rezultatet e zgjedhjeve të vitit 2020 pas humbjes së tij në zgjedhje. Në atë kohë, Pence tha “siç i kisha thënë shumë herë, nuk besoja se e kisha atë pushtet sipas kushtetutës”.

“Ti je shumë i sinqertë. Qindra mijëra do të urrejnë guximin tuaj… Njerëzit do të mendojnë se ju jeni budalla”, i tha Trump atij, sipas Pence./UBTNews/

Lajmet

​Shkaktari i zjarrit në IML dyshohet se ishte defekti në instalimin elektrik, flet edhe Prokuroria

Dëmet nuk janë të mëdha nga zjarri.

Publikuar

nga

Defekti në instalimin elektrik po dyshohet se ka qenë shkaktari i zjarrit që kaploi një pjesë të objektit të Institutit të Mjekësisë Ligjore mbrëmjen e së shtunës. Madje, zëvendësdrejtori i IML-së, Ditor Haliti e përjashton mundësinë që dora e njeriut ta ketë shkaktuar zjarrin.

E nga ky zjarr dëmet po konsiderohen se nuk janë të mëdha, por që komisioni vlerësues do të bëjë vlerësimin e dëmit të shkaktuar.

Zëvendësdrejtori i institutit thotë se ka vetëm dëme materiale jo me vlerë të madhe. Ai thekson se me të marr informacionin në kohë ishin ekipet e zjarrfikësve dhe të policisë të cilët arritën ta lokalizonin zjarrin.

“Zjarrfikësit dhe Policia kanë qenë të thirrur dhe kur kam ardhur unë, rreth orës 21:00, ata vetëm ishin futur në objekt tek pjesa ku dilte tymi dhe pas një kohe kanë arritur ta lokalizojnë zjarrin, ta largojnë tymin dhe kemi mundur të futemi brenda dhe të vlerësojmë dëmet e shkaktuara. Për fat të mirë ka vetëm dëme materiale jo besoj në vlerë të madhe, janë djegur disa pako të zbrazëta të cilat pastaj e kanë dëmtuar një pjesë të murit dhe tavanit, mirëpo dëme tjera serioze nuk ka. Sa i përket shkaktarit natyrisht policia, hetuesia i kanë thirrur edhe ekspertët e zjarrit dhe ekspertët të elektroteknikës dhe sipas një vlerësimi preliminar mendohet se është për shkak të një defekti në instalimin elektrik. Por megjithatë për ta konfirmuar këtë duhet të presim raportin përfundimtar nga ekspertët e caktuar dhe prokuroria”, shprehet Haliti.

Ai thotë se nga zjarri është dëmtuar një pjesë e objektit që është shfrytëzuar për qëllime logjistike dhe po ashtu disa pako letre që kanë qenë të zbrazëta. Sipas tij, falë intervenimit të shpejtë nuk ka pasur rrezik që zjarri ta kaplojë gjithë IML-në.

“Ato pako kanë qenë të palosura nuk kanë qenë pako kanë qenë vetëm pjesë e kartonit që ne më vonë e shfrytëzojmë për pako, ka qenë pjesë e morgut që është shfrytëzuar për qëllime logjistike dhe ato pako kanë qenë të zbrazëta të palosura dhe nuk kanë pasur kurrfarë materiali brenda neve vetëm na janë dashur vetëm si pjesë e punës në të ardhmen… Për fat të mirë rrezik nuk ka pasur aty ndoshta edhe duke iu falënderuar intervenimit të shpejtë të zjarrfikësve dhe policisë, nuk ka pasur ndonjë rrezik por në të ardhmen nuk duhet as të mendojmë për mundësinë e zjarrit e lëre më ta kemi një zjarr këtu”, thekson zv.drejtori i IML-së.

Ditor Haliti përjashton mundësinë që dora e njeriut të ketë shkaktuar këtë zjarr, pasi shton se edhe në pamjet e kamerave të sigurisë shihet që shkëndija flake dalin si pasojë e instalimit të rrymës.

“Ne i kemi shikuar edhe kamerat së bashku me Policinë dhe shihet shumë qartë momenti se kur fillon zjarri dhe nuk ka kurrfarë elementi, faktori njeri përjashtohet plotësisht dhe në bazë të kamerave shihet qartë se ka qenë thjesht një aksident për shkak të defektit elektrik”, thotë Haliti.

