Sport

Ish-ylli i United viktimë e abuzimit seksual, rrëfeu historinë e tij

Në autobiografinë e tij, “I Love This Game”, Evra flet për abuzimin që thotë se e përjetoi si adoleshent.

Published

4 years ago

on

Ish-ylli i Manchester United dhe Francës, Patrice Evra tha se ai dëshiron ta shfrytëzojë platformën e tij për trajtuar dhunën ndaj fëmijëve pasi rrëfeu historinë e tij si viktimë e abuzimit seksual kur ishte adoleshent.

Në autobiografinë e tij, “I Love This Game”, Evra flet për abuzimin që ai thotë se e përjetoi kur qëndroi në shtëpinë e një mësuesi për shkak se detyrohej të bënte kilometra rrugë nga shtëpia e tij për të shkuar në shkollë.

Evra, i cili në atë kohë ishte 13 vjeç, thotë se mësuesi hynte në dhomën e tij çdo natë dhe se kujton se mbante pizhamet me lidhëse këpucësh për të ndalur sulmet. Pavarësisht se i tha nënës së tij se nuk donte të qëndronte më në atë shtëpi, Evra thotë se nuk i tregoi familjes për përjetimin deri disa javë para se libri i tij të botohej në vitin 2021.

“Nuk dua që njerëzit të vuajnë si unë”, i tha Evra CNN-it.

“Kur këto gjëra ndodhin, ndihesh i turpëruar për veten, ndihesh fajtor, nuk e di se a do të besojnë njerëzit”, deklaroi ai tutje.

Evra nuk e ka paraqitur rastin në polici dhe thotë se e ka mohuar që rasti ka ndodhur kur u pyet nga policia në moshën 24-vjeçare. Ai vendosi ta ndante eksperiencën e tij vetëm pasi foli me të fejuarën e tij, Margaux Alexandra.

“Kjo është arsyeja pse unë nuk dua që njerëzit të më thonë, ‘Wow, Patrice, jeni kaq i guximshëm. Jeni kaq i guximshëm që po e rrëfeni këtë rast. Nuk bëhet fjalë për këtë. Nuk është se viktimat janë të guximshme. Është momenti kur ndiheni i sigurt dhe besoni. Isha shumë me fat. E takova gruan e jetës sime, Margaux, dhe ajo më ndihmoi ta heq qafe gjithë atë maskulinitet toksik dhe të shprehem”, deklaroi ai tutje.

Tani që ish-mbrojtësi është tërhequr nga karriera si futbollist profesional — ai fitoi pesë tituj të Premierligës dhe Ligën e Kampionëve në vitet 2007/08 kur luante për Manchester United dhe e përfaqësoi Francën 81 herë — ai dëshiron të rrisë ndërgjegjësimin për abuzimin e fëmijëve dhe t’i nxisë qeveritë që të mbështesin ato grupe që përpiqen të ndihmojnë të mbijetuarit.

Të flasësh

Ai ka bashkëpunuar me një organizatë “End Violence”, organizatë kjo që synon të parandalojë të gjitha format e dhunës ndaj fëmijëve. Duke ndarë rrëfimin e tij, Evra shpreson se kjo do t’i ndihmojë të tjerët të flasin rreth këtyre temave të papërshtatshme.

“S’dua ta shtyjë askënd të flasë rreth asaj. Mund të merrni mbështetje sepse është lehtë të flisni, por çka tutje? Mbështetja. Kjo është arsyeja pse kjo do të jetë kauza ime përveç futbollit: Unë kam prioritet: fëmijët, barazinë gjinore, racizmin dhe shëndetin mendor. Të gjitha ato gjëra janë vërtet të rëndësishme për mua”, deklaroi ai më tej.

Që nga pensionimi, Evra ka shfrytëzuar rrjetet sociale për të përhapur lumturi dhe pozitivitet, por ai kurrë nuk është shmangur nga trajtimi i çështjeve të mëdha.

