Këngëtari Ed Sheeran ka njoftuar se do të bëjë një pauzë nga muzika, duke thënë se dëshiron të përqendrohet në rolin e tij si baba.

35-vjeçari e bëri këtë deklaratë gjatë koncertit të parë të turneut të tij në Amerikën e Veriut, në Arizona, ku u shpreh se pas përfundimit të turneut mund të tërhiqet përkohësisht nga skena muzikore.

“Kjo do të jetë hera e fundit që jam këtu për pak kohë… mund të bëj një pushim dhe të jem baba për një farë kohe,” tha Sheeran, duke falënderuar fansat për mbështetjen.

Sheeran është baba i dy fëmijëve me bashkëshorten e tij Cherry Seaborn, me të cilën është i martuar që nga viti 2019.

Kjo nuk është hera e parë që artisti ndalet përkohësisht nga muzika, pasi edhe më herët ka bërë pauza për t’iu përkushtuar jetës familjare.

/A.K/

Rihanna ka vendosur një rekord të ri në industrinë muzikore, duke u bërë gruaja e parë me ngjyrë që arrin 20 këngë me mbi një miliard dëgjime në Spotify.

Sipas të dhënave të publikuara nga Genius, suksesi i artistes shtrihet përgjatë më shumë se dy dekadave, duke përfshirë hite solo dhe bashkëpunime që kanë dominuar skenën globale të muzikës pop.

Në krye të listës qëndron “We Found Love”, me mbi 2.5 miliardë dëgjime, e ndjekur nga “This Is What You Came For” dhe “Umbrella”, të cilat kanë kaluar shifrën e 2 miliardë dëgjimeve.

Katalogu i saj përfshin edhe këngë të njohura si “Diamonds”, “Stay”, “Love On The Brain”, “Only Girl (In The World)”, “Don’t Stop The Music”, “S&M” dhe “Work”, të gjitha me mbi 1.7 miliard dëgjime.

Në listë përfshihen gjithashtu bashkëpunime të suksesshme si “The Monster” dhe “Love The Way You Lie” me Eminem, “Wild Thoughts” me DJ Khaled dhe projekte me Drake.

Ky rekord e konsolidon Rihanna-n si një nga artistet më të dëgjuara dhe më të suksesshme në historinë e platformave digjitale të muzikës.

/A.K/

Aktorja amerikane Daveigh Chase, e njohur për rolin e Samaras në filmin horror “The Ring” dhe për zërin e Lilos në filmin e animuar “Lilo & Stitch”, ka ndërruar jetë në moshën 35-vjeçare.

Lajmi është konfirmuar nga menaxheri i saj afatgjatë, John Ryan Jr., i cili bëri të ditur se Chase vdiq në një spital në Los Anxhelos si pasojë e sepsës, pas një përballjeje me meningjitin.

Sipas tij, aktorja ishte shtruar më herët në spital për shkak të kequshqyerjes.

Chase e nisi karrierën artistike që në fëmijëri dhe u bë e njohur në Hollywood me rolet e saj në filma dhe seriale televizive. Ajo fitoi vlerësime të shumta për interpretimin e personazhit Samara Morgan në “The Ring”, ndërsa zëri i saj në “Lilo & Stitch” mbeti një nga rolet më të dashura për publikun.

Aktorja ishte tërhequr nga aktrimi me kohë të plotë në vitin 2015, duke u fokusuar më shumë në projekte të pavarura dhe jetën private.

Burimi: BBC

/A.K/

Artistja shqiptare me famë botërore, Bebe Rexha, po korr sukses të madh me albumin e saj më të ri “Dirty Blonde”, i cili ka debutuar si një nga më të dëgjuarit në Spotify në nivel global.

Sipas të dhënave të publikuara nga Spotify, albumi është renditur në vendin e tretë në listën e albumeve debutuese më të dëgjuara në botë për periudhën 12–14 qershor, duke konfirmuar rikthimin e fuqishëm të artistes në skenën ndërkombëtare.

Albumi ka pasur performancë të mirë edhe në SHBA, ku është renditur në top 10, duke treguar interes të madh të publikut për projektin e saj të ri muzikor.

“Dirty Blonde” është albumi i katërt në karrierën e Bebe Rexhës dhe i pari si artiste e pavarur, pas ndarjes nga labeli i mëparshëm në vitin 2025.

Albumi përmban 13 këngë, mes tyre edhe bashkëpunime me emra të njohur si Faithless në këngën “New Religion” dhe David Guetta në “Sad Girls”, të cilat po marrin vëmendje të madhe në platformat muzikore.

Me këtë sukses, Bebe Rexha vazhdon të forcojë pozicionin e saj si një nga emrat më të rëndësishëm të muzikës pop ndërkombëtare.

/A.K/