Ndërsa, për këto dëme Instituti i Mjekësisë Ligjore do të formojë një Komision për vlerësim të dëmeve. Sipas Halitit, është e nevojshme të instalohet një sistem i mirë instalimi që mos të rrezikohet ky institucion.

“Sot jemi duke u marr me pastrimin e asaj pjese do të formohet një Komision që do ta bëjë vlerësimin e dëmit dhe pasi të bëhet vlerësimi i dëmit do të dalim me rekomandime se si duhet ta rregullojmë atë pjesë në të ardhmen. Mbështetja nga ministrja nuk ka munguar ata janë të gatshëm të na përkrahin por edhe qeveria me këtë çështje. Por, është e rëndësishme që ne ta instalojmë një sistem në të ardhmen i cili do t’i parandalonte për aq sa mundet ngjarjet e tilla të cilat mund ta rrezikojnë vetë objektin”, thekson ai.

Ndërsa zëdhënësja për medie nga Prokuroria Themelore e Prishtinës, Laureta Ulaj ka deklaruar se janë në pritje të raporteve me të gjeturat nga ekzaminimet e kryera.

“Prokuroria është në pritje të raporteve me të gjeturat nga ekzaminimet e kryera, si dhe në koordinim të plotë me Policinë e Kosovës, IML-në dhe institucionet e tjera relevante është duke vazhduar me ndërmarrjen e veprimeve hetimore deri në sqarimin e plotë të rastit në fjalë”, thuhet në përgjigjen me shkrim.

E gjatë ditës së djeshme Prokuroria Themelore e Prishtinës kishte njoftuar se lidhur me incidentin e zjarrit në Institutin e Mjekësisë Ligjore në Prishtinë të shtunën, janë intervistuar zyrtarë të IML-së, të cilët kanë qenë kujdestarë në kohën kur ka ndodhur incidenti.

Vazhdo të lexosh

Lajmet

​Begaj: Mbështetja e Austrisë për anëtarësimin e Kosovës në KiE shumë e rëndësishme

Kështu deklaroi ai pas takimit me presidentin austriak.

Publikuar

nga

Presidenti i Shqipërisë, Bajram Begaj ka takuar sot presidentin e Austrisë, Van der Bellen, të cilin e ka falënderuar për mbështetjen e plotë që Austria i ka dhënë vazhdimisht Kosovës, si dhe për liberalizimin e vizave, por edhe për dialogun Kosovë-Serbi, që theksoi se është kaq të rëndësishëm për paqen në rajon.

Begaj në konferencën e përbashkët për media me presidentin Van der Bellen, tha se është shumë e rëndësishme mbështetja e Austrisë për anëtarësimin e Kosovës në organizatat ndërkombëtare.

“Shumë e rëndësishme është mbështetja e Austrisë për anëtarësimin e Kosovës në organizatat ndërkombëtare, si dhe për aplikimin e Kosovës në Këshillin e Evropës. E falënderova Presidentin Van der Bellen për mbështetjen e plotë që Austria i ka dhënë vazhdimisht Kosovës, si dhe për liberalizimin e vizave, si dhe së fundmi, për dialogun Kosovë – Serbi, kaq të rëndësishëm për paqen në rajon”, tha ai.

Ai shtoi se së bashku me presidentin e Austrisë kanë ndarë bindjen se ekzistojnë mundësi të shumta për zgjerimin e marrëdhënieve ekonomike, rritjen e shkëmbimeve tregtare dhe të investimeve.

“Austria ka luajtur një rol të rëndësishëm aktiv në mbështetjen e perspektivës evropiane të Shqipërisë; veçanërisht për Konferencën e Parë Ndërqeveritare për hapjen e bisedimeve të anëtarësimit, e cila përfaqëson një hap të rendësishëm në kuadrin e avancimit të bisedimeve për integrim europian midis Shqipërisë dhe Bashkimit Evropian. Në këtë kontekst, kjo vizitë është gjithashtu, një dëshmi e mëtejshme e angazhimit serioz të Austrisë në proceset integruese të Shqipërisë dhe rajonit të Ballkanit Perëndimor, si një vend me lidhje të shumta me këtë rajon, me vëmendje dhe angazhim të vazhdueshëm që rajoni ynë të jetë pjesë e familjes evropiane”, tha ai.