Në autobiografinë e tij, ai rrëfen edhe për diskriminimin racor që përjetoi si lojtar, veçanërisht si i ri në Itali, ku luajti për Marsala dhe Monza midis viteve 1998 dhe 2000./UBTNews/

Related Topics:
Continue Reading

Sport

Zhegrova “E dua Juventusin dhe dua të bëj gjëra të mëdha me këtë klub”

Published

3 days ago

on

October 2, 2026

By

Edon Zhegrova luajti vetëm rreth 15 minuta në fund të ndeshjes së Kosovës ndaj Izraelit, e cila përfundoi me rezultat 0-0 në kuadër të Ligës së Kombeve. Në një intervistë ekskluzive për “Sportmediaset”, anësori kosovar foli për përballjen e fundit me Dardanët, të ardhmen e tij te Juventusi dhe objektivat e klubit italian.

“Fakti që nisa nga stoli ishte vendim i trajnerit. Mezi pres ndeshjen tjetër, shpresoj të startoj dhe të luaj”, deklaroi Zhegrova për “Sportmediaset”.

Kosova në ndeshjen e radhës do të përballet me Austrinë, e cila aktualisht kryeson grupin.

“Unë besoj te kombëtarja ime. Kemi lojtarë cilësorë, do të luajmë në shtëpi dhe mendoj se kemi një shans të mirë për të fituar. E njëjta gjë vlen edhe për grupin. Do të bëjmë gjithçka për të përfunduar të parët”, u shpreh ai.

Zhegrova foli edhe për eksperiencën e tij te Juventusi, duke theksuar se ndihet shumë i lumtur që është pjesë e klubit torinez.

“Jam shumë i lumtur që jam te Juventusi. Është një klub i shkëlqyer dhe nuk mund të mos jem i lumtur me shokët e mi të skuadrës, trajnerin, stafin dhe të gjithë ekipin. Është një privilegj për mua të jem pjesë e këtij klubi dhe do të jap më të mirën time sa herë që të zgjidhem për të luajtur”, tha Zhegrova.

Gjatë verës, emri i tij ishte lidhur me një largim të mundshëm nga Juventusi, por kosovari vendosi të qëndrojë në Torino.

“Qëndrova sepse e dua këtë klub dhe dua të arrij diçka të madhe me të. Kur më blenë, isha vërtet i lumtur dhe nuk doja të largohesha nga Juventusi në këtë mënyrë, pa lënë gjurmën time. Kështu që doja të qëndroja dhe tani dua të bëj gjëra të mëdha për këtë klub”, deklaroi ai për “Sportmediaset”.

Zhegrova nuk është përfshirë në listën e Juventusit për Europa League, një vendim që sipas tij i takon trajnerit Luciano Spalletti.

“Është zgjedhja e Spallettit. Çfarëdo që të vendoset, unë do të bëj më të mirën time për klubin dhe respektoj çdo vendim”, u shpreh reprezentuesi i Kosovës.

I pyetur nëse Juventusi mund ta fitojë Scudetton, Zhegrova u shfaq optimist për potencialin e skuadrës.

“Kemi një ekip të shkëlqyer dhe një skuadër shumë të mirë. Do ta marrim ndeshje pas ndeshjeje, me synimin për të fituar çdo ndeshje që luajmë. Mendoj se kemi cilësinë e nevojshme. Në fund do t’i nxjerrim përfundimet”, tha ai.

Në fund, Zhegrova u pyet edhe për rivalitetin me Interin, kampionin në fuqi të Italisë, duke e mbyllur intervistën me një përgjigje me humor.

“A jemi më të fortë se ata? Nuk dua të flas për këtë, por Juventusi është gjithmonë më i mirë”, tha Zhegrova me buzëqeshje.

D.L

Continue Reading

Lajmet

Deputetët e PDK-së lëshojnë mbledhjen e Komisionit: Ligji për Specialen të jetë prioritet absolut

Published

3 days ago

on

October 2, 2026

By

Deputetët e Partisë Demokratike të Kosovës, Ganimete Musliu dhe Fadil Demaku, kanë lëshuar mbledhjen e Komisionit për Administratë Publike, Digjitalizim, Pushtet Lokal, Media dhe Zhvillim Rajonal.

Kjo lëvizje vjen si pjesë e bojkotit të PDK-së në komisionet parlamentare, e cila kërkon që Kuvendi të mos vazhdojë me punë rutinore pa u proceduar paraprakisht ndryshimi i Ligjit për Dhomat e Specializuara.

