Sport

Ish-ylli i United viktimë e abuzimit seksual, rrëfeu historinë e tij

Në autobiografinë e tij, “I Love This Game”, Evra flet për abuzimin që thotë se e përjetoi si adoleshent.

Published

4 years ago

June 26, 2022

Betim Gashi

Ish-ylli i Manchester United dhe Francës, Patrice Evra tha se ai dëshiron ta shfrytëzojë platformën e tij për trajtuar dhunën ndaj fëmijëve pasi rrëfeu historinë e tij si viktimë e abuzimit seksual kur ishte adoleshent.

Në autobiografinë e tij, “I Love This Game”, Evra flet për abuzimin që ai thotë se e përjetoi kur qëndroi në shtëpinë e një mësuesi për shkak se detyrohej të bënte kilometra rrugë nga shtëpia e tij për të shkuar në shkollë.

Evra, i cili në atë kohë ishte 13 vjeç, thotë se mësuesi hynte në dhomën e tij çdo natë dhe se kujton se mbante pizhamet me lidhëse këpucësh për të ndalur sulmet. Pavarësisht se i tha nënës së tij se nuk donte të qëndronte më në atë shtëpi, Evra thotë se nuk i tregoi familjes për përjetimin deri disa javë para se libri i tij të botohej në vitin 2021.

“Nuk dua që njerëzit të vuajnë si unë”, i tha Evra CNN-it.

“Kur këto gjëra ndodhin, ndihesh i turpëruar për veten, ndihesh fajtor, nuk e di se a do të besojnë njerëzit”, deklaroi ai tutje.

Evra nuk e ka paraqitur rastin në polici dhe thotë se e ka mohuar që rasti ka ndodhur kur u pyet nga policia në moshën 24-vjeçare. Ai vendosi ta ndante eksperiencën e tij vetëm pasi foli me të fejuarën e tij, Margaux Alexandra.

“Kjo është arsyeja pse unë nuk dua që njerëzit të më thonë, ‘Wow, Patrice, jeni kaq i guximshëm. Jeni kaq i guximshëm që po e rrëfeni këtë rast. Nuk bëhet fjalë për këtë. Nuk është se viktimat janë të guximshme. Është momenti kur ndiheni i sigurt dhe besoni. Isha shumë me fat. E takova gruan e jetës sime, Margaux, dhe ajo më ndihmoi ta heq qafe gjithë atë maskulinitet toksik dhe të shprehem”, deklaroi ai tutje.

Tani që ish-mbrojtësi është tërhequr nga karriera si futbollist profesional — ai fitoi pesë tituj të Premierligës dhe Ligën e Kampionëve në vitet 2007/08 kur luante për Manchester United dhe e përfaqësoi Francën 81 herë — ai dëshiron të rrisë ndërgjegjësimin për abuzimin e fëmijëve dhe t’i nxisë qeveritë që të mbështesin ato grupe që përpiqen të ndihmojnë të mbijetuarit.

Të flasësh

Ai ka bashkëpunuar me një organizatë “End Violence”, organizatë kjo që synon të parandalojë të gjitha format e dhunës ndaj fëmijëve. Duke ndarë rrëfimin e tij, Evra shpreson se kjo do t’i ndihmojë të tjerët të flasin rreth këtyre temave të papërshtatshme.

“S’dua ta shtyjë askënd të flasë rreth asaj. Mund të merrni mbështetje sepse është lehtë të flisni, por çka tutje? Mbështetja. Kjo është arsyeja pse kjo do të jetë kauza ime përveç futbollit: Unë kam prioritet: fëmijët, barazinë gjinore, racizmin dhe shëndetin mendor. Të gjitha ato gjëra janë vërtet të rëndësishme për mua”, deklaroi ai më tej.

Që nga pensionimi, Evra ka shfrytëzuar rrjetet sociale për të përhapur lumturi dhe pozitivitet, por ai kurrë nuk është shmangur nga trajtimi i çështjeve të mëdha.

Në autobiografinë e tij, ai rrëfen edhe për diskriminimin racor që përjetoi si lojtar, veçanërisht si i ri në Itali, ku luajti për Marsala dhe Monza midis viteve 1998 dhe 2000./UBTNews/

Related Topics:viktima Manchester United

Up Next

Presidenti i UEFA-s, Ceferin këmbëngul se projekti i Superligës është i vdekur

Don't Miss

Presidenti i PSG-së, Al-Khelaifi lirohet në gjykatën zvicerane pas gjyqit për korrupsion.

Sport

Anglia dhe Argjentina përballen sonte për biletën e finales

Published

29 minutes ago

July 15, 2026

UBTNews

Gjithçka është gati për një spektakël të madh futbollistik. Anglia dhe Argjentina do të përballen sonte në gjysmëfinalen e Kupës së Botës, në një duel ku vetëm njëra prej tyre do të sigurojë vendin në finalen e madhe, aty ku tashmë pret Spanja, e cila eliminoi Francën.

Përballja pritet të jetë jashtëzakonisht e fortë, pasi të dyja kombëtaret kanë treguar cilësi dhe karakter gjatë gjithë turneut. Anglia synon të rikthehet në finalen e Botërorit dhe të vazhdojë ëndrrën për trofeun e shumëpritur, ndërsa Argjentina kërkon një tjetër finale, duke u mbështetur te përvoja dhe mentaliteti fitues që e ka karakterizuar në ndeshjet eliminatore.