Ai ka falënderuar presidentin Van der Bellen për mbështetjen e Austrisë për zgjedhjen e Shqipërisë si anëtare jo e përhershme në Këshillin e Sigurimit të OKB-së.

Ndërsa, presidenti i Austrisë, Alexander Van der Bellen tha se mbështet atë çfarë tha presidenti Begaj, pasi bisedimet në Ohër me pjesëmarrjen e Borrell, mund të ishin një gur themelor në procesin e normalizimit të marrëdhënieve midis Kosovës dhe Serbisë.

Presidenti Van der Bellen u shpreh se “dialogu midis këtyre vendeve sigurisht që është i vështirë, por të dy janë të ndërgjegjshëm që pa marrëveshje nga të dyja palët, të dyja vendet nuk do kenë të ardhme drejt Bashkimit Evropian”.

Vazhdo të lexosh

Lajmet

Shefi i mbikëqyrjes bërthamore të OKB-së do të vizitojë centralin bërthamor të Zaporizhzhia-s këtë javë

Ai do të vlerësojë sigurinë bërthamore dhe sigurinë e objektit.

Publikuar

nga

Kreu i Agjencisë Ndërkombëtare të Energjisë Atomike (IAEA), Rafael Grossi, pritet të vizitojë termocentralin bërthamor të Zaporizhzhia-s në Ukrainë gjatë kësaj jave.

Përmes një postimi të dielën në Twitter, ai ka thënë se do të vlerësojë sigurinë bërthamore dhe sigurinë e objektit.

“Unë do të vazhdojë përpjekjet për të mbrojtur centralin bërthamor gjatë vazhdimit të konfliktit ushtarak”, deklaroi ai mes tjerash.

Agjencia Ndërkombëtare e Energjisë Atomike lëshoi një deklaratë në të cilën thuhej se Grossi dëshiron të shoh evoluimin e situatës nga muaji shtator dhe të flasë me ata që operojnë në objekt./UBTNews/

Vazhdo të lexosh

Lajmet

Gjermani: Rrjeti i transportit publik hyn në grevë, punëtorët kërkojnë paga më të larta

Dy nga sindikatat më të mëdha të Gjermanisë po kërkojnë paga më të larta.

Publikuar

nga

Rrjeti i transportit të Gjermanisë është pothuajse në një ndalesë, kjo pasi vendi përjeton një nga grevat më të mëdha në dekada.

Stafi në aeroporte, porte, hekurudha, autobusë dhe metro u largua pak pas mesnate për një ndalim 24-orësh.

Dy nga sindikatat më të mëdha të Gjermanisë po kërkojnë paga më të larta për në koston e jetesës.

Ministrja e Brendshme e vendit Nancy Faeser tha se ishte optimiste se një marrëveshje do të arrihet këtë javë.

“Shumë punonjës të shërbimeve publike po vuajnë çmimet e larta të energjisë dhe inflacionin e lartë” i tha ajo Reuters të hënën. “Kjo është arsyeja pse është detyra jonë të gjejmë një marrëveshje të mirë”.

Kohët e fundit ka pasur largime nga nëpunës të tjerë publikë.

“Megagreva” e së hënës, siç është quajtur në mediat lokale, ka prekur trenat e udhëtarëve dhe rajonalë të operuar nga Deutsche Bahn, operatori hekurudhor kombëtar i Gjermanisë.

Shërbimet e transportit lokal, përfshirë tramvajet dhe autobusët, gjithashtu nuk funksionojnë në shtatë shtete.

“Çmimet e benzinës dhe të ushqimeve janë rritur”, tha një protestues në Berlin për agjencinë e lajmeve AFP. “Po e vërej në portofolin tim”.

Mijëra fluturime janë anuluar, përfshirë dy nga aeroportet më të mëdha të vendit – Mynihut dhe Frankfurtit.

Fluturime të shumta nga aeroporti i Mynihut gjithashtu u ndërprenë të dielën nga aksionet e grevës./UBTNews/

Vazhdo të lexosh

Të kërkuara