Sport

Ish-presidenti i Real Madridit, Calderon, kritikon presidentin aktual Perez

Published

on

Ramon Calderon, ish-president i Real Madridit ka folur rreth gjendjes nëpër të cilën është duke kaluar Real Madridi, duke thënë se presidenti i Real Madridit, Florentino Perez po e paguan çmimin për shitjen e yllit portugez Cristiano Ronaldo.

Këtë vit, Ronaldo është duke regjistruar sezonin e tij të tretë me skuadrën e Juventusit, pas shitjes që iu bë nga Florentino Perez. E po këtë gjë po e kritikon Calderon, pasi që sipas tij shitja e Ronaldos ishte një gabim.

“Ai bëri një gabim të madh me Cristiano Ronaldon. Ndoshta unë jam i pjesshëm në këtë çështje sepse Cristiano nënshkroi për mua, por një nga gabimet kryesore të Perez është se ai nuk e pranoi këshillën që mori. Në këtë çështje ai vazhdimisht bënte komente në lidhje me Cristianon dhe marrëdhënia mes tyre nuk ishte e mirë. Në fund ai vendosi të shesë dhe tani ai po ofron një nivel të shkëlqyeshëm me Juventusin, duke konfirmuar se ai është ende një nga lojtarët më të mirë në botë dhe se ai mund të luajë edhe për tre ose katër vjet tjera”, ka thënë ish-presidenti i klubit madrilen, Ramon Calderon.

Madrilenët, që nga shitja e Cristiano Ronaldos nuk janë duke kaluar në një formë të mirë, duke pasur humbje të herëpashershme, si dhe duke rrezikuar kalimin e grupeve në Champions League, kompeticionin ku Ronaldo dhe Real Madrid ishin më të mirët, duke fituar tre herë rresht këtë trofe./UBTNews

Lajmet

Ardon ​Jashari bën presion të madh për të kaluar te Milani

Published

on

Talenti i Club Brugge,  Ardon Jashari, thuhet se po shtyn përpara për një transferim te Milani këtë verë dhe nuk mori pjesë në foton zyrtare të ekipit  sipas “La Gazzetta dello Sport”.

Gazeta këmbëngul se mesfushori zviceran dëshiron të transferohet në San Siro vetëm në merkaton e verës 2025, por klubi i tij ende nuk e ka pranuar propozimin e fundit të Milanit me vlerë 32.5 milionë euro plus 2 milionë euro bonuse.

Jashari rifilloi stërvitjen me pjesën tjetër të ekipit në fillim të kësaj jave, por po bëhet gjithnjë e më i pakënaqur në Brugge, duke pasur parasysh se dëshiron të transferohet në Milano sa më shpejt të jetë e mundur.

22-vjeçari është i vetëdijshëm se nuk do të marrë pjesë në ndeshjet miqësore para-sezonale të Milanit në turneun e tyre në Azi, por shpreson të bashkohet me Rossonerët në fillim të gushtit.

Negociatat midis Milanit dhe Club Brugge janë zvarritur për javë të tëra, kështu që Rossonerët kanë rinisur bisedimet edhe për mesfushorin e Valencias, Javi Guerra , i cili shihet si alternativa kryesore ndaj Jasharit.

 

Continue Reading

Lajmet

Goli i Kosovare Asllanit s’i mjafton Suedisë, eliminohet në çerekfinale

Published

on

Kombëtarja e Suedisë në kategorinë e femrave është eliminuar në çerekfinale nga Anglia në penallti, pasi koha e rregullt u mbyll me rezultat 2:2.

Ishte shqiptarja me shtetësi suedeze, Kosovare Asllani, ajo që ia dha epërsinë e parë Suedisë që në minutën e 2-të të takimit, kurse në minutën e 25-të, Blackstenuis e dyfishoi epërsinë për ta çuar Suedinë në pushim me dy gola më tepër.

Kur ndeshja po shkonte drejt fundit, Anglia e ngushtoi rezultatin në minutën e 79-të me Bronze, ndërsa vetëm dy minuta më vonë, Agyemang barazoi shifrat.

Vazhdimet nuk sollën fitues, ndërsa nga 14 penallti të ekzekutuara, vetëm shtatë u realizuan nga të dyja kombëtaret, ku tri ishin të sakta për Anglinë e vetëm dy për Suedinë.

Continue Reading

Sport

Luis Mota nga FC Porto te FC Prishtina

Published

on

Sulmuesi portugez 21 vjeçar Luis Mota është përforcimi më i ri që i bashkohet ekipit të FC Prishtina.

Mota është me përvojë në strukturat e klubit FC Porto (B), dhe sjell cilësi teknike, shpejtësi si dhe instinkt goli që pritet ta ndihmoj skuadrën tonë në fazën ofensive, e poashtu ka qenë pjesë e skuadrës së Beleneses.

Ky transferim tregon ambiciet e FC Prishtinës për të ndërtuar një skuadër konkurruese jo vetëm në nivel vendor, por edhe në garat ndërkombëtare.

“Jam shumë i lumtur për këtë transferim dhe mundësinë që ta përfaqësoj një klub të madh si Prishtina, faleminderoj udhëheqësin e klubit për besimin që ma kanë dhenë dhe jamë i bindur që së bashku do të arrijmë suksese”, tha Mota./Kosovapress

Continue Reading

Sport

Yamal: Fillimi i një udhëtimi që shpresoj të jetë i gjatë dhe plot fitore

Published

on

Barcelona ka zyrtarizuar rinovimin e kontratës së Lamine Yamal deri në vitin 2031, ndërsa talenti 18-vjeçar do të mbajë tashmë fanellën me numrin 10.

“Ky është fillimi i një udhëtimi që shpresoj të jetë i gjatë dhe plot fitore”, tha Yamal, duke shprehur vendosmërinë për të dhënë gjithçka për klubin që e konsideron si “më të mirin në botë”.

Mesfushori ofensiv u shpreh i motivuar për sezonin e ri, duke thënë se synon të vazhdojë rritjen dhe të ketë një sezon edhe më të mirë se i kaluari. Aktualisht, fokusi i tij është te stërvitjet e dyfishta të planifikuara nga trajneri Hansi Flick në Ciutat Esportiva Joan Gamper./Kosovapress

Continue Reading

Të kërkuara