Lajmet

Ish-nënkryetari i Këshillit Atlantik shkruan për Dua Lipën dhe Kosovën pasi këngëtarja u nderua me çmim

Wilson tregoi për përvojën e tij gjatë dhe pas luftës në Kosovë.

Published

on

Ish-nënkryetari i Këshillit Atlantik, Damon Wilson, njëherit kryetar i fondacion privat, i përkushtuar ndaj rritjes dhe forcimit të institucioneve demokratike në mbarë botën “National Endowment for Democracy” (NHS), ka dalë me një shkrim pasi këngëtarja me prejardhje kosovare, Dua Lipa, fitoi Çmimin e Lidershipit të Shquar Artistik 2021 në Këshillin Atlantik.

Wilson tregoi për përvojën e tij gjatë dhe pas luftës në Kosovë, deri tek pavarësia, duke lavdëruar Dua Lipën për arritjet e saj, si dhe popullin e ri demokratik të kosovar, njofton Klankosova.tv.

Shkrimi i plotë:

Fillova karrierën time në Departamentin e Shtetit nën drejtimin e Madeline Albright, duke punuar në zyrën e NATO-s përderisa tensionet etnike u kthyen në luftë në Kosovë. Detyra jonë për të ndihmuar në planifikimin e samitit të 50-vjetorit të NATO-s u shndërrua nga kremtimi i zgjerimit, në mobilizimin e aleatëve për të ndaluar një gjenocid të shpalosur.

Në administratën e Bushit, kam shërbyer në NSC, duke qëndruar pranë Kosovës përderisa shpalli pavarësinë.

Kur punoja në Këshillin Atlantik isha krenarë të jem pjesë e nismës #BallkaniPërparimtar për të mobilizuar mbështetjen e SHBA-së dhe Evropës për reformën dhe integrimin në Ballkan.

Sot, si President i NHS, jemi krenarë që mbështesim shoqërinë civile të Kosovës. Unë e admiroj Kosovën si një demokraci të gjallë. Kjo demokraci e re është bujare duke mirëpritur kohët e fundit afganët e evakuuar.

Në këtë kontekst, pata nderin të prezantoj Dua Lipën, përderisa Këshilli Atlantik e nderoi me Çmimin e Lidershipit të Shquar Artistik 2021. Dua shoqërohej nga presidentja më e re në botë, presidentja e Kosovës, Vjosa Osmani.

Ne festuam në auditoriumin “Andrew W. Mellon”, i njëjti vend ku u themelua aleanca e NATO-s në vitin 1949 dhe ku liderët e NATO-s u mblodhën në vitin 1999 për të ndalur luftën në Kosovë. Simbolika e kësaj linje u dha atyre – dhe mua – rrënqethje.

Një fëmijë i Kosovës, Dua ofroi një vizion dhe sfidë bindëse për Bashkimin Evropian: “A nuk do të ishte e përshtatshme nëse Kosova do të mund të zinte vendin e saj brenda atij bashkimi paqësor, të lulëzonte ekonomikisht përkrah fqinjëve tanë dhe të shëronte lëndimin e konfliktit?”

Duke nderuar Presidenten e Komisionit Evropian, Von der Leyen, dhe marrëdhënia SHBA-BE së bashku me Dua Lipën është një kujtesë se shtëpia e familjes së saj, Kosova, është pjesë e traditës demokratike transatlantike që ne festojmë.

Mbështetja jonë mbetet thelbësore që një Kosovë prosperuese, pluraliste, tolerante – dhe partidashëse – të gjejë shtëpinë e saj – përkrah fqinjëve të saj – në një Evropë të tërë, të lirë dhe në paqe.

Continue Reading

Lajmet

KQZ dhe Komisioni i Venecias mbajnë punëtori për zgjedhjet parlamentare të 9 shkurtit

Published

on

By

Komisioni Qendror i Zgjedhjeve në bashkëpunim me Komisionin e Venecias të Këshillit të Evropës organizoi punëtorinë për mësimet nga zgjedhjet e fundit për Kuvendin e Kosovës, të cilat u mbajtën më 9 shkurt 2025.

Gjatë kësaj punëtorie, ku morën pjesë anëtarë dhe zyrtarë të KQZ-së, përfaqësues të institucioneve të ndryshme (Avokati i Popullit, Paneli Zgjedhor për Ankesa dhe Parashtresa dhe Agjencioni për Parandalimin e Korrupsionit) u trajtuan çështje të ndryshme nga zgjedhjet e 9 shkurtit, me theks të veçantë zgjidhjen e kontesteve zgjedhore dhe monitorimin, dokumentimin dhe sanksionimin e keqpërdorimit të burimeve shtetërore.

Në hapje të punëtorisë, kryesuesi i KQZ-së, Kreshnik Radoniqi shprehu mirënjohje për Komisionin e Venecias për prezencën e tyre në vendin tonë, si një dëshmi e qartë e përkushtimit të përbashkët për të mbështetur standardet demokratike, transparencën dhe sundimin e ligjit në proceset zgjedhore në Kosovë dhe më gjerë.

Po ashtu, kryesuesi Radoniqi shpalosi ecurinë e procesit të fundit zgjedhor dhe sfidat me të cilat është përballur KQZ dhe për mësimet që të bëhen përmirësimet e nevojshme për proceset e ardhshme zgjedhore.

