Lajmet

Ish-shefi i OSBE-së: UNMIK-u dhe Qeveria e atëhershme s’i ndihmuan të dhunuarat gjatë luftës

Ai adresoi kritika në drejtim të institucione të atëhershme, për të cilët tha se nuk i kanë trajtuar siç duhet.

Published

4 years ago

on

Instituti Shkencor Kosovar – Suedez organizoi një ligjëratë nga eksperti norvegjez, Josef Martinsen, dëshmitar për veprimet gjenocidiale të serbëve të kryera mbi popullatën shqiptare.

Në këtë ligjëratë, autori shpalosi krimet që janë bërë atë kohë nga forcat serbe. Përmendi dhunimet, masakrat e vrasjet e mizorishme ndaj shqiptarëve në atë kohë.

Josef Martinsen, ish-shef i OSBE-së në Kosovë, ligjëratën e tij e bazoi duke treguar për gratë e dhunuara.

Ai tha se pas përfundimit të luftës, 423 gra të dhunuara pranuan të dëshmonin para Qeverisë së atëhershme dhe UNMIK-ut.

Ai adresoi kritika në drejtim të institucione të atëhershme, për të cilët tha se nuk i kanë trajtuar siç duhet.

“Ky problem i pazgjidhur ka të bëjë me gratë e dhunuara gjatë luftës, e kam përmendur këtë në lobrat e mia por jo shumë është bërë nga Qeveria, por edhe nga UNMIK për t’i ndihmuar gratë e dhunuara. Rasti i veçantë ka të bëjë me 423 gratë e dhunuara. Ato janë pajtuar me UNMIK-un dhe Qeverinë e atëhershmes që ta firmosin një dokument e që tregojnë historinë e tyre dhe për krimin që u janë shfaq. Me anë të nënshkrimit UNMIK dhe Qeveria e atëhershme kanë pranuar t’i ndihmojnë, aty ishin veç 423 gra që pranuan të nënshkruhen, dhe mijëra të tjera nuk pranuan”, tha ai.

Sipas tij, UNMIK dhe Qeveria e atëhershme nuk i ndihmuan ato gra, teksa thotë se gratë e dhunuara nuk u pranuan në familje e shoqëri.

“Për këto gra asgjë nuk ka ndodhur nga ajo kohë, ato e nënshkruan atë dokument, por asgjë nuk ndodhi. Sepse në atë kohë UNMIK dhe Qeveria e atëhershme kishte nevojë për dokumente që tregonin për krimet serbe, kur UNMIK dhe Qeveria e atëhershme i morën ato dëshmi, i treguan Bashkimit Evropian. Ajo çfarë ndodhi kur gratë u kthyen në familje ishte e tmerrshme, ishte përtej imagjinatës. Ato ishin të bëra me gisht, te braktisura dhe nuk iu është dhënë shanc për një vend pune apo diçka tjetër. Kjo është arsyeja që ta prezantojë këtë rast. Detyra jonë është që të trokasim të dyert e qeverisë dhe t’u tregojmë se duhet ta kenë prioritet edhe pas 23 vitesh. Kur ju i shkruani qeverisë, ju edhe pritni përgjigje por kjo nuk ndodhi dhe kjo është e habitshme”, tha tutje ai.

Salihe Salihu drejtoreshë e Institutit Shkencor Kosovar – Suedez, tha se Kosova ka aq shumë ngjarje që janë shkaktuar pa dëshirën e saj, dhe se populli ka pësuar gjenocid me shekuj.

“Para se të vrisnin protestues, duhet përmendur se janë përdorur metoda gjenocidiale edhe duke vrarë fëmijë e duke helmuar të rinj nëpër protesta”, tha ajo.

Related Topics:
Continue Reading

Vendi

Dyshohet për helmim nga ushqimi në Han të Elezit, rreth 65 persona kërkojnë trajtim mjekësor

Published

32 minutes ago

on

July 15, 2026

By

Rreth 65 persona dyshohet se janë helmuar nga ushqimi në Han të Elezit, pas konsumimit të ushqimeve në dy piceri të ndryshme.

Drejtoresha e Shëndetësisë në Komunën e Hanit të Elezit, Kimete Kuka, ka bërë të ditur se janë marrë mostra nga Instituti Kombëtar i Shëndetësisë Publike të Kosovës (IKShPK), në bashkëpunim me Inspektoratin Shëndetësor, ndërsa rezultatet ende janë duke u pritur.

Sipas saj, rastet e para me simptoma të dyshuara të helmimit janë paraqitur të hënën rreth orës 16:00, ndërsa numri më i madh i pacientëve është regjistruar nga ora 23:00 deri në orët e hershme të mëngjesit të së martës.

“Trajtim aktualisht po marrin 65 persona. Dyshohet se 65 është numri i personave të dyshuar për helmim, pasi në total janë mbi 90 persona me simptoma të ngjashme, por një pjesë e tyre dyshohet se janë me virozë”, ka deklaruar Kuka.