Deputetja Musliu theksoi se Kuvendi nuk guxon të jetë indiferent ndaj kërkesave të qytetarëve në të gjithë vendin dhe në mërgatë, duke nëvizuar se asnjë çështje tjetër nuk duhet të ketë përparësi para këtij ligji.

Këtë qëndrim e mbështeti edhe deputeti Demaku, i cili u shpreh se projektligji për Dhomat e Specializuara është prioriteti numër një dhe se të gjitha temat e tjera mund të presin. /E.A/

Continue Reading

Sport

Muric ende në dyshim për ndeshjen ndaj Milanit, Sassuolo pret rikthimin e tij

Published

3 days ago

on

October 2, 2026

By

Portieri i Kosovës, Arijanet Muric, vazhdon të jetë në qendër të vëmendjes te Sassuolo, me klubin italian që po e përcjell me shqetësim gjendjen e tij fizike dhe rikthimin në dispozicion.

Muric u dëmtua në minutën e 65-të të ndeshjes mes Kosovës dhe Austrisë, të cilën Dardanët e humbën me rezultat 3-1. Që nga atëherë, gjendja e tij është monitoruar vazhdimisht nga stafi mjekësor i Kosovës.

Sipas “SassuoloNews”, portieri kosovar ende nuk është rikuperuar plotësisht, megjithëse nuk përjashtohet mundësia që ai të jetë i gatshëm për ndeshjet e ardhshme.

Për gjendjen e Muricit kishte folur edhe përzgjedhësi i Kosovës, Franco Foda, para ndeshjes ndaj Izraelit.

“Ai pësoi një goditje në ndeshjen kundër Austrisë. Nuk mendoj se do të jetë në gjendje të luajë kundër Izraelit, por do të shohim se si është për momentin”, kishte deklaruar Foda.

Muric më pas nuk ishte në formacion për përballjen ndaj Izraelit, ndërsa tani vëmendja është kthyer te rikthimi i tij në kampionat.

Sassuolo do të përballet me Milanin të dielën, më 11 tetor, në një ndeshje që nis nga ora 18:00. Megjithatë, Muric aktualisht mbetet në dyshim për këtë sfidë.

Trajneri Alberto Aquilani po e përcjell nga afër situatën dhe, nëse portieri kosovar nuk arrin të rikuperohet në kohë, në portë pritet të aktivizohet Turati.

Për Sassuolon, rikthimi i Muricit do të ishte i rëndësishëm para një përballjeje të vështirë ndaj Milanit. Ditët në vijim pritet të sjellin më shumë qartësi për gjendjen e portierit të Kosovës dhe mundësinë e aktivizimit të tij.

D.L

Continue Reading

Lajmet

Zhegrova pas barazimit me Izraelin: Shpresoj të luaj nga minuta e parë ndaj Austrisë

Published

3 days ago

on

October 2, 2026

By

Edon Zhegrova ka komentuar barazimin pa gola të Kosovës kundër Izraelit, duke shprehur hapur dëshirën për të qenë titullar në sfidën e ardhshme. Sulmuesi kosovar u inkuadrua në fushë vetëm në minutën e 77-të, por në minutat e pakta në dispozicion nuk arriti të ndryshojë rrjedhën e ndeshjes që përfundoi 0-0.

Në një deklaratë për mediumin italian SportMediaset, Zhegrova theksoi se aktivizimi nga stoli matcheshte vendim i trajnerit, ndërsa vëmendjen e ka kthyer nga përballja e radhës.

“Të nisja nga stoli ishte vendim i trajnerit. Mezi pres ndeshjen tjetër, shpresoj të filloj dhe të luaj,” u shpreh ai.

Kosova do të përballet me Austrinë, e cila aktualisht udhëheq grupin. Pavarësisht sfidës së vështirë, 25-vjeçari ka besim të plotë te forca e “Dardanëve” për të kërkuar tre pikët në shtëpi.

“Unë besoj te kombëtarja ime, kemi lojtarë cilësorë. Do të luajmë në shtëpi dhe mendoj se kemi një shans të mirë për të fituar. Do të bëjmë gjithçka edhe për të përfunduar të parët në grup,” shtoi sulmuesi.

Zhegrova kishte shënuar gol nga pika e bardhë në përballjen e kaluar ndaj austriakëve në Vjenë, ku Kosova u mposht me rezultatin 3-1. /D.L/

Continue Reading

Të kërkuara