Të dyja skuadrat kanë kaluar pengesa të vështira për të arritur në mesin e katër kombëtareve më të mira të botës, ndërsa sonte nuk do të ketë vend për gabime. Një moment magjik, një gol apo një pritje vendimtare mund të përcaktojë ekipin që do të përballet me Spanjën në finalen e madhe.

Me yje në të dyja kampet dhe me miliona tifozë që do ta ndjekin sfidën nga e gjithë bota, kjo gjysmëfinale premton emocione, ritëm të lartë dhe futboll të nivelit më të lartë. Fituesi do të sigurojë biletën për finalen, ndërsa humbësi do të duhet të kënaqet me ndeshjen për vendin e tretë.

D.L

Sport

FIFA pritet të gjobisë lojtarët dhe trajnerët që kritikuan gjyqtarët

Published

2 hours ago

July 15, 2026

UBTNews

Lojtarët dhe trajnerët që kanë kritikuar publikisht gjyqtarët gjatë Kupës së Botës mund të përballen me masa disiplinore dhe gjoba nga FIFA pas përfundimit të turneut.

Sipas një gazetari të The Athletic, të cituar nga mediumi kroat Jutarnji, përzgjedhësi i Anglisë, Thomas Tuchel, ai i Egjiptit, Hossam Hassan, si dhe mbrojtësi i Zvicrës, Manuel Akanji, janë ndër emrat që kanë shprehur kritikat më të ashpra ndaj arbitrimit.

Burime pranë FIFA-s kanë bërë të ditur se organi qeverisës i futbollit botëror nuk dëshiron të komentojë procedurat disiplinore aktuale apo të mundshme. Megjithatë, sipas të njëjtave burime, nuk përjashtohet mundësia që pas përfundimit të Kupës së Botës të ndërmerren masa ndaj atyre që kanë shkelur rregulloret disiplinore.

Vendimi për çdo sanksion do të bazohet në raportet e gjyqtarëve dhe në vlerësimin e rrethanave të secilit rast.

FIFA ka vepruar në mënyrë të ngjashme edhe pas Kupës së Botës në Katar në vitin 2022, kur sanksionoi disa federata për shkelje të ndryshme disiplinore.

D.L

Sport

Kosova U20 shënon fitoren e parë në Evropian, mposht bindshëm Armeninë

Published

6 hours ago

July 15, 2026

UBTNews

Përfaqësuesja U20 e Kosovës ka regjistruar fitoren e parë në FIBA U20 EuroBasket, Divizioni B, pasi mposhti bindshëm Armeninë me rezultat 86:67, në ndeshjen e katërt të fazës së grupeve.

Dardanët e rinj zhvilluan një paraqitje shumë të mirë gjatë gjithë takimit, duke dominuar në parket dhe duke mos i lënë shumë hapësira kundërshtarit. Loja e organizuar në sulm dhe mbrojtja e fortë i siguruan Kosovës një fitore të merituar.

Më i dalluari në radhët e Kosovës ishte Erolt Rrahmani, i cili e përfundoi ndeshjen me 15 pikë dhe 18 kërcime. Kontribut të rëndësishëm dha edhe Noa Istrefi me 18 pikë, ndërsa Mal Tusuni realizoi “double-double” me 12 pikë dhe 10 kërcime.

Kjo fitore i jep moral dhe vetëbesim ekipit të Kosovës për sfidat e radhës në Kampionatin Evropian U20, Divizioni B.

D.L

Sport

FC Drita eliminohet nga Liga e Kampionëve

Published

6 hours ago

July 15, 2026

UBTNews

Ëndrra e FC Dritës për të vazhduar rrugëtimin në UEFA Champions League mori fund në raundin e parë kualifikues, pasi kampionia e Kosovës u mposht 3:2 nga Kauno Žalgiris në ndeshjen e kthimit, të zhvilluar në stadiumin “Fadil Vokrri”.

Pas barazimit 1:1 në takimin e parë, sfida e kthimit ishte mjaft e luftuar dhe e mbushur me emocione, ndërsa fituesi u vendos vetëm në minutat shtesë, kur mysafirët realizuan golin e fitores nga pika e bardhë.

Kauno Žalgiris kaloi në epërsi në minutën e 9-të me golin e Vykintas Slivka. Drita reagoi shpejt dhe barazoi rezultatin në minutën e 21-të përmes Igball Jasharit. Në pjesën e dytë, Arb Manaj realizoi në minutën e 53-të për t’i dhënë epërsinë kampiones së Kosovës dhe për të rikthyer shpresat për kualifikim.

Megjithatë, skuadra lituaneze nuk u dorëzua. Vykintas Slivka shënoi golin e barazimit në minutën e 82-të, ndërsa në minutën e 94-t, Amine Benchaib u tregua i saktë nga pika e penalltisë, duke vulosur fitoren 3:2 dhe kualifikimin e Kauno Žalgiris në raundin e dytë kualifikues të Ligës së Kampionëve.

Me këtë disfatë, Drita i jep fund rrugëtimit në Champions League dhe tashmë do ta vazhdojë garimin në UEFA Conference League.

D.L