Tre persona janë dërguar për trajtim në Qendrën Klinike Universitare të Kosovës.

Ndërkohë, zëdhënësi i Policisë së Kosovës për rajonin e Ferizajt, Kanun Veseli, ka bërë të ditur se nga data 13 deri më 15 korrik janë trajtuar rreth 80 persona me simptoma të diarresë dhe vjelljes në Qendrën Kryesore të Mjekësisë Familjare në Han të Elezit.

Institucionet përkatëse, përfshirë IKShPK-në, janë njoftuar dhe po merren me hetimin e rastit./A.K/

Continue Reading

Rajoni

Apeli lë në fuqi dënimin me 16 vite burg për Mario Pëlleshajn për vrasjen e Martin Canit

Published

37 minutes ago

on

July 15, 2026

By

Gjykata e Apelit të Juridiksionit të Përgjithshëm ka lënë në fuqi vendimin e Gjykatës së Tiranës, duke dënuar me 16 vite burg Mario Pëlleshajn për vrasjen e të miturit Martin Cani.

Pëlleshaj është shpallur fajtor për veprën penale të “vrasjes në rrethana të tjera cilësuese” ndaj Martin Canit, si dhe për “vrasjen në rrethana të tjera cilësuese, mbetur në tentativë” ndaj Luis Meçes, i cili mbeti i plagosur.

Gjykata e Tiranës kishte caktuar fillimisht 12 vite burg për vrasjen e Martin Canit dhe 10 vite burg për tentativën e vrasjes së Luis Meçes. Pas bashkimit të dënimeve, masa përfundimtare ndaj Pëlleshajt ishte 16 vite heqje lirie, vendim që tashmë është konfirmuar edhe nga Apeli.

Ngjarja e rëndë ndodhi më 18 nëntor 2024, pas një konflikti mes të miturve që kishte nisur në shkollën 9-vjeçare “Fan Noli” në Tiranë.

Përplasja përfundoi me vdekjen e Martin Canit dhe plagosjen e Luis Meçes./euronews.al//A.K/

Continue Reading

Vendi

UBT i pari me numrin më të madh të programeve të akredituara në sektorin privat

Published

40 minutes ago

on

July 15, 2026

By

Agjencia e Kosovës për Akreditim (AKA) ka publikuar listën zyrtare të programeve të studimit të akredituara për vitin akademik 2026/2027, duke konfirmuar programet që kanë kaluar me sukses procesin e akreditimit institucional dhe programor sipas standardeve kombëtare dhe ndërkombëtare të sigurimit të cilësisë.

Sipas listës së publikuar nga AKA, UBT prin në sektorin privat me numrin më të madh të programeve të akredituara, duke dëshmuar edhe një herë përkushtimin e institucionit ndaj cilësisë akademike, zhvillimit të vazhdueshëm dhe ofrimit të programeve bashkëkohore që u përgjigjen kërkesave të tregut të punës.

Ky rezultat e forcon pozitën e UBT-së si institucioni privat lider i arsimit të lartë në Kosovë, me një gamë të gjerë programesh studimi në fusha të ndryshme, të cilat plotësojnë standardet e kërkuara të cilësisë dhe u ofrojnë studentëve mundësi për arsimim konkurrues dhe zhvillim profesional.

Publikimi i listës zyrtare nga AKA u shërben maturantëve, studentëve dhe publikut si referencë e besueshme për zgjedhjen e programeve të studimit të akredituara për vitin akademik 2026/2027.

Lista e plotë e programeve të akredituara për vitin akademik 2026/2027 mund të gjendet në këtë link: LINKU

Continue Reading

Lajmet

Zejnulla Gashi pranon detyrën e Kryeprokurorit të Shtetit, premton forcim të sundimit të ligjit

Published

2 hours ago

on

July 15, 2026

By

Zejnulla Gashi ka pranuar zyrtarisht detyrën e Kryeprokurorit të Shtetit nga ushtruesi i detyrës, Agron Qalaj, duke u zotuar se do të punojë për forcimin e sundimit të ligjit.

Pas marrjes së detyrës, Gashi tha se do të jetë kryeprokuror i të gjithë qytetarëve dhe se puna do të fokusohet në bashkëpunim dhe profesionalizëm.

“Faleminderit kolegëve për besimin e dhënë. Unë do të jem kryeprokuror i të gjithëve dhe së bashku të gjithë do të punojmë në forcimin e sundimit të ligjit”, u shpreh Gashi.

Ai u dekretua një ditë më parë nga ushtruesja e detyrës së presidentes, Albulena Haxhiu, pas propozimit të Këshillit Prokurorial të Kosovës.

Institucioni i Kryeprokurorit të Shtetit ka funksionuar me ushtrues detyre që nga viti 2023, pasi presidentja e atëhershme, Vjosa Osmani, nuk e kishte dekretuar Blerim Isufajn në këtë pozitë, duke përmendur shkelje të pretenduara në procesin e përzgjedhjes./A.K/

Continue Reading

Të kërkuara