Ndërkaq, nga Sekretariati i Komisionit të Venecias, Michael Janssen falënderoi KQZ-në për këtë organizim të përbashkët dhe shprehu rëndësinë e trajtimit të rekomandimeve.

Punëtoria e organizuar është në përputhje me praktikën standarde të Komisionit të Venecias, i cili zakonisht ofron asistencë para ose pas zgjedhjeve gjatë të cilave merr pjesë në misione vëzhgimi të Asamblesë Parlamentare të Këshillit të Evropës (PACE). Qëllimi i takimit është të ndihmojë në analizën paszgjedhore dhe të kontribuojë në forcimin e integritetit dhe funksionalitetit të proceseve zgjedhore në Kosovë.

Në zgjedhjet e fundit për Kuvendin e Kosovës, një delegacion i Asamblesë Parlamentare të Këshillit të Europës (PACE) ka qëndruar në Kosovë me qëllim që të vlerësojë fushatën zgjedhore dhe klimën politike para zgjedhjeve parlamentare të cilat u mbajtën më 9 shkurt 2025.

Continue Reading

Lajmet

KQZ: Fillon periudha për aplikim të partive për zgjedhjet lokale

Published

on

By

Komisioni Qendror i Zgjedhjeve (KQZ) ka hapur zyrtarisht periudhën për aplikim të subjekteve politike që synojnë të marrin pjesë në zgjedhjet lokale të 12 tetorit 2025. Afati për aplikim do të zgjasë 49 ditë, deri më 13 gusht.

Zëdhënësi i KQZ-së, Valmir Elezi, ka bërë të ditur se për të lehtësuar këtë proces, aplikimi do të mund të bëhet online përmes platformës elektronike të KQZ-së.

“Duke filluar nga sot, subjektet politike mund të aplikojnë për certifikim për pjesëmarrje në zgjedhje. Gjatë kësaj periudhe, ato duhet të dorëzojnë edhe listën me emrat e kandidatëve për kryetarë të komunave dhe për kuvendet komunale”, tha Elezi.

Ai shtoi se vendimi për llojin e pjesëmarrjes dhe për komunat ku do të garojnë i mbetet në dorë secilit subjekt politik. “Subjektet politike mund të vendosin nëse duan të garojnë vetëm për kryetar komune, për kuvend komunal ose për të dyja”, deklaroi Elezi.

Continue Reading

Lajmet

Falsifikim parash në Prishtinë, arrestohet një person

Published

on

By

Njësia për Hetimin e Krimeve Ekonomike në Prishtinë ka ndaluar një person nën dyshimin për prodhim të parasë së falsifikuar. Sipas raportit 24-orësh të Policisë së Kosovës, i dyshuari është arrestuar pas një pune operative hetimore.

Me urdhër të prokurorit, është kryer bastisje në banesën e të dyshuarit, ku janë sekuestruar materiale të ndryshme që shërbenin për prodhimin e kartëmonedhave false. Në mesin e provave të konfiskuara janë: 135 fletë formati A4 me fotokopje të kartëmonedhave të ndryshme, një xham me holograme të prera, një skalper dhe vizore, katër ngjitës, shirit izolues, një printer, një telefon dhe një shumë parash në vlerë prej rreth 4,796 euro.

Pas intervistimit, me vendim të prokurorit, i dyshuari është dërguar në mbajtje.

Continue Reading

Lajmet

Gjashtë raste dhune në familje brenda një dite, tre të dyshuar në mbajtje

Published

on

By

Në raportin 24-orësh të Policisë së Kosovës janë evidentuar gjithsej gjashtë raste të dhunës në familje në qytete të ndryshme të vendit. Rastet përfshijnë dhunë fizike dhe psikike, ndërsa në disa prej tyre janë ndërmarrë masa ligjore ndaj të dyshuarve.

Në Prishtinë janë regjistruar dy raste. Në një rast, një grua ka raportuar se bashkëshorti i saj ka ushtruar dhunë psikike ndaj saj pas një mosmarrëveshjeje. Palët janë shoqëruar në stacionin policor dhe rasti është proceduar në procedurë të rregullt. Në një rast tjetër, një burrë është arrestuar pasi dyshohet se ka sulmuar fizikisht partneren me të cilën bashkëjeton. I njëjti është dërguar në mbajtje me vendim të prokurorit.

Në Ferizaj, është arrestuar një person pasi nëna e tij ka raportuar se i dyshuari, nën ndikim të alkoolit, kishte fyer dhe shtyrë atë. Pas intervistimit, i dyshuari është dërguar në mbajtje.

Në Pejë, është raportuar se një grua ka qenë viktimë e keqtrajtimit fizik nga i dashuri i saj. I dyshuari nuk është gjetur në vendbanimin e tij dhe rasti është duke u hetuar.

Në Vitomiricë, është arrestuar një person nën dyshimin se kishte ushtruar dhunë psikike ndaj babait të tij. I njëjti është dërguar në trajtim psikiatrik dhe më pas i është caktuar masa e ndalimit për 48 orë me vendim të prokurorit.

Në Mitrovicën e Jugut, është raportuar se një grua ka qenë viktimë e dhunës nga bashkëshorti i saj. Është bërë bastisje në shtëpinë e të dyshuarit, por nuk është gjetur ndonjë provë dhe nuk është raportuar për ndonjë arrestim.

Continue Reading

Të kërkuara